[235] Tena kho pana samayena bhikkhū ajjhokāse bhattavissaggaṁ
karontā sītenapi uṇhenapi kilamanti. Bhagavato etamatthaṁ
ārocesuṁ. Anujānāmi bhikkhave upaṭṭhānasālanti. Upaṭṭhānasālā
nīcavatthukā hoti. Udakena otthariyati .pe. Anujānāmi
bhikkhave uccavatthukaṁ kātunti. Cayo paripatati .pe. Anujānāmi
bhikkhave cinituṁ tayo caye iṭṭhakācayaṁ silācayaṁ dārucayanti.
Ārohantā vihaññanti .pe. Anujānāmi bhikkhave tayo sopāṇe
iṭṭhakāsopāṇaṁ silāsopāṇaṁ dārusopāṇanti. Ārohantā
1 Ma. Yu. paribhijjiti. 2 Yu. ayaṁ pāṭho na dissati. 3 Ma. Yu. pakuṭaṁ.
4 Ma. osārakanti. Yu. osarakanti.
Paripatanti .pe. Anujānāmi bhikkhave ālambanabāhanti.
Upaṭṭhānasālāya tiṇacuṇṇaṁ paripatati .pe. Anujānāmi bhikkhave
ogumbetvā ullittāvalittaṁ kātuṁ setavaṇṇaṁ kāḷavaṇṇaṁ
gerukaparikammaṁ mālākammaṁ latākammaṁ makaradantakaṁ pañcapaṭikaṁ cīvaravaṁsaṁ
cīvararajjunti.

[236] Tena kho pana samayena bhikkhū ajjhokāse chamāyaṁ
cīvaraṁ pattharanti. Cīvaraṁ paṁsukitaṁ hoti .pe. Anujānāmi
bhikkhave ajjhokāse cīvaravaṁsaṁ cīvararajjunti .pe. Pānīyaṁ
otappati .pe. Anujānāmi bhikkhave pānīyasālaṁ pānīyamaṇḍapanti.
Pānīyasālā nīcavatthukā hoti. Udakena otthariyati .pe.
Anujānāmi bhikkhave uccavatthukaṁ kātunti. Cayo paripatati .pe.
Anujānāmi bhikkhave cinituṁ tayo caye iṭṭhakācayaṁ silācayaṁ
dārucayanti. Ārohantā vihaññanti .pe. Anujānāmi bhikkhave
tayo sopāṇe iṭṭhakāsopāṇaṁ silāsopāṇaṁ dārusopāṇanti.
Ārohantā paripatanti .pe. Anujānāmi bhikkhave ālambanabāhanti.
Pānīyasālāya tiṇacuṇṇaṁ paripatati .pe. Anujānāmi bhikkhave
ogumbetvā ullittāvalittaṁ kātuṁ setavaṇṇaṁ kāḷavaṇṇaṁ
gerukaparikammaṁ mālākammaṁ latākammaṁ makaradantakaṁ pañcapaṭikaṁ cīvaravaṁsaṁ
cīvararajjunti. Pānīyabhājanaṁ na saṁvijjati .pe. Anujānāmi
bhikkhave pānīyasaṅkhaṁ pānīyasarāvakanti.

[237] Tena kho pana samayena vihārā aparikkhittā
honti .pe. Anujānāmi bhikkhave parikkhipituṁ tayo pākāre
iṭṭhakāpākāraṁ silāpākāraṁ dārupākāranti. Koṭṭhako na
hoti .pe. Anujānāmi bhikkhave koṭṭhakanti. Koṭṭhako nīcavatthuko
hoti. Udakena otthariyati .pe. Anujānāmi bhikkhave uccavatthukaṁ
kātunti. Koṭṭhakassa kavāṭaṁ na hoti .pe. Anujānāmi bhikkhave
kavāṭaṁ piṭṭhasaṅghāṭaṁ udukkhalikaṁ uttarapāsakaṁ aggaḷavaṭṭiṁ kapisīsakaṁ
sūcikaṁ ghaṭikaṁ tālacchiddaṁ āviñchanacchiddaṁ āviñchanarajjunti.
Koṭṭhake 1 tiṇacuṇṇaṁ paripatati .pe. Anujānāmi bhikkhave ogumbetvā
ullittāvalittaṁ kātuṁ setavaṇṇaṁ kāḷavaṇṇaṁ gerukaparikammaṁ
mālākammaṁ latākammaṁ makaradantakaṁ pañcapaṭikanti.

