[610] Vuṭṭhāpitaṁ pavattiniṁ dve vassāni nānubandhantiyā
pācittiyaṁ kattha paññattanti. Sāvatthiyā paññattaṁ. Kaṁ
ārabbhāti. Sambahulā bhikkhuniyo ārabbha. Kismiṁ vatthusminti.
Sambahulā bhikkhuniyo vuṭṭhāpitaṁ pavattiniṁ dve vassāni nānubandhiṁsu
tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
ekena samuṭṭhānena samuṭṭhāti (paṭhamapārājike).

[611] Sahajīviniṁ vuṭṭhāpetvā neva vūpakāsentiyā na
vūpakāsāpentiyā pācittiyaṁ kattha paññattanti. Sāvatthiyā
paññattaṁ. Kaṁ ārabbhāti. Thullanandaṁ bhikkhuniṁ ārabbha. Kismiṁ
vatthusminti. Thullanandā bhikkhunī sahajīviniṁ vuṭṭhāpetvā neva
vūpakāsesi na vūpakāsāpesi tasmiṁ vatthusmiṁ. Ekā paññatti. Channaṁ
āpattisamuṭṭhānānaṁ ekena samuṭṭhānena samuṭṭhāti (dhuranikkhepe).
Gabbhinīvaggo sattamo.

[612] Ūnavīsativassaṁ kumārībhūtaṁ vuṭṭhāpentiyā pācittiyaṁ kattha
paññattanti. Sāvatthiyā paññattaṁ. Kaṁ ārabbhāti. Sambahulā
bhikkhuniyo ārabbha. Kismiṁ vatthusminti. Sambahulā bhikkhuniyo
ūnavīsativassaṁ kumārībhūtaṁ vuṭṭhāpesuṁ tasmiṁ vatthusmiṁ. Ekā
paññatti. Channaṁ āpattisamuṭṭhānānaṁ tīhi samuṭṭhānehi samuṭṭhāti.

[613] Paripuṇṇavīsativassaṁ kumārībhūtaṁ dve vassāni chasu dhammesu
asikkhitalikkhaṁ vuṭṭhāpentiyā pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Sambahulā bhikkhuniyo
ārabbha. Kismiṁ vatthusminti. Sambahulā bhikkhuniyo
paripuṇṇavīsativassaṁ kumārībhūtaṁ dve vassāni chasu dhammesu
asikkhitasikkhaṁ vuṭṭhāpesuṁ tasmiṁ vatthusmiṁ. Ekā paññatti.
Channaṁ āpattisamuṭṭhānānaṁ tīhi samuṭṭhānehi samuṭṭhāti.

[614] Paripuṇṇavīsativassaṁ kumārībhūtaṁ dve vassāni chasu dhammesu
sikkhitasikkhaṁ saṅghena asammataṁ vuṭṭhāpentiyā pācittiyaṁ kattha
paññattanti. Sāvatthiyā paññattaṁ. Kaṁ ārabbhāti. Sambahulā
bhikkhuniyo ārabbha. Kismiṁ vatthusminti. Sambahulā bhikkhuniyo
paripuṇṇavīsativassaṁ kumārībhūtaṁ dve vassāni chasu dhammesu sikkhitasikkhaṁ
saṅghena asammataṁ vuṭṭhāpesuṁ tasmiṁ vatthusmiṁ. Ekā paññatti.
Channaṁ āpattisamuṭṭhānānaṁ tīhi samuṭṭhānehi samuṭṭhāti.

[615] Ūnadvādasavassāya vuṭṭhāpentiyā pācittiyaṁ kattha
paññattanti. Sāvatthiyā paññattaṁ. Kaṁ ārabbhāti. Sambahulā
bhikkhuniyo ārabbha. Kismiṁ vatthusminti. Sambahulā bhikkhuniyo
ūnadvādasavassā vuṭṭhāpesuṁ tasmiṁ vatthusmiṁ. Ekā paññatti.
Channaṁ āpattisamuṭṭhānānaṁ tīhi samuṭṭhānehi samuṭṭhāti.

[616] Paripuṇṇadvādasavassāya saṅghena asammatāya
vuṭṭhāpentiyā pācittiyaṁ kattha paññattanti. Sāvatthiyā paññattaṁ.
Kaṁ ārabbhāti. Sambahulā bhikkhuniyo ārabbha. Kismiṁ vatthusminti.
Sambahulā bhikkhuniyo paripuṇṇadvādasavassā saṅghena asammatā
vuṭṭhāpesuṁ tasmiṁ vatthusmiṁ. Ekā paññatti. Channaṁ
āpattisamuṭṭhānānaṁ tīhi samuṭṭhānehi samuṭṭhāti. [1]-

[617] Alantāva te ayye vuṭṭhāpitenāti vuccamānāya sādhūti
paṭissuṇitvā pacchā khīyanadhammaṁ āpajjantiyā pācittiyaṁ kattha
paññattanti. Sāvatthiyā paññattaṁ. Kaṁ ārabbhāti. Caṇḍakāliṁ
bhikkhuniṁ ārabbha. Kismiṁ vatthusminti. Caṇḍakālī bhikkhunī alantāva
te ayye vuṭṭhāpitenāti vuccamānā sādhūti paṭissuṇitvā pacchā
khīyanadhammaṁ āpajji tasmiṁ vatthusmiṁ. Ekā paññatti. Channaṁ
āpattisamuṭṭhānānaṁ tīhi samuṭṭhānehi samuṭṭhāti.

[618] Sikkhamānaṁ sace me tvaṁ ayye cīvaraṁ dassasi evāhantaṁ
vuṭṭhāpessāmīti vatvā neva vuṭṭhāpentiyā na vuṭṭhāpanāya ussukkaṁ
karontiyā pācittiyaṁ kattha paññattanti. Sāvatthiyā paññattaṁ.
Kaṁ ārabbhāti. Thullanandaṁ bhikkhuniṁ ārabbha. Kismiṁ vatthusminti.
Thullanandā bhikkhunī sikkhamānaṁ sace me tvaṁ ayye cīvaraṁ dassasi
evāhantaṁ vuṭṭhāpessāmīti vatvā neva vuṭṭhāpesi na vuṭṭhāpanāya
ussukkaṁ akāsi tasmiṁ vatthusmiṁ. Ekā paññatti. Channaṁ
āpattisamuṭṭhānānaṁ ekena samuṭṭhānena samuṭṭhāti (dhuranikkhepe).

[619] Sikkhamānaṁ sace maṁ tvaṁ ayye dve vassāni anubandhissasi
evāhantaṁ vuṭṭhāpessāmīti vatvā neva vuṭṭhāpentiyā na vuṭṭhāpanāya
1 Ma. (dutiyapārājike).
Ussukkaṁ karontiyā pācittiyaṁ kattha paññattanti. Sāvatthiyā
paññattaṁ. Kaṁ ārabbhāti. Thullanandaṁ bhikkhuniṁ ārabbha.
Kismiṁ vatthusminti. Thullanandā bhikkhunī sikkhamānaṁ sace maṁ
tvaṁ ayye dve vassāni anubandhissasi evāhantaṁ vuṭṭhāpessāmīti
vatvā neva vuṭṭhāpesi na vuṭṭhāpanāya ussukkaṁ akāsi tasmiṁ
vatthusmiṁ. Ekā paññatti. Channaṁ āpattisamuṭṭhānānaṁ ekena
samuṭṭhānena samuṭṭhāti (dhuranikkhepe).