[425] Sace ārāme kālo ārocito hoti timaṇḍalaṁ
paṭicchādentena parimaṇḍalaṁ nivāsetvā kāyabandhanaṁ bandhitvā
saguṇaṁ katvā saṅghāṭiyo pārupitvā gaṇṭhikaṁ paṭimuñcitvā dhovitvā
pattaṁ gahetvā sādhukaṁ ataramānena gāmo pavisitabbo na
vokkamma therānaṁ bhikkhūnaṁ purato purato gantabbaṁ supaṭicchannena
1 Ma. āsanenapi.
Antaraghare gantabbaṁ susaṁvutena antaraghare gantabbaṁ okkhittacakkhunā
antaraghare gantabbaṁ na ukkhittakāya antaraghare gantabbaṁ
na ujjagghikāya antaraghare gantabbaṁ appasaddena antaraghare
gantabbaṁ na kāyappacālakaṁ antaraghare gantabbaṁ na bāhuppacālakaṁ
antaraghare gantabbaṁ na sīsappacālakaṁ antaraghare gantabbaṁ na
khambhakatena anataraghare gantabbaṁ na oguṇṭhitena antaraghare
gantabbaṁ na ukkuṭikāya antaraghare gantabbaṁ supaṭicchannena antaraghare
nisīditabbaṁ susaṁvutena antaraghare nisīditabbaṁ okkhittacakkhunā
antaraghare nisīditabbaṁ na ukkhittakāya antaraghare nisīditabbaṁ
na ujjagghikāya antaraghare nisīditabbaṁ appasaddena antaraghare
nisīditabbaṁ na kāyappacālakaṁ antaraghare nisīditabbaṁ na bāhuppacālakaṁ
antaraghare nisīditabbaṁ na sīsappacālakaṁ antaraghare
nisīditabbaṁ na khambhakatena antaraghare nisīditabbaṁ na oguṇṭhitena
antaraghare nisīditabbaṁ na pallatthikāya antaraghare nisīditabbaṁ
na there bhikkhū anupakhajja nisīditabbaṁ na navā bhikkhū āsanena
paṭibāhitabbā na saṅghāṭiṁ ottharitvā antaraghare nisīditabbaṁ
udake dīyamāne ubhohi hatthehi pattaṁ pariggahetvā udakaṁ
paṭiggahetabbaṁ nīcaṁ katvā sādhukaṁ aparighaṁsantena patto
dhovitabbo sace udakapaṭiggāhako hoti nīcaṁ katvā udakapaṭiggahe
udakaṁ āsiñcitabbaṁ mā udakapaṭiggāhako udakena osiñci
Mā sāmantā bhikkhū udakena osiñciṁsu mā saṅghāṭi udakena
osiñcīti sace udakapaṭiggāhako na hoti nīcaṁ katvā chamāyaṁ
udakaṁ āsiñcitabbaṁ mā sāmantā bhikkhū udakena osiñciṁsu
mā saṅghāṭi udakena osiñcīti odane dīyamāne ubhohi hatthehi
pattaṁ pariggahetvā odano paṭiggahetabbo sūpassa okāso
kātabbo sace hoti sappi vā telaṁ vā uttaribhaṅgaṁ vā
therena vattabbo sabbesaṁ samakaṁ sampādehīti sakkaccaṁ piṇḍapāto
paṭiggahetabbo pattasaññinā piṇḍapāto paṭiggahetabbo
samasūpako piṇḍapāto paṭiggahetabbo samatittiko
piṇḍapāto paṭiggahetabbo na tāva therena bhuñjitabbaṁ yāva
na sabbesaṁ odano sampatto 1 hoti sakkaccaṁ piṇḍapāto
bhuñjitabbo pattasaññinā piṇḍapāto bhuñjitabbo sapadānaṁ 2
piṇḍapāto bhuñjitabbo samasūpako piṇḍapāto bhuñjitabbo
na thūpato 3 omadditvā piṇḍapāto bhuñjitabbo na sūpaṁ vā
byañjanaṁ vā odanena paṭicchādetabbaṁ bhiyyokamyataṁ upādāya
na sūpaṁ vā odanaṁ vā agilānena attano atthāya viññāpetvā
bhuñjitabbaṁ na ujjhānasaññinā paresaṁ patto oloketabbo
nātimahanto kabaḷo kātabbo parimaṇḍalo ālopo kātabbo
