[445] Ācariyena bhikkhave antevāsikamhi sammā vattitabbaṁ.
Tatrāyaṁ sammāvattanā ācariyena bhikkhave antevāsiko saṅgahetabbo
anuggahetabbo uddesena paripucchāya ovādena anusāsaniyā
sace ācariyassa patto hoti antevāsikassa patto na hoti
ācariyena antevāsikassa patto dātabbo ussukkaṁ vā kātabbaṁ
kinti nu kho antevāsikassa patto uppajjiyethāti sace ācariyassa
cīvaraṁ hoti antevāsikassa cīvaraṁ na hoti ācariyena antevāsikassa
cīvaraṁ dātabbaṁ ussukkaṁ vā kātabbaṁ kinti nu kho antevāsikassa
cīvaraṁ uppajjiyethāti sace ācariyassa parikkhāro hoti
Antevāsikassa parikkhāro na hoti ācariyena antevāsikassa
parikkhāro dātabbo ussukkaṁ vā kātabbaṁ kinti nu kho
antevāsikassa parikkhāro uppajjiyethāti sace antevāsiko
gilāno hoti kālasseva uṭṭhāya dantakaṭṭhaṁ dātabbaṁ mukhodakaṁ
dātabbaṁ āsanaṁ paññāpetabbaṁ sace yāgu hoti bhājanaṁ
dhovitvā yāgu upanāmetabbā yāguṁ pītassa udakaṁ datvā
bhājanaṁ paṭiggahetvā nīcaṁ katvā sādhukaṁ aparighaṁsantena dhovitvā
paṭisāmetabbaṁ antevāsikamhi vuṭṭhite āsanaṁ uddharitabbaṁ
sace so deso uklāpo hoti so deso sammajjitabbo
sace antevāsiko gāmaṁ pavisitukāmo hoti nivāsanaṁ dātabbaṁ
paṭinivāsanaṁ paṭiggahetabbaṁ kāyabandhanaṁ dātabbaṁ saguṇaṁ katvā
saṅghāṭiyo dātabbā dhovitvā patto saudako dātabbo
ettāvatā nivattissatīti āsanaṁ paññāpetabbaṁ pādodakaṁ
pādapīṭhaṁ pādakathalikaṁ upanikkhipitabbaṁ paccuggantvā pattacīvaraṁ
paṭiggahetabbaṁ paṭinivāsanaṁ dātabbaṁ nivāsanaṁ paṭiggahetabbaṁ sace
cīvaraṁ sinnaṁ hoti muhuttaṁ uṇhe otāpetabbaṁ na ca uṇhe
cīvaraṁ nidahitabbaṁ cīvaraṁ saṁharitabbaṁ cīvaraṁ saṁharantena caturaṅgulaṁ
kaṇṇaṁ ussādetvā cīvaraṁ saṁharitabbaṁ mā majjhe bhaṅgo ahosīti
obhoge kāyabandhanaṁ kātabbaṁ sace piṇḍapāto hoti antevāsiko
ca bhuñjitukāmo hoti udakaṁ datvā piṇḍapāto upanāmetabbo
Antevāsiko pānīyena pucchitabbo bhuttāvissa udakaṁ datvā
pattaṁ paṭiggahetvā nīcaṁ katvā sādhukaṁ aparighaṁsantena dhovitvā
vodakaṁ katvā muhuttaṁ uṇhe otāpetabbo na ca uṇhe
patto nidahitabbo pattacīvaraṁ nikkhipitabbaṁ pattaṁ nikkhipantena
.pe. Cīvaraṁ nikkhipantena .pe. Pārato antaṁ orato bhogaṁ
katvā cīvaraṁ nikkhipitabbaṁ antevāsikamhi vuṭṭhite āsanaṁ
uddharitabbaṁ pādodakaṁ pādapīṭhaṁ pādakathalikaṁ paṭisāmetabbaṁ sace so
deso uklāpo hoti so deso sammajjitabbo sace
antevāsiko nahāyitukāmo hoti nahānaṁ paṭiyādetabbaṁ sace
sītena attho hoti sītaṁ paṭiyādetabbaṁ sace uṇhena attho
hoti uṇhaṁ paṭiyādetabbaṁ sace antevāsiko jantāgharaṁ
pavisitukāmo hoti cuṇṇaṁ sannetabbaṁ mattikā temetabbā
jantāgharapīṭhaṁ ādāya gantvā jantāgharapīṭhaṁ datvā cīvaraṁ paṭiggahetvā
ekamantaṁ nikkhipitabbaṁ cuṇṇaṁ dātabbaṁ mattikā dātabbā sace
ussahati jantāgharaṁ pavisitabbaṁ jantāgharaṁ pavisantena mattikāya
mukhaṁ makkhetvā purato ca pacchato ca paṭicchādetvā jantāgharaṁ
pavisitabbaṁ na there bhikkhū anupakhajja nisīditabbaṁ na navā
bhikkhū āsanena paṭibāhitabbā jantāghare antevāsikassa parikammaṁ
