[2224] Anidassanāppaṭigho dhammo anidassanāppaṭighassa
dhammassa pacchājātapaccayena paccayo. Pacchājātā:
anidassanāppaṭighā khandhā purejātassa imassa anidassanāppaṭighassa
kāyassa pacchājātapaccayena paccayo.

[2225] Anidassanāppaṭigho dhammo sanidassanasappaṭighassa
dhammassa pacchājātapaccayena paccayo. Pacchājātā:
anidassanāppaṭighā khandhā purejātassa imassa sanidassanasappaṭighassa
kāyassa pacchājātapaccayena paccayo evaṁ satta pañhā vibhajitabbā
tividharūpasaṅgaho.

[2226] Anidassanāppaṭigho dhammo anidassanāppaṭighassa
dhammassa āsevanapaccayena paccayo purimā purimā anidassanāppaṭighā
khandhā pacchimānaṁ pacchimānaṁ anidassanāppaṭighānaṁ khandhānaṁ āsevanapaccayena
paccayo anulomaṁ gotrabhussa anulomaṁ vodānassa
Gotrabhu maggassa vodānaṁ maggassa āsevanapaccayena paccayo.

[2227] Anidassanāppaṭigho dhammo anidassanāppaṭighassa
dhammassa kammapaccayena paccayo sahajātā nānākhaṇikā.
Sahajātā: anidassanāppaṭighā cetanā sampayuttakānaṁ khandhānaṁ
anidassanāppaṭighānañca cittasamuṭṭhānānaṁ rūpānaṁ kammapaccayena
paccayo. Nānākhaṇikā: anidassanāppaṭighā cetanā vipākānaṁ khandhānaṁ
anidassanāppaṭighānañca kaṭattārūpānaṁ kammapaccayena paccayo.

[2228] Anidassanāppaṭigho dhammo sanidassanasappaṭighassa
dhammassa kammapaccayena paccayo sahajātā nānākhaṇikā. Sahajātā:
anidassanāppaṭighā cetanā sanidassanasappaṭighānaṁ cittasamuṭṭhānānaṁ
rūpānaṁ kammapaccayena paccayo. Nānākhaṇikā: anidassanāppaṭighā
cetanā sanidassanasappaṭighānaṁ kaṭattārūpānaṁ kammapaccayena paccayo
evaṁ satta pañhā sahajātā nānākhaṇikā iminā kāraṇena
vibhajitabbā tividharūpasaṅgaho.

[2229] Anidassanāppaṭigho dhammo anidassanāppaṭighassa
dhammassa vipākapaccayena paccayo vipāko anidassanāppaṭigho eko
khandho tiṇṇannaṁ khandhānaṁ anidassanāppaṭighānaṁ cittasamuṭṭhānānañca
rūpānaṁ vipākapaccayena paccayo dve khandhā ... Paṭisandhikkhaṇe
anidassanāppaṭigho eko khandho tiṇṇannaṁ khandhānaṁ anidassanāppaṭighānañca
kaṭattārūpānaṁ vipākapaccayena paccayo khandhā
Vatthussa vipākapaccayena paccayo.

[2230] Anidassanāppaṭigho dhammo sanidassanasappaṭighassa
dhammassa vipākapaccayena paccayo vipākā anidassanāppaṭighā khandhā
sanidassanasappaṭighānaṁ cittasamuṭṭhānānaṁ rūpānaṁ vipākapaccayena paccayo
paṭisandhikkhaṇe anidassanāppaṭighā khandhā sanidassanasappaṭighānaṁ
kaṭattārūpānaṁ vipākapaccayena paccayo evaṁ satta pañhā
vitthāretabbā pavatti paṭisandhi.

[2231] Anidassanāppaṭigho dhammo anidassanāppaṭighassa
dhammassa āhārapaccayena paccayo anidassanāppaṭighā āhārā
sampayuttakānaṁ khandhānaṁ anidassanāppaṭighānañca cittasamuṭṭhānānaṁ rūpānaṁ
āhārapaccayena paccayo paṭisandhikkhaṇe anidassanāppaṭighā āhārā
sampayuttakānaṁ khandhānaṁ anidassanāppaṭighānañca kaṭattārūpānaṁ
āhārapaccayena paccayo kabaḷiṁkāro āhāro imassa
anidassanāppaṭighassa kāyassa āhārapaccayena paccayo.

[2232] Anidassanāppaṭigho dhammo sanidassanasappaṭighassa
dhammassa āhārapaccayena paccayo anidassanāppaṭighā āhārā
sanidassanasappaṭighānaṁ cittasamuṭṭhānānaṁ rūpānaṁ āhārapaccayena paccayo
paṭisandhikkhaṇe anidassanāppaṭighā āhārā sanidassanasappaṭighānaṁ
kaṭattārūpānaṁ āhārapaccayena paccayo kabaḷiṁkāro āhāro imassa
sanidassanasappaṭighassa kāyassa āhārapaccayena paccayo evaṁ satta
Pañhā pavatti paṭisandhi vibhajitabbā sattasupi kabaḷiṁkāro āhāro
kātabbo.

[2233] Anidassanasappaṭigho dhammo anidassanāppaṭighassa
dhammassa indriyapaccayena paccayo cakkhundriyaṁ cakkhuviññāṇassa
kāyindriyaṁ kāyaviññāṇassa indriyapaccayena paccayo.