[324] Noupādā dhammo noupādā dhammassa anantarapaccayena
paccayo: purimā purimā noupādā khandhā pacchimānaṁ pacchimānaṁ
noupādā khandhānaṁ anantarapaccayena paccayo anulomaṁ gotrabhussa
phalasamāpattiyā anantarapaccayena paccayo. ... Samanantarapaccayena
paccayo: sahajātapaccayena paccayo: paṭiccasadisaṁ. ... Aññamaññapaccayena
paccayo: paṭiccasadisaṁ. ... Nissayapaccayena paccayo:
paccayavāre nissayasadisaṁ.

[325] Upādā dhammo noupādā dhammassa upanissayapaccayena
paccayo: ārammaṇūpanissayo pakatūpanissayo .pe. Pakatūpanissayo:
cakkhusampadaṁ ... Kāyasampadaṁ vaṇṇasampadaṁ gandhasampadaṁ rasasampadaṁ ...
Bhojanaṁ upanissāya dānaṁ deti .pe. Saṅghaṁ bhindati cakkhusampadā ...
Kāyasampadā vaṇṇasampadā gandhasampadā rasasampadā ... Bhojanaṁ
saddhāya phalasamāpattiyā upanissayapaccayena paccayo. Noupādā
dhammo noupādā dhammassa upanissayapaccayena paccayo: ārammaṇūpanissayo
Anantarūpanissayo pakatūpanissayo .pe. Pakatūpanissayo:
saddhaṁ upanissāya dānaṁ deti .pe. Samāpattiṁ uppādeti mānaṁ
jappeti diṭṭhiṁ gaṇhāti sīlaṁ ... Saddhaṁ .pe. Patthanaṁ kāyikaṁ
sukhaṁ kāyikaṁ dukkhaṁ utuṁ ... Senāsanaṁ upanissāya dānaṁ deti .pe.
Saṅghaṁ bhindati saddhā .pe. Senāsanaṁ saddhāya .pe.
Phalasamāpattiyā upanissayapaccayena paccayo.

[326] Upādā dhammo noupādā dhammassa purejātapaccayena
paccayo: ārammaṇapurejātaṁ vatthupurejātaṁ. Ārammaṇapurejātaṁ:
cakkhuṁ .pe. Vatthuṁ aniccato .pe. Domanassaṁ uppajjati dibbena
cakkhunā rūpaṁ passati dibbāya sotadhātuyā saddaṁ suṇāti rūpāyatanaṁ
cakkhuviññāṇassa rasāyatanaṁ jivhāviññāṇassa. Vatthupurejātaṁ:
cakkhāyatanaṁ cakkhuviññāṇassa kāyāyatanaṁ ... Vatthu noupādā khandhānaṁ
purejātapaccayena paccayo. Noupādā dhammo noupādā dhammassa
purejātapaccayena paccayo: ārammaṇapurejātaṁ: phoṭṭhabbe aniccato
.pe. Domanassaṁ uppajjati phoṭṭhabbāyatanaṁ kāyaviññāṇassa
purejātapaccayena paccayo. Upādā ca noupādā ca dhammā
noupādā dhammassa purejātapaccayena paccayo: ārammaṇapurejātaṁ
vatthupurejātaṁ. Phoṭṭhabbāyatanañca vatthu ca noupādā khandhānaṁ
purejātapaccayena paccayo phoṭṭhabbāyatanañca kāyāyatanañca
kāyaviññāṇassa purejātapaccayena paccayo.

[327] Noupādā dhammo noupādā dhammassa pacchājātapaccayena
paccayo: pacchājātā: noupādā khandhā purejātassa
imassa noupādā kāyassa pacchājātapaccayena paccayo. Mūlaṁ
pucchitabbaṁ pacchājātā: noupādā khandhā purejātassa imassa
upādā kāyassa pacchājātapaccayena paccayo. Mūlaṁ pucchitabbaṁ
pacchājātā: noupādā khandhā purejātassa imassa upādā
kāyassa ca noupādā kāyassa ca pacchājātapaccayena paccayo.
... Āsevanapaccayena paccayo:.

[328] Noupādā dhammo noupādā dhammassa kammapaccayena
paccayo: sahajātā nānākhaṇikā. Sahajātā: noupādā cetanā
sampayuttakānaṁ khandhānaṁ noupādā ca cittasamuṭṭhānānaṁ rūpānaṁ
kammapaccayena paccayo paṭisandhikkhaṇe .... Nānākhaṇikā: noupādā
cetanā vipākānaṁ khandhānaṁ noupādā ca kaṭattārūpānaṁ kammapaccayena
paccayo. Noupādā dhammo upādā dhammassa kammapaccayena
paccayo: sahajātā nānākhaṇikā. Sahajātā: noupādā cetanā
upādā cittasamuṭṭhānānaṁ rūpānaṁ kammapaccayena paccayo
paṭisandhikkhaṇe .... Nānākhaṇikā: noupādā cetanā upādā
kaṭattārūpānaṁ kammapaccayena paccayo. Noupādā dhammo upādā
ca noupādā ca dhammassa kammapaccayena paccayo: sahajātā
nānākhaṇikā. Sahajātā: noupādā cetanā sampayuttakānaṁ khandhānaṁ
Upādā ca noupādā ca cittasamuṭṭhānānaṁ rūpānaṁ kammapaccayena
paccayo paṭisandhikkhaṇe .... Nānākhaṇikā: noupādā cetanā
vipākānaṁ khandhānaṁ upādā ca noupādā ca kaṭattārūpānaṁ
kammapaccayena paccayo.

