[400] Vaṇṇaṁ bhaṇati nāma dve magge thometi vaṇṇeti
pasaṁsati. Avaṇṇaṁ bhaṇati nāma dve magge khuṁseti vambheti
garahati. Yācati nāma dehi me dadāhi me arahasi me dātunti.
Āyācati nāma kadā te mātā pasīdissati kadā te pitā
pasīdissati kadā te devatāyo pasīdissanti kadā te sukhaṇo
sulayo sumuhutto bhavissati kadā te methunaṁ dhammaṁ labhissāmīti.
Pucchati nāma kathaṁ tvaṁ sāmikassa desi kathaṁ jārassa desīti.
Paṭipucchati nāma evaṁ kira tvaṁ sāmikassa desi evaṁ jārassa
desīti. Ācikkhati nāma puṭṭho bhaṇati evaṁ dehi evaṁ dentī
sāmikassa piyā bhavissasi manāpā cāti. Anusāsati nāma apuṭṭho
bhaṇati evaṁ dehi evaṁ dentī sāmikassa piyā bhavissasi manāpā
cāti. Akkosati nāma animittāsi nimittamattāsi alohitāsi
Dhuvalohitāsi dhuvacoḷāsi paggharantīsi sikhiraṇīsi itthīpaṇḍakāsi
vepurisikāsi sambhinnāsi ubhatobyañjanakāsīti.

[401] Itthī ca hoti itthīsaññī sāratto ca bhikkhu ca naṁ
itthiyā vaccamaggaṁ passāvamaggaṁ ādissa vaṇṇaṁpi bhaṇati avaṇṇaṁpi
bhaṇati yācatipi āyācatipi pucchatipi paṭipucchatipi ācikkhatipi
anusāsatipi akkosatipi āpatti saṅghādisesassa. Itthī ca hoti
vematiko paṇḍakasaññī purisasaññī tiracchānagatasaññī sāratto ca
bhikkhu ca naṁ itthiyā vaccamaggaṁ passāvamaggaṁ ādissa vaṇṇaṁpi
bhaṇati avaṇṇaṁpi bhaṇati .pe. Akkosatipi āpatti thullaccayassa.
Paṇḍako ca hoti paṇḍakasaññī sāratto ca bhikkhu ca naṁ paṇḍakassa
vaccamaggaṁ passāvamaggaṁ ādissa vaṇṇaṁpi bhaṇati avaṇṇaṁpi bhaṇati
.pe. Akkosatipi āpatti thullaccayassa. Paṇḍako ca hoti
vematiko purisasaññī tiracchānagatasaññī itthīsaññī sāratto ca
bhikkhu ca naṁ paṇḍakassa vaccamaggaṁ passāvamaggaṁ ādissa vaṇṇaṁpi
bhaṇati avaṇṇaṁpi bhaṇati .pe. Akkosatipi āpatti dukkaṭassa.
Puriso ca hoti purisasaññī vematiko tiracchānagatasaññī itthīsaññī
paṇḍakasaññī sāratto ca bhikkhu ca naṁ purisassa vaccamaggaṁ passāvamaggaṁ
ādissa vaṇṇaṁpi bhaṇati avaṇṇaṁpi bhaṇati .pe. Akkosatipi
āpatti dukkaṭassa. Tiracchānagato ca hoti tiracchānagatasaññī
vematiko itthīsaññī paṇḍakasaññī purisasaññī sāratto ca bhikkhu ca
Naṁ tiracchānagatassa vaccamaggaṁ passāvamaggaṁ ādissa vaṇṇaṁpi bhaṇati
avaṇṇaṁpi bhaṇati .pe. Akkosatipi āpatti dukkaṭassa.

