[555] Tena kho pana samayena bhikkhuniyo aṭṭhillena jaghanaṁ
1 Ma. Yu. ekapariyākataṁ. 2 Ma. nāmetabbā. 3 Ma. phāsukā. 4 Ma. nāmenti.
Ghaṁsāpenti gohanukena jaghanaṁ koṭṭāpenti hatthaṁ koṭṭāpenti
hatthakocchaṁ koṭṭāpenti pādaṁ koṭṭāpenti pādakocchaṁ
koṭṭāpenti ūruṁ koṭṭāpenti mukhaṁ koṭṭāpenti dantamaṁsaṁ koṭṭāpenti.
Manussā ujjhāyanti khīyanti vipācenti .pe. Seyyathāpi
gihikāmabhoginiyoti. Bhagavato etamatthaṁ ārocesuṁ. Na bhikkhave
bhikkhuniyā aṭṭhillena jaghanaṁ ghaṁsāpetabbaṁ na gohanukena jaghanaṁ
koṭṭāpetabbaṁ na hattho koṭṭāpetabbo na hatthakoccho
koṭṭāpetabbo na pādo koṭṭāpetabbo na pādakoccho
koṭṭāpetabbo na ūru koṭṭāpetabbo na mukhaṁ koṭṭāpetabbaṁ
na dantamaṁsaṁ koṭṭāpetabbaṁ yā koṭṭāpeyya āpatti
dukkaṭassāti.

[556] Tena kho pana samayena chabbaggiyā bhikkhuniyo mukhaṁ
ālimpanti mukhaṁ ummaddenti mukhaṁ cuṇṇenti manosilikāya mukhaṁ
lañcenti aṅgarāgaṁ karonti mukharāgaṁ karonti aṅgarāgamukharāgaṁ
karonti. Manussā ujjhāyanti khīyanti vipācenti .pe. Seyyathāpi
gihikāmabhoginiyoti. Bhagavato etamatthaṁ ārocesuṁ. Na bhikkhave
bhikkhuniyā mukhaṁ ālimpitabbaṁ na mukhaṁ ummaddetabbaṁ na mukhaṁ
cuṇṇetabbaṁ na manosilikāya mukhaṁ lañcetabbaṁ na aṅgarāgo
kātabbo na mukharāgo kātabbo na aṅgarāgamukharāgo kātabbo
yā kareyya āpatti dukkaṭassāti.

[557] Tena kho pana samayena chabbaggiyā bhikkhuniyo avaṅgaṁ
karonti visesakaṁ karonti olokanakena olokenti sāloke
tiṭṭhanti sanaccaṁ 1 kārāpenti vesiṁ vuṭṭhāpenti pānāgāraṁ ṭhapenti
sūnaṁ ṭhapenti āpaṇaṁ pasārenti vaḍḍhiṁ payojenti vaṇijjaṁ
payojenti dāsaṁ upaṭṭhāpenti dāsiṁ upaṭṭhāpenti kammakaraṁ
upaṭṭhāpenti kammakariṁ upaṭṭhāpenti tiracchānagataṁ upaṭṭhāpenti
haritakapattikaṁ 2 pakiṇanti namatakaṁ dhārenti. Manussā ujjhāyanti
khīyanti vipācenti .pe. Seyyathāpi gihikāmabhoginiyoti. Bhagavato
etamatthaṁ ārocesuṁ. Na bhikkhave bhikkhuniyā avaṅgaṁ kātabbaṁ
na visesakaṁ kātabbaṁ na olokanakena oloketabbaṁ na sāloke
ṭhātabbaṁ 3 na sanaccaṁ 1 kārāpetabbaṁ na vesī vuṭṭhāpetabbā na
pānāgāraṁ ṭhapetabbaṁ na sūnaṁ ṭhapetabbaṁ 4 na āpaṇo pasāretabbo
na vaḍḍhi payojetabbā na vaṇijjā payojetabbā na dāso
upaṭṭhāpetabbo na dāsī upaṭṭhāpetabbā na kammakaro
upaṭṭhāpetabbo na kammakarī upaṭṭhāpetabbā na tiracchānagato
upaṭṭhāpetabbo na haritakapattikaṁ 2 pakiṇitabbaṁ na namatakaṁ
dhāretabbaṁ yā dhāreyya āpatti dukkaṭassāti.

