[315] Tena kho samayena saṅghassa cakkalī uppannā 4
1 Ma. Yu. harituṁ. 2 Ma. undriyati. 3 Ma. Yu. nātiharanti.
4 Ma. cakkalikaṁ uppannaṁ.
Hoti. Bhagavato etamatthaṁ ārocesuṁ. Anujānāmi bhikkhave
pādapuñchaniṁ kātunti.

[316] Tena kho pana samayena saṅghassa coḷakaṁ uppannaṁ hoti.
Bhagavato etamatthaṁ ārocesuṁ. Anujānāmi bhikkhave pādapuñchaniṁ
kātunti.

[317] Tena kho pana samayena bhikkhū adhotehi pādehi senāsanaṁ
akkamanti. Senāsanaṁ dussati. Bhagavato etamatthaṁ ārocesuṁ.
Na bhikkhave adhotehi pādehi senāsanaṁ akkamitabbaṁ yo akkameyya
āpatti dukkaṭassāti.

[318] Tena kho pana samayena bhikkhū allehi pādehi senāsanaṁ
akkamanti. Senāsanaṁ dussati. Bhagavato etamatthaṁ ārocesuṁ.
Na bhikkhave allehi pādehi senāsanaṁ akkamitabbaṁ yo akkameyya
āpatti dukkaṭassāti.

[319] Tena kho pana samayena bhikkhū saupāhanā senāsanaṁ
akkamanti. Senāsanaṁ dussati. Bhagavato etamatthaṁ ārocesuṁ.
Na bhikkhave saupāhanena senāsanaṁ akkamitabbaṁ yo akkameyya
āpatti dukkaṭassāti.

[320] Tena kho pana samayena bhikkhū parikammakatāya bhūmiyā
nuṭṭhahanti 1 . Vaṇṇo dussati. Bhagavato etamatthaṁ ārocesuṁ.
1 Yu. nuṭṭhuhanti. Ma. niṭṭhabhanti.
Na bhikkhave parikammakatāya bhūmiyā nuṭṭhahitabbaṁ 1 yo nuṭṭhaheyya 2
āpatti dukkaṭassa anujānāmi bhikkhave kheḷamallakanti.

[321] Tena kho pana samayena mañcapādāpi pīṭhapādāpi
parikammakataṁ bhūmiṁ vilikhanti. Bhagavato etamatthaṁ ārocesuṁ.
Anujānāmi bhikkhave coḷakena paliveṭhetunti.

[322] Tena kho pana samayena bhikkhū parikammakataṁ bhittiṁ
apassenti. Vaṇṇo dussati. Bhagavato etamatthaṁ ārocesuṁ.
Na bhikkhave parikammakatā bhitti apassetabbā yo apasseyya
āpatti dukkaṭassa anujānāmi bhikkhave apassenaphalakanti.
Apassenaphalakaṁ heṭṭhato bhūmiṁ vilikhati uparito bhittiñca 3 . Bhagavato
etamatthaṁ ārocesuṁ. Anujānāmi bhikkhave heṭṭhato ca uparito
ca coḷakena paliveṭhetunti.

[323] Tena kho pana samayena bhikkhū dhotapādakā nipajjituṁ
kukkuccāyanti. Bhagavato etamatthaṁ ārocesuṁ. Anujānāmi
bhikkhave paccattharitvā nipajjitunti.

[324] Athakho bhagavā āḷaviyaṁ yathābhirantaṁ viharitvā yena
rājagahaṁ tena cārikaṁ pakkāmi anupubbena cārikaṁ caramāno
yena rājagahaṁ tadavasari. Tatra sudaṁ bhagavā rājagahe viharati
veḷuvane kalandakanivāpe.
1 Ma. niṭṭhubhitabbaṁ. 2 Ma. niṭṭhubheyya. 3 Yu. uparito bhittiṁ hanti.