[560] Attānaṁ vā paraṁ vā nirayena vā brahmacariyena vā
abhisapantiyā pācittiyaṁ kattha paññattanti. Sāvatthiyā paññattaṁ.
1 Ma. Yu. abhinisīdi.
Kaṁ ārabbhāti. Caṇḍakāliṁ bhikkhuniṁ ārabbha. Kismiṁ vatthusminti.
Caṇḍakālī bhikkhunī attānampi parampi nirayenapi brahmacariyenapi
abhisapi tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
tīhi samuṭṭhānehi samuṭṭhāti.

[561] Attānaṁ vadhitvā vadhitvā rodantiyā pācittiyaṁ kattha
paññattanti. Sāvatthiyā paññattaṁ. Kaṁ ārabbhāti. Caṇḍakāliṁ
bhikkhuniṁ ārabbha. Kismiṁ vatthusminti. Caṇḍakālī bhikkhunī
attānaṁ vadhitvā vadhitvā rodi tasmiṁ vatthusmiṁ. Ekā
paññatti. Channaṁ āpattisamuṭṭhānānaṁ ekena samuṭṭhānena
samuṭṭhāti (dhuranikkhepe).
Rattandhakāravaggo dutiyo.

[562] Naggāya nhāyantiyā pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Sambahulā bhikkhuniyo
ārabbha. Kismiṁ vatthusminti. Sambahulā bhikkhuniyo naggā
nhāyiṁsu tasmiṁ vatthusmiṁ. Ekā paññatti. Channaṁ
āpattisamuṭṭhānānaṁ dvīhi samuṭṭhānehi samuṭṭhāti (eḷakalomake).

[563] Pamāṇātikkantaṁ udakasāṭikaṁ kārāpentiyā pācittiyaṁ
kattha paññattanti. Sāvatthiyā paññattaṁ. Kaṁ ārabbhāti.
Chabbaggiyā bhikkhuniyo ārabbha. Kismiṁ vatthusminti. Chabbaggiyā
bhikkhuniyo appamāṇikāyo udakasāṭikāyo dhāresuṁ tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ chahi samuṭṭhānehi
samuṭṭhāti.

[564] Bhikkhuniyā cīvaraṁ visibbetvā vā visibbāpetvā vā
neva sibbāpentiyā 1 na sibbāpanāya ussukkaṁ karontiyā pācittiyaṁ
kattha paññattanti. Sāvatthiyā paññattaṁ. Kaṁ ārabbhāti.
Thullanandaṁ bhikkhuniṁ ārabbha. Kismiṁ vatthusminti. Thullanandā
bhikkhunī bhikkhuniyā cīvaraṁ visibbāpetvā neva sibbesi na sibbāpanāya
ussukkaṁ akāsi tasmiṁ vatthusmiṁ. Ekā paññatti. Channaṁ
āpattisamuṭṭhānānaṁ ekena samuṭṭhānena samuṭṭhāti (dhuranikkhepe).

[565] Pañcāhikaṁ saṅghāṭivāraṁ atikkāmentiyā pācittiyaṁ
kattha paññattanti. Sāvatthiyā paññattaṁ. Kaṁ ārabbhāti.
Sambahulā bhikkhuniyo ārabbha. Kismiṁ vatthusminti. Sambahulā
bhikkhuniyo bhikkhunīnaṁ hatthe cīvaraṁ nikkhipitvā santaruttarena janapadacārikaṁ
pakkamiṁsu tasmiṁ vatthusmiṁ. Ekā paññatti. Channaṁ
āpattisamuṭṭhānānaṁ dvīhi samuṭṭhānehi samuṭṭhāti (kaṭhinake).

[566] Cīvarasaṅkamanīyaṁ dhārentiyā pācittiyaṁ kattha paññattanti.
Sāvatthiyā paññattaṁ. Kaṁ ārabbhāti. Aññataraṁ bhikkhuniṁ
ārabbha. Kismiṁ vatthusminti. Aññatarā bhikkhunī [2]- bhikkhuniyā
cīvaraṁ anāpucchā pārupi tasmiṁ vatthusmiṁ. Ekā paññatti.
Channaṁ āpattisamuṭṭhānānaṁ dvīhi samuṭṭhānehi samuṭṭhāti (kaṭhinake).
1 Ma. Yu. sibbentiyā. 2 Ma. Yu. aññatarāya.

[567] Gaṇassa cīvaralābhaṁ antarāyaṁ karontiyā pācittiyaṁ
kattha paññattanti. Sāvatthiyā paññattaṁ. Kaṁ ārabbhāti.
Thullanandaṁ bhikkhuniṁ ārabbha. Kismiṁ vatthusminti. Thullanandā
bhikkhunī gaṇassa cīvaralābhaṁ antarāyaṁ akāsi tasmiṁ vatthusmiṁ.
Ekā paññatti. Channaṁ āpattisamuṭṭhānānaṁ tīhi samuṭṭhānehi
samuṭṭhāti.

[568] Dhammikaṁ cīvaravibhaṅgaṁ paṭibāhantiyā pācittiyaṁ kattha
paññattanti. Sāvatthiyā paññattaṁ. Kaṁ ārabbhāti. Thullanandaṁ
bhikkhuniṁ ārabbha. Kismiṁ vatthusminti. Thullanandā bhikkhunī
dhammikaṁ cīvaravibhaṅgaṁ paṭibāhi tasmiṁ vatthusmiṁ. Ekā paññatti.
Channaṁ āpattisamuṭṭhānānaṁ tīhi samuṭṭhānehi samuṭṭhāti.

[569] Āgārikassa 1 vā paribbājakassa vā paribbājikāya
vā samaṇacīvaraṁ dentiyā pācittiyaṁ kattha paññattanti. Sāvatthiyā
paññattaṁ. Kaṁ ārabbhāti. Thullanandaṁ bhikkhuniṁ ārabbha. Kismiṁ
vatthusminti. Thullanandā bhikkhunī āgārikassa 1 samaṇacīvaraṁ adāsi
tasmiṁ vatthusmiṁ. Ekā paññatti. Channaṁ āpattisamuṭṭhānānaṁ
chahi samuṭṭhānehi samuṭṭhāti.