พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Vinayapiṭake parivāro (เล่ม 8)

[620] Purisasaṁsaṭṭhaṁ kumārakasaṁsaṭṭhaṁ caṇḍiṁ sokāvassaṁ sikkhamānaṁ
vuṭṭhāpentiyā pācittiyaṁ kattha paññattanti. Sāvatthiyā paññattaṁ.
Kaṁ ārabbhāti. Thullanandaṁ bhikkhuniṁ ārabbha. Kismiṁ vatthusminti.
Thullanandā bhikkhunī purisasaṁsaṭṭhaṁ kumārakasaṁsaṭṭhaṁ caṇḍiṁ sokāvassaṁ
sikkhamānaṁ vuṭṭhāpesi tasmiṁ vatthusmiṁ. Ekā paññatti.
Channaṁ āpattisamuṭṭhānānaṁ tīhi samuṭṭhānehi samuṭṭhāti.

Vinayapiṭake parivāro (เล่ม 8)

[621] Mātāpitūhi vā sāmikena vā ananuññātaṁ sikkhamānaṁ
vuṭṭhāpentiyā pācittiyaṁ kattha paññattanti. Sāvatthiyā paññattaṁ.
Kaṁ ārabbhāti. Thullanandaṁ bhikkhuniṁ ārabbha. Kismiṁ vatthusminti.
Thullanandā bhikkhunī mātāpitūhipi sāmikenapi ananuññātaṁ sikkhamānaṁ
vuṭṭhāpesi tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
catūhi samuṭṭhānehi samuṭṭhāti siyā vācato samuṭṭhāti
na kāyato na cittato siyā kāyato ca vācato ca samuṭṭhāti
Na cittato siyā vācato ca cittato ca samuṭṭhāti na kāyato
siyā kāyato ca vācato ca cittato ca samuṭṭhāti.

Vinayapiṭake parivāro (เล่ม 8)

[622] Pārivāsikacchandadānena sikkhamānaṁ vuṭṭhāpentiyā pācittiyaṁ
kattha paññattanti. Rājagahe paññattaṁ. Kaṁ ārabbhāti. Thullanandaṁ
bhikkhuniṁ ārabbha. Kismiṁ vatthusminti. Thullanandā bhikkhunī
pārivāsikacchandadānena sikkhamānaṁ vuṭṭhāpesi tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ tīhi samuṭṭhānehi
samuṭṭhāti.

Vinayapiṭake parivāro (เล่ม 8)

[623] Anuvassaṁ vuṭṭhāpentiyā pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Sambahulā bhikkhuniyo
ārabbha. Kismiṁ vatthusminti. Sambahulā bhikkhuniyo anuvassaṁ
vuṭṭhāpesuṁ tasmiṁ vatthusmiṁ. Ekā paññatti. Channaṁ
āpattisamuṭṭhānānaṁ tīhi samuṭṭhānehi samuṭṭhāti.

Vinayapiṭake parivāro (เล่ม 8)

[624] Ekaṁ vassaṁ dve vuṭṭhāpentiyā pācittiyaṁ kattha
paññattanti. Sāvatthiyā paññattaṁ. Kaṁ ārabbhāti. Sambahulā
bhikkhuniyo ārabbha. Kismiṁ vatthusminti. Sambahulā bhikkhuniyo
ekaṁ vassaṁ dve vuṭṭhāpesuṁ tasmiṁ vatthusmiṁ. Ekā paññatti.
Channaṁ āpattisamuṭṭhānānaṁ tīhi samuṭṭhānehi samuṭṭhāti.
Kumārībhūtavaggo aṭṭhamo.

Vinayapiṭake parivāro (เล่ม 8)

[625] Chattupāhanaṁ dhārentiyā pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Chabbaggiyā bhikkhuniyo
ārabbha. Kismiṁ vatthusminti. Chabbaggiyā bhikkhuniyo
chattupāhanaṁ dhāresuṁ tasmiṁ vatthusmiṁ. Ekā paññatti ekā
anuppaññatti. Channaṁ āpattisamuṭṭhānānaṁ dvīhi samuṭṭhānehi
samuṭṭhāti (eḷakalomake).

Vinayapiṭake parivāro (เล่ม 8)

[626] Yānena yāyantiyā pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Chabbaggiyā bhikkhuniyo
ārabbha. Kismiṁ vatthusminti. Chabbaggiyā bhikkhuniyo
yānena yāyiṁsu tasmiṁ vatthusmiṁ. Ekā paññatti ekā
anuppaññatti. Channaṁ āpattisamuṭṭhānānaṁ dvīhi samuṭṭhānehi
samuṭṭhāti (eḷakalomake).

Vinayapiṭake parivāro (เล่ม 8)

[627] Saṅghāṇiṁ dhārentiyā pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Aññataraṁ bhikkhuniṁ ārabbha.
Kismiṁ vatthusminti. Aññatarā bhikkhunī saṅghāṇiṁ dhāresi tasmiṁ
vatthusmiṁ. Ekā paññatti. Channaṁ āpattisamuṭṭhānānaṁ dvīhi
samuṭṭhānehi samuṭṭhāti (eḷakalomake).

Vinayapiṭake parivāro (เล่ม 8)

[628] Itthālaṅkāraṁ dhārentiyā pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Chabbaggiyā bhikkhuniyo
ārabbha. Kismiṁ vatthusminti. Chabbaggiyā bhikkhuniyo itthālaṅkāraṁ
dhāresuṁ tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
Dvīhi samuṭṭhānehi samuṭṭhāti (eḷakalomake).

Vinayapiṭake parivāro (เล่ม 8)

[629] Gandhavaṇṇakena nhāyantiyā pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Chabbaggiyā bhikkhuniyo
ārabbha. Kismiṁ vatthusminti. Chabbaggiyā bhikkhuniyo gandhavaṇṇakena
nhāyiṁsu tasmiṁ vatthusmiṁ. Ekā paññatti. Channaṁ
āpattisamuṭṭhānānaṁ dvīhi samuṭṭhānehi samuṭṭhāti (eḷakalomake).