[558] Tena kho pana samayena chabbaggiyā bhikkhuniyo sabbanīlakāni
1 Ma. naccaṁ. 2 Ma. harītakapattikaṁ. Yu. harītakapaṇṇikaṁ. 3 Ma. Yu. tiṭṭhātabbaṁ.
4 Ma. Yu. sūnā ṭhapetabbā.
Cīvarāni dhārenti sabbapītakāni cīvarāni dhārenti sabbalohitakāni
cīvarāni dhārenti sabbamañjeṭṭhakāni 1 cīvarāni dhārenti sabbakaṇhāni
cīvarāni dhārenti sabbamahāraṅgarattāni cīvarāni dhārenti sabbamahānāmarattāni
cīvarāni dhārenti acchinnadasāni cīvarāni dhārenti
dīghadasāni cīvarāni dhārenti pupphadasāni cīvarāni dhārenti phaladasāni 2
cīvarāni dhārenti kañcukaṁ dhārenti tirīṭaṁ 3 dhārenti. Manussā
ujjhāyanti khīyanti vipācenti .pe. Seyyathāpi gihikāmabhoginiyoti.
Bhagavato etamatthaṁ ārocesuṁ. Na bhikkhave bhikkhuniyā sabbanīlakāni
cīvarāni dhāretabbāni na sabbapītakāni cīvarāni dhāretabbāni
na sabbalohitakāni cīvarāni dhāretabbāni na sabbamañjeṭṭhakāni
cīvarāni dhāretabbāni na sabbakaṇhāni cīvarāni dhāretabbāni na
sabbamahāraṅgarattāni cīvarāni dhāretabbāni na sabbamahānāmarattāni
cīvarāni dhāretabbāni na acchinnadasāni cīvarāni dhāretabbāni
na dīghadasāni cīvarāni dhāretabbāni na pupphadasāni cīvarāni
dhāretabbāni na phaladasāni cīvarāni dhāretabbāni na kañcukaṁ dhāretabbaṁ
na tirīṭaṁ dhāretabbaṁ yā dhāreyya āpatti dukkaṭassāti.

[559] Tena kho pana samayena aññatarā bhikkhunī kālaṁ
karontī evamāha mamaccayena mayhaṁ parikkhāro saṅghassa hotūti.
Tattha bhikkhū ca bhikkhuniyo ca vivadanti amhākaṁ hoti amhākaṁ
hotīti. Bhagavato etamatthaṁ ārocesuṁ .pe. Bhikkhunī ce
1 Ma. sabbamañjiṭhikāni. 2 Yu. phaṇadasāni. 3 Ma. u. tirīṭakaṁ.
Bhikkhave kālaṁ karontī evaṁ vadeyya mamaccayena mayhaṁ parikkhāro
saṅghassa hotūti anissaro tattha bhikkhusaṅgho bhikkhunīsaṅghassevetaṁ 1 .
Sikkhamānā ce bhikkhave .pe. Sāmaṇerī ce bhikkhave kālaṁ
karontī evaṁ vadeyya mamaccayena mayhaṁ parikkhāro saṅghassa
hotūti anissaro tattha bhikkhusaṅgho bhikkhunīsaṅghassevetaṁ.
Bhikkhu ce bhikkhave kālaṁ karonto evaṁ vadeyya mamaccayena
mayhaṁ parikkhāro saṅghassa hotūti anissaro tattha bhikkhunīsaṅgho
bhikkhusaṅghassevetaṁ. Sāmaṇero ce bhikkhave .pe. Upāsako
ce bhikkhave .pe. Upāsikā ce bhikkhave .pe. Añño
ce bhikkhave koci kālaṁ karonto evaṁ vadeyya mamaccayena
mayhaṁ parikkhāro saṅghassa hotūti anissaro tattha bhikkhunīsaṅgho
bhikkhusaṅghassevetanti.

[560] Tena kho pana samayena aññatarā itthī 2 purāṇamallī
bhikkhunīsu pabbajitā hoti. Sā rathikāya dubbalakaṁ bhikkhuṁ passitvā
aṁsakūṭena pahāraṁ datvā pavaṭṭesi. Bhikkhū ujjhāyanti khīyanti
vipācenti kathaṁ hi nāma bhikkhunī bhikkhussa pahāraṁ dassatīti.
Bhagavato etamatthaṁ ārocesuṁ. Na bhikkhave bhikkhuniyā bhikkhussa pahāro
dātabbo yā dadeyya āpatti dukkaṭassa anujānāmi bhikkhave
1 Yu. bhikkhunīsaṅghasseva taṁ. 2 Ma. Yu. Rā. ayaṁ pāṭho natthi.
Bhikkhuniyā bhikkhuṁ passitvā dūrato va okkamitvā maggaṁ dātunti.

