[374] Upādinno dhammo upādinnassa dhammassa upanissayapaccayena
paccayo: anantarūpanissayo pakatūpanissayo .pe.
Pakatūpanissayo: kāyikaṁ sukhaṁ kāyikassa sukhassa kāyikassa dukkhassa
upanissayapaccayena paccayo kāyikaṁ dukkhaṁ ... Upādinnaṁ utu ... Bhojanaṁ
kāyikassa sukhassa kāyikassa dukkhassa upanissayapaccayena paccayo
kāyikaṁ sukhaṁ ... Kāyikaṁ dukkhaṁ ... Utu ... Bhojanaṁ kāyikassa sukhassa kāyikassa
dukkhassa upanissayapaccayena paccayo. Upādinno dhammo anupādinnassa
dhammassa upanissayapaccayena paccayo: ārammaṇūpanissayo
anantarūpanissayo pakatūpanissayo .pe. Pakatūpanissayo: kāyikaṁ sukhaṁ
upanissāya dānaṁ deti .pe. Saṅghaṁ bhindati kāyikaṁ dukkhaṁ ...
Upādinnaṁ utuṁ ... Bhojanaṁ upanissāya dānaṁ deti .pe. Samāpattiṁ
uppādeti .pe. Saṅghaṁ bhindati kāyikaṁ sukhaṁ ... Kāyikaṁ dukkhaṁ ... Utu ...
Bhojanaṁ saddhāya .pe. Patthanāya maggassa phalasamāpattiyā upanissayapaccacena
paccayo. Anupādinno dhammo anupādinnassa dhammassa
upanissayapaccayena paccayo: ārammaṇūpanissayo anantarūpanissayo
pakatūpanissayo .pe. Pakatūpanissayo: saddhaṁ upanissāya dānaṁ deti
mānaṁ jappeti diṭṭhiṁ gaṇhāti sīlaṁ .pe. Patthanaṁ ... Utuṁ ... Bhojanaṁ ...
Senāsanaṁ upanissāya dānaṁ deti .pe. Saṅghaṁ bhindati saddhā .pe.
Patthanā ... Utu ... Bhojanaṁ ... Senāsanaṁ saddhāya .pe. Patthanāya
Maggassa phalasamāpattiyā upanissayapaccayena paccayo. Anupādinno
dhammo upādinnassa dhammassa upanissayapaccayena paccayo: anantarūpanissayo
pakatūpanissayo .pe. Pakatūpanissayo: saddhaṁ upanissāya
attānaṁ ātāpeti paritāpeti pariyiṭṭhi ... Sīlaṁ .pe. Patthanaṁ ...
Utuṁ ... Bhojanaṁ ... Senāsanaṁ upanissāya attānaṁ ātāpeti paritāpeti
pariyiṭṭhi ... Saddhā .pe. Senāsanaṁ kāyikassa sukhassa kāyikassa
dukkhassa upanissayapaccayena paccayo kusalākusalaṁ kammaṁ vipākassa
upanissayapaccayena paccayo.

