[265] Tena kho pana samayena manussā saṅghaṁ uddissa maṇḍape
paṭiyādenti santhare paṭiyādenti okāse paṭiyādenti. Chabbaggiyānaṁ
bhikkhūnaṁ antevāsikā bhikkhū saṅghikaññeva bhagavatā yathāvuḍḍhaṁ
1 Yu. parivāsiko. 2 Yu. sadevake bhikkhave loke.
Anuññātaṁ no uddissakatanti buddhappamukhassa saṅghassa purato
purato gantvā maṇḍape 1 pariggaṇhanti santhare 2 pariggaṇhanti
okāse 3 pariggaṇhanti idaṁ amhākaṁ upajjhāyānaṁ bhavissati idaṁ
amhākaṁ ācariyānaṁ bhavissati idaṁ amhākaṁ bhavissatīti. Athakho
āyasmā sārīputto buddhappamukhassa saṅghassa piṭṭhito piṭṭhito
gantvā maṇḍapesu pariggahitesu santharesu pariggahitesu okāsesu
pariggahitesu okāsaṁ alabhamāno aññatarasmiṁ rukkhamūle nisīdi.
Athakho bhagavā rattiyā paccūsasamayaṁ paccuṭṭhāya ukkāsi.
Āyasmāpi sārīputto ukkāsi. Ko etthāti. Ahaṁ bhagavā
sārīputtoti. Kissa tvaṁ sārīputta idha nisinnoti. Athakho
āyasmā sārīputto bhagavato etamatthaṁ ārocesi.

[266] Athakho bhagavā etasmiṁ nidāne etasmiṁ pakaraṇe
bhikkhusaṅghaṁ sannipātāpetvā bhikkhū paṭipucchi saccaṁ kira bhikkhave
chabbaggiyānaṁ bhikkhūnaṁ antevāsikā bhikkhū saṅghikaññeva bhagavatā
yathāvuḍḍhaṁ anuññātaṁ no uddissakatanti buddhappamukhassa saṅghassa
purato purato gantvā maṇḍape pariggaṇhanti santhare pariggaṇhanti
okāse pariggaṇhanti idaṁ amhākaṁ upajjhāyānaṁ bhavissati
idaṁ amhākaṁ ācariyānaṁ bhavissati idaṁ amhākaṁ bhavissatīti.
Saccaṁ bhagavāti .pe. Vigarahitvā dhammiṁ kathaṁ katvā bhikkhū
āmantesi na bhikkhave uddissakatampi yathāvuḍḍhaṁ paṭibāhitabbaṁ
1 Ma. maṇḍapepi. 2 Ma. santharepi. 3 Ma. okāsepi.
Yo paṭibāheyya āpatti dukkaṭassāti.

[267] Tena kho pana samayena manussā bhattagge antaraghare
uccāsayanamahāsayanāni paññāpenti 1 seyyathīdaṁ āsandiṁ pallaṅkaṁ
goṇakaṁ cittakaṁ paṭikaṁ paṭalikaṁ tūlikaṁ vikaṭikaṁ uddhalomiṁ ekantalomiṁ
kaṭissaṁ 2 koseyyaṁ kambalaṁ 3 kuttakaṁ hatthattharaṁ assattharaṁ rathattharaṁ
ajinappaveṇiṁ kadalimigapavarapaccattharaṇaṁ sauttaracchadaṁ ubhatolohitakupadhānaṁ.
Bhikkhū kukkuccāyantā nābhinisīdanti. Bhagavato etamatthaṁ
ārocesuṁ. Anujānāmi bhikkhave ṭhapetvā tīṇi āsandiṁ pallaṅkaṁ
tūlikaṁ avasesaṁ 4 gihivikaṭaṁ abhinisīdituṁ na tveva abhinipajjitunti.

[268] Tena kho pana samayena manussā bhattagge antaraghare
tūlonaddhaṁ mañcampi piṭhampi paññāpenti 1 . Bhikkhū kukkuccāyantā
na abhinisīdanti. Bhagavato etamatthaṁ ārocesuṁ. Anujānāmi
bhikkhave gihivikaṭaṁ abhinisīdituṁ na tveva abhinipajjitunti.

