[380] Itthī ca hoti itthīsaññī sāratto ca bhikkhu ca naṁ
itthiyā kāyena kāyaṁ āmasati parāmasati omasati ummasati olaṅghati
1 Yu. Ma. niggaṇhanā.
Ullaṅghati ākaḍḍhati paṭikaḍḍhati abhiniggaṇhāti abhinippīḷeti
gaṇhāti chupati āpatti saṅghādisesassa. Itthī ca hoti vematiko
sāratto ca bhikkhu ca naṁ itthiyā kāyena kāyaṁ āmasati parāmasati
.pe. Gaṇhāti chupati āpatti thullaccayassa. Itthī ca hoti
paṇḍakasaññī sāratto ca bhikkhu ca naṁ itthiyā kāyena kāyaṁ
āmasati parāmasati .pe. Gaṇhāti chupati āpatti thullaccayassa.
Itthī ca hoti purisasaññī sāratto ca bhikkhu ca naṁ itthiyā
kāyena kāyaṁ āmasati parāmasati .pe. Gaṇhāti chupati āpatti
thullaccayassa. Itthī ca hoti tiracchānagatasaññī sāratto ca
bhikkhu ca naṁ itthiyā kāyena kāyaṁ āmasati parāmasati .pe.
Gaṇhāti chupati āpatti thullaccayassa. Paṇḍako ca hoti
paṇḍakasaññī sāratto ca bhikkhu ca naṁ paṇḍakassa kāyena
kāyaṁ āmasati parāmasati .pe. Gaṇhāti chupati āpatti
thullaccayassa. Paṇḍako ca hoti vematiko sāratto ca bhikkhu
ca naṁ paṇḍakassa kāyena kāyaṁ āmasati parāmasati .pe.
Gaṇhāti chupati āpatti dukkaṭassa. Paṇḍako ca hoti
purisasaññī sāratto ca bhikkhu ca naṁ paṇḍakassa kāyena kāyaṁ
āmasati parāmasati .pe. Gaṇhāti chupati āpatti dukkaṭassa.
Paṇḍako ca hoti tiracchānagatasaññī sāratto ca bhikkhu ca naṁ
paṇḍakassa kāyena kāyaṁ āmasati parāmasati .pe. Gaṇhāti
Chupati āpatti dukkaṭassa. Paṇḍako ca hoti itthīsaññī
sāratto ca bhikkhu ca naṁ paṇḍakassa kāyena kāyaṁ āmasati
parāmasati .pe. Gaṇhāti chupati āpatti dukkaṭassa. Puriso
ca hoti purisasaññī sāratto ca bhikkhu ca naṁ purisassa kāyena
kāyaṁ āmasati parāmasati .pe. Gaṇhāti chupati āpatti
dukkaṭassa. Puriso ca hoti vematiko sāratto ca bhikkhu ca
naṁ purisassa kāyena kāyaṁ āmasati parāmasati .pe. Gaṇhāti
chupati āpatti dukkaṭassa. Puriso ca hoti tiracchānagatasaññī
sāratto ca bhikkhu ca naṁ purisassa kāyena kāyaṁ āmasati
parāmasati .pe. Gaṇhāti chupati āpatti dukkaṭassa. Puriso
ca hoti itthīsaññī sāratto ca bhikkhu ca naṁ purisassa kāyena
kāyaṁ āmasati parāmasati .pe. Gaṇhāti chupati āpatti
dukkaṭassa. Puriso ca hoti paṇḍakasaññī sāratto ca bhikkhu
ca naṁ purisassa kāyena kāyaṁ āmasati parāmasati .pe. Gaṇhāti
chupati āpatti dukkaṭassa. Tiracchānagato ca hoti tiracchānagatasaññī
sāratto ca bhikkhu ca naṁ tiracchānagatassa kāyena kāyaṁ
parāmasati .pe. Gaṇhāti chupati āpatti dukkaṭassa.
