[245] Athakho anāthapiṇḍiko gahapati svedānāhaṁ kālena
taṁ bhagavantaṁ dassanāya upasaṅkamissāmi arahantaṁ sammāsambuddhanti
buddhagatāya satiyā nipajji 6 rattiyā sudaṁ tikkhattuṁ uṭṭhāsi pabhātaṁ
maññamāno. Athakho anāthapiṇḍiko gahapati yena sītavanadvāraṁ 7
tenupasaṅkami. Amanussā dvāraṁ vivariṁsu. Athakho anāthapiṇḍikassa
gahapatissa nagaramhā nikkhamantassa āloko antaradhāyi.
1 Ma. Yu. vāsaddo sabbattha na dissati. 2 Ma. Yu. nāpi. 3 Ma. Yu. balakāyena.
4 Ma. buddhotyāhaṁ. 5 Ma. Yu. yadidaṁ buddho buddhoti. 6 Ma. Yu. nipajjitvā.
7 Ma. sīvagadvāraṁ.
Andhakāro pāturahosi. Bhayaṁ chambhitattaṁ lomahaṁso udapādi.
Tato va nivattitukāmo ahosi.

[246] Athakho sīvako yakkho antarahito saddamanussāvesi
sataṁ hatthī sataṁ assā sataṁ assatarīrathā
sataṁ kaññā sahassāni āmuttamaṇikuṇḍalā 1
ekassa padavītihārassa kalaṁ nāgghanti soḷasiṁ 2 .
Abhikkama gahapati abhikkama gahapati abhikkantante seyyo no
paṭikkantanti.

[247] Athakho anāthapiṇḍikassa gahapatissa andhakāro
antaradhāyi. Āloko pāturahosi. Yaṁ ahosi bhayaṁ chambhitattaṁ
lomahaṁso so paṭippassambhi. Dutiyampi kho .pe. Tatiyampi
kho anāthapiṇḍikassa gahapatissa āloko antaradhāyi. Andhakāro
pāturahosi. Bhayaṁ chambhitattaṁ lomahaṁso udapādi. Tato va
puna nivattitukāmo ahosi. Tatiyampi kho sīvako yakkho
antarahito saddamanussāvesi
sataṁ hatthī sataṁ assā sataṁ assatarīrathā
sataṁ kaññā sahassāni āmuttamaṇikuṇḍalā 1
ekassa padavītihārassa kalaṁ nāgghanti soḷasiṁ 2 .
Abhikkama gahapati abhikkama gahapati abhikkantante seyyo no
paṭikkantanti. Tatiyampi kho anāthapiṇḍikassa gahapatissa andhakāro
1 Ma. āmukkamaṇikuṇḍalā. 2 Ma. soḷasinti.
Antaradhāyi. Āloko pāturahosi. Yaṁ ahosi bhayaṁ chambhitattaṁ
lomahaṁso so paṭippassambhi. Athakho anāthapiṇḍiko gahapati
yena sītavanaṁ tenupasaṅkami.

[248] Tena kho pana samayena bhagavā rattiyā paccūsasamayaṁ
paccuṭṭhāya ajjhokāse caṅkamati. Addasā kho bhagavā taṁ 1
anāthapiṇḍikaṁ gahapatiṁ dūrato va āgacchantaṁ disvāna caṅkamā
orohitvā paññatte āsane nisīdi. Nisajja kho bhagavā
anāthapiṇḍikaṁ gahapatiṁ etadavoca ehi sudattāti. Athakho
anāthapiṇḍiko gahapati nāmena maṁ bhagavā ālapatīti haṭṭho
udaggo yena bhagavā tenupasaṅkami upasaṅkamitvā bhagavato
pādesu sirasā nipatitvā bhagavantaṁ etadavoca kacci bhante bhagavā
sukhaṁ sayitthāti.

[249] Sabbadā ve sukhaṁ seti brāhmaṇo parinibbuto
yo na limpati kāmesu sītibhūto nirūpadhi.
Sabbā āsattiyo chetvā vineyya hadaye daraṁ
upasanto sukhaṁ seti santiṁ pappuyya 2 cetasoti.