kātabbaṁ jantāgharā nikkhamantena jantāgharapīṭhaṁ ādāya purato
ca pacchato ca paṭicchādetvā jantāgharā nikkhamitabbaṁ udakepi
Antevāsikassa parikammaṁ kātabbaṁ nahātena paṭhamataraṁ uttaritvā
attano gattaṁ vodakaṁ katvā nivāsetvā antevāsikassa gattato
udakaṁ pamajjitabbaṁ nivāsanaṁ dātabbaṁ saṅghāṭi dātabbā jantāgharapīṭhaṁ
ādāya paṭhamataraṁ āgantvā āsanaṁ paññāpetabbaṁ pādodakaṁ
pādapīṭhaṁ pādakathalikaṁ upanikkhipitabbaṁ antevāsiko pānīyena
pucchitabbo yasmiṁ vihāre antevāsiko viharati sace so
vihāro uklāpo hoti sace ussahati sodhetabbo vihāraṁ
sodhentena paṭhamaṁ pattacīvaraṁ nīharitvā ekamantaṁ nikkhipitabbaṁ .pe.
Sace ācamanakumbhiyā udakaṁ na hoti ācamanakumbhiyā
udakaṁ āsiñcitabbaṁ sace antevāsikassa anabhirati uppannā
hoti ācariyena vūpakāsetabbo vūpakāsāpetabbo dhammakathā
vāssa kātabbā sace antevāsikassa kukkuccaṁ uppannaṁ hoti
ācariyena vinodetabbaṁ vinodāpetabbaṁ dhammakathā vāssa kātabbā
sace antevāsikassa diṭṭhigataṁ uppannaṁ hoti ācariyena vivecetabbaṁ
vivecāpetabbaṁ dhammakathā vāssa kātabbā sace antevāsiko
garudhammaṁ ajjhāpanno hoti parivāsāraho ācariyena ussukkaṁ
kātabbaṁ kinti nu kho saṅgho antevāsikassa parivāsaṁ dadeyyāti
sace antevāsiko mūlāya paṭikassanāraho hoti ācariyena ussukkaṁ
kātabbaṁ kinti nu kho saṅgho antevāsikaṁ mūlāya paṭikasseyyāti
sace antevāsiko mānattāraho hoti ācariyena ussukkaṁ
Kātabbaṁ kinti nu kho saṅgho antevāsikassa mānattaṁ dadeyyāti
sace antevāsiko abbhānāraho hoti ācariyena ussukkaṁ
kātabbaṁ kinti nu kho saṅgho antevāsikaṁ abbheyyāti sace
saṅgho antevāsikassa kammaṁ kattukāmo hoti tajjanīyaṁ vā
niyassaṁ vā pabbājanīyaṁ vā paṭisāraṇīyaṁ vā ukkhepanīyaṁ vā
ācariyena ussukkaṁ kātabbaṁ kinti nu kho saṅgho antevāsikassa
kammaṁ na kareyya lahukāya vā pariṇāmeyyāti kataṁ vā panassa
hoti saṅghena kammaṁ tajjanīyaṁ vā niyassaṁ vā pabbājanīyaṁ vā
paṭisāraṇīyaṁ vā ukkhepanīyaṁ vā ācariyena ussukkaṁ kātabbaṁ
kinti nu kho antevāsiko sammā vatteyya lomaṁ pāteyya
netthāraṁ vatteyya saṅgho taṁ kammaṁ paṭippassambheyyāti sace
antevāsikassa cīvaraṁ dhovitabbaṁ hoti ācariyena ācikkhitabbaṁ
evaṁ dhoveyyāsīti ussukkaṁ vā kātabbaṁ kinti nu kho
antevāsikassa cīvaraṁ dhoviyethāti sace antevāsikassa cīvaraṁ kātabbaṁ
hoti ācariyena ācikkhitabbaṁ evaṁ kareyyāsīti ussukkaṁ
vā kātabbaṁ kinti nu kho antevāsikassa cīvaraṁ kariyethāti sace
antevāsikassa rajanaṁ pacitabbaṁ hoti ācariyena ācikkhitabbaṁ
evaṁ paceyyāsīti ussukkaṁ vā kātabbaṁ kinti nu kho
antevāsikassa rajanaṁ paciyethāti sace antevāsikassa cīvaraṁ rajetabbaṁ
hoti ācariyena ācikkhitabbaṁ evaṁ rajeyyāsīti ussukkaṁ vā
Kātabbaṁ kinti nu kho antevāsikassa cīvaraṁ rajiyethāti cīvaraṁ
rajentena sādhukaṁ samparivattakaṁ samparivattakaṁ rajetabbaṁ na ca acchinne
theve pakkamitabbaṁ sace antevāsiko gilāno hoti yāvajīvaṁ
upaṭṭhātabbo vuṭṭhānassa āgametabbaṁ idaṁ kho bhikkhave
ācariyānaṁ antevāsikesu vattaṁ yathā ācariyehi antevāsikesu
sammā vattitabbanti.