[329] Noupādā dhammo noupādā dhammassa vipākapaccayena
paccayo: vipāko noupādā eko khandho tiṇṇannaṁ khandhānaṁ ...
Paṭisandhi tīṇi.

[330] Upādā dhammo upādā dhammassa āhārapaccayena
paccayo: kabaḷiṁkāro āhāro imassa upādā kāyassa āhārapaccayena
paccayo. Mūlaṁ pucchitabbaṁ kabaḷiṁkāro āhāro imassa
noupādā kāyassa āhārapaccayena paccayo. Mūlaṁ pucchitabbaṁ
kabaḷiṁkāro āhāro imassa upādā kāyassa ca noupādā
kāyassa ca āhārapaccayena paccayo. Noupādā dhammo noupādā
dhammassa āhārapaccayena paccayo: noupādā āhārā
sampayuttakānaṁ khandhānaṁ noupādā ca cittasamuṭṭhānānaṁ rūpānaṁ
āhārapaccayena paccayo paṭisandhikkhaṇe .pe. Noupādāmūlake
tīṇi paṭisandhi.

[331] Upādā dhammo upādā dhammassa indriyapaccayena
paccayo: rūpajīvitindriyaṁ upādā kaṭattārūpānaṁ indriyapaccayena
paccayo. Mūlaṁ pucchitabbaṁ cakkhundriyaṁ cakkhuviññāṇassa kāyindriyaṁ ...
Rūpajīvitindriyaṁ noupādā kaṭattārūpānaṁ indriyapaccayena
paccayo. Mūlaṁ pucchitabbaṁ rūpajīvitindriyaṁ upādā ca noupādā ca
kaṭattārūpānaṁ indriyapaccayena paccayo. Noupādā dhammo
noupādā dhammassa indriyapaccayena paccayo: tīṇi paṭisandhi.
Upādā ca noupādā ca dhammā noupādā dhammassa indriyapaccayena
paccayo: cakkhundriyañca cakkhuviññāṇañca cakkhuviññāṇasahagatānaṁ
khandhānaṁ indriyapaccayena paccayo kāyindriyaṁ ....

[332] Noupādā dhammo noupādā dhammassa jhānapaccayena
paccayo: tīṇi. ... Maggapaccayena paccayo: tīṇi paṭisandhi
kātabbā. ... Sampayuttapaccayena paccayo: ekaṁ.

[333] Upādā dhammo noupādā dhammassa vippayuttapaccayena
paccayo: sahajātaṁ purejātaṁ. Sahajātaṁ: paṭisandhikkhaṇe vatthu
noupādā khandhānaṁ vippayuttapaccayena paccayo. Purejātaṁ: cakkhāyatanaṁ
cakkhuviññāṇassa kāyāyatanaṁ ... Vatthu noupādā khandhānaṁ
vippayuttapaccayena paccayo. Noupādā dhammo noupādā dhammassa
vippayuttapaccayena paccayo: sahajātaṁ pacchājātaṁ. Sahajātā:
noupādā khandhā noupādā cittasamuṭṭhānānaṁ rūpānaṁ vippayuttapaccayena
paccayo paṭisandhikkhaṇe noupādā khandhā noupādā
kaṭattārūpānaṁ vippayuttapaccayena paccayo. Pacchājātā: noupādā
khandhā purejātassa imassa noupādā kāyassa vippayuttapaccayena
Paccayo. Noupādā dhammo upādā dhammassa vippayuttapaccayena
paccayo: sahajātaṁ pacchājātaṁ. Sahajātā: noupādā khandhā upādā
cittasamuṭṭhānānaṁ rūpānaṁ vippayuttapaccayena paccayo paṭisandhikkhaṇe ....
Pacchājātā: noupādā khandhā purejātassa imassa
upādā kāyassa vippayuttapaccayena paccayo. Noupādā dhammo
upādā ca noupādā ca dhammassa vippayuttapaccayena paccayo:
sahajātaṁ pacchājātaṁ. Sahajātā: noupādā khandhā upādā ca
noupādā ca cittasamuṭṭhānānaṁ rūpānaṁ vippayuttapaccayena paccayo
paṭisandhikkhaṇe .... Pacchājātā: noupādā khandhā purejātassa
imassa upādā kāyassa ca noupādā kāyassa ca vippayuttapaccayena
paccayo.