[505] Codakena bhante bhikkhunā paraṁ codetukāmena katī
dhamme ajjhattaṁ upaṭṭhāpetvā paro codetabboti. Codakenupāli
bhikkhunā paraṁ codetukāmena pañca dhamme ajjhattaṁ upaṭṭhāpetvā
paro codetabbo kālena vakkhāmi no akālena bhūtena vakkhāmi
1 Ma. tathārūpassa. 2 Yu. nasaddo natthi. 3 Yu. ayaṁ pāṭho natthi.
4 Yu. Rā. suttato. 5 Ma. sampāyati. Yu. sampādayati.
No abhūtena saṇhena vakkhāmi no pharusena atthasañhitena
vakkhāmi no anatthasañhitena mettacitto vakkhāmi no dosantaroti
codakenupāli bhikkhunā paraṁ codetukāmena ime pañca dhamme
ajjhattaṁ upaṭṭhāpetvā paro codetabboti.

[506] Adhammacodakassa bhante bhikkhuno katīhākārehi vippaṭisāro
upadahātabboti. Adhammacodakassa upāli bhikkhuno pañcahākārehi
vippaṭisāro upadahātabbo akālenāyasmā codesi
no kālena alante vippaṭisārāya abhūtenāyasmā codesi
no bhūtena alante vippaṭisārāya pharusenāyasmā codesi no
saṇhena alante vippaṭisārāya anatthasañhitenāyasmā codesi
no atthasañhitena alante vippaṭisārāya dosantaro āyasmā
codesi no mettacitto alante vippaṭisārāyāti adhammacodakassa
upāli bhikkhuno imehi pañcahākārehi vippaṭisāro
upadahātabbo. Taṁ kissa hetu. Yathā na aññopi bhikkhu
abhūtena codetabbaṁ maññeyyāti.

[507] Adhammacuditassa 1 pana bhante bhikkhuno katīhākārehi
avippaṭisāro upadahātabboti. Adhammacuditassa upāli bhikkhuno
pañcahākārehi avippaṭisāro upadahātabbo akālenāyasmā
cudito no kālena alante avippaṭisārāya abhūtenāyasmā
cudito no bhūtena alante avippaṭisārāya pharusenāyasmā
1 Yu. ... cuditakassa.
Cudito no saṇhena alante avippaṭisārāya anatthasañhitenāyasmā
cudito no atthasañhitena alante avippaṭisārāya
dosantarenāyasmā cudito no mettacittena alante avippaṭisārāyāti
adhammacuditassa upāli bhikkhuno imehi pañcahākārehi
avippaṭisāro upadahātabboti.

[508] Dhammacodakassa bhante bhikkhuno katīhākārehi avippaṭisāro
upadahātabboti. Dhammacodakassa upāli bhikkhuno pañcahākārehi
avippaṭisāro upadahātabbo kālenāyasmā codesi no akālena
alante avippaṭisārāya bhūtenāyasmā codesi no abhūtena
alante avippaṭisārāya saṇhenāyasmā codesi no pharusena
alante avippaṭisārāya atthasañhitenāyasmā codesi no anatthasañhitena
alante avippaṭisārāya mettacitto āyasmā
codesi no dosantaro alante avippaṭisārāyāti dhammacodakassa
upāli bhikkhuno imehi pañcahākārehi avippaṭisāro
upadahātabbo. Taṁ kissa hetu. Yathā aññopi bhikkhu bhūtena
codetabbaṁ maññeyyāti.

[509] Dhammacuditassa pana bhante bhikkhuno katīhākārehi
vippaṭisāro upadahātabboti. Dhammacuditassa upāli bhikkhuno
pañcahākārehi vippaṭisāro upadahātabbo kālenāyasmā cudito
no akālena alante vippaṭisārāya bhūtenāyasmā cudito no
Abhūtena alante vippaṭisārāya saṇhenāyasmā cudito no
pharusena alante vippaṭisārāya atthasañhitenāyasmā cudito
no anatthasañhitena alante vippaṭisārāya mettacittenāyasmā
cudito no dosantarena alante vippaṭisārāyāti dhammacuditassa
upāli bhikkhuno imehi pañcahākārehi vippaṭisāro
upadahātabboti.