[375] Upādinno dhammo upādinnassa dhammassa purejātapaccayena
paccayo: ārammaṇapurejātaṁ vatthupurejātaṁ. Ārammaṇapurejātaṁ:
cakkhuṁ ... Kāyaṁ upādinne rūpe gandhe phoṭṭhabbe ... Vatthuṁ
aniccato .pe. Domanassaṁ ... Kusalākusale niruddhe vipāko
tadārammaṇatā uppajjati upādinnaṁ rūpāyatanaṁ cakkhuviññāṇassa
gandhāyatanaṁ ... Phoṭṭhabbāyatanaṁ kāyaviññāṇassa. Vatthupurejātaṁ:
cakkhāyatanaṁ cakkhuviññāṇassa kāyāyatanaṁ kāyaviññāṇassa vatthu
upādinnānaṁ khandhānaṁ purejātapaccayena paccayo. Upādinno dhammo
anupādinnassa dhammassa purejātapaccayena paccayo: ārammaṇapurejātaṁ
vatthupurejātaṁ. Ārammaṇapurejātaṁ: cakkhuṁ ... Kāyaṁ upādinne rūpe
gandhe rase phoṭṭhabbe ... Vatthuṁ aniccato .pe. Domanassaṁ
uppajjati dibbena cakkhunā upādinnaṁ rūpaṁ passati. Vatthupurejātaṁ:
Vatthu anupādinnānaṁ khandhānaṁ purejātapaccayena paccayo. Anupādinno
dhammo anupādinnassa dhammassa purejātapaccayena paccayo: āramma-
ṇapurejātaṁ: anupādinne rūpe ... Sadde ... Gandhe ... Phoṭṭhabbe
aniccato .pe. Domanassaṁ uppajjati dibbena cakkhunā anupādinnaṁ
rūpaṁ passati dibbāya sotadhātuyā saddaṁ suṇāti. Anupādinno
dhammo upādinnassa dhammassa purejātapaccayena paccayo: ārammaṇapurejātaṁ:
anupādinne rūpe ... Gandhe ... Phoṭṭhabbe aniccato .pe.
Domanassaṁ uppajjati kusalākusale niruddhe vipāko tadārammaṇatā
uppajjati anupādinnaṁ rūpāyatanaṁ cakkhuviññāṇassa saddāyatanaṁ ...
Phoṭṭhabbāyatanaṁ kāyaviññāṇassa purejātapaccayena paccayo vatthu
upādinnānaṁ khandhānaṁ purejātapaccayena paccayo. Upādinno ca
anupādinno ca dhammā upādinnassa dhammassa purejātapaccayena
paccayo: ārammaṇapurejātaṁ vatthupurejātaṁ. Anupādinnaṁ rūpāyatanañca
vatthu ca phoṭṭhabbāyatanañca vatthu ca upādinnānaṁ khandhānaṁ
purejātapaccayena paccayo anupādinnaṁ rūpāyatanañca cakkhāyatanañca
cakkhuviññāṇassa saddāyatanañca ... Phoṭṭhabbāyatanañca kāyāyatanañca
kāyaviññāṇassa purejātapaccayena paccayo. Upādinno ca
anupādinno ca dhammā anupādinnassa dhammassa purejātapaccayena
paccayo: ārammaṇapurejātaṁ vatthupurejātaṁ. Anupādinnaṁ rūpāyatanañca
vatthu ca phoṭṭhabbāyatanañca vatthu ca anupādinnānaṁ khandhānaṁ
Purejātapaccayena paccayo.

[376] Upādinno dhammo upādinnassa dhammassa pacchājātapaccayena
paccayo: pacchājātā: upādinnā khandhā purejātassa
imassa upādinnassa kāyassa pacchājātapaccayena paccayo.
Upādinno dhammo anupādinnassa dhammassa pacchājātapaccayena paccayo:
pacchājātā: upādinnā khandhā purejātassa imassa anupādinnassa
kāyassa pacchājātapaccayena paccayo. Upādinno dhammo upādinnassa
ca anupādinnassa ca dhammassa pacchājātapaccayena paccayo:.
Saṅkhittaṁ. Anupādinno dhammo anupādinnassa dhammassa pacchājātapaccayena
paccayo:. Saṅkhittaṁ. Anupādinno dhammo upādinnassa
dhammassa pacchājātapaccayena paccayo:. Saṅkhittaṁ. Anupādinno
dhammo upādinnassa ca anupādinnassa ca dhammassa
pacchājātapaccayena paccayo:. Saṅkhittaṁ.

[377] Anupādinno dhammo anupādinnassa dhammassa
āsevanapaccayena paccayo:.