Vattakkhandhakaṁ niṭṭhitaṁ aṭṭhamaṁ.
Imamhi khandhake vatthū ekūnavīsati 1 vattā catuddasa 2 .
-----------
Tassuddānaṁ

[446] Saupāhanachattā 3 ca oguṇṭhi sīsa 4 pāniyaṁ
nābhivāde na pucchanti ahi ujjhanti pesalā.
Omuñci chattaṁ khandhe ca atarañca paṭikkamaṁ
pattacīvaraṁ nikkhipā paṭirūpañca pucchitā
āsiñci dhovitena ca 5 sukkhenallenupāhanā 6
vuḍḍho navako puccheyya ajjhāvutthañca gocarā
sekkhā vaccā pāni pari kattaraṁ katikaṭṭhitaṁ 7
1 Ma. Rā. pañcapaṇṇāsa. Yu. pañcapaññāsa. 2 Ma. Yu. vattaṁ cuddasa. 3 Ma. saupāhanā
chattā. Yu. sahaupāhanachattā. 4 Ma. Yu. sīsaṁ. 5 Ma. Yu. āsiñceyya dhovitena.
6 Yu. sukkhena allupāhanā. 7 Ma. Yu. Rā. katikaṁ tato.
Kālaṁ muhuttaṁ uklāpo 1 bhummattharaṇanīhare 2
paṭipādo bhisibimbo 3 mañca pīṭhañca mallakaṁ
apassenulloka kaṇṇā gerukā kāḷakākatā 4
saṅkāraṁ bhummattharaṇaṁ paṭipādaka mañcakaṁ
pīṭhaṁ bhisi nisīdanaṁ mallakaṁ apassenakaṁ 5
pattacīvaraṁ bhūmi ca pārantaṁ orabhogato 6
puratthimā pacchimā ca uttarā atha dakkhiṇā
sītuṇhe ca divā rattiṁ pariveṇañca koṭṭhako
upaṭṭhānaggisālā ca vattaṁ vaccakuṭīsu ca
pāni paribhojanikā 7 kumbhī ācamanesu ca
anopamena paññattaṁ vattaṁ āgantukehime.
Nevāsanaṁ na udakaṁ na paccu na ca pāniyaṁ
nābhivāde na paññāpe ujjhāyanti ca pesalā.
Vuḍḍhāsanañca udakaṁ paccuggantvā ca pāniyaṁ
upāhane ekamantaṁ abhivāde ca paññape
vutthaṁ gocara sekkho ca ṭhānaṁ pāniya bhojanaṁ
kattaraṁ katikaṁ kālaṁ navakassa nisinnake
1 Yu. kālamuhuttauklāpo. 2 Ma. Yu. Rā. bhūmmattharaṇā nīhare.
3 Yu. paṭipādabhisibimbo. 4 Ma. Yu. kāḷākatā. 5 Ma. Yu. saṅkārañca bhūmattharaṇaṁ
paṭipādakaṁ mañcapīṭhaṁ. bhisi nisīdanaṁ mallakaṁ apassena ca. 6 Ma. oruto bhogaṁ.
7 Ma. pānī paribhojanīyā. 8 Yu. bhojani. 9 Yu. kattarā.
Abhivādaye ācikkhe yathā heṭṭhā tathā naye.
Niddiṭṭhaṁ satthavāhena vattaṁ āvāsikehime.
Gamikā dārumattikā vivaritvā na pucchiya 1
nassanti ca aguttañca ujjhāyanti ca pesalā.
Paṭisāmetvā thaketvā ca āpucchitvā ca pakkame 2 .
Bhikkhu vā sāmaṇero vā ārāmiko upāsako
pāsāṇakesu ca puñjaṁ paṭisāme thakeyya ca
sace ussahi ussukkaṁ anovasse tatheva ca 3
sace 4 ovassati gāmaṁ ajjhokāse tatheva ca
appevaṅgāni seseyyuṁ vattaṁ gamikabhikkhunā.
Nānumodanti therena ohāya catuppañcahi
vaccito mucchito āsi vattānumodanesume.