[238] Tena kho pana samayena pariveṇaṁ cikkhallaṁ hoti.
Bhagavato etamatthaṁ ārocesuṁ. Anujānāmi bhikkhave marumbaṁ
upakiritunti. Na pariyāpuṇanti .pe. Anujānāmi bhikkhave
padarasilaṁ nikkhipitunti. Udakaṁ santiṭṭhati .pe. Anujānāmi
bhikkhave udakaniddhamananti.

[239] Tena kho pana samayena bhikkhū pariveṇe tahaṁ tahaṁ
aggiṭṭhānaṁ karonti. Pariveṇaṁ uklāpaṁ 2 hoti. Bhagavato
etamatthaṁ ārocesuṁ. Anujānāmi bhikkhave ekamantaṁ aggisālaṁ
1 Yu. koṭṭhakā. 2 Ma. Yu. ukkalāpaṁ.
Kātunti. Aggisālā nīcavatthukā hoti. Udakena otthariyati .pe.
Anujānāmi bhikkhave uccavatthukaṁ kātunti. Cayo paripatati .pe.
Anujānāmi bhikkhave cinituṁ tayo caye iṭṭhakācayaṁ silācayaṁ
dārucayanti. Ārohantā vihaññanti .pe. Anujānāmi bhikkhave
tayo sopāṇe iṭṭhakāsopāṇaṁ silāsopāṇaṁ dārusopāṇanti.
Ārohantā paripatanti .pe. Anujānāmi bhikkhave ālambanabāhanti.
Aggisālāya kavāṭaṁ na hoti .pe. Anujānāmi bhikkhave kavāṭaṁ
piṭṭhasaṅghāṭaṁ udukkhalikaṁ uttarapāsakaṁ aggaḷavaṭṭiṁ kapisīsakaṁ sūcikaṁ
ghaṭikaṁ tālacchiddaṁ āviñchanacchiddaṁ āviñchanarajjunti. Aggisālāya
tiṇacuṇṇaṁ paripatati .pe. Anujānāmi bhikkhave ogumbetvā
ullittāvalittaṁ kātuṁ setavaṇṇaṁ kāḷavaṇṇaṁ gerukaparikammaṁ
mālākammaṁ latākammaṁ makaradantakaṁ pañcapaṭikaṁ cīvaravaṁsaṁ cīvarajjunti.
Ārāmo aparikkhitto hoti. Ajakāpi pasukāpi uparope
viheṭhenti. Bhagavato etamatthaṁ ārocesuṁ. Anujānāmi bhikkhave
parikkhipituṁ tayo vaṭe veḷuvaṭaṁ kaṇṭakavaṭaṁ 1 parikhanti. Koṭṭhako na
hoti. Tatheva ajakāpi pasukāpi uparope viheṭhenti. Anujānāmi
bhikkhave koṭṭhakaṁ apesiṁ yamakakavāṭaṁ toraṇaṁ palighanti. Koṭṭhake 2
tiṇacuṇṇaṁ paripatati .pe. Anujānāmi bhikkhave ogumbetvā
ullittāvalittaṁ kātuṁ setavaṇṇaṁ kāḷavaṇṇaṁ gerukaparikammaṁ
1 Ma. Yu. vāṭe veḷuvāṭaṁ kaṇṭakāvāṭaṁ. Ma. kaṇṭakavāṭaṁ. 2 Yu. koṭṭhakā.
Mālākammaṁ latākammaṁ makaradantakaṁ pañcapaṭikanti. Ārāmo
cikkhallo hoti .pe. Anujānāmi bhikkhave marumbaṁ upakiritunti.
Na pariyāpuṇanti .pe. Anujānāmi bhikkhave padarasilaṁ nikkhipitunti.
Udakaṁ santiṭṭhati .pe. Anujānāmi bhikkhave udakaniddhamananti.

[240] Tena kho pana samayena rājā māgadho seniyo bimbisāro
saṅghassa atthāya sudhāmattikālepanaṁ pāsādaṁ kārāpetukāmo
hoti. Athakho bhikkhūnaṁ etadahosi kiṁ nu kho bhagavatā chadanaṁ
anuññātanti 1 . Bhagavato etamatthaṁ ārocesuṁ. Anujānāmi
bhikkhave pañca chadanāni iṭṭhakāchadanaṁ silāchadanaṁ sudhāchadanaṁ
tiṇacchadanaṁ paṇṇacchadananti.
Bhāṇavāraṁ niṭṭhitaṁ paṭhamaṁ. 2

[241] Tena kho pana samayena anāthapiṇḍiko gahapati
rājagahakassa seṭṭhissa bhaginīpatiko hoti. Athakho anāthapiṇḍiko
gahapati rājagahaṁ agamāsi kenacideva karaṇīyena.