[269] Athakho bhagavā anupubbena cārikañcaramāno yena
sāvatthī tadavasari. Tatra sudaṁ bhagavā sāvatthiyaṁ viharati jetavane
anāthapiṇḍikassa ārāme. Athakho anāthapiṇḍiko gahapati yena
bhagavā tenupasaṅkami upasaṅkamitvā bhagavantaṁ abhivādetvā
ekamantaṁ nisīdi. Ekamantaṁ nisinno kho anāthapiṇḍiko gahapati
1 Ma. paññapenti. 2 Yu. kaṭṭhissaṁ. 3 Ma. Yu. ayaṁ pāṭho na dissati.
4 Ma. Yu. ayaṁ pāṭho na dissati.
Bhagavantaṁ etadavoca adhivāsetu me bhante bhagavā svātanāya
bhattaṁ saddhiṁ bhikkhusaṅghenāti. Adhivāsesi bhagavā tuṇhībhāvena.
Athakho anāthapiṇḍiko gahapati bhagavato adhivāsanaṁ viditvā
uṭṭhāyāsanā bhagavantaṁ abhivādetvā padakkhiṇaṁ katvā pakkāmi.

[270] Athakho anāthapiṇḍiko gahapati tassā rattiyā accayena
paṇītaṁ khādanīyaṁ bhojanīyaṁ paṭiyādāpetvā bhagavato kālaṁ ārocāpesi
kālo bhante niṭṭhitaṁ bhattanti. Athakho bhagavā pubbaṇhasamayaṁ
nivāsetvā pattacīvaramādāya yena anāthapiṇḍikassa gahapatissa
nivesanaṁ tenupasaṅkami upasaṅkamitvā paññatte āsane nisīdi
saddhiṁ bhikkhusaṅghena. Athakho anāthapiṇḍiko gahapati buddhappamukhaṁ
bhikkhusaṅghaṁ paṇītena khādanīyena bhojanīyena sahatthā santappetvā
sampavāretvā bhagavantaṁ bhuttāviṁ onītapattapāṇiṁ ekamantaṁ
nisīdi. Ekamantaṁ nisinno kho anāthapiṇḍiko gahapati bhagavantaṁ
etadavoca kathāhaṁ bhante jetavane paṭipajjāmīti. Tenahi
tvaṁ gahapati jetavanaṁ āgatānāgatassa cātuddisassa saṅghassa
patiṭṭhāpehīti. Evaṁ bhanteti kho anāthapiṇḍiko gahapati
bhagavato paṭissutvā jetavanaṁ āgatānāgatassa cātuddisassa saṅghassa
patiṭṭhāpesi. Athakho bhagavā anāthapiṇḍikaṁ gahapatiṁ imāhi
gāthāhi anumodi

[271] Sītaṁ uṇhaṁ paṭihanti tato vāḷamigāni ca
Siriṁsape ca makase sisire cāpi vuṭṭhiyo
tato vātātapo ghoro sañjāto paṭihaññati.
Leṇatthañca sukhatthañca jhāyituñca vipassituṁ
vihāradānaṁ saṅghassa aggaṁ buddhehi vaṇṇitaṁ.
Tasmā hi paṇḍito poso sampassaṁ atthamattano
vihāre kāraye ramme vāsayettha bahussute
tesaṁ annañca pānañca vatthasenāsanāni ca
dadeyya ujubhūtesu vippasannena cetasā.
Te tassa dhammaṁ desenti sabbadukkhā panūdanaṁ
yaṁ so dhammaṁ idhaññāya parinibbāti anāsavoti.
Athakho bhagavā anāthapiṇḍikaṁ gahapatiṁ imāhi gāthāhi anumoditvā
uṭṭhāyāsanā pakkāmi.