Chabbaggiyā dunnivatthā athopi ca duppārutā
anākappā ca vokkamma there anupakhajjanaṁ 5
nave bhikkhū ca saṅghāṭi ujjhāyanti ca pesalā.
1 Ma. Yu. gamikā dārumatti ca vivaratvā na pucchāya. 2 Ma. Yu. paṭisāmetvā thaketvā
āpucchitvā va pakkame. 3 Ma. Yu. ussahati ussukkaṁ vā. 4 Yu. sabbe.
5 Ma. Yu. there ca anupakhajjane. Rā. there ca anupakhajjena ca.
Timaṇḍalaṁ nivāsetvā kāyasaguṇagaṇṭhikā
na vokkamma paṭicchannaṁ susaṁvutokkhittacakkhunā 1
ukkhittojjagghikā saddo tayo ceva pacālanā
khambhoguṇṭhi ukkuṭikā paṭicchannaṁ susaṁvuto
okkhittukkhittā ujjagghi appasaddā 2 tayo calā
khambho oguṇṭhi pallatthi 3 anupakhajja nāsane
ottharitvā ca udake nīcaṁ katvā ca siñciyā 4 .
Paṭi sāmante 5 saṅghāṭi odane ca paṭiggahe
sūpaṁ uttaribhaṅgena sabbesaṁ samakanti ca 6
sakkaccaṁ pattasaññī ca samasūpañca tittikā
na tāva thero bhuñjeyya asampatte ca odane 7
sakkaccaṁ pattasaññī ca sapadānaṁ ca sūpakaṁ
na thūpato paṭicchāde viññattujjhānasaññinā
mahanta maṇḍala dvāraṁ sabbahattho na vohare 8
ukkhepo chedanā gaṇḍaṁ dhūnaṁ sitthāvakārakaṁ 9
jivhānicchārakaṁ ceva capucapu surusuru
hatthapattoṭṭhanillehaṁ sāmisena paṭiggaho 10
1 Ma. Yu. susaṁvutokkhittacakkhu. 2 Ma. appasaddo. 3 Ma. Yu. Rā. khambhoguṇṭhi
pallatthi ca. 4 Ma. Yu. uttaritvāna udake nīcaṁ katvā na siñciyā. 5 Ma. Yu.
sāmante. 6 Ma. samabhitti Yu. samatitti. 7 Ma. Yu. sakkaccaṁ ... odaneti ime
pāṭhā natthi. 8 Ma. Yu. byāhare. 9 Ma. gaṇḍadhunaṁ Yu. kaṇḍadhanū. 10 Ma. paṭigagahe.
Na tāva yāva na sabbe 1 nīcaṁ katvā ca siñciyaṁ
paṭi sāmanta 2 saṅghāṭi nīcaṁ katvā chamāya ca
sasitthakaṁ nivattante supaṭicchanna ukkuṭi 3
dhammarājena paññattaṁ idaṁ bhattaggavattanaṁ.
Dunnivatthā anākappā asallakkhetvā 4 sāhasā
dūre acca ciraṁ lahuṁ tatheva piṇḍacāriko 5
paṭicchanno va gaccheyya saṁvutokkhittacakkhunā
ukkhittojjagghikā saddo tayo ceva pacālanā 6
khambhoguṇṭhi ukkuṭikā sallakkhetvā ca sāhasā
dūre acca ciraṁ lahuṁ āsanakaṁ kaṭacchukā
bhājanaṁ vā ṭhapesi ca uccāretvā paṇāmakā 7
paṭiggahe na oloke 8 sūpesupi tatheva taṁ
bhikkhu saṅghāṭiyā chāde paṭicchanneva gacchiyaṁ
saṁvutokkhittacakkhu ca ukkhittojjagghikāya ca 9
appasaddo tayo cālā khambhoguṇṭhika ukkuṭi
paṭhamāsanavakkāraṁ 10 pānīyaṁ paribhojanaṁ 11
pacchā kaṅkhati bhuñjeyya opilāpeyya uddhare
1 Ma. Yu. yāva na sabbe udake. 2 Ma. paṭisāmantā Yu. paṭisāmantaṁ. 3 Ma.
supaṭicchannamukkuṭi Yu. supaṭicchannaṁ. 4 Yu. asallakkhe ca. 5 Yu. piṇḍacārike
6 Ma. Yu. paṭicchannena gaccheyya susaṁvutokkhittacakkhu. 7 Ma. Yu. Rā. paṇāmetvā.
8 Ma. Yu. ulloke. 9 Yu. ukakhittujjagghikāya. 10 Ma. paṭhamāsanavakkāra.
Yu. paṭhamāsanāvakkāra. 11 Ma. paribhojanī. Yu. paribhojani.