[242] Tena kho pana samayena rājagahakena seṭṭhinā svātanāya
buddhappamukho saṅgho nimantito hoti. Athakho rājagahako
seṭṭhī dāse ca kammakare ca āṇāpesi tenahi bhaṇe kālasseva
uṭṭhāya yāguyo pacatha bhattāni pacatha sūpāni sampādetha
uttaribhaṅgāni sampādethāti.

[243] Athakho anāthapiṇḍikassa gahapatissa etadahosi pubbe
1 Ma. Yu. anuññātaṁ kiṁ ananuññātaṁ. 2 Ma. paṭhamabhāṇavāro niṭṭhito. ito paraṁ
īdisameva yojetabbaṁ.
Khvāyaṁ gahapati mayi āgate sabbakiccāni nikkhipitvā mamaññeva
saddhiṁ paṭisammodi sodānāyaṁ vikkhittarūpo dāse ca kammakare
ca āṇāpesi 1 tenahi bhaṇe kālasseva uṭṭhāya yāguyo pacatha
bhattāni pacatha sūpāni sampādetha uttaribhaṅgāni sampādethāti
kinnu kho imassa gahapatissa āvāho vā bhavissati vivāho vā
bhavissati mahāyañño vā paccupaṭṭhito rājā vā māgadho seniyo
bimbisāro nimantito svātanāya saddhiṁ balanikāyenāti 2 .

[244] Athakho rājagahako seṭṭhī dāse ca kammakare ca
āṇāpetvā yena anāthapiṇḍiko gahapati tenupasaṅkami
upasaṅkamitvā anāthapiṇḍikena gahapatinā saddhiṁ paṭisammoditvā
ekamantaṁ nisīdi. Ekamantaṁ nisinnaṁ kho rājagahakaṁ seṭṭhiṁ
anāthapiṇḍiko gahapati etadavoca pubbe kho tvaṁ gahapati mayi
āgate sabbakiccāni nikkhipitvā mamaññeva saddhiṁ paṭisammodasi
sodāni tvaṁ vikkhittarūpo dāse ca kammakare ca āṇāpesi
tenahi bhaṇe kālasseva uṭṭhāya yāguyo pacatha bhattāni pacatha
sūpāni sampādetha uttaribhaṅgāni sampādethāti kinnu kho te
gahapati āvāho vā bhavissati vivāho vā bhavissati mahāyañño
vā paccupaṭṭhito rājā vā māgadho seniyo bimbisāro
nimantito svātanāya saddhiṁ balanikāyenāti 2 . Na me kho 3 gahapati
1 Yu. āṇāpeti. 2 Ma. Yu. balakāyenāti. 3 Ma. Yu. khosaddo na dissati.
Āvāho vā 1 bhavissati napi 2 vivāho vā 1 bhavissati napi 2 rājā
māgadho seniyo bimbisāro nimantito svātanāya saddhiṁ balanikāyena 3
apica me mahāyañño paccupaṭṭhito svātanāya buddhappamukho
saṅgho nimantitoti. Buddhoti tvaṁ gahapati vadesīti.
Buddhotāhaṁ 4 gahapati vadāmīti. Buddhoti tvaṁ gahapati vadesīti.
Buddhotāhaṁ 4 gahapati vadāmīti. Buddhoti tvaṁ gahapati vadesīti.
Buddhotāhaṁ 4 gahapati vadāmīti. Ghosopi kho eso gahapati dullabho
lokasmiṁ yadidaṁ buddhoti 5 . Sakkā nu kho gahapati imaṁ kālaṁ
taṁ bhagavantaṁ dassanāya upasaṅkamituṁ arahantaṁ sammāsambuddhanti.
Akālo kho gahapati imaṁ kālaṁ taṁ bhagavantaṁ dassanāya upasaṅkamituṁ
arahantaṁ sammāsambuddhaṁ svedāni tvaṁ kālena taṁ bhagavantaṁ
dassanāya upasaṅkamissasi arahantaṁ sammāsambuddhanti.