[535] Tena kho pana samayena chabbaggiyā bhikkhuniyo bhikkhū 2
kaddamodakena osiñcanti appevanāma amhesu sārajjeyyunti.
Te bhikkhū bhagavato etamatthaṁ ārocesuṁ .pe. Na bhikkhave bhikkhuniyā
bhikkhū 2 kaddamodakena osiñcitabbā 3 yā osiñceyya āpatti
dukkaṭassa anujānāmi bhikkhave tassā bhikkhuniyā daṇḍakammaṁ
kātunti. Athakho bhikkhūnaṁ etadahosi kinnu kho daṇḍakammaṁ
kātabbanti. Te bhikkhū bhagavato etamatthaṁ ārocesuṁ. Anujānāmi
bhikkhave āvaraṇaṁ kātunti. Āvaraṇe kate na ādiyanti. Te
bhikkhū bhagavato etamatthaṁ ārocesuṁ. Anujānāmi bhikkhave ovādaṁ
ṭhapetunti.

[536] Tena kho pana samayena chabbaggiyā bhikkhuniyo kāyaṁ
vivaritvā bhikkhūnaṁ dassenti thanaṁ vivaritvā bhikkhūnaṁ dassenti ūruṁ
1 Ma. Yu. dassetabbo. 2 Ma. bhikkhuṁ. 3 Ma. osiñcitabbo.
Vivaritvā bhikkhūnaṁ dassenti aṅgajātaṁ vivaritvā bhikkhūnaṁ dassenti
bhikkhū obhāsenti bhikkhūhi saddhiṁ sampayojenti appevanāma
amhesu sārajjeyyunti .pe. Te bhikkhū bhagavato etamatthaṁ
ārocesuṁ .pe. Na bhikkhave bhikkhuniyā kāyo vivaritvā bhikkhūnaṁ
dassetabbo na thanaṁ vivaritvā bhikkhūnaṁ dassetabbaṁ na ūru
vivaritvā bhikkhūnaṁ dassetabbā na aṅgajātaṁ vivaritvā bhikkhūnaṁ
dassetabbaṁ na bhikkhū obhāsitabbā na bhikkhūhi saddhiṁ
sampayojetabbaṁ yā sampayojeyya āpatti dukkaṭassa anujānāmi
bhikkhave tassā bhikkhuniyā daṇḍakammaṁ kātunti. Athakho bhikkhūnaṁ
etadahosi kinnu kho daṇḍakammaṁ kātabbanti. Bhagavato
etamatthaṁ ārocesuṁ .pe. Anujānāmi bhikkhave āvaraṇaṁ kātunti.
Āvaraṇe kate na ādiyanti .pe. Bhagavato etamatthaṁ ārocesuṁ .pe.
Anujānāmi bhikkhave ovādaṁ ṭhapetunti.

[537] Athakho bhikkhūnaṁ etadahosi kappati nu kho ovādaṭṭhapitāya
bhikkhuniyā saddhiṁ uposathaṁ 1 kātuṁ na nu kho kappatīti.
Bhagavato etamatthaṁ ārocesuṁ .pe. Na bhikkhave ovādaṭṭhapitāya
bhikkhuniyā saddhiṁ uposatho kātabbo yāva na taṁ adhikaraṇaṁ
vūpasammatīti 2 .

[538] Tena kho pana samayena āyasmā udāyi 3 ovādaṁ ṭhapetvā
1 Yu. uposatho. 2 Ma. Yu. vūpasantaṁ hotīti. 3 Ma. udāyī.
Cārikaṁ pakkāmi. Bhikkhuniyo ujjhāyanti khīyanti vipācenti kathaṁ hi
nāma ayyo udāyi ovādaṁ ṭhapetvā cārikaṁ pakkamissatīti .pe.
Bhagavato etamatthaṁ ārocesuṁ .pe. Na bhikkhave ovādaṁ ṭhapetvā
cārikaṁ pakkamitabbaṁ 1 yo pakkameyya āpatti dukkaṭassāti.

[539] Tena kho pana samayena bhikkhū 2 bālā abyattā ovādaṁ
ṭhapenti .pe. Bhagavato etamatthaṁ ārocesuṁ .pe. Na bhikkhave
bālena abyattena ovādo ṭhapetabbo yo ṭhapeyya āpatti
dukkaṭassāti.