[510] Codakena bhante bhikkhunā paraṁ codetukāmena katī dhamme
ajjhattaṁ manasikaritvā paro codetabboti. Codakenupāli bhikkhunā
paraṁ codetukāmena pañca dhamme ajjhattaṁ manasikaritvā paro
codetabbo kāruññatā hitesitā anukampitā 1 āpattivuṭṭhānatā
vinayapurekkhāratāti codakenupāli bhikkhunā paraṁ codetukāmena
ime pañca dhamme ajjhattaṁ manasikaritvā paro codetabboti.

[511] Cuditena pana bhante bhikkhunā katīsu dhammesu
patiṭṭhātabbanti. Cuditenupāli bhikkhunā dvīsu dhammesu
patiṭṭhātabbaṁ sacce ca akuppe cāti.
Pātimokkhaṭṭhapanakkhandhakaṁ niṭṭhitaṁ navamaṁ.
Imamhi khandhake vatthū tiṁsa.
Bhāṇavārā dve.
-----------
1 Yu. anukampatā.
Tassuddānaṁ

[512] Uposathe yāvatikaṁ pāpabhikkhu na nikkhami 1
moggallānena nivuttho 2 accharaṁ 3 jinasāsane
ninnonupubbasikkhā ca ṭhitadhammo natikkama 4
kuṇapukkhipati saṅgho savantiyo jahanti ca 5
savanti parinibbanti ekarasa vimutti ca
bahu dhammavinayopi bhūtaṭṭhāriyapuggalā
samuddaṁ upamaṁ katvā ṭhāpesi 6 sāsane guṇaṁ.
Uposathe pātimokkhaṁ na amhe koci jānāti
paṭikacceva ujjhanti eko dve tīṇi cāturo 7
pañca cha satta aṭṭhāni navā 8 ca dasamāni ca.
Sīla ācāra diṭṭhi ca ājīvañcatubhāgike 9 .
Pārājikañca saṅghādi pācitti pāṭidesani
dukkaṭaṁ pañcabhāgesu sīlācāravipatti ca
akatāya katāya ca chabbhāgesu yathāvidhi 10 .
Pārājikaṁ ca saṅghādi thullapācittiyena ca
1 Yu. nikkhamati. 2 Ma. nicchuddho. Yu. nicchuddo. 3 Ma. accherā.
4 Ma. Yu. nātikkama. 5 Yu. casaddo natthi. 6 Ma. Yu. vācesi.
7 Ma. Yu. Rā. cattāri. 8 Yu. nava. 9 yu ājīvaṁ catusāvake.
10 Ma. Yu. yathā ṭhiti.
Pāṭidesanīyañceva dukkaṭañca dubbhāsitaṁ
sīlācāravipatti ca ājīvañca vipattiyā
aṭṭhākatāya katena sīlācārā ca diṭṭhiyā 1
akatāya katāyāpi katākatāyameva ca
evaṁ navavidhā vuttā yathābhūtena ñāyato.
Pārājiko vippakatā 2 paccakkhāto tatheva ca
upeti paccādiyati paccādānakathāya ca 3
sīlācāravipatti ca tathā 4 diṭṭhivipattiyā
diṭṭhasutaparisaṅkitaṁ 5 dasadhā taṁ vijānatha.
Bhikkhu vipassati bhikkhuṁ añño cārocayāti taṁ
suddhe va tassa akkhāti pātimokkhaṁ ṭhapesi so.
Vuṭṭhāti antarāyena rājā corāggūdakaṁ
manussāmanussā vāḷa siriṁsapā ca jīvitaṁ
brahmacārī ca dasannaṁ tasmiṁ aññataresu vā 6
1 Ma. Yu. sīlācāravipatti ca diṭṭhiājīvavipatti yā ca aṭṭhā katākate tenekā
sīlācāradiṭṭhiyā. 2 Yu. vippakato. 3 Ma. paccādānakathā ca yā. Yu. paccādānakathā ca
yo. 4 Yu. yathā. 5 Yu. diṭṭhasutaparisaṅki. 6 Yu. bhikkhu vipassati bhikkhuṁ
vipassañño cārocati taṁ suddhe va tassa akkhāti pātimokkhaṁ ṭhapeti so.
vuṭṭhāti anatarāyena rājacoraggudakā ca manussa amanussā ca vāḷasirisapājīvi
brahmaṁ dasannaññatarekena tasmiṁ aññataresu vā. Ma. soyeva tassa akkhāti ....
Dhammikādhammikā ceva yathāmaggena jānatha 1 .
Kālabhūtatthasañhitaṁ labhissāmi bhavissati
kāyavācasikā mettā bāhusaccūbhayāni tu 2 .
Kālabhūtena saṇhena atthamettena codaye
vippaṭisārī adhammena tathevāpi vinodaye 3 .
Dhammacodacuditassa vinode vippaṭissare.
Karuṇā hitānukampā vuṭṭhānampi purakkhitā 4
codakassa paṭipatti sambuddhena pakāsitā 5
sacce ceva akuppe ca cuditassesa 6 dhammatāti.
----------
1 Ma. Yu. jānātha. 2 Ma. Yu. bāhusaccaṁ ubhayāni. 3 Ma. Yu. vippaṭisārādhammena
tathā vācā vinodaye. 4 Ma. Yu. dhammacodacuditassa vinodeti vippaṭisāro
karuṇā hitānukampi vuṭṭhāna purekkhāratā. 5 Yu. Rā. pakāsitaṁ. 6 Ma. Yu.
cuditasseva. Rā. cuditassesā.
Bhikkhunīkhandhakaṁ

