[550] Uccāraṁ vā passāvaṁ vā kheḷaṁ 3 vā saṅkāraṁ vā vighāsaṁ
vā harite chaḍḍentiyā pācittiyaṁ kattha paññattanti. Sāvatthiyā
paññattaṁ. Kaṁ ārabbhāti. Sambahulā bhikkhuniyo ārabbha.
Kismiṁ vatthusminti. Sambahulā bhikkhuniyo uccārampi passāvampi
kheḷampi saṅkārampi vighāsampi harite chaḍḍesuṁ tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ chahi samuṭṭhānehi
samuṭṭhāti.

[551] Naccaṁ vā gītaṁ vā vāditaṁ vā dassanāya gacchantiyā
1-2-3 ayaṁ pāṭho natthi.
Pācittiyaṁ kattha paññattanti. Rājagahe paññattaṁ. Kaṁ
ārabbhāti. Chabbaggiyā bhikkhuniyo ārabbha. Kismiṁ vatthusminti.
Chabbaggiyā bhikkhuniyo naccampi gītampi vāditampi dassanāya agamaṁsu
tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
dvīhi samuṭṭhānehi samuṭṭhāti (eḷakalomake).
Lasuṇavaggo paṭhamo.

[552] Rattandhakāre appadīpe purisena saddhiṁ ekenekāya
santiṭṭhantiyā pācittiyaṁ kattha paññattanti. Sāvatthiyā paññattaṁ.
Kaṁ ārabbhāti. Aññataraṁ bhikkhuniṁ ārabbha. Kismiṁ vatthusminti.
Aññatarā bhikkhunī rattandhakāre appadīpe purisena saddhiṁ ekenekā
santiṭṭhi tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
dvīhi samuṭṭhānehi samuṭṭhāti (theyyasatthake).

[553] Paṭicchanne okāse purisena saddhiṁ ekenekāya
santiṭṭhantiyā pācittiyaṁ kattha paññattanti. Sāvatthiyā paññattaṁ.
Kaṁ ārabbhāti. Aññataraṁ bhikkhuniṁ ārabbha. Kismiṁ vatthusminti.
Aññatarā bhikkhunī paṭicchanne okāse purisena saddhiṁ ekenekā
santiṭṭhi tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
dvīhi samuṭṭhānehi samuṭṭhāti (theyyasatthake)

[554] Ajjhokāse purisena saddhiṁ ekenekāya santiṭṭhantiyā
pācittiyaṁ kattha paññattanti. Sāvatthiyā paññattaṁ. Kaṁ
Ārabbhāti. Aññataraṁ bhikkhuniṁ ārabbha. Kismiṁ vatthusminti.
Aññatarā bhikkhunī ajjhokāse purisena saddhiṁ ekenekā santiṭṭhi
tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
dvīhi samuṭṭhānehi samuṭṭhāti (theyyasatthake).

[555] Rathiyāya vā byūhe vā siṅghāṭake vā purisena saddhiṁ
ekenekāya santiṭṭhantiyā pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Thullanandaṁ bhikkhuniṁ
ārabbha. Kismiṁ vatthusminti. Thullanandā bhikkhunī rathiyāyapi
byūhepi siṅghāṭakepi purisena saddhiṁ ekenekā santiṭṭhi tasmiṁ
vatthusmiṁ. Ekā paññatti. Channaṁ āpattisamuṭṭhānānaṁ dvīhi
samuṭṭhānehi samuṭṭhāti (theyyasatthake).

[556] Purebhattaṁ kulāni upasaṅkamitvā āsane nisīditvā
sāmike anāpucchā pakkamantiyā pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Aññataraṁ bhikkhuniṁ ārabbha.
Kismiṁ vatthusminti. Aññatarā bhikkhunī purebhattaṁ kulāni upasaṅkamitvā
āsane nisīditvā sāmike anāpucchā pakkāmi tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ dvīhi samuṭṭhānehi
samuṭṭhāti (kaṭhinake).

[557] Pacchābhattaṁ kulāni upasaṅkamitvā sāmike anāpucchā
āsane nisīdantiyā 1 pācittiyaṁ kattha paññattanti. Sāvatthiyā
1 Ma. Yu. abhinisīdantiyā.
Paññattaṁ. Kaṁ ārabbhāti. Thullanandaṁ bhikkhuniṁ ārabbha.
Kismiṁ vatthusminti. Thullanandā bhikkhunī pacchābhattaṁ kulāni
upasaṅkamitvā sāmike anāpucchā āsane nisīdi 1 tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ dvīhi samuṭṭhānehi
samuṭṭhāti (kaṭhinake).

[558] Vikāle kulāni upasaṅkamitvā sāmike anāpucchā seyyaṁ
santharitvā vā santharāpetvā vā abhinisīdantiyā pācittiyaṁ kattha
paññattanti. Sāvatthiyā paññattaṁ. Kaṁ ārabbhāti. Sambahulā
bhikkhuniyo ārabbha. Kismiṁ vatthusminti. Sambahulā bhikkhuniyo
vikāle kulāni upasaṅkamitvā sāmike anāpucchā seyyaṁ santharitvā
abhinisīdiṁsu tasmiṁ vatthusmiṁ. Ekā paññatti. Channaṁ
āpattisamuṭṭhānānaṁ dvīhi samuṭṭhānehi samuṭṭhāti (kaṭhinake).

[559] Duggahitena dūpadhāritena paraṁ ujjhāpentiyā pācittiyaṁ
kattha paññattanti. Sāvatthiyā paññattaṁ. Kaṁ ārabbhāti.
Aññataraṁ bhikkhuniṁ ārabbha. Kismiṁ vatthusminti. Aññatarā
bhikkhunī duggahitena dūpadhāritena paraṁ ujjhāpesi tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ tīhi samuṭṭhānehi
samuṭṭhāti.