[540] Atirekāḍḍhateyyakaṁsaparamaṁ lahupāpuraṇaṁ cetāpentiyā
nissaggiyaṁ pācittiyaṁ kattha paññattanti. Sāvatthiyā paññattaṁ.
Kaṁ ārabbhāti. Thullanandaṁ bhikkhuniṁ ārabbha. Kismiṁ vatthusminti.
Thullanandā bhikkhunī rājānaṁ khomaṁ viññāpesi tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ chahi samuṭṭhānehi
1 Ma. garupāvuraṇaṁ.
Samuṭṭhāti.
Dvādasa nissaggiyā pācittiyā niṭṭhitā.
Tassuddānaṁ

[541] Pattaṁ akālakālañca parivaṭṭe ca viññape 1
cetāpetvā aññadatthi saṅghikañca mahājani 2
saññācikā puggalikā catukkaṁsaḍḍhateyyakāti.
---------

[542] Yantena bhagavatā jānatā passatā arahatā sammāsambuddhena
lasuṇaṁ khādantiyā pācittiyaṁ kattha paññattanti. Sāvatthiyā
paññattaṁ. Kaṁ ārabbhāti. Thullanandaṁ bhikkhuniṁ ārabbha. Kismiṁ
vatthusminti. Thullanandā bhikkhunī na mattaṁ jānitvā lasuṇaṁ harāpesi
tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
dvīhi samuṭṭhānehi samuṭṭhāti (eḷakalomake).

[543] Sambādhe lomaṁ saṁharāpentiyā pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Chabbaggiyā
bhikkhuniyo ārabbha. Kismiṁ vatthusminti. Chabbaggiyā bhikkhuniyo
sambādhe lomaṁ saṁharāpesuṁ tasmiṁ vatthusmiṁ. Ekā paññatti.
Channaṁ āpattisamuṭṭhānānaṁ catūhi samuṭṭhānehi samuṭṭhāti.

[544] Talaghātake pācittiyaṁ kattha paññattanti. Sāvatthiyā
paññattaṁ. Kaṁ ārabbhāti. Dve bhikkhuniyo ārabbha. Kismiṁ
1 Ma. Yu. viññāpe. 2 Ma. mahājanikaṁ.
Vatthusminti. Dve bhikkhuniyo talaghātakamakaṁsu tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ ekena samuṭṭhānena
samuṭṭhāti (paṭhamapārājike).

[545] Jatumaṭṭhake pācittiyaṁ kattha paññattanti. Sāvatthiyā
paññattaṁ. Kaṁ ārabbhāti. Aññataraṁ bhikkhuniṁ ārabbha. Kismiṁ
vatthusminti. Aññatarā bhikkhunī jatumaṭṭhakaṁ ādiyi tasmiṁ
vatthusmiṁ. Ekā paññatti. Channaṁ āpattisamuṭṭhānānaṁ ekena
samuṭṭhānena samuṭṭhāti (paṭhamapārājike)

[546] Atirekadvaṅgulapabbaparamaṁ udakasuddhikaṁ ādiyantiyā pācittiyaṁ
kattha paññattanti. Sakkesu paññattaṁ. Kaṁ ārabbhāti.
Aññataraṁ bhikkhuniṁ ārabbha. Kismiṁ vatthusminti. Aññatarā
bhikkhunī atigambhīraṁ udakasuddhikaṁ ādiyi tasmiṁ vatthusmiṁ. Ekā
paññatti. Channaṁ āpattisamuṭṭhānānaṁ ekena samuṭṭhānena
samuṭṭhāti (paṭhamapārājike).

[547] Bhikkhussa bhuñjantassa pānīyena vā vidhūpanena vā
upatiṭṭhantiyā pācittiyaṁ kattha paññattanti. Sāvatthiyā paññattaṁ.
Kaṁ ārabbhāti. Aññataraṁ bhikkhuniṁ ārabbha. Kismiṁ vatthusminti.
Aññatarā bhikkhunī bhikkhussa bhuñjantassa pānīyena ca vidhūpanena ca
upatiṭṭhi tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
dvīhi samuṭṭhānehi samuṭṭhāti (eḷakalomake).

[548] Āmakadhaññaṁ viññāpetvā bhuñjantiyā pācittiyaṁ kattha
paññattanti. Sāvatthiyā paññattaṁ. Kaṁ ārabbhāti. Sambahulā
bhikkhuniyo ārabbha. Kismiṁ vatthusminti. Sambahulā bhikkhuniyo
āmakadhaññaṁ viññāpetvā bhuñjiṁsu tasmiṁ vatthusmiṁ. Ekā
paññatti. Channaṁ āpattisamuṭṭhānānaṁ catūhi samuṭṭhānehi samuṭṭhāti.

[549] Uccāraṁ vā passāvaṁ vā kheḷaṁ 1 vā saṅkāraṁ vā vighāsaṁ
vā tirokuḍḍe chaḍḍentiyā pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Aññataraṁ bhikkhuniṁ ārabbha.
Kismiṁ vatthusminti. Aññatarā bhikkhunī uccāraṁpi passāvaṁpi
kheḷaṁpi 2 saṅkāraṁpi vighāsaṁpi tirokuḍḍe chaḍḍesi tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ chahi samuṭṭhānehi
samuṭṭhāti.