[275] Tena kho pana samayena chabbaggiyā bhikkhū lesakappena
senāsanaṁ paṭibāhanti .pe. Bhagavato etamatthaṁ ārocesuṁ .pe.
Na bhikkhave lesakappena senāsanaṁ paṭibāhitabbaṁ yo paṭibāheyya
āpatti dukkaṭassāti.

[276] Tena kho pana samayena sattarasavaggiyā bhikkhū aññataraṁ
paccantimaṁ mahāvihāraṁ paṭisaṅkharonti idha mayaṁ vassaṁ vasissāmāti.
Addasaṁsu kho chabbaggiyā bhikkhū sattarasavaggiye bhikkhū vihāraṁ
paṭisaṅkharonte disvāna evamāhaṁsu ime āvuso sattarasavaggiyā
bhikkhū vihāraṁ paṭisaṅkharonti handa ne vuṭṭhāpessāmāti 2
1 Ma. paribuddhenti. 2 Yu. vuṭṭhāpemāti.
Ekacce evamāhaṁsu āgamethāvuso yāva paṭisaṅkharonti paṭisaṅkhate
vuṭṭhāpessāmāti. Athakho chabbaggiyā bhikkhū sattarasavaggiye
bhikkhū etadavocuṁ uṭṭhethāvuso amhākaṁ vihāro
pāpuṇātīti. Nanu āvuso paṭikacceva 1 ācikkhitabbaṁ mayañca
aññaṁ paṭisaṅkhareyyāmāti. Nanu āvuso saṅghiko vihāroti.
Āmāvuso saṅghiko vihāroti. Uṭṭhethāvuso amhākaṁ vihāro
pāpuṇātīti. Mahallako āvuso vihāro tumhepi vasatha
mayaṁpi vasissāmāti. Uṭṭhethāvuso amhākaṁ vihāro pāpuṇātīti
kupitā anattamanā gīvāyaṁ gahetvā nikkaḍḍhanti. Te tehi 2
nikkaḍḍhiyamānā rodanti. Bhikkhū evamāhaṁsu kissa tumhe
āvuso rodathāti. Ime āvuso chabbaggiyā bhikkhū kupitā
anattamanā amhe saṅghikā vihārā nikkaḍḍhantīti. Ye te
bhikkhū appicchā .pe. Te ujjhāyanti khīyanti vipācenti kathaṁ
hi nāma chabbaggiyā bhikkhū kupitā anattamanā bhikkhū saṅghikā
vihārā nikkaḍḍhissantīti. Athakho te bhikkhū bhagavato etamatthaṁ
ārocesuṁ .pe. Saccaṁ kira bhikkhave chabbaggiyā bhikkhū kupitā
anattamanā bhikkhū saṅghikā vihārā nikkaḍḍhantīti. Saccaṁ bhagavāti
.pe. Vigarahitvā dhammiṁ kathaṁ katvā bhikkhū āmantesi na bhikkhave
1 Yu. paṭigacceva. 2 Ma. Yu. tehisaddo na paññāyati.
Kupitena anattamanena bhikkhū saṅghikā vihārā nikkaḍḍhitabbā 1 yo
nikkaḍḍheyya yathādhammo kāretabbo anujānāmi bhikkhave
senāsanaṁ gāhetunti.

[277] Athakho bhikkhūnaṁ etadahosi kena nu kho senāsanaṁ
gāhetabbanti. Bhagavato etamatthaṁ ārocesuṁ .pe. Anujānāmi
bhikkhave pañcahaṅgehi samannāgataṁ bhikkhuṁ senāsanagāhāpakaṁ sammannituṁ
yo na chandāgatiṁ gaccheyya na dosāgatiṁ gaccheyya na mohāgatiṁ
gaccheyya na bhayāgatiṁ gaccheyya gāhitāgāhitañca 2 jāneyya.