[561] Tena kho pana samayena aññatarā itthī pavutthapatikā
jārena gabbhinī hoti. Sā gabbhaṁ pātetvā kulupakiṁ 1 bhikkhuniṁ
etadavoca handayye imaṁ gabbhaṁ pattena nīharāti. Athakho sā
bhikkhunī taṁ gabbhaṁ patte pakkhipitvā saṅghāṭiyā paṭicchādetvā
agamāsi. Tena kho pana samayena aññatarena piṇḍacārikena
bhikkhunā samādānaṁ kataṁ hoti yaṁ yvāhaṁ 2 paṭhamaṁ bhikkhaṁ labhissāmi
na taṁ 3 adatvā bhikkhussa vā bhikkhuniyā vā paribhuñjissāmīti.
Athakho so bhikkhu taṁ bhikkhuniṁ passitvā etadavoca handa bhagini
bhikkhaṁ paṭiggaṇhāti. Alaṁ ayyāti. Dutiyampi kho so bhikkhu
taṁ bhikkhuniṁ etadavoca handa bhagini bhikkhaṁ paṭiggaṇhāti. Alaṁ
ayyāti. Tatiyampi kho so bhikkhu taṁ bhikkhuniṁ etadavoca handa
bhagini bhikkhaṁ paṭiggaṇhāti. Alaṁ ayyāti. Mayā kho bhagini
samādānaṁ kataṁ yaṁ yvāhaṁ paṭhamaṁ bhikkhaṁ labhissāmi na taṁ adatvā
bhikkhussa vā bhikkhuniyā vā paribhuñjissāmīti handa bhagini bhikkhaṁ
paṭiggaṇhāti. Athakho sā bhikkhunī tena bhikkhunā nippīḷiyamānā
nīharitvā pattaṁ dassesi passa ayya patte gabbhaṁ mā 4 kassaci
ārocesīti. Athakho so bhikkhu ujjhāyati khīyati vipāceti kathaṁ
1 Ma. Yu. kulūpikaṁ. 2 Ma. Yu. Rā. yāhaṁ. 3 Ma. Yu. taṁsaddo natthi 4 Ma. mā ca.
Hi nāma bhikkhunī pattena gabbhaṁ nīharissatīti. Athakho so bhikkhu
bhikkhūnaṁ etamatthaṁ ārocesi. Ye te bhikkhū appicchā .pe.
Te ujjhāyanti khīyanti vipācenti kathaṁ hi nāma bhikkhunī pattena
gabbhaṁ nīharissatīti. Bhagavato etamatthaṁ ārocesuṁ .pe. Na bhikkhave
bhikkhuniyā pattena gabbho nīharitabbo yā nīhareyya āpatti
dukkaṭassa anujānāmi bhikkhave bhikkhuniyā bhikkhuṁ passitvā nīharitvā
pattaṁ dassetunti.

[562] Tena kho pana samayena chabbaggiyā bhikkhuniyo bhikkhuṁ
passitvā parivattetvā pattamūlaṁ dassenti. Te bhikkhū ujjhāyanti
khīyanti vipācenti kathaṁ hi nāma chabbaggiyā bhikkhuniyo bhikkhuṁ
passitvā parivattetvā pattamūlaṁ dassessantīti. Athakho te
bhagavato etamatthaṁ ārocesuṁ .pe. Na bhikkhave bhikkhuniyā bhikkhuṁ
passitvā parivattetvā pattamūlaṁ dassetabbaṁ yā dasseyya āpatti
dukkaṭassa anujānāmi bhikkhave bhikkhuniyā bhikkhuṁ passitvā
ukkujjitvā pattaṁ dassetuṁ yañca patte āmisaṁ hoti tena
ca bhikkhu nimantetabboti.

[563] Tena kho pana samayena sāvatthiyā 1 rathikāya purisabyañjanaṁ
chaḍḍitaṁ hoti. Taṁ bhikkhuniyo sakkaccaṁ upanijjhāyiṁsu. Manussā
ukkuṭṭhimakaṁsu. Tā bhikkhuniyo maṅkū ahesuṁ. Athakho tā bhikkhuniyo
upassayaṁ gantvā bhikkhunīnaṁ etamatthaṁ ārocesuṁ. Yā tā bhikkhuniyo
1 Ma. Yu. sāvatthiyaṁ.
Appicchā .pe. Tā ujjhāyanti khīyanti vipācenti kathaṁ hi
nāma bhikkhuniyo purisabyañjanaṁ upanijjhāyissantīti. Athakho tā
bhikkhuniyo bhikkhūnaṁ etamatthaṁ ārocesuṁ .pe. Bhagavato etamatthaṁ
ārocesuṁ. Na bhikkhave bhikkhuniyā purisabyañjanaṁ upanijjhāyitabbaṁ
yā upanijjhāyeyya āpatti dukkaṭassāti.

[564] Tena kho pana samayena manussā bhikkhūnaṁ āmisaṁ denti.
Bhikkhū bhikkhunīnaṁ denti. Manussā ujjhāyanti khīyanti vipācenti
kathaṁ hi nāma bhaddantā attano paribhogatthāya dinnaṁ aññesaṁ
dassanti na mayampi jānāma 1 dānaṁ dātunti. Bhagavato etamatthaṁ
ārocesuṁ. Na bhikkhave attano paribhogatthāya dinnaṁ aññesaṁ
dātabbaṁ yo dadeyya āpatti dukkaṭassāti.