[395] Athakho sārīputtamoggallānā yena bhagavā tenupasaṅkamiṁsu
upasaṅkamitvā bhagavantaṁ abhivādetvā ekamantaṁ nisīdiṁsu.
Ekamantaṁ nisinno kho āyasmā sārīputto bhagavantaṁ etadavoca
sādhu bhante bhedakānuvattakā bhikkhū puna upasampajjeyyunti.
Alaṁ sārīputta mā te rucci bhedakānuvattakānaṁ bhikkhūnaṁ puna
upasampadā tenahi tvaṁ sārīputta bhedakānuvattake bhikkhū thullaccayaṁ
desāpehi kathaṁ pana te sārīputta devadatto paṭipajjīti.
Yatheva bhante bhagavā bahudeva rattiṁ bhikkhū dhammiyā kathāya sandassetvā
samādapetvā samuttejetvā sampahaṁsetvā maṁ ajjhesi vigatathīnamiddho
1 Ma. rocesi.
Kho sārīputta bhikkhusaṅgho paṭibhātu taṁ sārīputta bhikkhūnaṁ
dhammī kathā piṭṭhi me āgilāyati tamahaṁ āyamissāmīti evameva
kho bhante devadatto paṭipajjīti.

[396] Athakho bhagavā bhikkhū āmantesi bhūtapubbaṁ bhikkhave
araññāyatane mahāsarasī taṁ nāgā upanissāya vihariṁsu. Te
ca 1 taṁ sarasiṁ ogāhetvā soṇḍāya bhiṁsamuḷālaṁ 2 abbūhitvā 3
suvikkhālitaṁ vikkhāletvā akaddamaṁ saṅkhāditvā ajjhoharanti. Tesaṁ taṁ
vaṇṇāya ceva hoti balāya ca. Na ca tatonidānaṁ maraṇaṁ vā nigacchanti
maraṇamattaṁ vā dukkhaṁ. Tesaṁyeva kho pana bhikkhave mahānāgānaṁ
anusikkhamānā taruṇā nāgā 4 bhiṅkacchāpā te taṁ sarasiṁ ogāhetvā
soṇḍāya bhiṁsamuḷālaṁ abbūhitvā na suvikkhālitaṁ vikkhāletvā
sakaddamaṁ saṅkhāditvā ajjhoharanti. Tesaṁ taṁ neva vaṇṇāya
hoti na balāya. Tatonidānaṁ ca maraṇaṁ vā nigacchanti maraṇamattaṁ
vā dukkhaṁ evameva kho bhikkhave devadatto mamānukubbaṁ kapaṇo
marissatīti.

[397] Mahāvarāhassa mahiṁ vikubbato
bhiṁsaṁ ghasānassa 5 nadīsu jaggato
1 Ma. Yu. casaddo natthi 2 Ma. Yu. bhisamuḷālaṁ. 3 Ma. abbahitvā. Yu. abbāhitvā.
4 Ma. Yu. ayaṁ pāṭho natthi. 5 Yu. ghasamānassa.
Bhiṅkova paṅkaṁ abhibhakkhayitvā
mamānukubbaṁ kapaṇo marissatīti.

[398] Aṭṭhahi bhikkhave aṅgehi samannāgato bhikkhu dūteyyaṁ
gantumarahati. Katamehi aṭṭhahi. Idha bhikkhave bhikkhu sotā ca hoti
sāvetā ca uggahetā ca dhāretā ca viññātā ca viññāpetā ca
kusalo ca sahitāsahitassa no ca kalahakārako imehi kho
bhikkhave aṭṭhahaṅgehi samannāgato bhikkhu dūteyyaṁ gantumarahati.

[399] Aṭṭhahi bhikkhave aṅgehi samannāgato sārīputto dūteyyaṁ
gantumarahati. Katamehi aṭṭhahi. Idha bhikkhave sārīputto sotā
ca hoti sāvetā ca uggahetā ca dhāretā ca viññātā
ca viññāpetā ca kusalo ca sahitāsahitassa no ca kalahakārako
imehi kho bhikkhave aṭṭhahaṅgehi samannāgato sārīputto dūteyyaṁ
gantumarahatīti.

[400] Yo ve na byādhati 1 patvā parisaṁ uggavādiniṁ
na ca hāpeti vacanaṁ na ca chādeti sāsanaṁ
asandiddho ca akkhāti pucchito na ca kuppati 2
save tādisako bhikkhū dūteyyaṁ gantumarahatīti.

