[364] Hetupaccayā nāarammaṇe cattāri ... Nādhipatiyā pañca
.pe. Napurejāte cattāri napacchājāte pañca nāasevane pañca
nakamme tīṇi navipāke tīṇi nasampayutte cattāri navippayutte
dve nonatthiyā cattāri novigate cattāri.

[365] Nahetupaccayā ārammaṇe cattāri ... Anantare cattāri
magge tīṇi avigate pañca.
Nissayavāro paccayavārasadiso.
Saṁsaṭṭhavāro

[366] Upādinnaṁ dhammaṁ saṁsaṭṭho upādinno dhammo uppajjati
hetupaccayā: upādinnaṁ ekaṁ khandhaṁ saṁsaṭṭhā tayo khandhā dve
khandhe ... Paṭisandhikkhaṇe .pe. Anupādinnaṁ dhammaṁ saṁsaṭṭho
anupādinno dhammo uppajjati hetupaccayā: anupādinnaṁ ekaṁ
khandhaṁ saṁsaṭṭhā tayo khandhā dve khandhe ....

[367] Hetuyā dve ārammaṇe dve adhipatiyā ekaṁ
anantare dve samanantare dve sahajāte dve aññamaññe dve
nissaye dve upanissaye dve purejāte dve āsevane ekaṁ
kamme dve vipāke dve avigate dve.

[368] Upādinnaṁ dhammaṁ saṁsaṭṭho upādinno dhammo uppajjati
nahetupaccayā: ahetukaṁ upādinnaṁ ekaṁ khandhaṁ saṁsaṭṭhā tayo khandhā
dve khandhe ... Ahetukapaṭisandhikkhaṇe .pe. Anupādinnaṁ dhammaṁ
saṁsaṭṭho anupādinno dhammo uppajjati nahetupaccayā: ahetukaṁ
anupādinnaṁ ekaṁ khandhaṁ saṁsaṭṭhā tayo khandhā dve khandhe ...
Vicikicchāsahagate uddhaccasahagate khandhe saṁsaṭṭho vicikicchāsahagato
uddhaccasahagato moho.

[369] Nahetuyā dve nādhipatiyā dve napurejāte dve
napacchājāte dve nāasevane dve nakamme ekaṁ navipāke
ekaṁ najhāne ekaṁ namagge dve navippayutte dve.
Evaṁ itare dve gaṇanāpi sampayuttavāropi kātabbā.
Pañhāvāro

[370] Upādinno dhammo upādinnassa dhammassa hetupaccayena
paccayo: upādinnā hetū sampayuttakānaṁ khandhānaṁ hetupaccayena
paccayo paṭisandhikkhaṇe upādinnā hetū sampayuttakānaṁ khandhānaṁ
kaṭattā ca rūpānaṁ hetupaccayena paccayo. Upādinno dhammo
anupādinnassa dhammassa hetupaccayena paccayo: upādinnā hetū
cittasamuṭṭhānānaṁ rūpānaṁ hetupaccayena paccayo. Upādinno dhammo
upādinnassa ca anupādinnassa ca dhammassa hetupaccayena paccayo:
upādinnā hetū sampayuttakānaṁ khandhānaṁ cittasamuṭṭhānānañca rūpānaṁ
hetupaccayena paccayo. Anupādinno dhammo anupādinnassa dhammassa
hetupaccayena paccayo: anupādinnā hetū sampayuttakānaṁ khandhānaṁ
cittasamuṭṭhānānañca rūpānaṁ hetupaccayena paccayo.

