พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ catuttho bhāgo (เล่ม 43)

[344] Upādinnaṁ dhammaṁ paṭicca upādinno dhammo uppajjati
nahetupaccayā: ahetukaṁ upādinnaṁ ekaṁ khandhaṁ paṭicca tayo khandhā
dve khandhe ... Ahetukapaṭisandhikkhaṇe upādinnaṁ ekaṁ khandhaṁ paṭicca
tayo khandhā kaṭattā ca rūpaṁ dve khandhe ... Khandhe paṭicca vatthu
vatthuṁ paṭicca khandhā ekaṁ mahābhūtaṁ paṭicca ... Mahābhūte paṭicca
kaṭattārūpaṁ upādārūpaṁ asaññasattānaṁ ekaṁ mahābhūtaṁ paṭicca ...
Mahābhūte paṭicca kaṭattārūpaṁ upādārūpaṁ. Upādinnaṁ dhammaṁ paṭicca
anupādinno dhammo uppajjati nahetupaccayā: ahetuke upādinne
khandhe paṭicca cittasamuṭṭhānaṁ rūpaṁ. Upādinnaṁ dhammaṁ paṭicca
upādinno ca anupādinno ca dhammā uppajjanti nahetupaccayā:
ahetukaṁ upādinnaṁ ekaṁ khandhaṁ paṭicca tayo khandhā cittasamuṭṭhānañca
rūpaṁ dve khandhe .... Anupādinnaṁ dhammaṁ paṭicca anupādinno
dhammo uppajjati nahetupaccayā: ahetukaṁ anupādinnaṁ ekaṁ khandhaṁ
paṭicca tayo khandhā cittasamuṭṭhānañca rūpaṁ dve khandhe ... Ekaṁ
mahābhūtaṁ ... Mahābhūte paṭicca cittasamuṭṭhānaṁ rūpaṁ upādārūpaṁ bāhiraṁ ...
Āhārasamuṭṭhānaṁ ... Utusamuṭṭhānaṁ ekaṁ mahābhūtaṁ ... Mahābhūte paṭicca
upādārūpaṁ vicikicchāsahagate uddhaccasahagate khandhe paṭicca vicikicchāsahagato
uddhaccasahagato moho. Upādinnañca anupādinnañca
dhammaṁ paṭicca anupādinno dhammo uppajjati nahetupaccayā: ahetuke
Upādinne khandhe ca mahābhūte ca paṭicca cittasamuṭṭhānaṁ rūpaṁ.

Abhidhammapiṭake paṭṭhānaṁ catuttho bhāgo (เล่ม 43)

[345] Upādinnaṁ dhammaṁ paṭicca upādinno dhammo uppajjati
nāarammaṇapaccayā: paṭisandhikkhaṇe upādinne khandhe paṭicca
kaṭattārūpaṁ khandhe paṭicca vatthu ekaṁ mahābhūtaṁ ... Mahābhūte paṭicca
kaṭattārūpaṁ upādārūpaṁ asaññasattānaṁ ekaṁ mahābhūtaṁ ... Mahābhūte
paṭicca kaṭattārūpaṁ upādārūpaṁ. Upādinnaṁ dhammaṁ paṭicca anupādinno
dhammo uppajjati nāarammaṇapaccayā: upādinne khandhe
paṭicca cittasamuṭṭhānaṁ rūpaṁ. Anupādinnaṁ dhammaṁ paṭicca anupādinno
dhammo uppajjati nāarammaṇapaccayā: anupādinne khandhe paṭicca
cittasamuṭṭhānaṁ rūpaṁ ekaṁ mahābhūtaṁ ... Bāhiraṁ ... Āhārasamuṭṭhānaṁ ...
Utusamuṭṭhānaṁ ekaṁ mahābhūtaṁ ... Mahābhūte paṭicca upādārūpaṁ.
Upādinnañca anupādinnañca dhammaṁ paṭicca anupādinno dhammo
uppajjati nāarammaṇapaccayā: upādinne khandhe ca mahābhūte ca
paṭicca cittasamuṭṭhānaṁ rūpaṁ.

Abhidhammapiṭake paṭṭhānaṁ catuttho bhāgo (เล่ม 43)

[346] Upādinnaṁ dhammaṁ paṭicca upādinno dhammo uppajjati
nādhipatipaccayā:. ... Nānantarapaccayā: nasamanantarapaccayā:
nāññamaññapaccayā: naupanissayapaccayā:.