[378] Upādinno dhammo upādinnassa dhammassa kammapaccayena
paccayo: upādinnā cetanā sampayuttakānaṁ khandhānaṁ kammapaccayena
paccayo paṭisandhikkhaṇe upādinnā cetanā sampayuttakānaṁ khandhānaṁ
kaṭattā ca rūpānaṁ kammapaccayena paccayo. Upādinno dhammo
anupādinnassa dhammassa kammapaccayena paccayo: upādinnā cetanā
Cittasamuṭṭhānānaṁ rūpānaṁ kammapaccayena paccayo. Upādinno dhammo
upādinnassa ca anupādinnassa ca dhammassa kammapaccayena paccayo:
upādinnā cetanā sampayuttakānaṁ khandhānaṁ cittasamuṭṭhānānañca
rūpānaṁ kammapaccayena paccayo. Anupādinno dhammo anupādinnassa
dhammassa kammapaccayena paccayo: anupādinnā cetanā sampayuttakānaṁ
khandhānaṁ cittasamuṭṭhānānañca rūpānaṁ kammapaccayena paccayo.
Anupādinno dhammo upādinnassa dhammassa kammapaccayena paccayo:
nānākhaṇikā: anupādinnā cetanā vipākānaṁ khandhānaṁ kaṭattā ca
rūpānaṁ kammapaccayena paccayo.

[379] Upādinno dhammo upādinnassa dhammassa vipākapaccayena
paccayo: upādinno eko khandho saṅkhittaṁ. Upādinnamūlake tīṇi.
Anupādinno dhammo anupādinnassa dhammassa vipākapaccayena paccayo:
vipāko anupādinno eko khandho tiṇṇannaṁ khandhānaṁ cittasamuṭṭhānānañca
rūpānaṁ vipākapaccayena paccayo dve khandhe ....

[380] Upādinno dhammo upādinnassa dhammassa āhārapaccayena
paccayo: upādinnā āhārā sampayuttakānaṁ khandhānaṁ āhārapaccayena
paccayo paṭisandhi upādinno kabaḷiṁkāro āhāro imassa upādinnassa
kāyassa āhārapaccayena paccayo. Upādinno dhammo anupādinnassa
dhammassa āhārapaccayena paccayo: upādinnā āhārā
cittasamuṭṭhānānaṁ rūpānaṁ upādinno kabaḷiṁkāro āhāro imassa
Anupādinnassa kāyassa āhārapaccayena paccayo. Upādinno
dhammo upādinnassa ca anupādinnassa ca dhammassa āhārapaccayena
paccayo: upādinnā āhārā sampayuttakānaṁ khandhānaṁ cittasamuṭṭhānānañca
rūpānaṁ kabaḷiṁkāro āhāro imassa upādinnassa ca
anupādinnassa ca kāyassa āhārapaccayena paccayo. Anupādinno
dhammo anupādinnassa dhammassa āhārapaccayena paccayo: anupādinnā
āhārā sampayuttakānaṁ khandhānaṁ cittasamuṭṭhānānañca rūpānaṁ
āhārapaccayena paccayo anupādinno kabaḷiṁkāro āhāro imassa
anupādinnassa kāyassa āhārapaccayena paccayo. Anupādinno
dhammo upādinnassa dhammassa āhārapaccayena paccayo: anupādinno
kabaḷiṁkāro āhāro imassa upādinnassa kāyassa āhārapaccayena
paccayo. Anupādinno dhammo upādinnassa ca anupādinnassa ca
dhammassa āhārapaccayena paccayo: anupādinno kabaḷiṁkāro āhāro
imassa upādinnassa ca anupādinnassa ca kāyassa āhārapaccayena
paccayo. Upādinno ca anupādinno ca dhammā upādinnassa
dhammassa āhārapaccayena paccayo: upādinno ca anupādinno ca
kabaḷiṁkāro āhāro imassa upādinnassa kāyassa āhārapaccayena
paccayo. Upādinno ca anupādinno ca dhammā anupādinnassa
dhammassa āhārapaccayena paccayo: upādinno ca anupādinno ca
kabaḷiṁkāro āhāro imassa anupādinnassa kāyassa āhārapaccayena
Paccayo. Upādinno ca anupādinno ca dhammā upādinnassa ca
anupādinnassa ca dhammassa āhārapaccayena paccayo: upādinno ca
anupādinno ca kabaḷiṁkāro āhāro imassa upādinnassa ca
anupādinnassa ca kāyassa āhārapaccayena paccayo.