Paṭisāmeyya sammajje rittaṁ tucchaṁ upaṭṭhape 1
hatthakāre na bhindeyya vattidaṁ piṇḍapātike 2 .
Pāni ca pari aggi raṇi nakkhatta disa corakā 3
sabbaṁ natthīti koṭetvā 4 pattaṁse cīvaraṁ tato
idāni aṁse laggetvā timaṇḍalaṁ parimaṇḍalaṁ
yathā piṇḍacārivattaṁ naye āraññakesupi
pattaṁse cīvaraṁ sīse ārohetvā ca pāniyaṁ
paribhojanikā 5 aggi araṇi cāpi kattaraṁ 6
nakkhattaṁ sabbadesaṁ vā 7 disāpi kusalo bhave.
Sattuttamena paññattaṁ vattaṁ āraññakesume.
Ajjhokāse okiriṁsu. Ujjhāyanti ca pesalā.
Sace viharo uklāpo paṭhamaṁ pattacīvaraṁ
bhisibimbohanaṁ mañcaṁ pīṭhaṁ ca kheḷamallakaṁ
apassenālokakaṇṇā 8 gerukaṁ kāḷa mākataṁ 9
saṅkāraṁ bhikkhusāmantā 10 senā vihārapāniyaṁ
paribhojanīyasāmantā paṭivāte ca aṅgaṇe
adhovāte attharaṇaṁ paṭipādakamañcakaṁ 11
1 Yu. upaṭṭhaye. 2 Ma. hatthivikāre bhindeyya .... 3 Ma. Yu. pāni pari aggi
raṇi nakkhatta disa corā ca. Rā. pāni ca pari agagi raṇi nakkhatta disa corā ca.
4 Ma. Yu. koṭṭatvā. 5 paribhojanīyaṁ. 6 Yu. kattari. 7 Ma. Yu. sappadesaṁ.
8 Ma. apassenullokaṇṇā. 9 Ma. gerukākāḷākatā. 10 Yu. saṅkārabhikkhusamantā.
11 Ma. Yu. paṭipādakamañco ca.
Pīṭhaṁ bhisi nisīdanaṁ mallakaṁ apassenakaṁ 1
pattacīvaraṁ bhūmi ca pārantaṁ orabhogato 2
puratthimā pacchimā ca uttarā atha dakkhiṇā
sītuṇhe ca divā rattiṁ pariveṇañca koṭṭhako
upaṭṭhānaggisālā ca vaccakuṭī ca pāniyaṁ
ācamakumbhī vuḍḍhe ca uddesa paripucchanā
sajjhā dhammo padīpañca na vivare na ca thake 3
yena vuḍḍho parivatti kaṇṇenapi na ghaṭṭaye
paññapesi mahāvīro vattaṁ senāsanesu taṁ.
Nivāriyamānā dvāraṁ mucchitujjhanti pesalā.
Chārikaṁ chaḍḍaye jantā paribhaṇḍaṁ tatheva ca
pariveṇakoṭṭhakā sālā 4 cuṇṇamattikadoṇikā
mukhaṁ purato na there nave ussahati sace 5
purato upari maggo cikkhallaṁ matti pīṭhakaṁ
vijjhāpatvā thaketvā ca vattaṁ jantāgharesume.
Nācameti yathāvuḍḍhaṁ paṭipāṭi ca sāhasā 7
1 Ma. Yu. Rā. apassena ca. 2 Ma. obhato bhogaṁ. 3 Ma. Yu. vijjhāpe na
vivare na pi thake. 4 Ma. pariveṇaṁ koṭṭhako Yu. pariveṇakoṭṭhake. 5 Ma. Yu.
na nave ussahati sace. 6 Ma. Yu. vijjhāpetvā ca pakkame. 7 Ma. Yu. sahasā.
Ubbhuji 1 nitthuno kaṭṭhaṁ vaccaṁ passāva kheḷakaṁ
pharusā kūpa sahasā ubbhuji 2 capusesakaṁ 3
bahi anto ca ukkāse rajju ataramānako 4
sahasā ubbhuji ṭhite nitthune kaṭṭhavaccakaṁ 5
passāvakheḷapharusā kūpaṁ ca vaccapāduke
nātisahasā ubbhuji 6 pādukāya capucapu
na sesaye paṭicchāde ūhanā piṭharena ca
vaccakuṭī paribhaṇḍaṁ pariveṇañca koṭṭhako
ācamane ca udakaṁ vattaṁ vaccakuṭīsume.