[250] Athakho bhagavā anāthapiṇḍikassa gahapatissa anupubbīkathaṁ
kathesi. Seyyathīdaṁ. Dānakathaṁ sīlakathaṁ saggakathaṁ kāmānaṁ
ādīnavaṁ okāraṁ saṅkilesaṁ nekkhamme ānisaṁsaṁ pakāsesi.
1 Ma. Yu. ayaṁ taṁsaddo na dissati. 2 Yu. appuyya.
Yadā bhagavā aññāsi anāthapiṇḍikaṁ gahapatiṁ kallacittaṁ muducittaṁ
vinīvaraṇacittaṁ udaggacittaṁ pasannacittaṁ atha yā buddhānaṁ sāmukkaṁsikā
dhammadesanā taṁ pakāsesi dukkhaṁ samudayaṁ nirodhaṁ maggaṁ.
Seyyathāpi nāma suddhaṁ vatthaṁ apagatakāḷakaṁ sammadeva rajanaṁ
paṭiggaṇheyya evameva anāthapiṇḍikassa gahapatissa tasmiṁyeva
āsane virajaṁ vītamalaṁ dhammacakkhuṁ udapādi yaṅkiñci samudayadhammaṁ
sabbantaṁ nirodhadhammanti.

[251] Athakho anāthapiṇḍiko gahapati diṭṭhadhammo pattadhammo
viditadhammo pariyogāḷhadhammo tiṇṇavicikiccho vigatakathaṁkatho
vesārajjappatto aparappaccayo satthu sāsane bhagavantaṁ etadavoca
abhikkantaṁ bhante abhikkantaṁ bhante seyyathāpi bhante nikkujjitaṁ
vā ukkujjeyya paṭicchannaṁ vā vivareyya mūḷhassa vā maggaṁ
ācikkheyya andhakāre vā telappajjotaṁ dhāreyya cakkhumanto
rūpāni dakkhantīti evametaṁ bhagavatā anekapariyāyena dhammo pakāsito
esāhaṁ bhante bhagavantaṁ saraṇaṁ gacchāmi dhammañca bhikkhusaṅghañca
upāsakaṁ maṁ bhagavā dhāretu ajjatagge pāṇupetaṁ saraṇaṁ gataṁ
adhivāsetu ca me bhante bhagavā svātanāya bhattaṁ saddhiṁ
bhikkhusaṅghenāti. Adhivāsesi bhagavā tuṇhībhāvena. Athakho
anāthapiṇḍiko gahapati bhagavato adhivāsanaṁ viditvā uṭṭhāyāsanā
bhagavantaṁ abhivādetvā padakkhiṇaṁ katvā pakkāmi.

[252] Assosi kho rājagahako seṭṭhī anāthapiṇḍikena kira
gahapatinā svātanāya buddhappamukho saṅgho nimantitoti. Athakho
rājagahako seṭṭhī anāthapiṇḍikaṁ gahapatiṁ etadavoca tayā kira
gahapati svātanāya buddhappamukho saṅgho nimantito tvañcāsi
āgantuko demi te gahapati veyyāyikaṁ yena tvaṁ buddhappamukhassa
saṅghassa bhattaṁ kareyyāsīti. Alaṁ gahapati atthi me veyyāyikaṁ
yenāhaṁ buddhappamukhassa saṅghassa bhattaṁ karissāmīti.

[253] Assosi kho rājagahako negamo anāthapiṇḍikena
kira gahapatinā svātanāya buddhappamukho saṅgho nimantitoti.
Athakho rājagahako negamo anāthapiṇḍikaṁ gahapatiṁ etadavoca tayā
kira gahapati svātanāya buddhappamukho saṅgho nimantito tvañcāsi
āgantuko demi te gahapati veyyāyikaṁ yena tvaṁ buddhappamukhassa
saṅghassa bhattaṁ kareyyāsīti. Alaṁ ayya atthi me veyyāyikaṁ
yenāhaṁ buddhappamukhassa saṅghassa bhattaṁ karissāmīti.

[254] Assosi kho rājā māgadho seniyo bimbisāro
anāthapiṇḍikena kira gahapatinā svātanāya buddhappamukho saṅgho
nimantitoti. Athakho rājā māgadho seniyo bimbisāro anāthapiṇḍikaṁ
gahapatiṁ etadavoca tayā kira gahapati svātanāya buddhappamukho
saṅgho nimantito tvañcāsi āgantuko demi te gahapati
veyyāyikaṁ yena tvaṁ buddhappamukhassa saṅghassa bhattaṁ kareyyāsīti.
Alaṁ deva atthi me veyyāyikaṁ yenāhaṁ buddhappamukhassa saṅghassa
bhattaṁ karissāmīti.