Tiracchānagato ca hoti vematiko sāratto ca bhikkhu ca naṁ
tiracchānagatassa kāyena kāyaṁ āmasati parāmasati .pe. Gaṇhāti
chupati āpatti dukkaṭassa. Tiracchānagato ca hoti itthīsaññī
Sāratto ca bhikkhu ca naṁ tiracchānagatassa kāyena kāyaṁ āmasati
parāmasati .pe. Gaṇhāti chupati āpatti dukkaṭassa. Tiracchānagato
ca hoti paṇḍakasaññī sāratto ca bhikkhu ca naṁ tiracchānagatassa
kāyena kāyaṁ āmasati parāmasati .pe. Gaṇhāti chupati āpatti
dukkaṭassa. Tiracchānagato ca hoti purisasaññī sāratto ca
bhikkhu ca naṁ tiracchānagatassa kāyena kāyaṁ āmasati parāmasati
.pe. Gaṇhāti chupati āpatti dukkaṭassa 1 .

[381] Dve itthiyo dvinnaṁ itthīnaṁ itthīsaññī sāratto
ca bhikkhu ca naṁ dvinnaṁ itthīnaṁ kāyena kāyaṁ āmasati parāmasati
.pe. Gaṇhāti chupati āpatti dvinnaṁ saṅghādisesānaṁ. Dve
itthiyo dvinnaṁ itthīnaṁ vematiko sāratto ca bhikkhu ca naṁ dvinnaṁ
itthīnaṁ kāyena kāyaṁ āmasati parāmasati .pe. Gaṇhāti chupati
āpatti dvinnaṁ thullaccayānaṁ. Dve itthiyo dvinnaṁ itthīnaṁ
paṇḍakasaññī .pe. Dve itthiyo dvinnaṁ itthīnaṁ purisasaññī
.pe. Dve itthiyo dvinnaṁ itthīnaṁ tiracchānagatasaññī sāratto
ca bhikkhu ca naṁ dvinnaṁ itthīnaṁ kāyena kāyaṁ āmasati parāmasati
.pe. Gaṇhāti chupati āpatti dvinnaṁ thullaccayānaṁ. Dve
paṇḍakā dvinnaṁ paṇḍakānaṁ paṇḍakasaññī sāratto ca bhikkhu ca
naṁ dvinnaṁ paṇḍakānaṁ kāyena kāyaṁ āmasati parāmasati .pe.
1 ito paraṁ Yu. Ma. potthakesu ekamūlakanti dissati.
Gaṇhāti chupati āpatti dvinnaṁ thullaccayānaṁ. Dve paṇḍakā
dvinnaṁ paṇḍakānaṁ vematiko .pe. Dve paṇḍakā dvinnaṁ
paṇḍakānaṁ purisasaññī .pe. Dve paṇḍakā dvinnaṁ paṇḍakānaṁ
tiracchānagatasaññī .pe. Dve paṇḍakā dvinnaṁ paṇḍakānaṁ
itthīsaññī sāratto ca bhikkhu ca naṁ dvinnaṁ paṇḍakānaṁ kāyena
kāyaṁ āmasati parāmasati .pe. Gaṇhāti chupati āpatti dvinnaṁ
dukkaṭānaṁ. Dve purisā dvinnaṁ purisānaṁ purisasaññī sāratto
ca bhikkhu ca naṁ dvinnaṁ purisānaṁ kāyena kāyaṁ āmasati parāmasati
.pe. Gaṇhāti chupati āpatti dvinnaṁ dukkaṭānaṁ. Dve
purisā dvinnaṁ purisānaṁ vematiko .pe. Dve purisā dvinnaṁ
purisānaṁ tiracchānagatasaññī .pe. Dve purisā dvinnaṁ purisānaṁ
itthīsaññī .pe. Dve purisā dvinnaṁ purisānaṁ paṇḍakasaññī
sāratto ca bhikkhu ca naṁ dvinnaṁ purisānaṁ kāyena kāyaṁ āmasati
parāmasati .pe. Gaṇhāti chupati āpatti dvinnaṁ dukkaṭānaṁ.
