[580] Antovassaṁ cārikaṁ carantiyā pācittiyaṁ kattha paññattanti.
1 Ma. Yu. (dhuranikkhepe).
Rājagahe paññattaṁ. Kaṁ ārabbhāti. Sambahulā bhikkhuniyo
ārabbha. Kismiṁ vatthusminti. Sambahulā bhikkhuniyo antovassaṁ
cārikaṁ cariṁsu tasmiṁ vatthusmiṁ. Ekā paññatti. Channaṁ
āpattisamuṭṭhānānaṁ dvīhi samuṭṭhānehi samuṭṭhāti (eḷakalomake).

[581] Vassaṁ vutthāya bhikkhuniyā cārikaṁ na pakkamantiyā
pācittiyaṁ kattha paññattanti. Rājagahe paññattaṁ. Kaṁ ārabbhāti.
Sambahulā bhikkhuniyo ārabbha. Kismiṁ vatthusminti. Sambahulā
bhikkhuniyo vassaṁ vutthā cārikaṁ na pakkamiṁsu tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ ekena samuṭṭhānena
samuṭṭhāti (paṭhamapārājike).
Tuvaṭṭavaggo catuttho.

[582] Rājāgāraṁ vā cittāgāraṁ vā ārāmaṁ vā uyyānaṁ vā
pokkharaṇiṁ vā dassanāya gacchantiyā pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Chabbaggiyā bhikkhuniyo
ārabbha. Kismiṁ vatthusminti. Chabbaggiyā bhikkhuniyo rājāgāraṁpi
cittāgāraṁpi ārāmaṁpi uyyānaṁpi pokkharaṇiṁpi 1 dassanāya agamaṁsu
tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
dvīhi samuṭṭhānehi samuṭṭhāti (eḷakalomake).

[583] Āsandiṁ vā pallaṅkaṁ vā paribhuñjantiyā pācittiyaṁ
kattha paññattanti. Sāvatthiyā paññattaṁ. Kaṁ ārabbhāti.
1 Ma. Yu. ārāmaṁpi uyyānaṁpi polkharaṇīpīti pāṭhattayaṁ natthi.
Sambahulā bhikkhuniyo ārabbha. Kismiṁ vatthusminti. Sambahulā
bhikkhuniyo āsandiṁpi pallaṅkaṁpi paribhuñjiṁsu tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ dvīhi samuṭṭhānehi
samuṭṭhāti (eḷakalomake).

[584] Suttaṁ kantiyā 1 pācittiyaṁ kattha paññattanti. Sāvatthiyā
paññattaṁ. Kaṁ ārabbhāti. Sambahulā 2 bhikkhuniyo ārabbha.
Kismiṁ vatthusminti. Sambahulā 2 bhikkhuniyo suttaṁ kantiṁsu tasmiṁ
vatthusmiṁ. Ekā paññatti. Channaṁ āpattisamuṭṭhānānaṁ dvīhi
samuṭṭhānehi samuṭṭhāti (eḷakalomake)

[585] Gihiveyyāvaccaṁ karontiyā pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Sambahulā bhikkhuniyo
ārabbha. Kismiṁ vatthusminti. Sambahulā bhikkhuniyo gihiveyyāvaccaṁ
akaṁsu tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
dvīhi samuṭṭhānehi samuṭṭhāti (eḷakalomake).

[586] Bhikkhuniyā 3 ehayye imaṁ adhikaraṇaṁ vūpasamehīti
vuccamānāya sādhūti paṭissuṇitvā neva vūpasamentiyā na vūpasamāya
ussukkaṁ karontiyā pācittiyaṁ kattha paññattanti. Sāvatthiyā
paññattaṁ. Kaṁ ārabbhāti. Thullanandaṁ bhikkhuniṁ ārabbha.
Kismiṁ vatthusminti. Thullanandā bhikkhunī bhikkhuniyā 3 ehayye imaṁ
adhikaraṇaṁ vūpasamehīti vuccamānā sādhūti paṭissuṇitvā neva
1 Ma. Yu. kantantiyā. 2 Ma. Yu. chabbaggiyā. 3 Yu. bhikkhunīhi.
Vūpasamesi na vūpasamāya ussukkaṁ akāsi tasmiṁ vatthusmiṁ. Ekā
paññatti. Channaṁ āpattisamuṭṭhānānaṁ ekena samuṭṭhānena
samuṭṭhāti (dhuranikkhepe).

[587] Āgārikassa vā paribbājakassa vā paribbājikāya
vā sahatthā khādanīyaṁ vā bhojanīyaṁ vā dentiyā pācittiyaṁ kattha
paññattanti. Sāvatthiyā paññattaṁ. Kaṁ ārabbhāti. Thullanandaṁ
bhikkhuniṁ ārabbha. Kismiṁ vatthusminti. Thullanandā bhikkhunī
āgārikassa sahatthā khādanīyampi bhojanīyampi adāsi tasmiṁ
vatthusmiṁ. Ekā paññatti. Channaṁ āpattisamuṭṭhānānaṁ dvīhi
samuṭṭhānehi samuṭṭhāti (eḷakalomake).

[588] Āvasathacīvaraṁ anissajjitvā paribhuñjantiyā pācittiyaṁ kattha
paññattanti. Sāvatthiyā paññattaṁ. Kaṁ ārabbhāti. Thullanandaṁ
bhikkhuniṁ ārabbha. Kismiṁ vatthusminti. Thullanandā bhikkhunī āvasathacīvaraṁ
anissajjitvā paribhuñji tasmiṁ vatthusmiṁ. Ekā paññatti.
Channaṁ āpattisamuṭṭhānānaṁ dvīhi samuṭṭhānehi samuṭṭhāti (kaṭhinake).

[589] Āvasathaṁ anissajjitvā cārikaṁ pakkamantiyā pācittiyaṁ
kattha paññattanti. Sāvatthiyā paññattaṁ. Kaṁ ārabbhāti.
Thullanandaṁ bhikkhuniṁ ārabbha. Kismiṁ vatthusminti. Thullanandā
bhikkhunī āvasathaṁ anissajjitvā cārikaṁ pakkāmi tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ dvīhi samuṭṭhānehi
Samuṭṭhāti (kaṭhinake).