1 Yu. sampanno. 2 Yu. sapadāno. 3 thūpikatotipi pāṭho dissati.
Na anāhaṭe kabaḷe mukhadvāraṁ vivaritabbaṁ na bhuñjamānena sabbo
hattho mukhe pakkhipitabbo na sakabaḷena mukhena byāharitabbaṁ
na piṇḍukkhepakaṁ bhuñjitabbaṁ na kabaḷāvacchedakaṁ bhuñjitabbaṁ na
avagaṇḍakārakaṁ bhuñjitabbaṁ na hatthaniddhūnakaṁ bhuñjitabbaṁ na
sitthāvakārakaṁ bhuñjitabbaṁ na jivhānicchārakaṁ bhuñjitabbaṁ na
capucapukārakaṁ bhuñjitabbaṁ na surusurukārakaṁ bhuñjitabbaṁ na hatthanillehakaṁ
bhuñjitabbaṁ na pattanillehakaṁ bhuñjitabbaṁ na oṭṭhanillehakaṁ
bhuñjitabbaṁ na sāmisena hatthena pānīyathālako paṭiggahetabbo
na tāva therena udakaṁ paṭiggahetabbaṁ yāva na sabbe va 1 bhuttāvino
honti udake dīyamāne ubhohi hatthehi pattaṁ pariggahetvā
udakaṁ paṭiggahetabbaṁ nīcaṁ katvā sādhukaṁ aparighaṁsantena patto
dhovitabbo sace udakapaṭiggāhako hoti nīcaṁ katvā udakapaṭiggahe
udakaṁ āsiñcitabbaṁ mā udakapaṭiggāhako udakena osiñci mā
sāmantā bhikkhū udakena osiñciṁsu mā saṅghāṭi udakena
osiñcīti sace udakapaṭiggāhako na hoti nīcaṁ katvā chamāyaṁ
udakaṁ āsiñcitabbaṁ mā sāmantā bhikkhū udakena osiñciṁsu
mā saṅghāṭi udakena osiñcīti na sasitthakaṁ pattadhovanaṁ antaraghare
chaḍḍetabbaṁ nivattantena navakehi bhikkhūhi paṭhamataraṁ nivattitabbaṁ
pacchā therehi supaṭicchannena antaraghare gantabbaṁ susaṁvutena
antaraghare gantabbaṁ okkhittacakkhunā antaraghare gantabbaṁ na
1 Yu. vasaddo natthi.
Ukkhittakāya antaraghare gantabbaṁ na ujjagghikāya antaraghare
gantabbaṁ appasaddena antaraghare gantabbaṁ na kāyappacālakaṁ
antaraghare gantabbaṁ na bāhuppacālakaṁ antaraghare gantabbaṁ na
sīsappacālakaṁ antaraghare gantabbaṁ na khambhakatena antaraghare
gantabbaṁ na oguṇṭhitena antaraghare gantabbaṁ na ukkuṭikāya
antaraghare gantabbaṁ idaṁ kho bhikkhave bhikkhūnaṁ bhattaggavattaṁ
yathā bhikkhūhi bhattagge sammā vattitabbanti.
Paṭhamabhāṇavāraṁ niṭṭhitaṁ.

[426] Tena kho pana samayena piṇḍacārikā bhikkhū dunnivatthā
duppārutā anākappasampannā piṇḍāya caranti asallakkhetvāpi
nivesanaṁ pavisanti asallakkhetvāpi nikkhamanti atisahasāpi pavisanti
atisahasāpi nikkhamanti atidūrepi tiṭṭhanti accāsannepi tiṭṭhanti
aticiraṁpi tiṭṭhanti atilahukaṁpi nivattanti. Aññataro 1 piṇḍacāriko
bhikkhu asallakkhetvā nivesanaṁ pāvisi. So ca 2 dvāraṁ
maññamāno aññataraṁ ovarakaṁ pāvisi. Tasmimpi 3 ovarake
itthī naggā uttānā nipannā hoti. Addasā kho so bhikkhu
taṁ itthiṁ naggaṁ uttānaṁ nipannaṁ disvāna nayidaṁ dvāraṁ ovarakaṁ
1 Ma. Yu. aññataropi. 2 Yu. casaddo natthi. 3 Yu. pisaddo natthi.
Idanti tamhā ovarakamhā nikkhami. Addasā kho tassā
itthiyā sāmiko taṁ itthiṁ naggaṁ uttānaṁ nipannaṁ disvāna iminā
me bhikkhunā pajāpati dūsitāti taṁ bhikkhuṁ gahetvā ākoṭeti.