[402] Dve itthiyo dvinnaṁ itthīnaṁ itthīsaññī sāratto ca
bhikkhu ca naṁ dvinnaṁ itthīnaṁ vaccamaggaṁ passāvamaggaṁ ādissa
vaṇṇaṁpi bhaṇati avaṇṇaṁpi bhaṇati .pe. Akkosatipi āpatti
dvinnaṁ saṅghādisesānaṁ. Dve itthiyo dvinnaṁ itthīnaṁ vematiko
paṇḍakasaññī purisasaññī tiracchānagatasaññī sāratto ca bhikkhu ca
naṁ dvinnaṁ itthīnaṁ vaccamaggaṁ passāvamaggaṁ ādissa vaṇṇaṁpi bhaṇati
avaṇṇaṁpi bhaṇati .pe. Akkosatipi āpatti dvinnaṁ thullaccayānaṁ.
Dve paṇḍakā dvinnaṁ paṇḍakānaṁ paṇḍakasaññī sāratto ca bhikkhu
ca naṁ dvinnaṁ paṇḍakānaṁ vaccamaggaṁ passāvamaggaṁ ādissa vaṇṇaṁpi
bhaṇati avaṇṇaṁpi bhaṇati .pe. Akkosatipi āpatti dvinnaṁ
thullaccayānaṁ. Dve paṇḍakā dvinnaṁ paṇḍakānaṁ vematiko
purisasaññī tiracchānagatasaññī itthīsaññī sāratto ca bhikkhu ca
naṁ dvinnaṁ paṇḍakānaṁ vaccamaggaṁ passāvamaggaṁ ādissa vaṇṇaṁpi
bhaṇati avaṇṇaṁpi bhaṇati .pe. Akkosatipi āpatti dvinnaṁ
dukkaṭānaṁ. Dve purisā dvinnaṁ purisānaṁ purisasaññī vematiko
tiracchānagatasaññī itthīsaññī paṇḍakasaññī sāratto ca bhikkhu
ca naṁ dvinnaṁ purisānaṁ vaccamaggaṁ passāvamaggaṁ ādissa vaṇṇaṁpi
bhaṇati avaṇṇaṁpi bhaṇati .pe. Akkosatipi āpatti dvinnaṁ
Dukkaṭānaṁ. Dve tiracchānagatā dvinnaṁ tiracchānagatānaṁ tiracchānagatasaññī
vematiko itthīsaññī paṇḍakasaññī purisasaññī sāratto ca
bhikkhu ca naṁ dvinnaṁ tiracchānagatānaṁ vaccamaggaṁ passāvamaggaṁ ādissa
vaṇṇaṁpi bhaṇati avaṇṇaṁpi bhaṇati .pe. Akkosatipi āpatti
dvinnaṁ dukkaṭānaṁ.

[403] Itthī ca paṇḍako ca ubhinnaṁ itthīsaññī sāratto
ca bhikkhu ca naṁ ubhinnaṁ vaccamaggaṁ passāvamaggaṁ ādissa
vaṇṇaṁpi bhaṇati avaṇṇaṁpi bhaṇati .pe. Akkosatipi āpatti
saṅghādisesena dukkaṭassa. Itthī ca paṇḍako ca ubhinnaṁ vematiko
.pe. Āpatti thullaccayena dukkaṭassa .pe. Paṇḍakasaññī
.pe. Āpatti dvinnaṁ thullaccayānaṁ .pe. Purisasaññī .pe.
Tiracchānagatasaññī sāratto ca bhikkhu ca naṁ ubhinnaṁ vaccamaggaṁ
passāvamaggaṁ ādissa vaṇṇaṁpi bhaṇati avaṇṇaṁpi bhaṇati .pe.
Akkosatipi āpatti thullaccayena dukkaṭassa. Itthī ca puriso ca
ubhinnaṁ itthīsaññī sāratto ca bhikkhu ca naṁ ubhinnaṁ vaccamaggaṁ
passāvamaggaṁ ādissa vaṇṇaṁpi bhaṇati avaṇṇaṁpi bhaṇati .pe.
Akkosatipi āpatti saṅghādisesena dukkaṭassa. Itthī ca puriso
ca ubhinnaṁ vematito paṇḍakasaññī purisasaññī tiracchānagatasaññī
sāratto ca bhikkhu ca naṁ ubhinnaṁ vaccamaggaṁ passāvamaggaṁ ādissa
vaṇṇaṁpi bhaṇati avaṇṇaṁpi bhaṇati .pe. Akkosatipi āpatti
Thullaccayena dukkaṭassa. Itthī ca tiracchānagato ca ubhinnaṁ itthīsaññī
sāratto ca bhikkhu ca naṁ ubhinnaṁ vaccamaggaṁ passāvamaggaṁ
ādissa vaṇṇaṁpi bhaṇati avaṇṇaṁpi bhaṇati .pe. Akkosatipi
āpatti saṅghādisesena dukkaṭassa. Itthī ca tiracchānagato ca
ubhinnaṁ vematiko paṇḍakasaññī purisasaññī tiracchānagatasaññī
sāratto ca bhikkhu ca naṁ ubhinnaṁ vaccamaggaṁ passāvamaggaṁ ādissa
vaṇṇaṁpi bhaṇati avaṇṇaṁpi bhaṇati .pe. Akkosatipi āpatti
thullaccayena dukkaṭassa. Paṇḍako ca puriso ca ubhinnaṁ paṇḍakasaññī
sāratto ca bhikkhu ca naṁ ubhinnaṁ vaccamaggaṁ passāvamaggaṁ ādissa
vaṇṇaṁpi bhaṇati avaṇṇaṁpi bhaṇati .pe. Akkosatipi āpatti
thullaccayena dukkaṭassa. Paṇḍako ca puriso ca ubhinnaṁ vematiko
purisasaññī tiracchānagatasaññī itthīsaññī sāratto ca bhikkhu ca naṁ
ubhinnaṁ vaccamaggaṁ passāvamaggaṁ ādissa vaṇṇaṁpi bhaṇati avaṇṇaṁpi
bhaṇati .pe. Akkosatipi āpatti dvinnaṁ dukkaṭānaṁ. Paṇḍako
ca tiracchānagato ca ubhinnaṁ paṇḍakasaññī sāratto ca bhikkhu ca
naṁ ubhinnaṁ vaccamaggaṁ passāvamaggaṁ ādissa vaṇṇaṁpi bhaṇati avaṇṇaṁpi
bhaṇati .pe. Akkosatipi āpatti thullaccayena dukkaṭassa.
Paṇḍako ca tiracchānagato ca ubhinnaṁ vematiko purisasaññī
tiracchānagatasaññī itthīsaññī sāratto ca bhikkhu ca naṁ ubhinnaṁ
vaccamaggaṁ passāvamaggaṁ ādissa vaṇṇaṁpi bhaṇati avaṇṇaṁpi bhaṇati
.pe. Akkosatipi āpatti dvinnaṁ dukkaṭānaṁ. Puriso ca
tiracchānagato ca ubhinnaṁ purisasaññī vematiko tiracchānagatasaññī
itthīsaññī paṇḍakasaññī sāratto ca bhikkhu ca naṁ ubhinnaṁ
vaccamaggaṁ passāvamaggaṁ ādissa vaṇṇaṁpi bhaṇati avaṇṇaṁpi bhaṇati
.pe. Akkosatipi āpatti dvinnaṁ dukkaṭānaṁ.