Dve tiracchānagatā dvinnaṁ tiracchānagatānaṁ tiracchānagatasaññī
sāratto ca bhikkhu ca naṁ dvinnaṁ tiracchānagatānaṁ kāyena kāyaṁ
āmasati parāmasati .pe. Gaṇhāti chupati āpatti dvinnaṁ
dukkaṭānaṁ. Dve tiracchānagatā dvinnaṁ tiracchānagatānaṁ vematiko
.pe. Dve tiracchānagatā dvinnaṁ tiracchānagatānaṁ itthīsaññī
.pe. Dve tiracchānagatā dvinnaṁ tiracchānagatānaṁ paṇḍakasaññī
.pe. Dve tiracchānagatā dvinnaṁ tiracchānagatānaṁ purisasaññī
sāratto ca bhikkhu ca naṁ dvinnaṁ tiracchānagatānaṁ kāyena kāyaṁ
āmasati parāmasati .pe. Gaṇhāti chupati āpatti dvinnaṁ
dukkaṭānaṁ.

[382] Itthī ca paṇḍako ca ubhinnaṁ itthīsaññī sāratto
ca bhikkhu ca naṁ ubhinnaṁ kāyena kāyaṁ āmasati parāmasati .pe.
Gaṇhāti chupati āpatti saṅghādisesena dukkaṭassa. Itthī ca
paṇḍako ca ubhinnaṁ vematiko sāratto ca bhikkhu ca naṁ ubhinnaṁ
kāyena kāyaṁ āmasati parāmasati .pe. Gaṇhāti chupati āpatti
thullaccayena dukkaṭassa. Itthī ca paṇḍako ca ubhinnaṁ
paṇḍakasaññī sāratto ca bhikkhu ca naṁ ubhinnaṁ kāyena kāyaṁ
āmasati parāmasati .pe. Gaṇhāti chupati āpatti dvinnaṁ
thullaccayānaṁ. Itthī ca paṇḍako ca ubhinnaṁ purisasaññī sāratto
ca bhikkhu ca naṁ ubhinnaṁ kāyena kāyaṁ āmasati parāmasati .pe.
Gaṇhāti chupati āpatti thullaccayena dukkaṭassa. Itthī ca
paṇḍako ca ubhinnaṁ tiracchānagatasaññī sāratto ca bhikkhu ca naṁ
ubhinnaṁ kāyena kāyaṁ āmasati parāmasati .pe. Gaṇhāti chupati
āpatti thullaccayena dukkaṭassa. Itthī ca puriso ca ubhinnaṁ
itthīsaññī sāratto ca bhikkhu ca naṁ ubhinnaṁ kāyena kāyaṁ āmasati
parāmasati .pe. Gaṇhāti chupati āpatti saṅghādisesena dukkaṭassa.
Itthī ca puriso ca ubhinnaṁ vematiko sāratto ca bhikkhu ca naṁ
ubhinnaṁ kāyena kāyaṁ āmasati parāmasati .pe. Gaṇhāti chupati
āpatti thullaccayena dukkaṭassa. Itthī ca puriso ca ubhinnaṁ
paṇḍakasaññī sāratto ca bhikkhu ca naṁ ubhinnaṁ kāyena kāyaṁ
āmasati parāmasati .pe. Gaṇhāti chupati āpatti thullaccayena
dukkaṭassa. Itthī ca puriso ca ubhinnaṁ purisasaññī sāratto
ca bhikkhu ca naṁ ubhinnaṁ kāyena kāyaṁ āmasati parāmasati .pe.
Gaṇhāti chupati āpatti thullaccayena dukkaṭassa. Itthī ca
puriso ca ubhinnaṁ tiracchānagatasaññī sāratto ca bhikkhu ca naṁ
ubhinnaṁ kāyena kāyaṁ āmasati parāmasati .pe. Gaṇhāti chupati
āpatti thullaccayena dukkaṭassa. Itthī ca tiracchānagato ca
ubhinnaṁ itthīsaññī sāratto ca bhikkhu ca naṁ ubhinnaṁ kāyena kāyaṁ
āmasati parāmasati .pe. Gaṇhāti chupati āpatti saṅghādisesena
Āmasati parāmasati .pe. Gaṇhāti chupati āpatti thullaccayena
dukkaṭassa. Itthī ca tiracchānagato ca ubhinnaṁ tiracchānagatasaññī
sāratto ca bhikkhu ca naṁ ubhinnaṁ kāyena kāyaṁ āmasati parāmasati
.pe. Gaṇhāti chupati āpatti thullaccayena dukkaṭassa.