Athakho sā itthī tena saddena paṭibujjhitvā taṁ purisaṁ etadavoca
kissa tvaṁ ayya imaṁ bhikkhuṁ ākoṭesīti. Imināsi tvaṁ bhikkhunā
dūsitāti. Nāhaṁ ayya iminā bhikkhunā dūsitā akārako so
bhikkhūti taṁ bhikkhuṁ muñcāpesi. Athakho so bhikkhu ārāmaṁ gantvā
bhikkhūnaṁ etamatthaṁ ārocesi. Ye te bhikkhū appicchā .pe. Te
ujjhāyanti khīyanti vipācenti kathaṁ hi nāma piṇḍacārikā bhikkhū
dunnivatthā duppārutā anākappasampannā piṇḍāya carissanti
asallakkhetvāpi nivesanaṁ pavisissanti asallakkhetvāpi nikkhamissanti
atisahasāpi pavisissanti atisahasāpi nikkhamissanti atidūrepi
tiṭṭhissanti accāsannepi tiṭṭhissanti aticirampi tiṭṭhissanti
atilahukampi nivattissantiti. Athakho te bhikkhū bhagavato etamatthaṁ
ārocesuṁ .pe. Saccaṁ kira bhikkhave .pe. Saccaṁ bhagavāti .pe.
Vigarahitvā dhammiṁ kathaṁ katvā bhikkhū āmantesi tenahi bhikkhave
piṇḍacārikānaṁ bhikkhūnaṁ vattaṁ paññāpessāmi yathā piṇḍacārikehi
bhikkhūhi sammā vattitabbaṁ.

