[394] Upādānaṁ dhammaṁ paṭicca noupādāno dhammo uppajjati
nāarammaṇapaccayā: upādāne paṭicca cittasamuṭṭhānaṁ rūpaṁ.
Noupādānaṁ dhammaṁ paṭicca noupādāno dhammo uppajjati
nāarammaṇapaccayā: noupādāne khandhe paṭicca cittasamuṭṭhānaṁ rūpaṁ
paṭisandhikkhaṇe noupādāne khandhe paṭicca kaṭattārūpaṁ khandhe paṭicca
vatthu vatthuṁ paṭicca khandhā ekaṁ mahābhūtaṁ yāva asaññasattā.
Upādānañca noupādānañca dhammaṁ paṭicca noupādāno dhammo
uppajjati nāarammaṇapaccayā: upādāne ca sampayuttake ca
khandhe paṭicca cittasamuṭṭhānaṁ rūpaṁ upādāne ca mahābhūte ca
paṭicca cittasamuṭṭhānaṁ rūpaṁ. ... Nādhipatipaccayā: nānantarapaccayā:
.pe. Naupanissayapaccayā:.

[395] Upādānaṁ dhammaṁ paṭicca upādāno dhammo uppajjati
napurejātapaccayā: arūpe attavādupādānaṁ paṭicca kāmupādānaṁ
kāmupādānaṁ paṭicca attavādupādānaṁ. Upādānaṁ dhammaṁ paṭicca
noupādāno dhammo uppajjati napurejātapaccayā: arūpe upādāne
paṭicca sampayuttakā khandhā upādāne paṭicca cittasamuṭṭhānaṁ
rūpaṁ. Saṅkhittaṁ. Navapi pañhā arūpe dve upādānā. Saṅkhittaṁ.

[396] Nahetuyā ekaṁ nāarammaṇe tīṇi nādhipatiyā nava
nānantare tīṇi .pe. Naupanissaye tīṇi napurejāte nava
napacchājāte nava nāasevane nava nakamme tīṇi navipāke
nava nāahāre ekaṁ naindriye ekaṁ najhāne ekaṁ namagge
ekaṁ nasampayutte tīṇi navippayutte nava nonatthiyā tīṇi
novigate tīṇi.

[397] Hetupaccayā nāarammaṇe tīṇi ... Nādhipatiyā nava
naupanissaye tīṇi napurejāte nava napacchājāte nava nāasevane
nava nakamme tīṇi navipāke nava nasampayutte tīṇi navippayutte
nava nonatthiyā tīṇi novigate tīṇi.

[398] Nahetupaccayā ārammaṇe ekaṁ sabbattha ekaṁ ...
Magge ekaṁ avigate ekaṁ.
Sahajātavāropi paṭiccavārasadiso
vibhajantena diṭṭhupādānaṁ sahajātaṁ kāmupādānanti kātabbaṁ.
Paccayavāro

[399] Upādānaṁ dhammaṁ paccayā upādāno dhammo uppajjati
hetupaccayā: diṭṭhupādānaṁ paccayā kāmupādānaṁ. Tīṇi paṭiccasadisā.
Noupādānaṁ dhammaṁ paccayā noupādāno dhammo uppajjati
hetupaccayā: noupādānaṁ ekaṁ khandhaṁ paccayā tayo khandhā cittasamuṭṭhānañca
rūpaṁ dve khandhe ... Paṭisandhikkhaṇe khandhe paccayā
Yāva ajjhattikā mahābhūtā vatthuṁ paccayā noupādānā
khandhā. Noupādānaṁ dhammaṁ paccayā upādāno dhammo uppajjati
hetupaccayā: noupādāne khandhe paccayā upādānā vatthuṁ paccayā
upādānā. Noupādānaṁ dhammaṁ paccayā upādāno ca noupādāno
ca dhammā uppajjanti hetupaccayā: noupādānaṁ ekaṁ khandhaṁ
paccayā tayo khandhā upādānā ca cittasamuṭṭhānaṁ rūpaṁ dve khandhe ...
Vatthuṁ paccayā upādānā mahābhūte paccayā cittasamuṭṭhānaṁ rūpaṁ
vatthuṁ paccayā upādānā sampayuttakā ca khandhā. Upādānañca
noupādānañca dhammaṁ paccayā upādāno dhammo uppajjati
hetupaccayā: diṭṭhupādānañca sampayuttake ca khandhe paccayā
kāmupādānaṁ kāmupādānañca sampayuttake ca khandhe paccayā
diṭṭhupādānaṁ. Cakkaṁ kātabbaṁ. Diṭṭhupādānañca vatthuñca paccayā
kāmupādānaṁ. Cakkaṁ kātabbaṁ. Upādānañca noupādānañca dhammaṁ
paccayā noupādāno dhammo uppajjati hetupaccayā: noupādānaṁ
ekaṁ khandhañca upādānañca paccayā tayo khandhā cittasamuṭṭhānañca
rūpaṁ dve khandhe .... Cakkaṁ kātabbaṁ. Upādāne ca mahābhūte ca
paccayā cittasamuṭṭhānaṁ rūpaṁ upādānañca vatthuñca paccayā
noupādānā khandhā. Upādānañca noupādānañca dhammaṁ paccayā
upādāno ca noupādāno ca dhammā uppajjanti hetupaccayā:
noupādānaṁ ekaṁ khandhañca diṭṭhupādānañca paccayā tayo khandhā
Kāmupādānañca cittasamuṭṭhānaṁ rūpaṁ. Cakkaṁ. Diṭṭhupādānañca
vatthuñca paccayā kāmupādānaṁ sampayuttakā ca khandhā. Cakkaṁ.
... Ārammaṇapaccayā: ārammaṇe noupādānamūlake pañcāyatanañca
vatthu ca kātabbā.

[400] Hetuyā nava ārammaṇe nava adhipatiyā nava sabbattha
nava vipāke ekaṁ avigate nava.

[401] Noupādānaṁ dhammaṁ paccayā noupādāno dhammo
uppajjati nahetupaccayā: ahetukaṁ noupādānaṁ ekaṁ khandhaṁ paccayā ...
Ahetukapaṭisandhikkhaṇe yāva asaññasattā cakkhāyatanaṁ paccayā
cakkhuviññāṇaṁ kāyāyatanaṁ paccayā kāyaviññāṇaṁ vatthuṁ paccayā
ahetukā noupādānā khandhā vicikicchāsahagate uddhaccasahagate
khandhe ca vatthuñca paccayā vicikicchāsahagato uddhaccasahagato moho.

[402] Nahetuyā ekaṁ nāarammaṇe tīṇi nādhipatiyā nava
nānantare tīṇi nasamanantare tīṇi napurejāte nava. Saṅkhittaṁ.
Nakamme tīṇi navipāke nava paṭiccasadisaṁ. Novigate tīṇi.
Evaṁ itare dve gaṇanāpi nissayavāropi kātabbā.
Saṁsaṭṭhavāro

[403] Upādānaṁ dhammaṁ saṁsaṭṭho upādāno dhammo uppajjati
hetupaccayā: diṭṭhupādānaṁ saṁsaṭṭhaṁ kāmupādānaṁ kāmupādānaṁ
saṁsaṭṭhaṁ diṭṭhupādānaṁ. Cakkaṁ. Evaṁ navapi pañhā kātabbā.