[381] Upādinno dhammo upādinnassa dhammassa indriyapaccayena
paccayo: upādinnā indriyā sampayuttakānaṁ khandhānaṁ
indriyapaccayena paccayo paṭisandhikkhaṇe upādinnā indriyā
sampayuttakānaṁ khandhānaṁ kaṭattā ca rūpānaṁ indriyapaccayena
paccayo cakkhundriyaṁ cakkhuviññāṇassa kāyindriyaṁ ... Rūpajīvitindriyaṁ
kaṭattārūpānaṁ indriyapaccayena paccayo. Upādinno dhammo
anupādinnassa dhammassa .pe. Upādinnamūlake tīṇi paṭhamasseva
rūpajīvitindriyaṁ itaresu natthi. Anupādinno dhammo anupādinnassa
dhammassa indriyapaccayena paccayo: anupādinnā indriyā
sampayuttakānaṁ khandhānaṁ cittasamuṭṭhānānañca rūpānaṁ indriyapaccayena
paccayo.

[382] Upādinno dhammo upādinnassa dhammassa jhānapaccayena
paccayo: cattāri. ... Maggapaccayena paccayo: cattāri
sampayuttapaccayena paccayo: dve.

[383] Upādinno dhammo upādinnassa dhammassa vippayuttapaccayena
paccayo: sahajātaṁ purejātaṁ pacchājātaṁ. Sahajātā:
Paṭisandhikkhaṇe upādinnā khandhā kaṭattārūpānaṁ vippayuttapaccayena
paccayo khandhā vatthussa vippayuttapaccayena paccayo vatthu khandhānaṁ
vippayuttapaccayena paccayo. Purejātaṁ: cakkhāyatanaṁ cakkhuviññāṇassa
kāyāyatanaṁ kāyaviññāṇassa vatthu upādinnānaṁ khandhānaṁ
vippayuttapaccayena paccayo. Pacchājātā: upādinnā khandhā purejātassa
imassa upādinnassa kāyassa vippayuttapaccayena paccayo.
Upādinno dhammo anupādinnassa dhammassa vippayuttapaccayena paccayo:
sahajātaṁ purejātaṁ pacchājātaṁ. Sahajātā: upādinnā khandhā
cittasamuṭṭhānānaṁ rūpānaṁ vippayuttapaccayena paccayo. Purejātaṁ:
vatthu anupādinnānaṁ khandhānaṁ cittasamuṭṭhānānañca rūpānaṁ vippayuttapaccayena
paccayo. Pacchājātā: upādinnā khandhā purejātassa
imassa anupādinnassa kāyassa vippayuttapaccayena paccayo.
Upādinno dhammo upādinnassa ca anupādinnassa ca dhammassa
vippayuttapaccayena paccayo pacchājātā: upādinnā khandhā purejātassa
imassa upādinnassa ca anupādinnassa ca kāyassa vippayuttapaccayena
paccayo. Anupādinno dhammo anupādinnassa dhammassa
vippayuttapaccayena paccayo: sahajātaṁ pacchājātaṁ. Sahajātā: anupādinnā
khandhā cittasamuṭṭhānānaṁ rūpānaṁ vippayuttapaccayena paccayo.
Pacchājātā: anupādinnā khandhā purejātassa imassa anupādinnassa
kāyassa vippayuttapaccayena paccayo. Anupādinno dhammo upādinnassa
Dhammassa vippayuttapaccayena paccayo: pacchājātā:
anupādinnā khandhā purejātassa imassa upādinnassa kāyassa
vippayuttapaccayena paccayo. Anupādinno dhammo upādinnassa ca
anupādinnassa ca dhammassa vippayuttapaccayena paccayo: pacchājātā:
anupādinnā khandhā purejātassa imassa upādinnassa ca
anupādinnassa ca kāyassa vippayuttapaccayena paccayo.