[371] Upādinno dhammo upādinnassa dhammassa ārammaṇapaccayena
paccayo: cakkhuṁ ... Kāyaṁ upādinne rūpe gandhe rase
phoṭṭhabbe vatthuṁ ... Upādinne khandhe aniccato .pe. Domanassaṁ
uppajjati kusalākusale niruddhe vipāko tadārammaṇatā uppajjati
upādinnaṁ rūpāyatanaṁ cakkhuviññāṇassa upādinnaṁ gandhāyatanaṁ
ghānaviññāṇassa .pe. Phoṭṭhabbāyatanaṁ kāyaviññāṇassa ārammaṇapaccayena
paccayo. Upādinno dhammo anupādinnassa dhammassa
Ārammaṇapaccayena paccayo: cakkhuṁ ... Kāyaṁ upādinne rūpe gandhe
rase phoṭṭhabbe vatthuṁ ... Upādinne khandhe aniccato .pe. Domanassaṁ
uppajjati dibbena cakkhunā upādinnaṁ rūpaṁ passati cetopariyañāṇena
upādinnacittasamaṅgissa cittaṁ jānāti upādinnā khandhā
iddhividhañāṇassa cetopariyañāṇassa pubbenivāsānussatiñāṇassa
anāgataṁsañāṇassa āvajjanāya ārammaṇapaccayena paccayo. Anupādinno
dhammo anupādinnassa dhammassa ārammaṇapaccayena paccayo:
dānaṁ ... Sīlaṁ ... Uposathakammaṁ katvā taṁ paccavekkhati assādeti
abhinandati taṁ ārabbha rāgo .pe. Domanassaṁ uppajjati
pubbe suciṇṇāni ... Jhānā ... Ariyā maggā vuṭṭhahitvā maggaṁ
paccavekkhanti phalaṁ ... Nibbānaṁ ... Nibbānaṁ gotrabhussa vodānassa
maggassa phalassa āvajjanāya ārammaṇapaccayena paccayo ariyā
pahīne kilese ... Vikkhambhite kilese ... Pubbe samudāciṇṇe ...
Anupādinne rūpe ... Sadde ... Phoṭṭhabbe ... Anupādinne khandhe
aniccato .pe. Domanassaṁ uppajjati dibbena cakkhunā anupādinnaṁ
rūpaṁ passati dibbāya sotadhātuyā saddaṁ suṇāti cetopariyañāṇena
anupādinnacittasamaṅgissa cittaṁ jānāti ākāsānañcāyatanaṁ
viññāṇañcāyatanassa ākiñcaññāyatanaṁ nevasaññānāsaññāyatanassa
anupādinnā khandhā iddhividhañāṇassa cetopariyañāṇassa
pubbenivāsānussatiñāṇassa yathākammupagañāṇassa anāgataṁsañāṇassa
Āvajjanāya ārammaṇapaccayena paccayo. Anupādinno dhammo
upādinnassa dhammassa ārammaṇapaccayena paccayo: anupādinne rūpe ...
Sadde ... Phoṭṭhabbe ... Anupādinne khandhe aniccato .pe. Domanassaṁ
uppajjati kusalākusale niruddhe vipāko tadārammaṇatā uppajjati
ākāsānañcāyatanaṁ viññāṇañcāyatanassa ākiñcaññāyatanaṁ
nevasaññānāsaññāyatanassa anupādinnaṁ rūpāyatanaṁ cakkhuviññāṇassa
saddāyatanaṁ ... Phoṭṭhabbāyatanaṁ kāyaviññāṇassa ārammaṇapaccayena
paccayo.

[372] Upādinno dhammo anupādinnassa dhammassa
adhipatipaccayena paccayo: ārammaṇādhipati: cakkhuṁ ... Kāyaṁ upādinne
rūpe gandhe rase phoṭṭhabbe vatthuṁ ... Anupādinne khandhe garuṁ
katvā assādeti abhinandati taṁ garuṁ katvā rāgo uppajjati diṭṭhi
uppajjati. Anupādinno dhammo anupādinnassa dhammassa
adhipatipaccayena paccayo: ārammaṇādhipati sahajātādhipati.
Ārammaṇādhipati: dānaṁ ... Sīlaṁ ... Uposathakammaṁ katvā taṁ garuṁ katvā
paccavekkhati assādeti abhinandati taṁ garuṁ katvā rāgo .pe.
Diṭṭhi ... Pubbe ... Jhānā ... Ariyā maggā vuṭṭhahitvā maggaṁ garuṁ
katvā paccavekkhanti phalaṁ ... Nibbānaṁ ... Nibbānaṁ gotrabhussa
vodānassa maggassa phalassa adhipatipaccayena paccayo anupādinne
rūpe ... Sadde ... Phoṭṭhabbe ... Anupādinne khandhe garuṁ katvā rāgo
Uppajjati diṭṭhi uppajjati. Sahajātādhipati: anupādinnā adhipati
sampayuttakānaṁ khandhānaṁ cittasamuṭṭhānānañca rūpānaṁ adhipatipaccayena
paccayo.

[373] Upādinno dhammo upādinnassa dhammassa anantarapaccayena
paccayo: purimā purimā upādinnā khandhā pacchimānaṁ
pacchimānaṁ upādinnānaṁ khandhānaṁ anantarapaccayena paccayo
pañcaviññāṇaṁ vipākamanodhātuyā anantarapaccayena paccayo
vipākamanodhātu vipākamanoviññāṇadhātuyā anantarapaccayena paccayo.
Upādinno dhammo anupādinnassa dhammassa anantarapaccayena paccayo:
bhavaṅgaṁ āvajjanāya vipākamanoviññāṇadhātu kiriyamanoviññāṇadhātuyā
anantarapaccayena paccayo. Anupādinno dhammo anupādinnassa
dhammassa anantarapaccayena paccayo: purimā purimā anupādinnā
khandhā pacchimānaṁ pacchimānaṁ anupādinnānaṁ khandhānaṁ anantarapaccayena
paccayo anupādinnā khandhā vuṭṭhānassa anantarapaccayena
paccayo anulomaṁ gotrabhussa phalasamāpattiyā anantarapaccayena
paccayo. Anupādinno dhammo upādinnassa dhammassa anantarapaccayena
paccayo: āvajjanā pañcannaṁ viññāṇānaṁ anupādinnā khandhā
vuṭṭhānassa anantarapaccayena paccayo. ... Samanantarapaccayena paccayo:
sahajātapaccayena paccayo: pañca paṭiccasadisā. ... Aññamaññapaccayena
paccayo: dve paṭiccasadisā. ... Nissayapaccayena paccayo:
Paccayavāre nissayasadisā pañca.