Paṇḍako ca puriso ca ubhinnaṁ paṇḍakasaññī sāratto ca bhikkhu
ca naṁ ubhinnaṁ kāyena kāyaṁ āmasati parāmasati .pe. Gaṇhāti
chupati āpatti thullaccayena dukkaṭassa. Paṇḍako ca puriso ca
ubhinnaṁ vematiko .pe. Āpatti dvinnaṁ dukkaṭānaṁ. Paṇḍako
ca puriso ca ubhinnaṁ purisasaññī .pe. Paṇḍako ca puriso ca
ubhinnaṁ tiracchānagatasaññī .pe. Paṇḍako ca puriso ca ubhinnaṁ
itthīsaññī sāratto ca bhikkhu ca naṁ ubhinnaṁ kāyena kāyaṁ
āmasati parāmasati .pe. Gaṇhāti chupati āpatti dvinnaṁ
dukkaṭānaṁ. Paṇḍako ca tiracchānagato ca ubhinnaṁ paṇḍakasaññī
sāratto ca bhikkhu ca naṁ ubhinnaṁ kāyena kāyaṁ āmasati parāmasati
.pe. Gaṇhāti chupati āpatti thullaccayena dukkaṭassa.
Paṇḍako ca tiracchānagato ca ubhinnaṁ vematiko .pe. Paṇḍako
ca tiracchānagato ca ubhinnaṁ purisasaññī .pe. Paṇḍako ca
tiracchānagato ca ubhinnaṁ tiracchānagatasaññī .pe. Paṇḍako ca
tiracchānagato ca ubhinnaṁ itthīsaññī sāratto ca bhikkhu ca naṁ
ubhinnaṁ kāyena kāyaṁ āmasati parāmasati .pe. Gaṇhāti chupati
Āpatti dvinnaṁ dukkaṭānaṁ. Puriso ca tiracchānagato ca ubhinnaṁ
purisasaññī sāratto ca bhikkhu ca naṁ ubhinnaṁ kāyena kāyaṁ āmasati
parāmasati .pe. Gaṇhāti chupati āpatti dvinnaṁ dukkaṭānaṁ.
Puriso ca tiracchānagato ca ubhinnaṁ vematiko .pe. Puriso ca
tiracchānagato ca ubhinnaṁ tiracchānagatasaññī .pe. Puriso ca
tiracchānagato ca ubhinnaṁ itthīsaññī .pe. Puriso ca tiracchānagato
ca ubhinnaṁ paṇḍakasaññī sāratto ca bhikkhu ca naṁ ubhinnaṁ
kāyena kāyaṁ āmasati parāmasati .pe. Gaṇhāti chupati āpatti
dvinnaṁ dukkaṭānaṁ 1 .

[383] Itthī ca hoti itthīsaññī sāratto ca bhikkhu ca naṁ
itthiyā kāyena kāyapaṭibaddhaṁ āmasati parāmasati .pe. Gaṇhāti
chupati āpatti thullaccayassa. Dve itthiyo dvinnaṁ itthīsaññī
sāratto ca bhikkhu ca naṁ dvinnaṁ itthīnaṁ kāyena kāyapaṭibaddhaṁ
āmasati parāmasati .pe. Gaṇhāti chupati āpatti dvinnaṁ
thullaccayānaṁ. Itthī ca paṇḍako ca ubhinnaṁ itthīsaññī sāratto
ca bhikkhu ca naṁ ubhinnaṁ kāyena kāyapaṭibaddhaṁ āmasati parāmasati
.pe. Gaṇhāti chupati āpatti thullaccayena dukkaṭassa. Itthī
ca hoti itthīsaññī sāratto ca bhikkhu ca naṁ itthiyā kāyapaṭibaddhena
kāyaṁ āmasati parāmasati .pe. Gaṇhāti chupati
1 ito paraṁ Yu. Ma. potthakesu dumūlakanti dissati.
