[334] Upādā dhammo upādā dhammassa atthipaccayena paccayo:
āhāraṁ indriyaṁ. Kabaḷiṁkāro āhāro imassa upādā kāyassa
atthipaccayena paccayo rūpajīvitindriyaṁ upādā kaṭattārūpānaṁ
atthipaccayena paccayo. Upādā dhammo noupādā dhammassa
atthipaccayena paccayo: sahajātaṁ purejātaṁ āhāraṁ indriyaṁ. Sahajātaṁ:
paṭisandhikkhaṇe vatthu noupādā khandhānaṁ atthipaccayena paccayo.
Purejātaṁ: cakkhuṁ aniccato .... Saṅkhittaṁ purejātasadisaṁ ninnānākaraṇaṁ.
Kabaḷiṁkāro āhāro imassa noupādā kāyassa
atthipaccayena paccayo rūpajīvitindriyaṁ noupādā kaṭattārūpānaṁ
Atthipaccayena paccayo. Upādā dhammo upādā ca noupādā ca
dhammassa atthipaccayena paccayo: āhāraṁ indriyaṁ. Kabaḷiṁkāro
āhāro imassa upādā kāyassa ca noupādā kāyassa ca
atthipaccayena paccayo rūpajīvitindriyaṁ upādā ca noupādā ca
kaṭattārūpānaṁ atthipaccayena paccayo. Noupādā dhammo noupādā
dhammassa atthipaccayena paccayo: sahajātaṁ purejātaṁ pacchājātaṁ.
Sahajāto: noupādā eko khandho tiṇṇannaṁ khandhānaṁ noupādā
ca cittasamuṭṭhānānaṁ rūpānaṁ atthipaccayena paccayo dve khandhā ...
Paṭisandhikkhaṇe ekaṁ mahābhūtaṁ tiṇṇannaṁ mahābhūtānaṁ atthipaccayena
paccayo .pe. Dve mahābhūtā dvinnaṁ mahābhūtānaṁ atthipaccayena
paccayo yāva asaññasattā. Purejātaṁ: phoṭṭhabbe aniccato
.pe. Domanassaṁ uppajjati phoṭṭhabbāyatanaṁ kāyaviññāṇassa
atthipaccayena paccayo. Pacchājātā: noupādā khandhā purejātassa
imassa noupādā kāyassa atthipaccayena paccayo. Noupādā
dhammo upādā dhammassa atthipaccayena paccayo: sahajātaṁ pacchājātaṁ.
Sahajātā: noupādā khandhā upādā cittasamuṭṭhānānaṁ rūpānaṁ
atthipaccayena paccayo paṭisandhikkhaṇe .... Pacchājātā: noupādā
khandhā purejātassa imassa upādā kāyassa atthipaccayena paccayo.
Noupādā dhammo upādā ca noupādā ca dhammassa atthipaccayena
paccayo: sahajātaṁ pacchājātaṁ. Sahajāto: noupādā eko
Khandho tiṇṇannaṁ khandhānaṁ upādā ca noupādā ca cittasamuṭṭhānānaṁ
rūpānaṁ atthipaccayena paccayo dve khandhā ... Paṭisandhikkhaṇe ....
Pacchājātā: noupādā khandhā purejātassa imassa upādā
kāyassa ca noupādā kāyassa ca atthipaccayena paccayo.
Upādā ca noupādā ca dhammā upādā dhammassa atthipaccayena
paccayo: pacchājātaṁ āhāraṁ indriyaṁ. Pacchājātā: noupādā
khandhā ca kabaḷiṁkāro āhāro ca imassa upādā kāyassa atthipaccayena
paccayo. Pacchājātā: noupādā khandhā ca rūpajīvitindriyañca
upādā kaṭattārūpānaṁ atthipaccayena paccayo. Upādā ca
noupādā ca dhammā noupādā dhammassa atthipaccayena paccayo:
sahajātaṁ purejātaṁ pacchājātaṁ āhāraṁ indriyaṁ. Sahajāto:
cakkhuviññāṇasahagato eko khandho ca cakkhāyatanañca tiṇṇannaṁ
khandhānaṁ atthipaccayena paccayo dve khandhā ... Noupādā eko
khandho ca vatthu ca tiṇṇannaṁ khandhānaṁ atthipaccayena paccayo
dve khandhā ... Paṭisandhikkhaṇe noupādā eko khandho ca vatthu ca
tiṇṇannaṁ khandhānaṁ atthipaccayena paccayo. Purejātaṁ: phoṭṭhabbāyatanañca
vatthu ca noupādā khandhānaṁ atthipaccayena paccayo
phoṭṭhabbāyatanañca kāyāyatanañca kāyaviññāṇassa atthipaccayena
paccayo. Pacchājātā: noupādā khandhā ca kabaḷiṁkāro āhāro ca
imassa noupādā kāyassa atthipaccayena paccayo. Pacchājātā:
Noupādā khandhā ca rūpajīvitindriyañca noupādā kaṭattārūpānaṁ
atthipaccayena paccayo. Upādā ca noupādā ca dhammā upādā ca
noupādā ca dhammassa atthipaccayena paccayo: pacchājātaṁ āhāraṁ
indriyaṁ. Pacchājātā: noupādā khandhā ca kabaḷiṁkāro āhāro ca
imassa upādā kāyassa ca noupādā kāyassa ca atthipaccayena
paccayo. Pacchājātā: noupādā khandhā ca rūpajīvitindriyañca
upādā ca noupādā ca kaṭattārūpānaṁ atthipaccayena paccayo.