[427] Piṇḍacārikena bhikkhave bhikkhunā idāni gāmaṁ
pavisissāmīti timaṇḍalaṁ paṭicchādentena parimaṇḍalaṁ nivāsetvā
Kāyabandhanaṁ bandhitvā saguṇaṁ katvā saṅghāṭiyo pārupitvā gaṇṭhikaṁ
paṭimuñcitvā dhovitvā pattaṁ gahetvā sādhukaṁ ataramānena gāmo
pavisitabbo supaṭicchannena antaraghare gantabbaṁ susaṁvutena
antaraghare gantabbaṁ okkhittacakkhunā antaraghare gantabbaṁ na
ukkhittakāya antaraghare gantabbaṁ na ujjagghikāya antaraghare
gantabbaṁ appasaddena antaraghare gantabbaṁ na kāyappacālakaṁ
antaraghare gantabbaṁ na bāhuppacālakaṁ antaraghare gantabbaṁ na
sīsappacālakaṁ antaraghare gantabbaṁ na khambhakatena antaraghare
gantabbaṁ na oguṇṭhitena antaraghare gantabbaṁ na ukkuṭikāya
antaraghare gantabbaṁ nivesanaṁ pavisantena sallakkhetabbaṁ iminā
pavisissāmi iminā nikkhamissāmīti nātisahasā pavisitabbaṁ
nātisahasā nikkhamitabbaṁ nātidūre ṭhātabbaṁ nāccāsanne
ṭhātabbaṁ nāticiraṁ ṭhātabbaṁ nātilahukaṁ nivattitabbaṁ ṭhitakena
sallakkhetabbaṁ bhikkhaṁ dātukāmā vā adātukāmā vāti sace
kammaṁ vā nikkhipati āsanā vā vuṭṭhāti kaṭacchuṁ vā parāmasati
bhājanaṁ vā parāmasati ṭhapeti vā dātukāmiyāti 1 ṭhātabbaṁ
bhikkhāya dīyamānāya vāmena hatthena saṅghāṭiṁ uccāretvā
dakkhiṇena hatthena pattaṁ paṇāmetvā ubhohi hatthehi pattaṁ
pariggahetvā bhikkhā paṭiggahetabbā na ca bhikkhādāyikāya
1 Ma. dātukāmāssāti. Yu. dātukāmā viyāti.
Mukhaṁ oloketabbaṁ 1 sallakkhetabbaṁ sūpaṁ dātukāmā vā adātukāmā
vāti sace kaṭacchuṁ vā parāmasati bhājanaṁ vā parāmasati
ṭhapeti vā dātukāmiyāti ṭhātabbaṁ bhikkhāya dinnāya saṅghāṭiyā
pattaṁ paṭicchādetvā sādhukaṁ ataramānena nivattitabbaṁ supaṭicchannena
antaraghare gantabbaṁ susaṁvutena antaraghare gantabbaṁ
okkhittacakkhunā antaraghare gantabbaṁ na ukkhittakāya antaraghare
gantabbaṁ na ujjagghikāya antaraghare gantabbaṁ appasaddena
antaraghare gantabbaṁ na kāyappacālakaṁ antaraghare gantabbaṁ na
bāhuppacālakaṁ antaraghare gantabbaṁ na sīsappacālakaṁ antaraghare
gantabbaṁ na khambhakatena antaraghare gantabbaṁ na oguṇṭhitena
antaraghare gantabbaṁ na ukkuṭikāya antaraghare gantabbaṁ yo
paṭhamaṁ gāmato piṇḍāya paṭikkamati tena āsanaṁ paññāpetabbaṁ
pādodakaṁ pādapīṭhaṁ pādakathalikaṁ upanikkhipitabbaṁ avakkārapāṭiṁ
dhovitvā upaṭṭhāpetabbaṁ 2 pānīyaṁ paribhojanīyaṁ upaṭṭhāpetabbaṁ
yo pacchā gāmato piṇḍāya paṭikkamati sace hoti bhuttāvaseso
sace ākaṅkhati bhuñjitabbaṁ no ce ākaṅkhati apaharite vā
chaḍḍetabbaṁ appāṇake vā udake opilāpetabbaṁ tena
āsanaṁ uddharitabbaṁ pādodakaṁ pādapīṭhaṁ pādakathalikaṁ paṭisāmetabbaṁ
avakkārapāṭiṁ dhovitvā paṭisāmetabbaṁ pānīyaṁ paribhojanīyaṁ
1 Yu. Ma. ulloketabbaṁ. 2 Ma. avakkārapāṭi ..ṭabbā.
Paṭisāmetabbaṁ bhattaggaṁ sammajjitabbaṁ yo passati pānīyaghaṭaṁ vā
paribhojanīyaghaṭaṁ vā vaccaghaṭaṁ vā rittaṁ tucchaṁ tena upaṭṭhāpetabbaṁ
sacassa hoti avisayhaṁ hatthavikārena dutiyaṁ āmantetvā hatthavilaṅghakena
upaṭṭhāpetabbaṁ na ca tappaccayā vācā bhinditabbā
idaṁ kho bhikkhave piṇḍacārikānaṁ bhikkhūnaṁ vattaṁ yathā piṇḍacārikehi
bhikkhūhi sammā vattitabbanti.

[428] Tena kho pana samayena sambahulā bhikkhū araññe
viharanti. Te neva pānīyaṁ upaṭṭhāpenti na paribhojanīyaṁ
upaṭṭhāpenti na aggiṁ upaṭṭhāpenti na araṇisahitaṁ upaṭṭhāpenti
na nakkhattapadāni jānanti na disābhāgaṁ jānanti. Corā tattha
gantvā te bhikkhū etadavocuṁ atthi bhante pānīyanti.
Natthāvusoti. Atthi bhante paribhojanīyanti. Natthāvusoti.
Atthi bhante aggīti. Natthāvusoti. Atthi bhante araṇisahitanti.
Natthāvusoti. Kenajja bhante yuttanti. Na kho mayaṁ āvuso
jānāmāti. Katamāyaṁ bhante disāti. Na kho mayaṁ āvuso
jānāmāti. Athakho te corā nevimesaṁ pānīyaṁ atthi na
paribhojanīyaṁ atthi na aggi atthi na araṇisahitaṁ atthi na
nakkhattapadāni jānanti na disābhāgaṁ jānanti corā ime 1
nayime bhikkhūti ākoṭetvā pakkamiṁsu. Athakho te bhikkhū bhikkhūnaṁ
etamatthaṁ ārocesuṁ. Bhikkhū bhagavato etamatthaṁ ārocesuṁ.
1 Yu. corāyime.
Athakho bhagavā etasmiṁ nidāne etasmiṁ pakaraṇe dhammiṁ kathaṁ
katvā bhikkhū āmantesi tenahi bhikkhave āraññakānaṁ bhikkhūnaṁ vattaṁ
paññāpessāmi yathā āraññakehi bhikkhūhi sammā vattitabbaṁ.