[401] Aṭṭhahi bhikkhave asaddhammehi abhibhūto pariyādinnacitto
devadatto āpāyiko nerayiko kappaṭṭho atekiccho. Katamehi
1 Ma. byadhati. Yu. vyādhati. 2 Ma. Yu. pucchito ca na kuppati.
Aṭṭhahi. Lābhena bhikkhave abhibhūto pariyādinnacitto devadatto
āpāyiko nerayiko kappaṭṭho atekiccho alābhena bhikkhave
.pe. Yasena bhikkhave .pe. Ayasena bhikkhave .pe. Sakkārena
bhikkhave .pe. Asakkārena bhikkhave .pe. Pāpicchatāya bhikkhave
.pe. Pāpamittatāya bhikkhave abhibhūto pariyādinnacitto devadatto
āpāyiko nerayiko kappaṭṭho atekiccho imehi kho bhikkhave
aṭṭhahi asaddhammehi abhibhūto pariyādinnacitto devadatto āpāyiko
nerayiko kappaṭṭho atekiccho. Sādhu bhikkhave bhikkhu uppannaṁ
lābhaṁ abhibhuyya abhibhuyya vihareyya uppannaṁ alābhaṁ .pe.
Uppannaṁ yasaṁ uppannaṁ ayasaṁ uppannaṁ sakkāraṁ uppannaṁ
asakkāraṁ uppannaṁ pāpicchataṁ .pe. Uppannaṁ pāpamittataṁ abhibhuyya
abhibhuyya vihareyya kañca 1 bhikkhave bhikkhu atthavasaṁ paṭicca uppannaṁ
lābhaṁ abhibhuyya abhibhuyya vihareyya uppannaṁ alābhaṁ .pe.
Uppannaṁ yasaṁ uppannaṁ ayasaṁ uppannaṁ sakkāraṁ uppannaṁ asakkāraṁ
uppannaṁ pāpicchataṁ .pe. Uppannaṁ pāpamittataṁ abhibhuyya abhibhuyya
vihareyya yaṁ hissa bhikkhave uppannaṁ lābhaṁ anabhibhuyya viharato
uppajjeyyuṁ āsavā vighātapariḷāhā uppannaṁ lābhaṁ abhibhuyya
abhibhuyya viharato evaṁsa te āsavā vighātapariḷāhā na honti
yaṁ hissa bhikkhave uppannaṁ alābhaṁ .pe. Uppannaṁ yasaṁ uppannaṁ
ayasaṁ uppannaṁ sakkāraṁ uppannaṁ asakkāraṁ uppannaṁ pāpicchataṁ
1 Ma. kathañca. yu kiñca.
.pe. Uppannaṁ pāpamittataṁ anabhibhuyya viharato uppajjeyyuṁ
āsavā vighātapariḷāhā .pe. Uppannaṁ pāpamittataṁ abhibhuyya
abhibhuyya viharato evaṁsa te āsavā vighātapariḷāhā na
honti imaṁ 1 kho bhikkhave bhikkhu atthavasaṁ paṭicca uppannaṁ
lābhaṁ abhibhuyya abhibhuyya vihareyya uppannaṁ alābhaṁ .pe.
Uppannaṁ yasaṁ uppannaṁ ayasaṁ uppannaṁ sakkāraṁ uppannaṁ asakkāraṁ
uppannaṁ pāpicchataṁ .pe. Uppannaṁ pāpamittataṁ abhibhuyya abhibhuyya
vihareyya. Tasmātiha bhikkhave uppannaṁ lābhaṁ abhibhuyya abhibhuyya
viharissāma. Uppannaṁ alābhaṁ .pe. Uppannaṁ yasaṁ uppannaṁ ayasaṁ
uppannaṁ sakkāraṁ uppannaṁ asakkāraṁ uppannaṁ pāpicchataṁ .pe.
Uppannaṁ pāpamittataṁ abhibhuyya abhibhuyya viharissāmāti evañhi
vo bhikkhave sikkhitabbanti.

[402] Tīhi bhikkhave asaddhammehi abhibhūto pariyādinnacitto
devadatto āpāyiko nerayiko kappaṭṭho atekiccho. Katamehi
tīhi. Pāpicchatā pāpamittatā oramattakena visesādhigamena
antarā vosānaṁ āpādi imehi kho bhikkhave tīhi asaddhammehi
abhibhūto pariyādinnacitto devadatto āpāyiko nerayiko
kappaṭṭhoti 2 .