Upāhanā dantakaṭṭhaṁ mukhodakañca āsanaṁ
yāgu udakā 7 dhovitvā uddhāruklāpagāmakaṁ 8
nivāsanā kāyabandhā 9 saguṇaṁ pattasodakaṁ
pacchā timaṇḍalo ceva parimaṇḍala bandhanaṁ
saguṇaṁ dhovitvā pacchā nātidūre paṭiggahe
bhaṇamānassa āpatti paṭhamāgantvāna 10 āsanaṁ
udakaṁ pīṭha kathali paccuggantvā nivāsanaṁ
1 Ma. ubbhaji Yu. uppajji. 2 Ma. Yu. ubbhajjhi. 3 Yu. sedhena. Ma. sese.
Rā. selena. 4 Ma. Yu. ataramānañca. Rā. ataramānā ca. 5 Ma. Yu. sahasā
ubbhajjitavā nitthune kaṭṭha vaccañca. 6 Yu. ubbhajji. 7 Ma. Yu. udakaṁ.
8 Ma. Yu. gāmañca. 9 Yu. kāyabandhanā. 10 Yu. paṭhamaṁ gantvāna.
Otāpe nidahi bhaṅgo obhoge bhuñjituṁ name
pānīyaṁ udakaṁ nīcaṁ muhuttaṁ na ca nidahe
pattacīvaraṁ bhūmi ca pārantaṁ orabhogato
uddhare paṭisāme ca uklāpo ca nahāyituṁ
sītaṁ uṇhaṁ jantāgharaṁ cuṇṇaṁ mattikapiṭṭhito
pīṭhaṁ ca cīvaraṁ cuṇṇaṁ mattikussahati mukhaṁ
purato there nave na ca 1 parikammañca nikkhame
purato udake nhāte nivāsetvupajjhāya ca 2
nivāsanañca saṅghāṭi pīṭhaṁ vā āsanena ca 3
pādo pīṭhaṁ kathaliñca pānīyuddesapucchanā
uklāpussahaṁ sodheyya 4 paṭhamaṁ pattacīvaraṁ
nisīdanapaccattharaṇaṁ bhisibimbohanāni ca
mañco pīṭhaṁ paṭipādaṁ mallakaṁ apassenakaṁ 5
bhummasantānāalokaṁ geruka kāḷakākatā 6
bhummattharaṇapaṭipādā mañco pīṭhaṁ bimbohanaṁ
nisīdanattharaṇaṁ kheḷaṁ 7 apasse pattacīvaraṁ
puratthimā pacchimā ca uttarā atha dakkhiṇā
sītuṇhe 8 ca divā rattiṁ pariveṇañca koṭṭhako
1 Ma. nave ca. 2 Ma. nivāsetvā upajjhāya. Yu. nivāsetvā upajjhāya. 3 Ma. Yu.
piṭhakaṁ āsanena ca. 4 Yu. uklāpaṁ su sodheyya. 5 Ma. apassena ca. 6 Ma. āloka
gerakā kāḷākatā. 7 Ma. Yu. kheḷa. 8 Ma. Yu. sītuṇhañca.
Upaṭṭhānaggisālā ca vacca pānīya bhojani
ācamānabhirati kukkuccaṁ diṭṭhikā garu 1
mūlamānattābbhānaṁ tajjanīyaṁ niyassakaṁ
pabbajā paṭisāraṇi 2 ukkhepañca kataṁ yadi
dhove kātabbarajanaṁ 3 raje samparivattakaṁ
pattañca cīvarañcāpi parikkhārañca chedanaṁ
parikammaṁ veyyāvaccaṁ pacchā piṇḍā pavisanā 4
na susānaṁ disā ceva yāvajīvaṁ upaṭṭhahe
saddhivihārikenetaṁ vattupajjhāyikānime 5 .
Ovādasāsanuddesā pucchā pattañca cīvaraṁ
parikkhāraṁ gilāno ca 6 na pacchāsamaṇo bhave 7
upajjhāyesu yāvatā 8 evaṁ ācariyesupi
saddhivihārike vattā tatheva antevāsike
āgantukesu yāvatā 8 puna āvāsikesu ca.
Gamikānumodanikā bhattagge piṇḍapātike 9
āraññakesu yaṁ vattaṁ yaṁ ca senāsananesupi
jantāghare vaccakuṭī upajjhā saddhivihārike
1 Ma. Yu. Rā. ācamanaṁ anabhirati kukkuccaṁ diṭṭhi ca garu. 2 Ma. pabbājapaṭisāraṇī.
3 Ma. Yu. rajañca. 4 Ma. Yu. piṇḍaṁ pavisanaṁ. 5 Ma. vattupajjhāyikenime.
Yu. vattupajjhāyakesume. 6 Ma. parikkhāro gilāno. yu parikkhāragilāno.
