[354] Upādinnaṁ dhammaṁ paṭicca anupādinno dhammo uppajjati
navippayuttapaccayā: arūpe upādinnaṁ ekaṁ khandhaṁ paṭicca tayo khandhā
dve khandhe ... Asaññasattānaṁ ekaṁ mahābhūtaṁ paṭicca .... Anupādinnaṁ
dhammaṁ paṭicca anupādinno dhammo uppajjati navippayuttapaccayā:
arūpe anupādinnaṁ ekaṁ khandhaṁ paṭicca tayo khandhā dve khandhe ...
Bāhiraṁ ... Āhārasamuṭṭhānaṁ ... Utusamuṭṭhānaṁ ... .pe. ...
Nonatthipaccayā: novigatapaccayā:.

[355] Nahetuyā pañca nāarammaṇe cattāri nādhipatiyā
pañca nānantare cattāri nasamanantare cattāri nāññamaññe
cattāri naupanissaye cattāri napurejāte cattāri napacchājāte
pañca nāasevane pañca nakamme ekaṁ navipāke dve
nāahāre dve naindriye dve najhāne dve namagge pañca
nasampayutte cattāri navippayutte dve nonatthiyā cattāri
novigate cattāri.

[356] Hetupaccayā nāarammaṇe cattāri ... Nādhipatiyā pañca
napurejāte cattāri napacchājāte pañca nāasevane pañca
nakamme ekaṁ navipāke ekaṁ nasampayutte cattāri navippayutte
dve nonatthiyā cattāri novigate cattāri.

[357] Nahetupaccayā ārammaṇe dve ... Anantare dve
samanantare dve sahajāte pañca aññamaññe dve nissaye pañca
upanissaye dve purejāte dve āsevane ekaṁ kamme pañca
vipāke pañca magge ekaṁ sampayutte dve .pe. Avigate pañca.
Sahajātavāro paṭiccavārasadiso.
Paccayavāro

[358] Upādinnaṁ dhammaṁ paccayā upādinno dhammo uppajjati
Hetupaccayā: upādinnaṁ ekaṁ khandhaṁ paccayā tayo khandhā kaṭattā ca
rūpaṁ dve khandhe ... Paṭisandhikkhaṇe upādinnaṁ ekaṁ khandhaṁ paccayā
tayo khandhā kaṭattā ca rūpaṁ dve khandhe ... Khandhe paccayā
vatthu vatthuṁ paccayā khandhā ekaṁ mahābhūtaṁ ... Mahābhūte paccayā
kaṭattārūpaṁ upādārūpaṁ vatthuṁ paccayā upādinnā khandhā.
Upādinnaṁ dhammaṁ paccayā anupādinno dhammo uppajjati hetupaccayā:
upādinne khandhe paccayā cittasamuṭṭhānaṁ rūpaṁ vatthuṁ paccayā anupādinnā
khandhā. Upādinnaṁ dhammaṁ paccayā upādinno ca anupādinno
ca dhammā uppajjanti hetupaccayā: upādinnaṁ ekaṁ khandhaṁ paccayā
tayo khandhā cittasamuṭṭhānañca rūpaṁ dve khandhe ... Ekaṁ mahābhūtaṁ ...
Mahābhūte paccayā cittasamuṭṭhānaṁ rūpaṁ upādārūpaṁ. Anupādinnaṁ
dhammaṁ paccayā anupādinno dhammo uppajjati hetupaccayā: anupādinnaṁ
ekaṁ khandhaṁ paccayā tayo khandhā cittasamuṭṭhānañca rūpaṁ dve
khandhe ... Ekaṁ mahābhūtaṁ ... Mahābhūte paccayā cittasamuṭṭhānaṁ rūpaṁ
upādārūpaṁ. Upādinnañca anupādinnañca dhammaṁ paccayā anupādinno
dhammo uppajjati hetupaccayā: upādinne khandhe ca mahābhūte
ca paccayā cittasamuṭṭhānaṁ rūpaṁ anupādinnaṁ ekaṁ khandhañca vatthuñca
paccayā tayo khandhā dve khandhe ....

[359] Upādinnaṁ dhammaṁ paccayā upādinno dhammo uppajjati
ārammaṇapaccayā: upādinnaṁ ekaṁ khandhaṁ paccayā tayo khandhā
Dve khandhe ... Paṭisandhikkhaṇe vatthuṁ paccayā khandhā cakkhāyatanaṁ
paccayā cakkhuviññāṇaṁ kāyāyatanaṁ paccayā kāyaviññāṇaṁ vatthuṁ
paccayā upādinnā khandhā. Upādinnaṁ dhammaṁ paccayā anupādinno
dhammo uppajjati ārammaṇapaccayā: vatthuṁ paccayā anupādinnā
khandhā. Anupādinnaṁ dhammaṁ paccayā anupādinno dhammo uppajjati
ārammaṇapaccayā: anupādinnaṁ ekaṁ khandhaṁ paccayā tayo khandhā
dve khandhe .... Upādinnañca anupādinnañca dhammaṁ paccayā
anupādinno dhammo uppajjati ārammaṇapaccayā: anupādinnaṁ ekaṁ
khandhañca vatthuñca paccayā tayo khandhā dve khandhe ....