Āpatti thullaccayassa. Dve itthiyo dvinnaṁ itthīnaṁ itthīsaññī
sāratto ca bhikkhu ca naṁ dvinnaṁ itthīnaṁ kāyapaṭibaddhena kāyaṁ āmasati
parāmasati .pe. Gaṇhāti chupati āpatti dvinnaṁ thullaccayānaṁ.
Itthī ca paṇḍako ca ubhinnaṁ itthīsaññī sāratto ca bhikkhu
ca naṁ ubhinnaṁ kāyapaṭibaddhena kāyaṁ āmasati parāmasati .pe.
Gaṇhāti chupati āpatti thullaccayena dukkaṭassa. Itthī ca hoti
itthīsaññī sāratto ca bhikkhu ca naṁ itthiyā kāyapaṭibaddhena
kāyapaṭibaddhaṁ āmasati parāmasati .pe. Gaṇhāti chupati āpatti
dukkaṭassa. Dve itthiyo dvinnaṁ itthīnaṁ itthīsaññī sāratto
ca bhikkhu ca naṁ dvinnaṁ itthīnaṁ kāyapaṭibaddhena kāyapaṭibaddhaṁ
āmasati parāmasati .pe. Gaṇhāti chupati āpatti dvinnaṁ
dukkaṭānaṁ. Itthī ca paṇḍako ca ubhinnaṁ itthīsaññī sāratto
ca bhikkhu ca naṁ ubhinnaṁ kāyapaṭibaddhena kāyapaṭibaddhaṁ āmasati
parāmasati .pe. Gaṇhāti chupati āpatti dvinnaṁ dukkaṭānaṁ.
Itthī ca hoti itthīsaññī sāratto ca bhikkhu ca naṁ itthiyā
nissaggiyena kāyaṁ āmasati parāmasati 1 āpatti dukkaṭassa.
Dve itthiyo dvinnaṁ itthīnaṁ itthīsaññī sāratto ca bhikkhu ca
naṁ dvinnaṁ itthīnaṁ nissaggiyena kāyaṁ āmasati parāmasati āpatti
1 Yu. potthake ayaṁ pāṭho na dissati. evaṁ sabbasmiṁ īdise ṭhāne daṭṭhabbaṁ.
Dvinnaṁ dukkaṭānaṁ. Itthī ca paṇḍako ca ubhinnaṁ itthīsaññī
sāratto ca bhikkhu ca naṁ ubhinnaṁ nissaggiyena kāyaṁ āmasati
parāmasati āpatti dvinnaṁ dukkaṭānaṁ. Itthī ca hoti itthīsaññī
sāratto ca bhikkhu ca naṁ itthiyā nissaggiyena kāyapaṭibaddhaṁ āmasati
parāmasati āpatti dukkaṭassa. Dve itthiyo dvinnaṁ itthīnaṁ
itthīsaññī sāratto ca bhikkhu ca naṁ dvinnaṁ itthīnaṁ nissaggiyena
kāyapaṭibaddhaṁ āmasati parāmasati āpatti dvinnaṁ dukkaṭānaṁ.
Itthī ca paṇḍako ca ubhinnaṁ itthīsaññī sāratto ca bhikkhu ca
naṁ ubhinnaṁ nissaggiyena kāyapaṭibaddhaṁ āmasati parāmasati āpatti
dvinnaṁ dukkaṭānaṁ. Itthī ca hoti itthīsaññī sāratto ca bhikkhu
ca naṁ itthiyā nissaggiyena nissaggiyaṁ āmasati parāmasati āpatti
dukkaṭassa. Dve itthiyo dvinnaṁ itthīnaṁ itthīsaññī sāratto
ca bhikkhu ca naṁ dvinnaṁ itthīnaṁ nissaggiyena nissaggiyaṁ āmasati
parāmasati āpatti dvinnaṁ dukkaṭānaṁ. Itthī ca paṇḍako ca
ubhinnaṁ itthīsaññī sāratto ca bhikkhu ca naṁ ubhinnaṁ nissaggiyena
nissaggiyaṁ āmasati parāmasati āpatti dvinnaṁ dukkaṭānaṁ.