[278] Evañca pana bhikkhave sammannitabbo. Paṭhamaṁ bhikkhu
yācitabbo. Yācitvā byattena bhikkhunā paṭibalena saṅgho
ñāpetabbo suṇātu me bhante saṅgho yadi saṅghassa pattakallaṁ
saṅgho itthannāmaṁ bhikkhuṁ senāsanagāhāpakaṁ sammanneyya. Esā
ñatti. Suṇātu me bhante saṅgho saṅgho itthannāmaṁ bhikkhuṁ
senāsanagāhāpakaṁ sammannati. Yassāyasmato khamati itthannāmassa
bhikkhuno senāsanagāhāpakassa sammati so tuṇhassa yassa
nakkhamati so bhāseyya. Sammato saṅghena itthannāmo bhikkhu
senāsanagāhāpako khamati saṅghassa tasmā tuṇhī. Evametaṁ
1 Ma. Yu. na bhikkhave kupitena anattamanena bhikkhu saṅghikā vihārā nikkaḍḍhitabbo.
2 Yu. Ma. gahitāgahitañca.
Dhārayāmīti.

[279] Athakho senāsanagāhāpakānaṁ bhikkhūnaṁ etadahosi kathaṁ
nu kho senāsanaṁ gāhāpetabbanti 1 . Bhagavato etamatthaṁ
ārocesuṁ. Anujānāmi bhikkhave paṭhamaṁ bhikkhū gaṇetuṁ bhikkhū gaṇetvā
seyyā gaṇetuṁ seyyā gaṇetvā seyyaggena gāhetunti.
Seyyaggena gāhentā seyyā ussādiyiṁsu 2 .pe. Anujānāmi
bhikkhave vihāraggena gāhetunti. Vihāraggena gāhentā vihārā
ussādiyiṁsu .pe. Anujānāmi bhikkhave pariveṇaggena gāhetunti.
Pariveṇaggena gāhentā pariveṇā ussādiyiṁsu. Anujānāmi
bhikkhave anubhāgampi dātuṁ gahite anubhāge añño bhikkhu āgacchati
na akāmā dātabboti.

[280] Tena kho pana samayena bhikkhū nissīme ṭhitassa senāsanaṁ
gāhenti. Bhagavato etamatthaṁ ārocesuṁ .pe. Na bhikkhave
nissīme ṭhitassa senāsanaṁ gāhetabbaṁ yo gāheyya āpatti
dukkaṭassāti.

[281] Tena kho pana samayena bhikkhū senāsanaṁ gahetvā
sabbakālaṁ paṭibāhanti. Bhagavato etamatthaṁ ārocesuṁ .pe.
Na bhikkhave senāsanaṁ gahetvā 3 sabbakālaṁ paṭibāhitabbaṁ yo
paṭibāheyya āpatti dukkaṭassa anujānāmi bhikkhave vassānaṁ
1 Ma. Yu. gāhetabbanti. 2 Ma. ussārayiṁsu. 3 Ma. gāhetvā.
Temāsaṁ paṭibāhituṁ utukālaṁ 1 na paṭibāhitunti.

[282] Athakho bhikkhūnaṁ etadahosi katī nu kho senāsanagāhāti.
Bhagavato etamatthaṁ ārocesuṁ. Tayome bhikkhave senāsanagāhā
purimako pacchimako antarāmuttako aparajjugatāya āsāḷhiyā
purimako gāhetabbo māsagatāya āsāḷhiyā pacchimako gāhetabbo
aparajjugatāya pavāraṇāya āyatiṁ vassāvāsatthāya antarāmuttako
gāhetabbo ime kho bhikkhave tayo senāsanagāhāti.
Dutiyabhāṇavāraṁ.