[540] Tena kho pana samayena bhikkhū avatthusmiṁ akāraṇe
ovādaṁ ṭhapenti .pe. Bhagavato etamatthaṁ ārocesuṁ .pe.
Na bhikkhave avatthusmiṁ akāraṇe ovādo ṭhapetabbo yo ṭhapeyya
āpatti dukkaṭassāti.

[541] Tena kho pana samayena bhikkhū ovādaṁ ṭhapetvā vinicchayaṁ
na denti. Bhagavato etamatthaṁ ārocesuṁ. Na bhikkhave ovādaṁ
ṭhapetvā vinicchayo na dātabbo yo na dadeyya āpatti
dukkaṭassāti.

[542] Tena kho pana samayena bhikkhuniyo ovādaṁ na gacchanti.
Bhagavato etamatthaṁ ārocesuṁ. Na bhikkhave bhikkhuniyā ovādo
1 Ma. Yu. cārikā pakkamitabbā. 2 Ma. Yu. bhikkhūti pāṭho natthi.
Na gantabbo yā na gaccheyya yathādhammo kāretabboti.

[543] Tena kho pana samayena sabbo bhikkhunīsaṅgho ovādaṁ
gacchati. Manussā ujjhāyanti khīyanti vipācenti jāyāyo imā
imesaṁ jāriyo imā imesaṁ idāni ime imāhi saddhiṁ
abhiramissantīti. Bhagavato etamatthaṁ ārocesuṁ. Na bhikkhave
sabbena bhikkhunīsaṅghena ovādo gantabbo gaccheyya ce
āpatti dukkaṭassa anujānāmi bhikkhave catūhi pañcahi bhikkhunīhi
ovādaṁ gantunti.

[544] Tena kho pana samayena catasso pañca bhikkhuniyo
ovādaṁ gacchanti. Manussā tatheva ujjhāyanti khīyanti vipācenti
jāyāyo imā imesaṁ jāriyo imā imesaṁ idāni ime
imāhi saddhiṁ abhiramissantīti. Bhagavato etamatthaṁ ārocesuṁ.
Na bhikkhave catūhi pañcahi bhikkhunīhi ovādo gantabbo gaccheyyuṁ
ce 1 āpatti dukkaṭassa anujānāmi bhikkhave dvīhi tīhi bhikkhunīhi 2
ovādaṁ gantuṁ. Ekaṁ bhikkhuṁ upasaṅkamitvā ekaṁsaṁ uttarāsaṅgaṁ
karitvā pāde vanditvā ukkuṭikaṁ nisīditvā añjaliṁ paggahetvā
evamassa vacanīyo bhikkhunīsaṅgho ayya bhikkhusaṅghassa pāde vandati
ovādupasaṅkamanañca yācati labhatu kira ayya bhikkhunīsaṅgho
ovādupasaṅkamananti. Tena bhikkhunā pātimokkhuddesako upasaṅkamitvā
evamassa vacanīyo bhikkhunīsaṅgho bhante bhikkhusaṅghassa pāde vandati
1 Yu. gaccheyyuñceva. 2 Ma. dve tisso bhikkhuniyo. Yu. dve tisso
bhikkhunīhi.
Ovādupasaṅkamanañca yācati labhatu kira bhante bhikkhunīsaṅgho
ovādupasaṅkamananti. Pātimokkhuddesakena vattabbo atthi
koci bhikkhu bhikkhunovādako sammatoti. Sace hoti koci
bhikkhu bhikkhunovādako sammato pātimokkhuddesakena vattabbo
itthannāmo bhikkhu bhikkhunovādako sammato taṁ bhikkhunīsaṅgho
upasaṅkamatūti. Sace na hoti koci bhikkhu bhikkhunovādako
sammato pātimokkhuddesakena vattabbo ko āyasmā ussahati
bhikkhuniyo ovaditunti. Sace koci ussahati bhikkhuniyo ovadituṁ
so ca hoti aṭṭhahaṅgehi samannāgato sammannitvā vattabbo
itthannāmo bhikkhu bhikkhunovādako sammato taṁ bhikkhunīsaṅgho
upasaṅkamatūti. Sace na koci ussahati bhikkhuniyo ovadituṁ
pātimokkhuddesakena vattabbo natthi koci bhikkhu bhikkhunovādako
sammato pāsādikena bhikkhunīsaṅgho sampādetūti.