[429] Āraññakena bhikkhave bhikkhunā kālasseva uṭṭhāya
pattaṁ thavikāya pakkhipitvā aṁse ālaggetvā cīvaraṁ khandhe karitvā
upāhanā ārohitvā dārubhaṇḍaṁ mattikābhaṇḍaṁ paṭisāmetvā
dvāravātapānāni 1 thaketvā senāsanā otaritabbaṁ idāni gāmaṁ
pavisissāmīti upāhanā omuñcitvā nīcaṁ katvā pappoṭetvā
thavikāya pakkhipitvā aṁse ālaggetvā timaṇḍalaṁ paṭicchādentena
parimaṇḍalaṁ nivāsetvā kāyabandhanaṁ bandhitvā saguṇaṁ katvā saṅghāṭiyo
pārupitvā gaṇṭhikaṁ paṭimuñcitvā dhovitvā pattaṁ gahetvā sādhukaṁ
ataramānena gāmo pavisitabbo supaṭicchannena antaraghare gantabbaṁ
susaṁvutena antaraghare gantabbaṁ .pe. Na ukkuṭikāya antaraghare
gantabbaṁ nivesanaṁ pavisantena sallakkhetabbaṁ iminā pavisissāmi
iminā nikkhamissāmīti nātisahasā pavisitabbaṁ nātisahasā
nikkhamitabbaṁ nātidūre ṭhātabbaṁ nāccāsanne ṭhātabbaṁ nāticiraṁ
ṭhātabbaṁ nātilahukaṁ nivattitabbaṁ ṭhitakena sallakkhetabbaṁ bhikkhaṁ
dātukāmā vā adātukāmā vāti sace kammaṁ vā nikkhipati
āsanā vā vuṭṭhāti kaṭacchuṁ vā parāmasati bhājanaṁ vā parāmasati
ṭhapeti vā dātukāmiyāti ṭhātabbaṁ bhikkhāya dīyamānāya vāmena
1 Ma. Yu. dvāravātapānaṁ.
Hatthena saṅghāṭiṁ uccāretvā dakkhiṇena hatthena pattaṁ paṇāmetvā
ubhohi hatthehi pattaṁ pariggahetvā bhikkhā paṭiggahetabbā na
ca bhikkhādāyikāya mukhaṁ oloketabbaṁ sallakkhetabbaṁ sūpaṁ vā 1
dātukāmā vā adātukāmā vāti sace kaṭacchuṁ vā parāmasati
bhājanaṁ vā parāmasati ṭhapeti vā dātukāmiyāti ṭhātabbaṁ bhikkhāya
dinnāya saṅghāṭiyā pattaṁ paṭicchādetvā sādhukaṁ ataramānena
nivattitabbaṁ supaṭicchannena antaraghare gantabbaṁ .pe. Na ukkuṭikāya
antaraghare gantabbaṁ gāmato nikkhamitvā pattaṁ thavikāya
pakkhipitvā aṁse ālaggetvā cīvaraṁ saṁharitvā sīse karitvā
upāhanā ārohitvā gantabbaṁ āraññakena bhikkhave bhikkhunā
pānīyaṁ upaṭṭhāpetabbaṁ paribhojanīyaṁ upaṭṭhāpetabbaṁ aggi
upaṭṭhāpetabbo araṇisahitaṁ upaṭṭhāpetabbaṁ kattaradaṇḍo
upaṭṭhāpetabbo nakkhattapadāni uggahetabbāni sakalāni vā
ekadesāni vā disākusalena bhavitabbaṁ idaṁ kho bhikkhave
āraññakānaṁ bhikkhūnaṁ vattaṁ yathā āraññakehi bhikkhūhi sammā
vattitabbanti.

[430] Tena kho pana samayena sambahulā bhikkhū ajjhokāse
cīvarakammaṁ karonti. Chabbaggiyā bhikkhū paṭivāte paṅgaṇe 2
senāsanaṁ pappoṭesuṁ. Bhikkhū rajena okiriyiṁsu 6 . Ye te bhikkhū
1 Ma. vāsaddo natthi. 2 Ma. aṅgaṇe. 3 Ma. Yu. okiriṁsu.
Appicchā .pe. Te ujjhāyanti khīyanti vipācenti kathaṁ hi
nāma chabbaggiyā bhikkhū paṭivāte paṅgaṇe senāsanaṁ pappoṭessanti
bhikkhū rajena okiriyissantīti. Athakho te bhikkhū bhagavato etamatthaṁ
ārocesuṁ .pe. Saccaṁ kira bhikkhave chabbaggiyā bhikkhū paṭivāte
paṅgaṇe senāsanaṁ pappoṭenti bhikkhū rajena okiriyiṁsūti 3 .