[283] Tena kho pana samayena āyasmā upanando sakyaputto
sāvatthiyaṁ senāsanaṁ gahetvā aññataraṁ gāmakāvāsaṁ agamāsi tatrapi 2
senāsanaṁ agahesi. Athakho tesaṁ bhikkhūnaṁ etadahosi ayaṁ kho
āvuso āyasmā upanando sakyaputto bhaṇḍanakārako kalahakārako
vivādakārako bhassakārako saṅghe adhikaraṇakārako sacāyaṁ idha
vassaṁ vasissati sabbe va mayaṁ na phāsu vasissāma handa naṁ
pucchāmāti. Athakho te bhikkhū āyasmantaṁ upanandaṁ sakyaputtaṁ
etadavocuṁ nanu tayā āvuso upananda sāvatthiyaṁ senāsanaṁ
gahitanti. Evamāvusoti. Kiṁ pana tvaṁ āvuso upananda eko
dve paṭibāhasīti. Idhadānāhaṁ āvuso muñcāmi tattha
te gaṇhāmīti. Ye te bhikkhū appicchā santuṭṭhā .pe. Te
1 Ma. pana. 2 Ma. Yu. tatthapi.
Ujjhāyanti khīyanti vipācenti kathaṁ hi nāma āyasmā upanando
sakyaputto eko dve paṭibāhessatīti. Bhagavato etamatthaṁ
ārocesuṁ .pe. Saccaṁ kira tvaṁ upananda eko dve paṭibāhasīti.
Saccaṁ bhagavāti. Vigarahi buddho bhagavā kathaṁ hi nāma tvaṁ moghapurisa
eko dve paṭibāhessasi tattha tayā moghapurisa gahitaṁ idha mukkaṁ 1
idha gahitaṁ 2 tatra mukkaṁ 1 evaṁ kho tvaṁ moghapurisa ubhayattha
paribāhiro 3 netaṁ moghapurisa appasannānaṁ vā pasādāya .pe.
Vigarahitvā dhammiṁ kathaṁ katvā bhikkhū āmantesi na bhikkhave ekena
dve paṭibāhitabbā yo paṭibāheyya āpatti dukkaṭassāti.

[284] Tena kho pana samayena bhagavā bhikkhūnaṁ anekapariyāyena
vinayakathaṁ katheti vinayassa vaṇṇaṁ bhāsati vinayapariyattiyā vaṇṇaṁ
bhāsati ādissa ādissa āyasmato upālissa vaṇṇaṁ bhāsati.
Bhikkhūnaṁ etadahosi 4 bhagavā kho bhikkhūnaṁ anekapariyāyena vinayakathaṁ
katheti vinayassa vaṇṇaṁ bhāsati vinayapariyattiyā vaṇṇaṁ bhāsati
ādissa ādissa āyasmato upālissa vaṇṇaṁ bhāsati handa
mayaṁ āvuso āyasmato upālissa santike vinayaṁ pariyāpuṇāmāti.
Te ca 5 bahū bhikkhū therā ca navā ca majjhimā ca āyasmato
1 Ma. muttaṁ. 2 Ma. idha tayā gahitaṁ. Yu. idha gahitaṁ kho. 3 Yu. paṭibāhiro.
4 Ma. Yu. bhikkhūnaṁ etadahosīti ime pāṭhā natthi. tattha bhikkhū bhagavā kho
bhikkhūnaṁ anekapariyāyena vinayakathaṁ kathetītiādivacanaṁyeva āgataṁ. 5 Yu. tedha.
Upālissa santike vinayaṁ pariyāpuṇanti. Āyasmā upāli ṭhitako
va 1 uddisati therānaṁ bhikkhūnaṁ gāravena. Therāpi bhikkhū ṭhitakā va 1
uddisāpenti dhammagāravena. Tatra 2 therā ceva bhikkhū kilamanti
āyasmā ca upāli 3 . Bhagavato etamatthaṁ ārocesuṁ. Anujānāmi
bhikkhave navakena bhikkhunā uddisantena samake vā āsane nisīdituṁ
uccatarake 4 vā dhammagāravena therena bhikkhunā uddisāpentena
samake vā āsane nisīdituṁ nīcatarake 5 vā dhammagāravenāti.