Bhikkhupeyyālo niṭṭhito.

[384] Itthī ca hoti itthīsaññī sāratto ca itthī
ca naṁ bhikkhussa kāyena kāyaṁ āmasati parāmasati omasati
ummasati olaṅgheti ullaṅgheti ākaḍḍhati paṭikaḍḍhati abhiniggaṇhāti
Abhinippīḷeti gaṇhāti chupati sevanādhippāyo kāyena vāyamati phassaṁ
paṭivijānāti āpatti saṅghādisesassa. Dve itthiyo dvinnaṁ itthīnaṁ
itthīsaññī sāratto ca itthiyo ca naṁ bhikkhussa kāyena kāyaṁ
āmasanti parāmasanti omasanti ummasanti olaṅghenti ullaṅghenti
ākaḍḍhanti paṭikaḍḍhanti abhiniggaṇhanti abhinippīḷenti gaṇhanti
chupanti sevanādhippāyo kāyena vāyamati phassaṁ paṭivijānāti āpatti
dvinnaṁ saṅghādisesānaṁ. Itthī ca paṇḍako ca ubhinnaṁ itthīsaññī
sāratto ca ubho ca naṁ bhikkhussa kāyena kāyaṁ āmasanti parāmasanti
.pe. Gaṇhanti chupanti sevanādhippāyo kāyena vāyamati phassaṁ
paṭivijānāti āpatti saṅghādisesena dukkaṭassa. Itthī ca hoti
itthīsaññī sāratto ca itthī ca naṁ bhikkhussa kāyena kāyapaṭibaddhaṁ
āmasati parāmasati .pe. Gaṇhāti chupati sevanādhippāyo kāyena
vāyamati phassaṁ paṭivijānāti āpatti thullaccayassa. Dve itthiyo
dvinnaṁ itthīnaṁ itthīsaññī sāratto ca itthiyo ca naṁ bhikkhussa
kāyena kāyapaṭibaddhaṁ āmasanti parāmasanti .pe. Gaṇhanti chupanti
sevanādhippāyo kāyena vāyamati phassaṁ paṭivijānāti āpatti
dvinnaṁ thullaccayānaṁ. Itthī ca paṇḍako ca ubhinnaṁ itthīsaññī
sāratto ca ubho ca naṁ bhikkhussa kāyena kāyapaṭibaddhaṁ āmasanti
parāmasanti .pe. Gaṇhanti chupanti sevanādhippāyo kāyena
vāyamati phassaṁ paṭivijānāti āpatti thullaccayena dukkaṭassa.
Itthī ca hoti itthīsaññī sāratto ca itthī ca naṁ bhikkhussa
kāyapaṭibaddhena kāyaṁ āmasati parāmasati .pe. Gaṇhāti chupati
sevanādhippāyo kāyena vāyamati phassaṁ paṭivijānāti āpatti
thullaccayassa. Dve itthiyo dvinnaṁ itthīnaṁ itthīsaññī sāratto
ca itthiyo ca naṁ bhikkhussa kāyapaṭibaddhena kāyaṁ āmasanti parāmasanti
.pe. Gaṇhanti chupanti sevanādhippāyo kāyena vāyamati phassaṁ
paṭivijānāti āpatti dvinnaṁ thullaccayānaṁ. Itthī ca paṇḍako ca
ubhinnaṁ itthīsaññī sāratto ca ubho ca naṁ bhikkhussa kāyapaṭibaddhena
kāyaṁ āmasanti parāmasanti .pe. Gaṇhanti chupanti sevanādhippāyo
kāyena vāyamati phassaṁ paṭivijānāti āpatti thullaccayena dukkaṭassa.
