[215] Tena kho pana samayena aññataro bhikkhu nīce mañce
sayanto ahinā daṭṭho hoti. Bhagavato etamatthaṁ ārocesuṁ.
Anujānāmi bhikkhave mañcapaṭipādakanti.

[216] Tena kho pana samayena chabbaggiyā bhikkhū ucce
mañcapaṭipādake dhārenti. Saha mañcapaṭipādakehi pavedhenti.
Manussā vihāracārikaṁ āhiṇḍantā passitvā ujjhāyanti khīyanti
vipācenati .pe. Seyyathāpi gihī kāmabhoginoti .pe. Bhagavato
etamatthaṁ ārocesuṁ .pe. Na bhikkhave uccā mañcapaṭipādakā
dhāretabbā yo dhāreyya āpatti dukkaṭassa anujānāmi
bhikkhave aṭṭhaṅgulaparamaṁ mañcapaṭipādakanti.

[217] Tena kho pana samayena saṅghassa suttaṁ uppannaṁ
Hoti. Bhagavato etamatthaṁ ārocesuṁ. Anujānāmi bhikkhave suttaṁ 1
mañcaṁ veṭhetunti 2 . Aṅgāni bahuṁ suttaṁ pariyādiyanti .pe.
Anujānāmi bhikkhave aṅge vijjhitvā aṭṭhapadakaṁ veṭhetunti 2 . Coḷakaṁ
uppannaṁ hoti. Bhagavato etamatthaṁ ārocesuṁ. Anujānāmi
bhikkhave cimilikaṁ kātunti. Tūlikā uppannā hoti .pe. Anujānāmi
bhikkhave vijaṭetvā bimbohanaṁ kātuṁ tīṇi tūlāni rukkhatūlaṁ
latātūlaṁ poṭakītūlanti.

[218] Tena kho pana samayena chabbaggiyā bhikkhū aḍḍhakāyikāni
bimbohanāni dhārenti. Manussā vihāracārikaṁ āhiṇḍantā passitvā
ujjhāyanti khīyanti vipācenti .pe. Seyyathāpi gihī kāmabhoginoti
.pe. Bhagavato etamatthaṁ ārocesuṁ. Na bhikkhave aḍḍhakāyikāni
bimbohanāni dhāretabbāni yo dhāreyya āpatti dukkaṭassa
anujānāmi bhikkhave sīsappamāṇaṁ bimbohanaṁ kātunti.

[219] Tena kho pana samayena rājagahe giraggasamajjo hoti.
Manussā mahāmattānaṁ atthāya bhisiyo paṭiyādenti uṇṇabhisiṁ
coḷabhisiṁ vākabhisiṁ tiṇabhisiṁ paṇṇabhisiṁ. Te vītivatte samajje
chaviṁ uppāṭetvā 3 haranti. Addasaṁsu 4 kho bhikkhū samajjaṭṭhāne
bahuṁ uṇṇampi coḷampi 5 vākampi tiṇampi paṇṇampi chaḍḍitaṁ 6 .
1 Ma. Yu. ayaṁ pāṭho na dissati. 2 Ma. vedhetunti. Yu. vetunti. 3 Ma. Yu.
opāṭetvā. 4 Ma. Yu. addasāsuṁ. 5 Ma. coḷakampi. 6 Yu. chaḍḍitāni.
Disvāna bhagavato etamatthaṁ ārocesuṁ. Anujānāmi bhikkhave pañca
bhisiyo uṇṇabhisiṁ coḷabhisiṁ vākabhisiṁ tiṇabhisiṁ paṇṇabhisinti.

[220] Tena kho pana samayena saṅghassa senāsanaparikkhārikaṁ 1
dussaṁ uppannaṁ hoti. Bhagavato etamatthaṁ ārocesuṁ. Anujānāmi
bhikkhave bhisiṁ onaddhitunti 2 .

[221] Tena kho pana samayena bhikkhū mañcabhisiṁ pīṭhe saṁharanti 3
pīṭhabhisiṁ mañce saṁharanti. Bhisiyo paribhijjanti. Bhagavato etamatthaṁ
ārocesuṁ. Anujānāmi bhikkhave onaddhamañcaṁ onaddhapīṭhanti.
Ullokaṁ akaritvā santharanti 4 . Heṭṭhato nippāṭenti 5 .pe.
Anujānāmi bhikkhave ullokaṁ karitvā santharitvā bhisiṁ onaddhitunti.
Chaviṁ uppāṭetvā haranti .pe. Anujānāmi bhikkhave phositunti 6 .
Harantiyeva .pe. Anujānāmi bhikkhave bhittikammanti. Harantiyeva
.pe. Anujānāmi bhikkhave hatthabhittinti 7 .

[222] Tena kho pana samayena titthiyānaṁ seyyāyo setavaṇṇāyo
honti. Kāḷavaṇṇakatā bhūmi. Gerukaparikammakatā bhitti.
Bahū manussā seyyāpekkhakā gacchanti. Bhagavato etamatthaṁ
ārocesuṁ. Anujānāmi bhikkhave vihāre setavaṇṇaṁ kāḷavaṇṇaṁ
1 Yu. senāsanaparikkhāradussaṁ. 2 Ma. Yu. onandhitunti. 3 Ma. santharanti.
4 Yu. saṁharanti. 5 Ma. Yu. nipphaṭanti. 6 Ma. posetunti. Yu. positunti.
7 Ma. Yu. bhattikammanti.
Gerukaparikammanti.

[223] Tena kho pana samayena pharusāya bhittiyā setavaṇṇo
na nipatati. Bhagavato etamatthaṁ ārocesuṁ. Anujānāmi bhikkhave
thusapiṇḍaṁ datvā pāṇikāya paṭibāhetvā 1 setavaṇṇaṁ nipātetunti.
Setavaṇṇo anibandhanīyo hoti. Bhagavato etamatthaṁ ārocesuṁ.
Anujānāmi bhikkhave saṇhamattikaṁ datvā pāṇikāya paṭibāhetvā
setavaṇṇaṁ nipātetunti. Setavaṇṇo anibandhanīyo hoti .pe.
Anujānāmi bhikkhave ikkāsaṁ piṭṭhamaddanti.

[224] Tena kho pana samayena pharusāya bhittiyā gerukā na
nipatati. Bhagavato etamatthaṁ ārocesuṁ. Anujānāmi bhikkhave
thusapiṇḍaṁ datvā pāṇikāya paṭibāhetvā gerukaṁ nipātetunti.
Gerukā anibandhanīyā hoti .pe. Anujānāmi bhikkhave kuṇḍakamattikaṁ
datvā pāṇikāya paṭibāhetvā gerukaṁ nipātetunti. Gerukā
anibandhanīyā hoti. Bhagavato etamatthaṁ ārocesuṁ. Anujānāmi
bhikkhave sāsapakuṭaṁ 2 sitthatelakanti. Accussannaṁ hoti. Bhagavato
etamatthaṁ ārocesuṁ. Anujānāmi bhikkhave coḷakena paccuddharitunti.