Saccaṁ bhagavāti .pe. Vigarahitvā dhammiṁ kathaṁ katvā bhikkhū āmantesi
tenahi bhikkhave bhikkhūnaṁ senāsanavattaṁ paññāpessāmi yathā
bhikkhūhi senāsane sammā vattitabbaṁ.

[431] Yasmiṁ vihāre viharati sace so vihāro uklāpo
hoti sace ussahati sodhetabbo vihāraṁ sodhentena paṭhamaṁ
pattacīvaraṁ nīharitvā ekamantaṁ nikkhipitabbaṁ nisīdanapaccattharaṇaṁ
nīharitvā ekamantaṁ nikkhipitabbaṁ bhisibimbohanaṁ nīharitvā ekamantaṁ
nikkhipitabbaṁ mañco nīcaṁ katvā sādhukaṁ aparighaṁsantena asaṅghaṭṭantena
kavāṭapiṭṭhaṁ nīharitvā ekamantaṁ nikkhipitabbo pīṭhaṁ nīcaṁ
katvā sādhukaṁ aparighaṁsantena asaṅghaṭṭantena kavāṭapiṭṭhaṁ nīharitvā
ekamantaṁ nikkhipitabbaṁ mañcapaṭipādakā nīharitvā ekamantaṁ
nikkhipitabbā kheḷamallako nīharitvā ekamantaṁ nikkhipitabbo
apassenaphalakaṁ nīharitvā ekamantaṁ nikkhipitabbaṁ bhummattharaṇaṁ
yathāpaññattaṁ sallakkhetvā nīharitvā ekamantaṁ nikkhipitabbaṁ
1 Ma. Yu. okiriṁsūti.
Sace vihāre santānakaṁ hoti ullokā paṭhamaṁ ohāretabbaṁ
ālokasandhikaṇṇabhāgā pamajjitabbā sace gerukaparikammakatā
bhitti kaṇṇakitā hoti coḷakaṁ temetvā piḷetvā pamajjitabbā
sace kāḷavaṇṇakatā bhūmi kaṇṇakitā hoti coḷakaṁ temetvā
pīḷetvā pamajjitabbā sace akatā hoti bhūmi udakena
paripphositvā sammajjitabbā mā vihāro rajena ūhaññīti
saṅkāraṁ vicinitvā ekamantaṁ chaḍḍetabbaṁ na bhikkhusāmantā
senāsanaṁ pappoṭetabbaṁ na vihārasāmantā senāsanaṁ
pappoṭetabbaṁ na pānīyasāmantā senāsanaṁ pappoṭetabbaṁ na
paribhojanīyasāmantā senāsanaṁ pappoṭetabbaṁ na paṭivāte paṅgaṇe
senāsanaṁ pappoṭetabbaṁ adhovāte senāsanaṁ pappoṭetabbaṁ
bhummattharaṇaṁ ekamantaṁ otāpetvā sodhetvā pappoṭetvā
atiharitvā yathāpaññattaṁ paññāpetabbaṁ mañcapaṭipādakā ekamantaṁ
otāpetvā pamajjitvā atiharitvā yathāṭhāne ṭhapetabbā
mañco ekamantaṁ otāpetvā sodhetvā pappoṭetvā nīcaṁ
katvā sādhukaṁ aparighaṁsantena asaṅghaṭṭantena kavāṭapiṭṭhaṁ atiharitvā
yathāpaññattaṁ paññāpetabbo pīṭhaṁ ekamantaṁ
otāpetvā sodhetvā pappoṭetvā nīcaṁ katvā sādhukaṁ aparighaṁsantena
asaṅghaṭṭantena kavāṭapiṭṭhaṁ atiharitvā yathāpaññattaṁ
paññāpetabbaṁ bhisibimbohanaṁ ekamantaṁ otāpetvā sodhetvā
Pappoṭetvā atiharitvā yathāpaññattaṁ paññāpetabbaṁ nisīdanapaccattharaṇaṁ
ekamantaṁ otāpetvā sodhetvā pappoṭetvā
atiharitvā yathāpaññattaṁ paññāpetabbaṁ kheḷamallako ekamantaṁ
otāpetvā pamajjitvā atiharitvā yathāṭhāne ṭhapetabbo
apassenaphalakaṁ ekamantaṁ otāpetvā pamajjitvā atiharitvā
yathāṭhāne ṭhapetabbaṁ pattacīvaraṁ nikkhipitabbaṁ pattaṁ nikkhipantena
ekena hatthena pattaṁ gahetvā ekena hatthena heṭṭhāmañcaṁ
vā heṭṭhāpīṭhaṁ vā parāmasitvā patto nikkhipitabbo na ca
anantarahitāya bhūmiyā patto nikkhipitabbo cīvaraṁ nikkhipantena
ekena hatthena cīvaraṁ gahetvā ekena hatthena cīvaravaṁsaṁ vā cīvararajjuṁ