Itthī ca hoti itthīsaññī sāratto ca itthī ca naṁ bhikkhussa
kāyapaṭibaddhena kāyapaṭibaddhaṁ āmasati parāmasati .pe. Gaṇhāti
chupati sevanādhippāyo kāyena vāyamati phassaṁ paṭivijānāti āpatti
dukkaṭassa. Dve itthiyo dvinnaṁ itthīnaṁ itthīsaññī sāratto
ca itthiyo ca naṁ bhikkhussa kāyapaṭibaddhena kāyapaṭibaddhaṁ āmasanti
parāmasanti .pe. Gaṇhanti chupanti sevanādhippāyo kāyena
vāyamati phassaṁ paṭivijānāti āpatti dvinnaṁ dukkaṭānaṁ. Itthī
ca paṇḍako ca ubhinnaṁ itthīsaññī sāratto ca ubho ca naṁ
bhikkhussa kāyapaṭibaddhena kāyapaṭibaddhaṁ āmasanti parāmasanti .pe.
Gaṇhanti chupanti sevanādhippāyo kāyena vāyamati phassaṁ paṭivijānāti
Āpatti dvinnaṁ dukkaṭānaṁ. Itthī ca hoti itthīsaññī sāratto
ca itthī ca naṁ bhikkhussa nissaggiyena kāyaṁ āmasati parāmasati
sevanādhippāyo kāyena vāyamati phassaṁ paṭivijānāti āpatti
dukkaṭassa. Dve itthiyo dvinnaṁ itthīnaṁ itthīsaññī sāratto
ca itthiyo ca naṁ bhikkhussa nissaggiyena kāyaṁ āmasanti parāmasanti
sevanādhippāyo kāyena vāyamati phassaṁ paṭivijānāti āpatti dvinnaṁ
dukkaṭānaṁ. Itthī ca paṇḍako ca ubhinnaṁ itthīsaññī sāratto
ca ubho ca naṁ bhikkhussa nissaggiyena kāyaṁ āmasanti parāmasanti
sevanādhippāyo kāyena vāyamati phassaṁ paṭivijānāti āpatti
dvinnaṁ dukkaṭānaṁ. Itthī ca hoti itthīsaññī sāratto ca
itthī ca naṁ bhikkhussa nissaggiyena kāyapaṭibaddhaṁ āmasati parāmasati
sevanādhippāyo kāyena vāyamati phassaṁ paṭivijānāti āpatti
dukkaṭassa. Dve itthiyo dvinnaṁ itthīnaṁ itthīsaññī sāratto ca
itthiyo ca naṁ bhikkhussa nissaggiyena kāyapaṭibaddhaṁ āmasanti parāmasanti
sevanādhippāyo kāyena vāyamati phassaṁ paṭivijānāti āpatti dvinnaṁ
dukkaṭānaṁ. Itthī ca paṇḍako ca ubhinnaṁ itthīsaññī sāratto
ca ubho ca naṁ bhikkhussa nissaggiyena kāyapaṭibaddhaṁ āmasanti
parāmasanti sevanādhippāyo kāyena vāyamati phassaṁ paṭivijānāti
āpatti dvinnaṁ dukkaṭānaṁ. Itthī ca hoti itthīsaññī sāratto
ca itthī ca naṁ bhikkhussa nissaggiyena nissaggiyaṁ āmasati parāmasati
Sevanādhippāyo kāyena vāyamati phassaṁ paṭivijānāti āpatti
dukkaṭassa. Dve itthiyo dvinnaṁ itthīnaṁ itthīsaññī sāratto
ca itthiyo ca naṁ bhikkhussa nissaggiyena nissaggiyaṁ āmasanti
parāmasanti sevanādhippāyo kāyena vāyamati phassaṁ paṭivijānāti
āpatti dvinnaṁ dukkaṭānaṁ. Itthī ca paṇḍako ca ubhinnaṁ
itthīsaññī sāratto ca ubho ca naṁ bhikkhussa nissaggiyena
nissaggiyaṁ āmasanti parāmasanti sevanādhippāyo kāyena vāyamati
phassaṁ paṭivijānāti āpatti dvinnaṁ dukkaṭānaṁ.