[404] Itthī ca hoti itthīsaññī sāratto ca bhikkhu ca naṁ
itthiyā vaccamaggaṁ passāvamaggaṁ ṭhapetvā adhakkhakaṁ ubbhajāṇumaṇḍalaṁ
ādissa vaṇṇaṁpi bhaṇati avaṇṇaṁpi bhaṇati .pe. Akkosatipi
āpatti thullaccayassa. Paṇḍako ca hoti itthīsaññī .pe.
Puriso ca hoti itthīsaññī .pe. Tiracchānagato ca hoti
itthīsaññī .pe. Āpatti dukkaṭassa. Dve itthiyo dvinnaṁ
itthīnaṁ itthīsaññī sāratto ca bhikkhu ca naṁ dvinnaṁ itthīnaṁ
vaccamaggaṁ passāvamaggaṁ ṭhapetvā adhakkhakaṁ ubbhajāṇumaṇḍalaṁ
ādissa vaṇṇaṁpi bhaṇati avaṇṇaṁpi bhaṇati .pe. Akkosatipi
āpatti dvinnaṁ thullaccayānaṁ. Itthī ca paṇḍako ca ubhinnaṁ
itthīsaññī sāratto ca bhikkhu ca naṁ ubhinnaṁ vaccamaggaṁ
passāvamaggaṁ ṭhapetvā adhakkhakaṁ ubbhajāṇumaṇḍalaṁ ādissa vaṇṇaṁpi
bhaṇati avaṇṇaṁpi bhaṇati .pe. Akkosatipi āpatti thullaccayena
dukkaṭassa.