[272] Tena kho pana samayena aññatarassa ājīvakasāvakassa
mahāmattassa saṅghabhattaṁ hoti. Āyasmā upanando sakyaputto
pacchā āgantvā vippakatabhojane 1 anantarikaṁ bhikkhuṁ vuṭṭhāpesi.
Bhattaggaṁ kolāhalaṁ ahosi. Athakho so mahāmatto ujjhāyati
khīyati vipāceti kathaṁ hi nāma samaṇā sakyaputtiyā pacchā
āgantvā vippakatabhojane anantarikaṁ bhikkhuṁ 2 vuṭṭhāpessanti
bhattaggaṁ kolāhalaṁ ahosi nanu nāma labbhā aññatrāpi nisinnena
1 Ma. vippakatabhojanaṁ. 2 Yu. vippatabhojane bhikkhū.
Yāvadatthaṁ bhuñjitunti. Assosuṁ kho bhikkhū tassa mahāmattassa
ujjhāyantassa khīyantassa vipācentassa. Ye te bhikkhū appicchā
.pe. Te ujjhāyanti khīyanti vipācenti kathaṁ hi nāma āyasmā
upanando sakyaputto pacchā āgantvā vippakatabhojane 1 anantarikaṁ
bhikkhuṁ vuṭṭhāpessati bhattaggaṁ kolāhalaṁ ahosīti. Athakho
te bhikkhū bhagavato etamatthaṁ ārocesuṁ .pe. Saccaṁ kira tvaṁ
upananda pacchā āgantvā vippakatabhojane anantarikaṁ bhikkhuṁ vuṭṭhāpesi
bhattaggaṁ kolāhalaṁ ahosīti. Saccaṁ bhagavāti. Vigarahi buddho
bhagavā kathaṁ hi nāma tvaṁ moghapurisa pacchā āgantvā vippakatabhojane
anantarikaṁ bhikkhuṁ vuṭṭhāpessasi bhattaggaṁ kolāhalaṁ ahosi
netaṁ moghapurisa appasannānaṁ vā pasādāya .pe. Vigarahitvā
dhammiṁ kathaṁ katvā bhikkhū āmantesi na bhikkhave vippakatabhojane 1
anantariko 2 bhikkhu vuṭṭhāpetabbo yo vuṭṭhāpeyya āpatti
dukkaṭassa sace vuṭṭhāpeti pavārito ca hoti gaccha udakaṁ
āharāti vattabbo evañce taṁ labhetha iccetaṁ kusalaṁ no
ce labhetha sādhukaṁ sitthāni gilitvā vuḍḍhatarassa bhikkhuno 3 āsanaṁ
dātabbaṁ na tvevāhaṁ bhikkhave kenaci pariyāyena vuḍḍhatarassa
bhikkhuno āsanaṁ paṭibāhitabbanti vadāmi yo paṭibāheyya āpatti
dukkaṭassāti.
1 Ma. vippakatabhojano. 2 Ma. Yu. ayaṁ pāṭho na dissati. 3 Yu. ayaṁ pāṭho na dissati.

[273] Tena kho pana samayena chabbaggiyā bhikkhū gilāne bhikkhū
vuṭṭhāpenti. Gilānā evaṁ vadenti na mayaṁ āvuso sakkoma vuṭṭhātuṁ
gilānamhāti. Mayaṁ āyasmante vuṭṭhāpessāmāti pariggahetvā
vuṭṭhāpetvā ṭhitake muñcanti. Gilānā mucchitā papatanti
.pe. Bhagavato etamatthaṁ ārocesuṁ .pe. Na bhikkhave gilāno
vuṭṭhāpetabbo yo vuṭṭhāpeyya āpatti dukkaṭassāti.

[274] Tena kho pana samayena chabbaggiyā bhikkhū gilānā
mayamhā avuṭṭhāpanīyāti varaseyyāyo palibuddhanti 1 .pe. Bhagavato
etamatthaṁ ārocesuṁ .pe. Anujānāmi bhikkhave gilānassa paṭirūpaṁ
seyyaṁ dātunti.