[570] Dubbalacīvarapaccāsāya cīvarakālasamayaṁ atikkāmentiyā
pācittiyaṁ kattha paññattanti. Sāvatthiyā paññattaṁ. Kaṁ
ārabbhāti. Thullanandaṁ bhikkhuniṁ ārabbha. Kismiṁ vatthusminti.
1 Ma. Yu. agārikassa. sabbattha īdisameva.
Thullanandā bhikkhunī dubbalacīvarapaccāsāya cīvarakālasamayaṁ atikkāmesi
tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
tīhi samuṭṭhānehi samuṭṭhāti.

[571] Dhammikaṁ kaṭhinuddhāraṁ paṭibāhantiyā pācittiyaṁ kattha
paññattanti. Sāvatthiyā paññattaṁ. Kaṁ ārabbhāti. Thullanandaṁ
bhikkhuniṁ ārabbha. Kismiṁ vatthusminti. Thullanandā bhikkhunī dhammikaṁ
kaṭhinuddhāraṁ paṭibāhi tasmiṁ vatthusmiṁ. Ekā paññatti. Channaṁ
āpattisamuṭṭhānānaṁ tīhi samuṭṭhānehi samuṭṭhāti.
Nhānavaggo tatiyo.

[572] Dvinnaṁ bhikkhunīnaṁ ekamañce tuvaṭṭentīnaṁ pācittiyaṁ
kattha paññattanti. Sāvatthiyā paññattaṁ. Kaṁ ārabbhāti.
Sambahulā bhikkhuniyo ārabbha. Kismiṁ vatthusminti. Sambahulā
bhikkhuniyo dve ekamañce tuvaṭṭesuṁ tasmiṁ vatthusmiṁ. Ekā
paññatti. Channaṁ āpattisamuṭṭhānānaṁ dvīhi samuṭṭhānehi
samuṭṭhāti (eḷakalomake).

[573] Dvinnaṁ bhikkhunīnaṁ ekattharaṇapāpuraṇe 1 tuvaṭṭentīnaṁ
pācittiyaṁ kattha paññattanti. Sāvatthiyā paññattaṁ. Kaṁ
ārabbhāti. Sambahulā bhikkhuniyo ārabbha. Kismiṁ vatthusminti.
Sambahulā bhikkhuniyo dve ekattharaṇapāpuraṇe 1 tuvaṭṭesuṁ tasmiṁ
vatthusmiṁ. Ekā paññatti. Channaṁ āpattisamuṭṭhānānaṁ dvīhi
1 Ma. Yu. ekattharaṇapāvuraṇe.
Samuṭṭhānehi samuṭṭhāti (eḷakalomake).

[574] Bhikkhuniyā sañcicca aphāsuṁ karontiyā pācittiyaṁ kattha
paññattanti. Sāvatthiyā paññattaṁ. Kaṁ ārabbhāti. Thullanandaṁ
bhikkhuniṁ ārabbha. Kismiṁ vatthusminti. Thullanandā bhikkhunī
bhikkhuniyā sañcicca aphāsuṁ akāsi tasmiṁ vatthusmiṁ. Ekā
paññatti. Channaṁ āpattisamuṭṭhānānaṁ tīhi samuṭṭhānehi samuṭṭhāti.

[575] Dukkhitaṁ sahajīviniṁ neva upaṭṭhāpentiyā na upaṭṭhāpanāya
ussukkaṁ karontiyā pācittiyaṁ kattha paññattanti. Sāvatthiyā
paññattaṁ. Kaṁ ārabbhāti. Thullanandaṁ bhikkhuniṁ ārabbha.
Kismiṁ vatthusminti. Thullanandā bhikkhunī dukkhitaṁ sahajīviniṁ neva
upaṭṭhāpesi 1 na upaṭṭhāpanāya ussukkaṁ akāsi tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ ekena samuṭṭhānena
samuṭṭhāti (dhuranikkhepe).

[576] Bhikkhuniyā upassayaṁ datvā kupitāya anattamanāya nikkaḍḍhantiyā
pācittiyaṁ kattha paññattanti. Sāvatthiyā paññattaṁ.
Kaṁ ārabbhāti. Thullanandaṁ bhikkhuniṁ ārabbha. Kismiṁ vatthusminti.
Thullanandā bhikkhunī bhikkhuniyā upassayaṁ datvā kupitā anattamanā
nikkaḍḍhi tasmiṁ vatthusmiṁ. Ekā paññatti. Channaṁ
āpattisamuṭṭhānānaṁ tīhi samuṭṭhānehi samuṭṭhāti.

[577] Saṁsaṭṭhāya bhikkhuniyā yāvatatiyaṁ samanubhāsanāya nappaṭinissajjantiyā
1 Ma. Yu. upaṭṭhesi.
Pācittiyaṁ kattha paññattanti. Sāvatthiyā paññattaṁ.
Kaṁ ārabbhāti. Caṇḍakāliṁ bhikkhuniṁ ārabbha. Kismiṁ vatthusminti.
Caṇḍakālī bhikkhunī saṁsaṭṭhā vihari tasmiṁ vatthusmiṁ. Ekā
paññatti. Channaṁ āpattisamuṭṭhānānaṁ ekena samuṭṭhānena
samuṭṭhāti (samunubhāsanāya) 1 .

[578] Antoraṭṭhe sāsaṅkasammate sappaṭibhaye asatthikāya
cārikaṁ carantiyā pācittiyaṁ kattha paññattanti. Sāvatthiyā
paññattaṁ. Kaṁ ārabbhāti. Sambahulā bhikkhuniyo ārabbha.
Kismiṁ vatthusminti. Sambahulā bhikkhuniyo antoraṭṭhe sāsaṅkasammate
sappaṭibhaye asatthikāyo cārikaṁ cariṁsu tasmiṁ vatthusmiṁ. Ekā
paññatti. Channaṁ āpattisamuṭṭhānānaṁ dvīhi samuṭṭhānehi
samuṭṭhāti (eḷakalomake).

[579] Tiroraṭṭhe sāsaṅkasammate sappaṭibhaye asatthikāya
cārikaṁ carantiyā pācittiyaṁ kattha paññattanti. Sāvatthiyā
paññattaṁ. Kaṁ ārabbhāti. Sambahulā bhikkhuniyo ārabbha.
Kismiṁ vatthusminti. Sambahulā bhikkhuniyo tiroraṭṭhe sāsaṅkasammate
sappaṭibhaye asatthikāyo cārikaṁ cariṁsu tasmiṁ vatthusmiṁ. Ekā
paññatti. Channaṁ āpattisamuṭṭhānānaṁ dvīhi samuṭṭhānehi samuṭṭhāti.
(eḷakalomake).