[405] Itthī ca hoti itthīsaññī sāratto ca bhikkhu ca
Naṁ itthiyā ubbhakkhakaṁ adhojāṇumaṇḍalaṁ ādissa vaṇṇaṁpi bhaṇati
avaṇṇaṁpi bhaṇati .pe. Akkosatipi āpatti dukkaṭassa.
Paṇḍako ca hoti itthīsaññī .pe. Pariso ca hoti itthīsaññī
.pe. Tiracchānagato ca hoti itthīsaññī .pe. Āpatti
dukkaṭassa. Dve itthiyo dvinnaṁ itthīnaṁ itthīsaññī sāratto
ca bhikkhu ca naṁ dvinnaṁ itthīnaṁ ubbhakkhakaṁ adhojāṇumaṇḍalaṁ ādissa
vaṇṇaṁpi bhaṇati avaṇṇaṁpi bhaṇati .pe. Akkosatipi āpatti
dvinnaṁ dukkaṭānaṁ. Itthī ca paṇḍako ca ubhinnaṁ itthīsaññī
sāratto ca bhikkhu ca naṁ ubhinnaṁ ubbhakkhakaṁ adhojāṇumaṇḍalaṁ
ādissa vaṇṇaṁpi bhaṇati avaṇṇaṁpi bhaṇati .pe. Akkosatipi
āpatti dvinnaṁ dukkaṭānaṁ. Itthī ca hoti itthīsaññī sāratto
ca bhikkhu ca naṁ itthiyā kāyapaṭibaddhaṁ ādissa vaṇṇaṁpi bhaṇati
avaṇṇaṁpi bhaṇati .pe. Akkosatipi āpatti dukkaṭassa.
Paṇḍako ca hoti .pe. Puriso ca hoti .pe. Tiracchānagato
ca hoti .pe. Āpatti dukkaṭassa. Dve itthiyo dvinnaṁ
itthīnaṁ itthīsaññī sāratto ca bhikkhu ca naṁ dvinnaṁ itthīnaṁ
kāyapaṭibaddhaṁ ādissa vaṇṇaṁpi bhaṇati avaṇṇaṁpi bhaṇati .pe.
Akkosatipi āpatti dvinnaṁ dukkaṭānaṁ. Itthī ca paṇḍako ca
ubhinnaṁ itthīsaññī sāratto ca bhikkhu ca naṁ ubhinnaṁ kāyapaṭibaddhaṁ
ādissa vaṇṇaṁpi bhaṇati avaṇṇaṁpi bhaṇati .pe. Akkosatipi
Āpatti dvinnaṁ dukkaṭānaṁ.

[406] Anāpatti atthapurekkhārassa dhammapurekkhārassa
anusāsanīpurekkhārassa ummattakassa ādikammikassāti.

[407] Lohitaṁ kakkasākiṇṇaṁ kharaṁ dīghañca vāpitaṁ
kacci saṁsarati 1 maggo saddhā dānena kammunāti.

[408] Tena kho pana samayena aññatarā itthī navarattaṁ kambalaṁ
pārutā hoti. Aññataro bhikkhu sāratto taṁ itthiṁ etadavoca
lohitaṁ kho te bhaginīti. Sā na paṭivijānāti āma ayya
navaratto kambaloti. Tassa kukkuccaṁ ahosi kacci nu kho ahaṁ
saṅghādisesaṁ āpattiṁ āpannoti. Bhagavato etamatthaṁ ārocesi.
Anāpatti bhikkhu saṅghādisesassa āpatti dukkaṭassāti. Tena
kho pana samayena aññatarā itthī kakkasakambalaṁ pārutā hoti.
Aññataro bhikkhu sāratto taṁ itthiṁ etadavoca kakkasalomaṁ kho
te bhaginīti. Sā na paṭivijānāti āma ayya kakkasakambaloti.
Tassa kukkuccaṁ ahosi .pe. Anāpatti bhikkhu saṅghādisesassa
āpatti dukkaṭassāti. Tena kho pana samayena aññatarā itthī
navadhotaṁ kambalaṁ pārutā hoti. Aññataro bhikkhu sāratto
taṁ itthiṁ etadavoca ākiṇṇalomaṁ kho te bhaginīti. Sā
na paṭivijānāti āma ayya navadhoto kambaloti. Tassa
1 Yu. Ma. saṁsīdati.
Kukkuccaṁ ahosi .pe. Anāpatti bhikkhu saṅghādisesassa āpatti
dukkaṭassāti. Tena kho pana samayena aññatarā itthī kharakambalaṁ
pārutā hoti. Aññataro bhikkhu sāratto taṁ itthiṁ etadavoca
kharalomaṁ kho te bhaginīti. Sā na paṭivijānāti āma ayya
kharakambaloti. Tassa kukkuccaṁ ahosi .pe. Anāpatti bhikkhu
saṅghādisesassa āpatti dukkaṭassāti.

[409] Tena kho pana samayena aññatarā itthī dīghapāvāraṁ
pārutā hoti. Aññataro bhikkhu sāratto taṁ itthiṁ etadavoca
dīghalomaṁ kho te bhaginīti. Sā na paṭivijānāti āma ayya
dīghapāvāroti. Tassa kukkuccaṁ ahosi .pe. Anāpatti bhikkhu
saṅghādisesassa āpatti dukkaṭassāti.