7 Yu. suve. 8 Ma. ye vattā. Yu. yā vattā. 9 Ma. piṇḍacārike.
Ācariyesu yaṁ vattaṁ tatheva antevāsike
ekūnavīsativatthū vattā codasa 1 khandhake.
Vattaṁ aparipūrento na sīlaṁ paripūrati
asuddhasīlo duppañño cittekaggaṁ na vindati
vikkhittacittonekaggo sammā dhammaṁ na passati
apassamāno saddhammaṁ dukkhā na parimuccati.
Yaṁ vattaṁ paripūrento sīlampi paripūrati
visuddhasīlo sappañño cittekaggampi vindati
avikkhittacitto ekaggo sammā dhammaṁ vipassati 2
sampassamāno saddhammaṁ dukkhā so parimuccati.
Tasmā hi vattaṁ pūreyya jinaputto vicakkhaṇo
ovādaṁ buddhaseṭṭhassa tato nibbānamehiti.
1 Ma. vattā cuddasa. Yu. vuttā soḷasa. 2 Yu. dhammaṁpi passati.
Pātimokkhaṭṭhapanakkhandhakaṁ

[447] Tena samayena buddho bhagavā sāvatthiyaṁ viharati pubbārāme
migāramātu pāsāde. Tena kho pana samayena bhagavā tadahuposathe
paṇṇarase 1 bhikkhusaṅghaparivuto nisinno hoti. Athakho āyasmā
ānando abhikkantāya rattiyā nikkhante paṭhame yāme uṭṭhāyāsanā
ekaṁsaṁ uttarāsaṅgaṁ karitvā yena bhagavā tenañjalimpaṇāmetvā
bhagavantaṁ etadavoca abhikkantā bhante ratti nikkhanto
paṭhamo yāmo ciranisinno bhikkhusaṅgho uddisatu bhante
bhagavā bhikkhūnaṁ pātimokkhanti. Evaṁ vutte bhagavā tuṇhī
ahosi. Dutiyampi kho āyasmā ānando abhikkantāya rattiyā
nikkhante majjhime yāme uṭṭhāyāsanā ekaṁsaṁ uttarāsaṅgaṁ karitvā
yena bhagavā tenañjalimpaṇāmetvā bhagavantaṁ etadavoca abhikkantā
bhante ratti nikkhanto majjhimo yāmo ciranisinno
bhikkhusaṅgho uddisatu bhante bhagavā bhikkhūnaṁ pātimokkhanti.
Dutiyampi kho bhagavā tuṇhī ahosi. Tatiyampi kho āyasmā
ānando abhikkantāya rattiyā nikkhante pacchime yāme uddhaste 2
aruṇe nandimukhiyā rattiyā uṭṭhāyāsanā ekaṁsaṁ uttarāsaṅgaṁ
karitvā yena bhagavā tenañjalimpaṇāmetvā bhagavantaṁ etadavoca
1 Ma. Yu. ayaṁ pāṭho natthi. 2 Yu. uddhate.
Abhikkantā bhante ratti nikkhanto pacchimo yāmo uddhastaṁ 1
aruṇaṁ nandimukhī ratti ciranisinno bhikkhusaṅgho uddisatu bhante
bhagavā bhikkhūnaṁ pātimokkhanti. Aparisuddhā ānanda parisāti.