vā pamajjitvā pārato antaṁ orato bhogaṁ katvā cīvaraṁ
nikkhipitabbaṁ sace puratthimā sarakhā vātā vāyanti puratthimā
vātapānā thaketabbā sace pacchimā sarajā vātā vāyanti
pacchimā vātapānā thaketabbā sace uttarā sarajā vātā
vāyanti uttarā vātapānā thaketabbā sace dakkhiṇā sarajā
vātā vāyanti dakkhiṇā vātapānā thaketabbā sace sītakālo
hoti divā vātapānā vivaritabbā rattiṁ thaketabbā sace
uṇhakālo hoti divā vātapānā thaketabbā rattiṁ vivaritabbā
sace pariveṇaṁ uklāpaṁ hoti pariveṇaṁ sammajjitabbaṁ sace
koṭṭhako uklāpo hoti koṭṭhako sammajjitabbo sace
Upaṭṭhānasālā uklāpā hoti upaṭṭhānasālā sammajjitabbā
sace aggisālā uklāpā hoti aggisālā sammajjitabbā sace
vaccakuṭī 1 uklāpā hoti vaccakuṭī sammajjitabbā sace pānīyaṁ
na hoti pānīyaṁ upaṭṭhāpetabbaṁ sace paribhojanīyaṁ na hoti
paribhojanīyaṁ upaṭṭhāpetabbaṁ sace ācamanakumbhiyā udakaṁ na hoti
ācamanakumbhiyā udakaṁ āsiñcitabbaṁ sace vuḍḍhena saddhiṁ ekavihāre
viharati na vuḍḍhaṁ anāpucchā uddeso dātabbo na
paripucchā dātabbā na sajjhāyo kātabbo na dhammo
bhāsitabbo na padīpo kātabbo na padīpo vijjhāpetabbo
na vātapānā vivaritabbā na vātapānā thaketabbā sace
vuḍḍhena saddhiṁ ekacaṅkame caṅkamati yena vuḍḍho tena
parivattitabbaṁ na ca vuḍḍho saṅghāṭikaṇṇena ghaṭṭetabbo
idaṁ kho bhikkhave bhikkhūnaṁ senāsanavattaṁ yathā bhikkhūhi senāsane
sammā vattitabbanti.

[432] Tena kho pana samayena chabbaggiyā bhikkhū jantāghare
therehi bhikkhūhi nivāriyamānā anādariyaṁ paṭicca pahūtaṁ kaṭṭhaṁ
āropetvā aggiṁ datvā dvāraṁ thaketvā dvāre nisīdanti. Therā
ca 1 bhikkhū uṇhābhitattā dvāraṁ alabhamānā mucchitā papatanti.
Ye te bhikkhū appicchā .pe. Te ujjhāyanti khīyanti vipācenti
1 Ma. vaccakuṭi. 3 Ma. Yu. therā cāti natthi.
Kathaṁ hi nāma chabbaggiyā *- bhikkhū jantāghare therehi bhikkhūhi
nivāriyamānā anādariyaṁ paṭicca pahūtaṁ kaṭṭhaṁ āropetvā aggiṁ
datvā dvāraṁ thaketvā dvāre nisīdissanti therā ca bhikkhū
uṇhābhitattā dvāraṁ alabhamānā mucchitā papatantīti. Athakho te
bhikkhū bhagavato etamatthaṁ ārocesuṁ .pe. Saccaṁ kira bhikkhave
chabbaggiyā bhikkhū jantāghare therehi bhikkhūhi nivāriyamānā anādariyaṁ
paṭicca pahūtaṁ kaṭṭhaṁ āropetvā aggiṁ datvā dvāraṁ thaketvā
dvāre nisīdanti bhikkhū uṇhābhitattā dvāraṁ alabhamānā
mucchitā papatantīti. Saccaṁ bhagavāti .pe. Vigarahitvā dhammiṁ
kathaṁ katvā bhikkhū āmantesi na bhikkhave jantāghare therena
bhikkhunā nivāriyamānena anādariyaṁ paṭicca pahūtaṁ kaṭṭhaṁ āropetvā
aggi dātabbo yo dadeyya āpatti dukkaṭassa na ca 1
bhikkhave dvāraṁ thaketvā dvāre nisīditabbaṁ yo nisīdeyya
āpatti dukkaṭassa tenahi bhikkhave bhikkhūnaṁ jantāgharavattaṁ *-
paññāpessāmi yathā bhikkhūhi jantāghare sammā vattitabbaṁ.

