[525] Tena kho pana samayena bhikkhū bhikkhunūpassayaṁ upasaṅkamitvā
bhikkhunīnaṁ pātimokkhaṁ uddisanti. Manussā ujjhāyanti
khīyanti vipācenti jāyāyo imā imesaṁ jāriyo imā imesaṁ
idāni ime imāhi saddhiṁ abhiramissantīti. Assosuṁ kho bhikkhū tesaṁ
manussānaṁ ujjhāyantānaṁ khīyantānaṁ vipācentānaṁ. Athakho te bhikkhū
bhagavato etamatthaṁ ārocesuṁ .pe. Na bhikkhave bhikkhūhi bhikkhunīnaṁ
pātimokkhaṁ uddisitabbaṁ yo uddiseyya āpatti dukkaṭassa
anujānāmi bhikkhave bhikkhunīhi bhikkhunīnaṁ pātimokkhaṁ uddisitunti.
Bhikkhuniyo na jānanti evaṁ 1 pātimokkhaṁ uddisitabbanti .pe.
Te bhikkhū bhagavato etamatthaṁ ārocesuṁ .pe. Anujānāmi bhikkhave
bhikkhūhi bhikkhunīnaṁ ācikkhituṁ evaṁ pātimokkhaṁ uddiseyyāthāti.

[526] Tena kho pana samayena bhikkhuniyo āpattiṁ na paṭikaronti
.pe. Te bhikkhū bhagavato etamatthaṁ ārocesuṁ .pe. Na
bhikkhave bhikkhuniyā āpatti na paṭikātabbā yā na paṭikareyya
āpatti dukkaṭassāti. Bhikkhuniyo na jānanti evaṁpi āpatti
1 Yu. evaṁpi.
Paṭikātabbāti .pe. Te bhikkhū bhagavato etamatthaṁ ārocesuṁ
.pe. Anujānāmi bhikkhave bhikkhūhi bhikkhunīnaṁ ācikkhituṁ evaṁ
āpattiṁ paṭikareyyāthāti. Athakho bhikkhūnaṁ etadahosi kena nu
kho bhikkhunīnaṁ āpatti paṭiggahetabbāti. Te bhikkhū bhagavato
etamatthaṁ ārocesuṁ .pe. Anujānāmi bhikkhave bhikkhūhi bhikkhunīnaṁ
āpattiṁ paṭiggahetunti.

[527] Tena kho pana samayena bhikkhuniyo rathiyāpi viyūhepi 1
siṅghāṭakepi bhikkhuṁ passitvā pattaṁ bhūmiyaṁ nikkhipitvā ekaṁsaṁ
uttarāsaṅgaṁ karitvā ukkuṭikaṁ nisīditvā añjaliṁ paggahetvā āpattiṁ
paṭikaronti. Manussā ujjhāyanti khīyanti vipācenti jāyāyo
imā imesaṁ jāriyo imā imesaṁ rattiṁ vimānetvā idāni
khamāpentīti .pe. Te bhikkhū bhagavato etamatthaṁ ārocesuṁ .pe.
Na bhikkhave bhikkhūhi bhikkhunīnaṁ āpatti paṭiggahetabbā yo paṭiggaṇheyya
āpatti dukkaṭassa anujānāmi bhikkhave bhikkhunīhi
bhikkhunīnaṁ āpattiṁ paṭiggahetunti. Bhikkhuniyo na jānanti evaṁpi
āpatti paṭiggahetabbāti. Bhagavato etamatthaṁ ārocesuṁ
.pe. Anujānāmi bhikkhave bhikkhūhi bhikkhunīnaṁ ācikkhituṁ evaṁ
āpattiṁ paṭiggaṇheyyāthāti.

[528] Tena kho pana samayena bhikkhuhi 2 bhikkhunīnaṁ kammaṁ na
1 Ma. byūhepi. Yu. vayūhepi. 2 Ma. Yu. Rā. bhikkhūhīti pāṭho natthi.
Kariyati .pe. Te bhikkhū bhagavato etamatthaṁ ārocesuṁ .pe.
Anujānāmi bhikkhave bhikkhunīnaṁ kammaṁ kātunti. Athakho bhikkhūnaṁ
etadahosi kena nu kho bhikkhunīnaṁ kammaṁ kātabbanti. Te
bhikkhū bhagavato etamatthaṁ ārocesuṁ. Anujānāmi bhikkhave bhikkhūhi
bhikkhunīnaṁ kammaṁ kātunti.

[529] Tena kho pana samayena katakammā bhikkhuniyo rathiyāpi
viyūhepi siṅghāṭakepi bhikkhuṁ passitvā pattaṁ bhūmiyaṁ nikkhipitvā ekaṁsaṁ
uttarāsaṅgaṁ karitvā ukkuṭikaṁ nisīditvā añjaliṁ paggahetvā
khamāpenti evaṁ puna na 1 kātabbanti maññamānā. Manussā
tatheva ujjhāyanti khīyanti vipācenti jāyāyo imā imesaṁ
jāriyo imā imesaṁ rattiṁ vimānetvā idāni khamāpentīti.
Te bhikkhū bhagavato etamatthaṁ ārocesuṁ. Na bhikkhave bhikkhūhi
bhikkhunīnaṁ kammaṁ kātabbaṁ yo kareyya āpatti dukkaṭassa
anujānāmi bhikkhave bhikkhunīhi bhikkhunīnaṁ kammaṁ kātunti. Bhikkhuniyo
na jānanti evaṁpi kammaṁ kātabbanti. Te bhikkhū bhagavato
etamatthaṁ ārocesuṁ. Anujānāmi bhikkhave bhikkhūhi bhikkhunīnaṁ ācikkhituṁ
evaṁ kammaṁ kareyyāthāti.

