[225] Tena kho pana samayena pharusāya bhūmiyā kāḷavaṇṇo
na nipatati .pe. Anujānāmi bhikkhave thusapiṇḍaṁ datvā pāṇikāya
paṭibāhetvā kāḷavaṇṇaṁ nipātetunti. Kāḷavaṇṇo anibandhanīyo
1 Ma. Yu. paṭibāhitvā. 2 Ma. sāsapakuṭṭaṁ. Yu. sāsapakuḍḍaṁ.
Hoti. Bhagavato etamatthaṁ ārocesuṁ. Anujānāmi bhikkhave
laṇḍumattikaṁ 1 datvā pāṇikāya paṭibāhetvā kāḷavaṇṇaṁ
nipātetunti. Kāḷavaṇṇo anibandhanīyo hoti. Bhagavato
etamatthaṁ ārocesuṁ. Anujānāmi bhikkhave ikkāsaṁ kasāvanti.

[226] Tena kho pana samayena chabbaggiyā bhikkhū vihāre
paṭibhāṇacittaṁ 2 kārāpenti itthīrūpakaṁ purisarūpakaṁ. Manussā vihāracārikaṁ
āhiṇḍantā passitvā ujjhāyanti khīyanti vipācenti .pe.
Seyyathāpi gihī kāmabhoginoti .pe. Bhagavato etamatthaṁ ārocesuṁ.
Na bhikkhave paṭibhāṇacittaṁ kārāpetabbaṁ itthīrūpakaṁ purisarūpakaṁ yo
kārāpeyya āpatti dukkaṭassa anujānāmi bhikkhave mālākammaṁ
latākammaṁ makaradantakaṁ pañcapaṭikanti.

[227] Tena kho pana samayena vihārā nīcavatthukā honti.
Udakena otthariyanti. Bhagavato etamatthaṁ ārocesuṁ .pe.
Anujānāmi bhikkhave uccavatthukaṁ kātunti. Cayo paripatati .pe.
Anujānāmi bhikkhave cinituṁ tayo caye iṭṭhakācayaṁ silācayaṁ dārucayanti.
Ārohantā vihaññanti .pe. Anujānāmi bhikkhave
tayo sopāṇe iṭṭhakāsopāṇaṁ silāsopāṇaṁ dārusopāṇanti.
Ārohantā paripatanti .pe. Anujānāmi bhikkhave ālambanabāhanti.

[228] Tena kho pana samayena vihārā āḷakamandā pākaṭā 3
1 Ma. Yu. gaṇḍumattikaṁ. 2 Ma. Yu. paṭibhānacittaṁ. 3 ayaṁ pāṭho na dissati.
Honti. Bhikkhū hiriyanti nipajjituṁ. Bhagavato etamatthaṁ ārocesuṁ.
Anujānāmi bhikkhave tirokaraṇinti. Tirokaraṇiṁ ukkhipitvā
olokenti. Bhagavato etamatthaṁ ārocesuṁ. Anujānāmi
bhikkhave aḍḍhakuḍḍakanti. Aḍḍhakuḍḍakā uparito olokenti.
Bhagavato etamatthaṁ ārocesuṁ. Anujānāmi bhikkhave tayo gabbhe
sivikāgabbhaṁ nāḷikāgabbhaṁ hammiyagabbhanti.

[229] Tena kho pana samayena bhikkhū khuddake vihāre majjhe
gabbhaṁ karonti. Upacāro na hoti. Bhagavato etamatthaṁ
ārocesuṁ. Anujānāmi bhikkhave khuddake vihāre ekamantaṁ
gabbhaṁ kātuṁ mahallake majjheti.

[230] Tena kho pana samayena vihārassa kuḍḍapādo
jirati. Bhagavato etamatthaṁ ārocesuṁ. Anujānāmi bhikkhave
kulaṅkapādakanti. Vihārassa kuḍḍo ovassati .pe. Anujānāmi
bhikkhave parittāṇakiṭikaṁ uddhāsudhanti 1 .

[231] Tena kho pana samayena aññatarassa bhikkhuno tiṇacchadanā
ahi khandhe papati. So bhiṁto vissaramakāsi. Bhikkhū upadhāvitvā
taṁ bhikkhuṁ etadavocuṁ kissa tvaṁ āvuso vissaramakāsīti. Athakho
so bhikkhūnaṁ 2 etamatthaṁ ārocesi. Bhikkhū bhagavato etamatthaṁ
ārocesuṁ. Anujānāmi bhikkhave vitānanti.
1 Ma. Yu. uddhasudhanti. 2 Yu. so bhikkhu bhikkhūnaṁ.

[232] Tena kho pana samayena bhikkhū mañcapādepi pīṭhapādepi
thavikāyo laggenti. Undūrehipi upacikāhipi khajjanti. Bhagavato
etamatthaṁ ārocesuṁ. Anujānāmi bhikkhave bhittikhīlaṁ nāgadantakanti.

[233] Tena kho pana samayena bhikkhū mañcepi pīṭhepi cīvaraṁ
nikkhipanti. Cīvaraṁ paribhijjati 1 . Bhagavato etamatthaṁ ārocesuṁ.
Anujānāmi bhikkhave vihāre 2 cīvaravaṁsaṁ cīvararajjunti.

[234] Tena kho pana samayena vihārā anālindakā honti
appaṭisaraṇā. Bhagavato etamatthaṁ ārocesuṁ. Anujānāmi
bhikkhave ālindaṁ paghanaṁ pakuṭṭaṁ 3 osārakinti 4 . Ālindā
pākaṭā honti. Bhikkhū hiriyanti nipajjituṁ .pe. Anujānāmi
bhikkhave saṁsaraṇakiṭikaṁ ugghāṭanakiṭikanti.