[433] Yo paṭhamaṁ jantāgharaṁ 2 gacchati sace chārikā ussannā
hoti chārikā chaḍḍetabbā sace jantāgharaṁ uklāpaṁ hoti
jantāgharaṁ sammajjitabbaṁ sace paribhaṇḍaṁ uklāpaṁ hoti paribhaṇḍaṁ
sammajjitabbaṁ sace pariveṇaṁ uklāpaṁ hoti pariveṇaṁ
sammajjitabbaṁ sace koṭṭhako uklāpo hoti koṭṭhako
1 Ma. casaddo natthi. 2 Ma. jantāghare.
* mīkārkkhag chabyaggiyā peḌna chabbaggiyā
* mīkārkkhag janatāgharavattaṁ peḌna jantāgharavattaṁ
Sammajjitabbo sace jantāgharasālā uklāpā hoti jantāgharasālā
sammajjitabbā cuṇṇaṁ sannetabbaṁ mattikā temetabbā
udakadoṇikāya udakaṁ āsiñcitabbaṁ jantāgharaṁ pavisantena mattikāya
mukhaṁ makkhetvā purato ca pacchato ca paṭicchādetvā jantāgharaṁ
pavisitabbaṁ na there bhikkhū anupakhajja nisīditabbaṁ na navā bhikkhū
āsanena paṭibāhitabbā sace ussahati jantāghare therānaṁ
bhikkhūnaṁ parikammaṁ kātabbaṁ jantāgharā nikkhamantena jantāgharapīṭhaṁ
ādāya purato ca pacchato ca paṭicchādetvā jantāgharā
nikkhamitabbaṁ sace ussahati udakepi therānaṁ bhikkhūnaṁ parikammaṁ kātabbaṁ
na therānaṁ bhikkhūnaṁ puratopi 1 nahāyitabbaṁ na uparisotepi 2
nahāyitabbaṁ nahātena uttarantena otarantānaṁ maggo dātabbo
yo pacchā jantāgharā nikkhamati sace jantāgharaṁ cikkhallaṁ
hoti dhovitabbaṁ mattikādoṇikaṁ dhovitvā jantāgharapīṭhaṁ
paṭisāmetvā aggiṁ vijjhāpetvā dvāraṁ thaketvā pakkamitabbaṁ idaṁ
kho bhikkhave bhikkhūnaṁ jantāgharavattaṁ yathā bhikkhūhi jantāghare
sammā vattitabbanti.

[434] Tena kho pana samayena aññataro bhikkhu brāhmaṇajātiko
vaccaṁ katvā na icchati ācametuṁ ko imaṁ vasalaṁ
1 Ma. Yu. Rā. pisaddo natthi. 2 Ma. uparitopi. Yu. uparito.
Duggandhaṁ āmasissatīti. Tassa vaccamagge kimi saṇṭhāsi. Athakho
so bhikkhu bhikkhūnaṁ etamatthaṁ ārocesi. Kiṁ pana tvaṁ āvuso
vaccaṁ katvā na ācamesīti. Evamāvusoti. Ye te bhikkhū
appicchā .pe. Te ujjhāyanti khīyanti vipācenti kathaṁ hi
nāma bhikkhu vaccaṁ katvā na ācamissatīti. Athakho te bhikkhū
bhagavato etamatthaṁ ārocesuṁ .pe. Saccaṁ kira tvaṁ bhikkhu vaccaṁ
katvā na ācamesīti. Saccaṁ bhagavāti .pe. Vigarahitvā dhammiṁ
kathaṁ katvā bhikkhū āmantesi na bhikkhave vaccaṁ katvā sati
udake na ācametabbaṁ yo nācameyya āpatti dukkaṭassāti.