[385] Sevanādhippāyo kāyena vāyamati phassaṁ paṭivijānāti
āpatti saṅghādisesassa. Sevanādhippāyo kāyena vāyamati na ca phassaṁ
paṭivijānāti āpatti dukkaṭassa. Sevanādhippāyo na ca kāyena
vāyamati phassaṁ paṭivijānāti anāpatti. Sevanādhippāyo na ca kāyena
vāyamati na ca phassaṁ paṭivijānāti anāpatti. Mokkhādhippāyo kāyena
vāyamati phassaṁ paṭivijānāti anāpatti. Mokkhādhippāyo kāyena
vāyamati na ca phassaṁ paṭivijānāti anāpatti. Mokkhādhippāyo na
ca kāyena vāyamati phassaṁ paṭivijānāti anāpatti. Mokkhādhippāyo
na ca kāyena vāyamati na ca phassaṁ paṭivijānāti anāpatti.

[386] Anāpatti asañcicca asatiyā ajānantassa asādiyantassa
ummattakassa khittacittassa vedanaṭṭassa ādikammikassāti.

[387] Mātā dhītā ca bhaginī 1 jāyā yakkhī ca paṇḍako
suttā matā tiracchānā dārudhītalikāya ca
sampīḷe saṅkamo 2 maggo rukkho nāvā ca rajju ca
daṇḍo pattaṁ 3 paṇāmesi vande vāyami nacchusīti.

[388] Tena kho pana samayena aññataro bhikkhu mātuyā
mātupemena āmasati. Tassa kukkuccaṁ ahosi kacci nu kho ahaṁ
saṅghādisesaṁ āpattiṁ āpannoti. Bhagavato etamatthaṁ ārocesi.
Anāpatti bhikkhu saṅghādisesassa āpatti dukkaṭassāti. Tena kho
pana samayena aññataro bhikkhu dhītuyā dhītupemena āmasati .pe.
Bhaginiyā bhaginīpemena āmasati. Tassa kukkuccaṁ ahosi .pe.
Bhagavato etamatthaṁ ārocesi. Anāpatti bhikkhu saṅghādisesassa
āpatti dukkaṭassāti.

[389] Tena kho pana samayena aññataro bhikkhu purāṇadutiyikāya
kāyasaṁsaggaṁ samāpajji. Tassa kukkuccaṁ ahosi .pe. Āpattiṁ
tvaṁ bhikkhu āpanno saṅghādisesanti. Tena kho pana samayena
aññataro bhikkhu yakkhiniyā kāyasaṁsaggaṁ samāpajji. Tassa
kukkuccaṁ ahosi .pe. Anāpatti bhikkhu saṅghādisesassa āpatti
thullaccayassāti. Tena kho pana samayena aññataro bhikkhu
paṇḍakassa kāyasaṁsaggaṁ samāpajji. Tassa kukkuccaṁ ahosi
1 Yu. Ma. mātā dhītā bhaginī ca. 2 Rā. saṅkame. 3 Rā. pattena.
.pe. Anāpatti bhikkhu saṅghādisesassa āpatti thullaccayassāti.
Tena kho pana samayena aññataro bhikkhu suttitthiyā kāyasaṁsaggaṁ
samāpajji. Tassa kukkuccaṁ ahosi .pe. Āpattiṁ tvaṁ bhikkhu
āpanno saṅghādisesanti. Tena kho pana samayena aññataro bhikkhu
matitthiyā kāyasaṁsaggaṁ samāpajji. Tassa kukkuccaṁ ahosi .pe.
Anāpatti bhikkhu saṅghādisesassa āpatti thullaccayassāti. Tena
kho pana samayena aññataro bhikkhu tiracchānagatitthiyā kāyasaṁsaggaṁ
samāpajji. Tassa kukkuccaṁ ahosi .pe. Anāpatti bhikkhu
saṅghādisesassa āpatti dukkaṭassāti. Tena kho pana samayena
aññataro bhikkhu dārudhītalikāya kāyasaṁsaggaṁ samāpajji. Tassa
kukkuccaṁ ahosi .pe. Anāpatti bhikkhu saṅghādisesassa āpatti
dukkaṭassāti.