[448] Athakho āyasmato mahāmoggallānassa etadahosi kaṁ
nu kho bhagavā puggalaṁ sandhāya evamāha aparisuddhā ānanda
parisāti. Athakho āyasmā mahāmoggallāno sabbāvantaṁ bhikkhusaṅghaṁ
cetasā ceto paricca manasākāsi. Addasā kho āyasmā
mahāmoggallāno taṁ puggalaṁ dussīlaṁ pāpadhammaṁ asucisaṅkassarasamācāraṁ
paṭicchannakammantaṁ assamaṇaṁ samaṇapaṭiññaṁ abrahmacāriṁ brahmacāripaṭiññaṁ
antopūtiṁ avassutaṁ kasambukajātaṁ majjhe bhikkhusaṅghassa
nisinnaṁ disvāna yena so puggalo tenupasaṅkami upasaṅkamitvā
taṁ puggalaṁ etadavoca uṭṭhehi āvuso diṭṭhosi
bhagavatā natthi te bhikkhūhi saddhiṁ saṁvāsoti. Evaṁ vuttepi so
puggalo tuṇhī ahosi. Dutiyampi kho āyasmā mahāmoggallāno
taṁ puggalaṁ etadavoca uṭṭhehi āvuso diṭṭhosi bhagavatā
natthi te bhikkhūhi saddhiṁ saṁvāsoti. Dutiyampi kho so puggalo
tuṇhī ahosi. Tatiyampi kho āyasmā mahāmoggallāno taṁ
puggalaṁ etadavoca uṭṭhehi āvuso diṭṭhosi bhagavatā natthi
te bhikkhūhi saddhiṁ saṁvāsoti. Tatiyampi kho so puggalo tuṇhī
ahosi. Athakho āyasmā mahāmoggallāno taṁ puggalaṁ bāhāyaṁ
1 Yu. uddhataṁ.
Gahetvā bahidvārakoṭṭhakā nikkhāmetvā sūcighaṭikaṁ datvā yena
bhagavā tenupasaṅkami upasaṅkamitvā bhagavantaṁ etadavoca nikkhāmito
so bhante puggalo mayā parisuddhā parisā uddisatu
bhante bhagavā bhikkhūnaṁ pātimokkhanti. Acchariyaṁ moggallāna
abbhutaṁ moggallāna yāva bāhāgahaṇāpi nāma so moghapuriso
āgamissatīti.

[449] Athakho bhagavā bhikkhū āmantesi aṭṭhime bhikkhave
mahāsamudde acchariyā abbhutā dhammā ye disvā disvā asurā
mahāsamudde abhiramanti. Katame aṭṭha. Mahāsamuddo bhikkhave
anupubbaninno anupubbapoṇo anupubbapabbhāro na āyatakeneva
papāto yampi bhikkhave mahāsamuddo anupubbaninno anupubbapoṇo
anupubbapabbhāro na āyatakeneva papāto ayaṁ bhikkhave mahāsamudde
paṭhamo acchariyo abbhuto dhammo yaṁ disvā disvā asurā
mahāsamudde abhiramanti.

[450] Puna caparaṁ bhikkhave mahāsamuddo ṭhitadhammo velaṁ
nātivattati yampi bhikkhave mahāsamuddo ṭhitadhammo velaṁ nātivattati
ayampi bhikkhave mahāsamudde dutiyo acchariyo abbhuto dhammo
yaṁ disvā disvā asurā mahāsamudde abhiramanti.

[451] Puna caparaṁ bhikkhave mahāsamuddo na matena kuṇapena
Saṁvasati yaṁ hoti mahāsamudde mataṁ kuṇapaṁ taṁ khippaññeva
tīraṁ vāheti thalaṁ ussādeti 1 yampi bhikkhave mahāsamuddo na
matena kuṇapena saṁvasati yaṁ hoti mahāsamudde mataṁ kuṇapaṁ taṁ
khippaññeva tīraṁ vāheti thalaṁ ussādeti ayampi bhikkhave
mahāsamudde tatiyo acchariyo abbhuto dhammo yaṁ disvā disvā
asurā mahāsamudde abhiramanti.

[452] Puna caparaṁ bhikkhave yā kāci mahānadiyo seyyathīdaṁ
gaṅgā yamunā aciravatī sarabhū mahī tā mahāsamuddaṁ pattā
jahanti purimāni nāmagottāni mahāsamuddotveva saṅkhyaṁ 2 gacchanti
yampi bhikkhave yā kāci mahānadiyo seyyathīyaṁ gaṅgā yamunā
aciravatī sarabhū mahī tā mahāsamuddaṁ pattā jahanti purimāni
nāmagottāni mahāsamuddotveva saṅkhyaṁ gacchanti ayampi bhikkhave
mahāsamudde catuttho acchariyo abbhuto dhammo yaṁ disvā
disvā asurā mahāsamudde abhiramanti.

[453] Puna caparaṁ bhikkhave yā kāci loke savantiyo 3
mahāsamuddaṁ appenti yā ca antalikkhā dhārā papatanti na
tena mahāsamuddassa ūnattaṁ vā pūrattaṁ vā paññāyati yampi
bhikkhave yā kāci loke savantiyo mahāsamuddaṁ appenti yā
1 Ma. Yu. ussāreti. 2 Ma. Yu. Rā. saṅkhaṁ. 3 Ma. Yu. Rā. yā ca loke
savantiyo.
Ca antalikkhā dhārā papatanti na tena mahāsamuddassa ūnattaṁ
vā pūrattaṁ vā paññāyati ayampi bhikkhave mahāsamudde pañcamo
acchariyo abbhuto dhammo yaṁ disvā disvā asurā mahāsamudde
abhiramanti.

[454] Puna caparaṁ bhikkhave mahāsamuddo ekaraso loṇaraso
yampi bhikkhave mahāsamuddo ekaraso loṇaraso ayampi bhikkhave
mahāsamudde chaṭṭho acchariyo abbhuto dhammo yaṁ disvā
disvā asurā mahāsamudde abhiramanti.