[335] Hetuyā tīṇi ārammaṇe dve adhipatiyā cattāri
anantare ekaṁ samanantare ekaṁ sahajāte pañca aññamaññe
pañca nissaye pañca upanissaye dve purejāte tīṇi pacchājāte
tīṇi āsevane ekaṁ kamme tīṇi vipāke tīṇi āhāre cha
indriye satta jhāne tīṇi magge tīṇi sampayutte ekaṁ
vippayutte cattāri atthiyā nava natthiyā ekaṁ vigate ekaṁ
avigate nava.

[336] Upādā dhammo upādā dhammassa āhārapaccayena
paccayo: indriyapaccayena paccayo: upādā dhammo noupādā
dhammassa ārammaṇapaccayena paccayo: sahajātapaccayena paccayo:
upanissayapaccayena paccayo: purejātapaccayena paccayo:
āhārapaccayena paccayo: indriyapaccayena paccayo:. Upādā
dhammo upādā ca noupādā ca dhammassa āhārapaccayena paccayo:
Indriyapaccayena paccayo:. Noupādā dhammo noupādā dhammassa
ārammaṇapaccayena paccayo: sahajātapaccayena paccayo: upanissayapaccayena
paccayo: purejātapaccayena paccayo: pacchājātapaccayena
paccayo: kammapaccayena paccayo:. Noupādā dhammo upādā
dhammassa sahajātapaccayena paccayo: pacchājātapaccayena paccayo:
kammapaccayena paccayo:. Noupādā dhammo upādā ca noupādā ca
dhammassa sahajātapaccayena paccayo: pacchājātapaccayena paccayo:
kammapaccayena paccayo:. Upādā ca noupādā ca dhammā upādā
dhammassa pacchājātapaccayena paccayo: āhārapaccayena paccayo:
indriyapaccayena paccayo:. Upādā ca noupādā ca dhammā
noupādā dhammassa sahajātapaccayena paccayo: purejātapaccayena
paccayo: pacchājātapaccayena paccayo: āhārapaccayena paccayo:
indriyapaccayena paccayo:. Upādā ca noupādā ca dhammā
upādā ca noupādā ca dhammassa pacchājātapaccayena paccayo:
āhārapaccayena paccayo: indriyapaccayena paccayo:.

[337] Nahetuyā nava nāarammaṇe nava sabbattha nava
nasampayutte nava navippayutte cha noatthiyā cattāri nonatthiyā
nava novigate nava noavigate cattāri.