[360] Upādinnaṁ dhammaṁ paccayā anupādinno dhammo uppajjati
adhipatipaccayā: vatthuṁ paccayā anupādinnā khandhā. Anupādinnaṁ
dhammaṁ paccayā anupādinno dhammo uppajjati adhipatipaccayā:
anupādinnaṁ ekaṁ khandhaṁ paccayā tayo khandhā cittasamuṭṭhānañca
rūpaṁ dve khandhe ... Ekaṁ mahābhūtaṁ ... Mahābhūte paccayā cittasamuṭṭhānañca
rūpaṁ upādārūpaṁ. Upādinnañca anupādinnañca dhammaṁ paccayā
anupādinno dhammo uppajjati adhipatipaccayā: anupādinnaṁ ekaṁ
khandhañca vatthuñca paccayā tayo khandhā dve khandhe .... Saṅkhittaṁ.

[361] Hetuyā pañca ārammaṇe cattāri adhipatiyā tīṇi
anantare cattāri samanantare cattāri sahajāte pañca aññamaññe
cattāri nissaye pañca upanissaye cattāri purejāte
Cattāri āsevane tīṇi kamme pañca vipāke pañca avigate
pañca.

[362] Upādinnaṁ dhammaṁ paccayā upādinno dhammo uppajjati
nahetupaccayā: ahetukaṁ upādinnaṁ ekaṁ khandhaṁ paccayā tayo khandhā
dve khandhe ... Ahetukapaṭisandhikkhaṇe khandhe paccayā vatthu vatthuṁ
paccayā khandhā ekaṁ mahābhūtaṁ ... Mahābhūte paccayā kaṭattārūpaṁ
upādārūpaṁ asaññasattānaṁ ekaṁ mahābhūtaṁ ... Cakkhāyatanaṁ paccayā
cakkhuviññāṇaṁ kāyāyatanaṁ paccayā kāyaviññāṇaṁ vatthuṁ paccayā
ahetukā upādinnā khandhā. Upādinnaṁ dhammaṁ paccayā anupādinno
dhammo uppajjati nahetupaccayā: ahetuke upādinne khandhe paccayā
cittasamuṭṭhānaṁ rūpaṁ vatthuṁ paccayā ahetukā anupādinnā khandhā
vatthuṁ paccayā vicikicchāsahagato uddhaccasahagato moho. Upādinnaṁ
dhammaṁ paccayā upādinno ca anupādinno ca dhammā uppajjanti
nahetupaccayā: ahetukaṁ upādinnaṁ ekaṁ khandhaṁ paccayā tayo khandhā
cittasamuṭṭhānañca rūpaṁ dve khandhe .... Anupādinnaṁ dhammaṁ paccayā
anupādinno dhammo uppajjati nahetupaccayā: ahetukaṁ anupādinnaṁ
ekaṁ khandhaṁ paccayā tayo khandhā cittasamuṭṭhānañca rūpaṁ dve
khandhe ... Ekaṁ mahābhūtaṁ ... Bāhiraṁ ... Āhārasamuṭṭhānaṁ ...
Utusamuṭṭhānaṁ ... Vicikicchāsahagate uddhaccasahagate khandhe paccayā
vicikicchāsahagato uddhaccasahagato moho. Upādinnañca
Anupādinnañca dhammaṁ paccayā anupādinno dhammo uppajjati
nahetupaccayā: ahetuke upādinne khandhe ca mahābhūte ca paccayā
cittasamuṭṭhānaṁ rūpaṁ ahetukaṁ anupādinnaṁ ekaṁ khandhañca vatthuñca
paccayā tayo khandhā dve khandhe ... Vicikicchāsahagate uddhaccasahagate
khandhe ca vatthuñca paccayā vicikicchāsahagato uddhaccasahagato moho.
Saṅkhittaṁ.

[363] Nahetuyā pañca nāarammaṇe cattāri nādhipatiyā
pañca nānantare cattāri nasamanantare cattāri naupanissaye
cattāri napurejāte cattāri napacchājāte pañca nāasevane
pañca nakamme tīṇi navipāke cattāri nāahāre dve
naindriye dve najhāne dve namagge pañca nasampayutte
cattāri navippayutte dve nonatthiyā cattāri novigate
cattāri.