[403] Mā jātu koci lokasmiṁ pāpiccho upapajjatha 3
1 Ma. idaṁ kho. 2 Ma. Yu. kappaṭṭho atekicchoti. 3 Ma. Yu. udapajjatha.
Tadimināpi jānātha pāpicchānaṁ yathā gati.
Paṇḍitoti samaññāto bhāvitattoti sammato
jalaṁ va yasasā aṭṭhā devadattoti me sutaṁ.
So pamādaṁ anuciṇṇo āsajja naṁ tathāgataṁ
avīcinirayaṁ patto catudvāraṁ bhayānakaṁ.
Aduṭṭhassa hi yo dubbhe 1 pāpakammaṁ akubbato
tameva pāpaṁ phusati duṭṭhacittaṁ anādaraṁ.
Samuddaṁ visakumbhena yo maññeyya padūsituṁ
na so tena padūseyya bhesmā 2 hi udadhī mahā
evameva tathāgataṁ yo vādenūpahiṁsati
samagataṁ 3 santacittaṁ vādo tamhi na rūhati.
Tādisaṁ mittaṁ kubbetha tañca seveyya 4 paṇḍito
yassa maggānugo bhikkhu khayaṁ dukkhassa pāpuṇeti.

[404] Athakho āyasmā upāli yena bhagavā tenupasaṅkami
upasaṅkamitvā bhagavantaṁ abhivādetvā ekamantaṁ nisīdi. Ekamantaṁ
nisinno kho āyasmā upāli bhagavantaṁ etadavoca saṅgharāji
saṅgharājīti bhante vuccati kittāvatā nu kho bhante saṅgharāji
hoti no ca saṅghabhedo kittāvatā ca pana saṅgharāji ceva
1 Yu. dubbho. 2 Yu. bhasmā. 3 Ma. samaggataṁ. Yu. sammāgataṁ.
4 Ma. Yu. sevetha.
Hoti saṅghabhedo cāti. Ekato upāli eko hoti ekato
dve catuttho anussāveti salākaṁ gāheti ayaṁ dhammo ayaṁ
vinayo idaṁ satthusāsanaṁ imaṁ gaṇhatha imaṁ rocethāti evampi
kho upāli saṅgharāji hoti no ca saṅghabhedo. Ekato upāli
dve honti ekato dve pañcamo anussāveti salākaṁ gāheti
ayaṁ dhammo ayaṁ vinayo idaṁ satthusāsanaṁ imaṁ gaṇhatha imaṁ
rocethāti evampi kho upāli saṅgharāji hoti no ca saṅghabhedo.
Ekato upāli dve honti ekato tayo chaṭṭho anussāveti
salākaṁ gāheti ayaṁ dhammo ayaṁ vinayo idaṁ satthusāsanaṁ
imaṁ gaṇhatha imaṁ rocethāti evampi kho upāli saṅgharāji
hoti no ca saṅghabhedo. Ekato upāli tayo honti
ekato tayo sattamo anussāveti salākaṁ gāheti ayaṁ dhammo
ayaṁ vinayo idaṁ satthusāsanaṁ imaṁ gaṇhatha imaṁ rocethāti
evampi kho upāli saṅgharāji hoti no ca saṅghabhedo. Ekato
upāli tayo honti ekato cattāro aṭṭhamo anussāveti
salākaṁ gāheti ayaṁ dhammo ayaṁ vinayo idaṁ satthusāsanaṁ
imaṁ gaṇhatha imaṁ rocethāti evampi kho upāli saṅgharāji
hoti no ca saṅghabhedo. Ekato upāli cattāro honti
ekato cattāro navamo anussāveti salākaṁ gāheti ayaṁ
dhammo ayaṁ vinayo idaṁ satthusāsanaṁ imaṁ gaṇhatha imaṁ
Rocethāti evampi 1 kho upāli saṅgharāji ceva hoti saṅghabhedo
ca. Navannaṁ vā upāli atirekanavannaṁ vā saṅgharāji ceva hoti
saṅghabhedo ca. Na kho upāli bhikkhunī saṅghaṁ bhindati apica
bhedāya parakkamati. Na sikkhamānā saṅghaṁ bhindati na sāmaṇero
saṅghaṁ bhindati na sāmaṇerī saṅghaṁ bhindati na upāsako saṅghaṁ
bhindati na upāsikā saṅghaṁ bhindati apica bhedāya parakkamati.
Bhikkhu kho 2 upāli pakatatto samānasaṁvāsako samānasīmāyaṁ ṭhito
saṅghaṁ bhindatīti.