[513] Tena samayena buddho bhagavā sakkesu viharati kapilavatthusmiṁ
nigrodhārāme. Athakho mahāpajāpatī gotamī yena bhagavā
tenupasaṅkami upasaṅkamitvā bhagavantaṁ abhivādetvā ekamantaṁ
aṭṭhāsi. Ekamantaṁ ṭhitā kho mahāpajāpatī gotamī bhagavantaṁ
etadavoca sādhu bhante labheyya mātugāmo tathāgatappavedite
dhammavinaye agārasmā anagāriyaṁ pabbajjanti. Alaṁ gotami mā
te rucci mātugāmassa tathāgatappavedite dhammavinaye agārasmā
anagāriyaṁ pabbajjāti. Dutiyampi kho .pe. Tatiyampi kho mahāpajāpatī
gotamī bhagavantaṁ etadavoca sādhu bhante labheyya mātugāmo
tathāgatappavedite dhammavinaye agārasmā anagāriyaṁ pabbajjanti.
Alaṁ gotami mā te rucci mātugāmassa tathāgatappavedite
dhammavinaye agārasmā anagāriyaṁ pabbajjāti. Athakho mahāpajāpatī
gotamī na bhagavā anujānāti mātugāmassa tathāgatappavedite
dhammavinaye agārasmā anagāriyaṁ pabbajjanti dukkhī dummanā assumukhī
rudamānā bhagavantaṁ abhivādetvā padakkhiṇaṁ katvā pakkāmi.

[514] Athakho bhagavā kapilavatthusmiṁ yathābhirantaṁ viharitvā
yena vesālī tena cārikaṁ pakkāmi anupubbena cārikañcaramāno
yena vesālī tadavasari. Tatra sudaṁ bhagavā vesāliyaṁ viharati
Mahāvane kūṭāgārasālāyaṁ. Athakho mahāpajāpatī gotamī kese
chedāpetvā kāsāyāni vatthāni acchādetvā sambahulāhi sākiyānīhi
saddhiṁ yena vesālī tena pakkāmi anupubbena yena vesālī
mahāvanaṁ kūṭāgārasālā tenupasaṅkami. Athakho mahāpajāpatī
gotamī sunehi pādehi rajokiṇṇena gattena dukkhī dummanā
assumukhī rudamānā bahidvārakoṭṭhake aṭṭhāsi. Addasā kho
āyasmā ānando mahāpajāpatiṁ gotamiṁ sunehi pādehi rajokiṇṇena
gattena dukkhiṁ dummanaṁ assumukhiṁ rudamānaṁ bahidvārakoṭṭhake
ṭhitaṁ disvāna mahāpajāpatiṁ gotamiṁ etadavoca kissa tvaṁ gotami
sunehi pādehi rajokiṇṇena gattena dukkhī dummanā assumukhī
rudamānā bahidvārakoṭṭhake ṭhitāti. Tathā hi pana bhante ānanda
na bhagavā anujānāti mātugāmassa tathāgatappavedite dhammavinaye
agārasmā anagāriyaṁ pabbajjanti. Tenahi 1 gotami muhuttaṁ tvaṁ 2
idheva tāva hohi yāvāhaṁ bhagavantaṁ yācāmi mātugāmassa
tathāgatappavedite dhammavinaye agārasmā anagāriyaṁ pabbajjanti.