[338] Hetupaccayā nāarammaṇe tīṇi ... Nādhipatiyā tīṇi
nānantare tīṇi nasamanantare tīṇi nāññamaññe tīṇi naupanissaye
Tīṇi sabbattha tīṇi nasampayutte tīṇi navippayutte ekaṁ nonatthiyā
tīṇi novigate tīṇi.

[339] Nahetupaccayā ārammaṇe dve ... Adhipatiyā cattāri.
Saṅkhittaṁ. Anulomamātikā vitthāretabbā. ... Avigate nava.
Upādādukaṁ niṭṭhitaṁ.
--------------
Upādinnadukaṁ
paṭiccavāro

[340] Upādinnaṁ dhammaṁ paṭicca upādinno dhammo uppajjati
hetupaccayā: upādinnaṁ ekaṁ khandhaṁ paṭicca tayo khandhā dve
khandhe ... Paṭisandhikkhaṇe upādinnaṁ ekaṁ khandhaṁ paṭicca tayo khandhā
kaṭattā ca rūpaṁ dve khandhe ... Khandhe paṭicca vatthu vatthuṁ
paṭicca khandhā ekaṁ mahābhūtaṁ ... Mahābhūte paṭicca kaṭattārūpaṁ
upādārūpaṁ. Upādinnaṁ dhammaṁ paṭicca anupādinno dhammo uppajjati
hetupaccayā: upādinne khandhe paṭicca cittasamuṭṭhānaṁ rūpaṁ. Upādinnaṁ
dhammaṁ paṭicca upādinno ca anupādinno ca dhammā uppajjanti
hetupaccayā: upādinnaṁ ekaṁ khandhaṁ paṭicca tayo khandhā cittasamuṭṭhānañca
rūpaṁ dve khandhe .... Anupādinnaṁ dhammaṁ paṭicca anupādinno
dhammo uppajjati hetupaccayā: anupādinnaṁ ekaṁ khandhaṁ paṭicca tayo
Khandhā cittasamuṭṭhānañca rūpaṁ dve khandhe ... Ekaṁ mahābhūtaṁ
paṭicca ... Mahābhūte paṭicca cittasamuṭṭhānaṁ rūpaṁ upādārūpaṁ.
Upādinnañca anupādinnañca dhammaṁ paṭicca anupādinno dhammo
uppajjati hetupaccayā: upādinne khandhe ca mahābhūte ca paṭicca
cittasamuṭṭhānaṁ rūpaṁ.

[341] Upādinnaṁ dhammaṁ paṭicca upādinno dhammo uppajjati
ārammaṇapaccayā: upādinnaṁ ekaṁ khandhaṁ paṭicca tayo khandhā dve
khandhe ... Paṭisandhikkhaṇe vatthuṁ paṭicca khandhā. Anupādinnaṁ
dhammaṁ paṭicca anupādinno dhammo uppajjati ārammaṇapaccayā:
anupādinnaṁ ekaṁ khandhaṁ paṭicca tayo khandhā dve khandhe ....

[342] Anupādinnaṁ dhammaṁ paṭicca anupādinno dhammo uppajjati
adhipatipaccayā: anupādinnaṁ ekaṁ khandhaṁ paṭicca tayo khandhā
cittasamuṭṭhānañca rūpaṁ dve khandhe ... Ekaṁ mahābhūtaṁ paṭicca ...
Mahābhūte paṭicca cittasamuṭṭhānaṁ rūpaṁ upādārūpaṁ. Saṅkhittaṁ.

[343] Hetuyā pañca ārammaṇe dve adhipatiyā ekaṁ
anantare dve samanantare dve sahajāte pañca aññamaññe
dve nissaye pañca upanissaye dve purejāte dve āsevane
ekaṁ kamme pañca vipāke pañca āhāre pañca indriye
pañca jhāne pañca magge pañca sampayutte dve
vippayutte pañca atthiyā pañca natthiyā dve vigate dve
Avigate pañca.