[530] Tena kho pana samayena bhikkhuniyo saṅghamajjhe bhaṇḍanajātā
kalahajātā vivādāpannā aññamaññaṁ mukhasattīhi vitudantā
viharanti na sakkonti taṁ adhikaraṇaṁ vūpasametuṁ .pe. Te bhikkhū
1 Ma. Yu. evaṁ nūna.
Bhagavato etamatthaṁ ārocesuṁ. Anujānāmi bhikkhave bhikkhūhi bhikkhunīnaṁ
adhikaraṇaṁ vūpasametunti.

[531] Tena kho pana samayena bhikkhū bhikkhunīnaṁ adhikaraṇaṁ
vūpasamenti. Tasmiṁ kho pana adhikaraṇe vinicchiyamāne dissanti
bhikkhuniyo kammappattāyopi āpattigāminiyopi. Bhikkhuniyo
evamāhaṁsu sādhu bhante ayyā va bhikkhunīnaṁ kammaṁ karontu ayyā
va bhikkhunīnaṁ āpattiṁ paṭiggaṇhantu evaṁ hi bhagavatā paññattaṁ
bhikkhūhi bhikkhunīnaṁ adhikaraṇaṁ vūpasametabbanti. Te bhikkhū bhagavato
etamatthaṁ ārocesuṁ. Anujānāmi bhikkhave bhikkhūhi bhikkhunīnaṁ kammaṁ
āropetvā bhikkhunīnaṁ niyyādetuṁ bhikkhunīhi bhikkhunīnaṁ kammaṁ kātuṁ
bhikkhūhi bhikkhunīnaṁ āpattiṁ āropetvā bhikkhunīnaṁ niyyādetuṁ bhikkhunīhi
bhikkhunīnaṁ āpattiṁ paṭiggahetunti.

[532] Tena kho pana samayena uppalavaṇṇāya bhikkhuniyā
antevāsinī bhikkhunī satta vassāni bhagavantaṁ anubandhā 1 hoti vinayaṁ
pariyāpuṇantī. Tassā muṭṭhassatiniyā gahito gahito mussati.
Assosi kho sā bhikkhunī bhagavā kira sāvatthiṁ gantukāmoti.
Athakho tassā bhikkhuniyā etadahosi ahaṁ kho satta vassāni
bhagavantaṁ anubandhiṁ 1 vinayaṁ pariyāpuṇantī tassā me muṭṭhassatiniyā
gahito gahito mussati dukkaraṁ kho pana mātugāmena yāvajīvaṁ
1 Yu. anubaddhā.
Satthāraṁ anubandhituṁ kathaṁ nu kho mayā paṭipajjitabbanti. Athakho
sā bhikkhunī bhikkhunīnaṁ etamatthaṁ ārocesi. Bhikkhuniyo bhikkhūnaṁ
etamatthaṁ ārocesuṁ. Te bhikkhū bhagavato etamatthaṁ ārocesuṁ
.pe. Anujānāmi bhikkhave bhikkhūhi bhikkhunīnaṁ vinayaṁ vācetunti.
Paṭhamabhāṇavāraṁ.

[533] Athakho bhagavā vesāliyaṁ yathābhirantaṁ viharitvā yena
sāvatthī tena cārikaṁ pakkāmi anupubbena cārikaṁ caramāno
yena sāvatthī tadavasari. Tatra sudaṁ bhagavā sāvatthiyaṁ viharati
jetavane anāthapiṇḍikassa ārāme. Tena kho pana samayena
chabbaggiyā bhikkhū bhikkhuniyo kaddamodakena osiñcanti appevanāma
amhesu sārajjeyyunti .pe. Bhagavato etamatthaṁ ārocesuṁ
.pe. Na bhikkhave bhikkhunā bhikkhuniyo kaddamodakena osiñcitabbā
yo osiñceyya āpatti dukkaṭassa anujānāmi bhikkhave tassa
bhikkhuno daṇḍakammaṁ kātunti. Athakho bhikkhūnaṁ etadahosi kinnu
kho daṇḍakammaṁ kātabbanti. Te bhikkhū bhagavato etamatthaṁ
ārocesuṁ. Avandiyo so bhikkhave bhikkhu bhikkhunīsaṅghena kātabboti.

[534] Tena kho pana samayena chabbaggiyā bhikkhū kāyaṁ vivaritvā
bhikkhunīnaṁ dassenti ūruṁ vivaritvā bhikkhunīnaṁ dassenti aṅgajātaṁ
vivaritvā bhikkhunīnaṁ dassenti bhikkhuniyo obhāsenti bhikkhunīhi
saddhiṁ sampayojenti appevanāma amhesu sārajjeyyunti .pe.
Bhagavato etamatthaṁ ārocesuṁ .pe. Na bhikkhave bhikkhunā kāyo
vivaritvā bhikkhunīnaṁ dassetabbo na ūru vivaritvā bhikkhunīnaṁ
dassetabbā 1 na aṅgajātaṁ vivaritvā bhikkhunīnaṁ dassetabbaṁ na
bhikkhuniyo obhāsitabbā na bhikkhunīhi saddhiṁ sampayojetabbaṁ yo
sampayojeyya āpatti dukkaṭassa anujānāmi bhikkhave tassa
bhikkhuno daṇḍakammaṁ kātunti. Athakho bhikkhūnaṁ etadahosi kinnu
kho daṇḍakammaṁ kātabbanti. Te bhikkhū bhagavato etamatthaṁ
ārocesuṁ. Avandiyo so bhikkhave bhikkhu bhikkhunīsaṅghena kātabboti.