Abhidhammapiṭake paṭṭhānaṁ catuttho bhāgo (เล่ม 43)

[347] Upādinnaṁ dhammaṁ paṭicca upādinno dhammo uppajjati
napurejātapaccayā: arūpe upādinnaṁ ekaṁ khandhaṁ paṭicca tayo khandhā
dve khandhe ... Paṭisandhikkhaṇe upādinnaṁ ekaṁ khandhaṁ paṭicca tayo
Khandhā kaṭattā ca rūpaṁ yāva asaññasattā. Upādinnaṁ dhammaṁ
paṭicca anupādinno dhammo uppajjati napurejātapaccayā: upādinne
khandhe paṭicca cittasamuṭṭhānaṁ rūpaṁ. Anupādinnaṁ dhammaṁ paṭicca
anupādinno dhammo uppajjati napurejātapaccayā: arūpe anupādinnaṁ
ekaṁ khandhaṁ paṭicca tayo khandhā dve khandhe ... Anupādinne khandhe
paṭicca cittasamuṭṭhānaṁ rūpaṁ ekaṁ mahābhūtaṁ yāva asaññasattā
utusamuṭṭhānaṁ. Upādinnañca anupādinnañca dhammaṁ paṭicca anupādinno
dhammo uppajjati napurejātapaccayā: upādinne khandhe ca
mahābhūte ca paṭicca cittasamuṭṭhānaṁ rūpaṁ. ... Napacchājātapaccayā:
nāasevanapaccayā:.

Abhidhammapiṭake paṭṭhānaṁ catuttho bhāgo (เล่ม 43)

[348] Anupādinnaṁ dhammaṁ paṭicca anupādinno dhammo uppajjati
nakammapaccayā: anupādinne khandhe paṭicca anupādinnā cetanā
bāhiraṁ ... Āhārasamuṭṭhānaṁ ... Utusamuṭṭhānaṁ ... .pe. Mahābhūte paṭicca
upādārūpaṁ.

Abhidhammapiṭake paṭṭhānaṁ catuttho bhāgo (เล่ม 43)

[349] Upādinnaṁ dhammaṁ paṭicca upādinno dhammo uppajjati
navipākapaccayā: asaññasattānaṁ ekaṁ mahābhūtaṁ ... Mahābhūte paṭicca
kaṭattārūpaṁ upādārūpaṁ. Anupādinnaṁ dhammaṁ paṭicca anupādinno
dhammo uppajjati navipākapaccayā: anupādinnaṁ ekaṁ khandhaṁ paṭicca
tayo khandhā cittasamuṭṭhānañca rūpaṁ dve khandhe ... Ekaṁ mahābhūtaṁ
yāva utusamuṭṭhānaṁ.

Abhidhammapiṭake paṭṭhānaṁ catuttho bhāgo (เล่ม 43)

[350] Upādinnaṁ dhammaṁ paṭicca upādinno dhammo uppajjati
nāahārapaccayā: asaññasattānaṁ ekaṁ mahābhūtaṁ .... Anupādinnaṁ
dhammaṁ paṭicca anupādinno dhammo uppajjati nāahārapaccayā:
bāhiraṁ ... Utusamuṭṭhānaṁ ... .pe.

Abhidhammapiṭake paṭṭhānaṁ catuttho bhāgo (เล่ม 43)

[351] Upādinnaṁ dhammaṁ paṭicca upādinno dhammo uppajjati
naindriyapaccayā: asaññasattānaṁ mahābhūte paṭicca rūpajīvitindriyaṁ.
Anupādinnaṁ dhammaṁ paṭicca anupādinno dhammo uppajjati naindriyapaccayā:
bāhiraṁ ... Āhārasamuṭṭhānaṁ ... Utusamuṭṭhānaṁ ... .pe.

Abhidhammapiṭake paṭṭhānaṁ catuttho bhāgo (เล่ม 43)

[352] Upādinnaṁ dhammaṁ paṭicca upādinno dhammo uppajjati
najhānapaccayā: pañcaviññāṇasahagataṁ ekaṁ khandhaṁ paṭicca tayo khandhā
dve khandhe ... Asaññasattānaṁ .pe. Anupādinnaṁ dhammaṁ paṭicca
anupādinno dhammo uppajjati najhānapaccayā: bāhiraṁ ...
Āhārasamuṭṭhānaṁ ... Utusamuṭṭhānaṁ ... .pe.

Abhidhammapiṭake paṭṭhānaṁ catuttho bhāgo (เล่ม 43)

[353] Upādinnaṁ dhammaṁ paṭicca upādinno dhammo uppajjati
namaggapaccayā: nahetusadisaṁ moho natthi. ... Nasampayuttapaccayā:.