[2234] Anidassanāppaṭigho dhammo anidassanāppaṭighassa
dhammassa indriyapaccayena paccayo anidassanāppaṭighā indriyā
sampayuttakānaṁ khandhānaṁ anidassanāppaṭighānaṁ cittasamuṭṭhānānañca
rūpānaṁ indriyapaccayena paccayo paṭisandhikkhaṇe anidassanāppaṭighā
indriyā sampayuttakānaṁ khandhānaṁ anidassanasappaṭighānañca
kaṭattārūpānaṁ indriyapaccayena paccayo rūpajīvitindriyaṁ
anidassanāppaṭighānaṁ kaṭattārūpānaṁ indriyapaccayena paccayo.

[2235] Anidassanāppaṭigho dhammo sanidassanasappaṭighassa
dhammassa indriyapaccayena paccayo anidassanāppaṭighā indriyā
sanidassanasappaṭighānaṁ cittasamuṭṭhānānaṁ rūpānaṁ indriyapaccayena paccayo
paṭisandhikkhaṇe anidassanāppaṭighā indriyā sanidassanasappaṭighānaṁ
kaṭattārūpānaṁ indriyapaccayena paccayo rūpajīvitindriyaṁ sanidassanasappaṭighānaṁ
kaṭattārūpānaṁ indriyapaccayena paccayo evaṁ pavatti
paṭisandhi satta pañhā vibhajitabbā rūpajīvitindriyañca ante
ante.

[2236] Anidassanasappaṭigho ca anidassanāppaṭigho ca dhammā
anidassanāppaṭighassa dhammassa indriyapaccayena paccayo
cakkhundriyañca cakkhuviññāṇañca cakkhuviññāṇasahagatānaṁ khandhānaṁ
indriyapaccayena paccayo. Saṅkhittaṁ. Kāyindriyañca kāyaviññāṇañca
kāyaviññāṇasahagatānaṁ khandhānaṁ indriyapaccayena paccayo.

[2237] Anidassanāppaṭigho dhammo anidassanāppaṭighassa
dhammassa jhānapaccayena paccayo maggapaccayena paccayo
sampayuttapaccayena paccayo anidassanāppaṭigho eko khandho tiṇṇannaṁ
khandhānaṁ sampayuttapaccayena paccayo dve khandhā ... Paṭisandhikkhaṇe ....

[2238] Anidassanasappaṭigho dhammo anidassanāppaṭighassa
dhammassa vippayuttapaccayena paccayo. Purejātaṁ: cakkhāyatanaṁ
cakkhuviññāṇassa kāyāyatanaṁ kāyaviññāṇassa vippayuttapaccayena
paccayo.

[2239] Anidassanāppaṭigho dhammo anidassanāppaṭighassa
dhammassa vippayuttapaccayena paccayo sahajātaṁ purejātaṁ pacchājātaṁ.
Sahajātā: anidassanāppaṭighā khandhā anidassanāppaṭighānaṁ
cittasamuṭṭhānānaṁ rūpānaṁ vippayuttapaccayena paccayo paṭisandhikkhaṇe
anidassanāppaṭighā khandhā anidassanāppaṭighānaṁ kaṭattārūpānaṁ
vippayuttapaccayena paccayo khandhā vatthussa vippayuttapaccayena
paccayo vatthu khandhānaṁ vippayuttapaccayena paccayo. Purejātaṁ: vatthu
Anidassanāppaṭighānaṁ khandhānaṁ vippayuttapaccayena paccayo. Pacchājātā:
anidassanāppaṭighā khandhā purejātassa imassa anidassanāppaṭighassa
kāyassa vippayuttapaccayena paccayo.

[2240] Anidassanāppaṭigho dhammo sanidassanasappaṭighassa
dhammassa vippayuttapaccayena paccayo sahajātaṁ pacchājātaṁ. Sahajātā:
anidassanāppaṭighā khandhā sanidassanasappaṭighānaṁ cittasamuṭṭhānānaṁ
rūpānaṁ vippayuttapaccayena paccayo paṭisandhikkhaṇe
anidassanāppaṭighā khandhā sanidassanasappaṭighānaṁ kaṭattārūpānaṁ
vippayuttapaccayena paccayo. Pacchājātā: anidassanāppaṭighā
khandhā purejātassa imassa sanidassanasappaṭighassa kāyassa
vippayuttapaccayena paccayo avasesā pañca pañhā evaṁ vitthāretabbā
sahajātā pacchājātā.

[2241] Sanidassanasappaṭigho dhammo anidassanasappaṭighassa
dhammassa atthipaccayena paccayo. Purejātaṁ: rūpe aniccato ...
Domanassaṁ uppajjati dibbena cakkhunā rūpaṁ ... Rūpāyatanaṁ
cakkhuviññāṇassa atthipaccayena paccayo.

[2242] Anidassanasappaṭigho dhammo anidassanasappaṭighassa
dhammassa atthipaccayena paccayo anidassanasappaṭighaṁ ekaṁ mahābhūtaṁ
dvinnaṁ mahābhūtānaṁ atthipaccayena paccayo dve mahābhūtā ekassa
mahābhūtassa atthipaccayena paccayo anidassanasappaṭighā mahābhūtā
Anidassanasappaṭighānaṁ cittasamuṭṭhānānaṁ rūpānaṁ kaṭattārūpānaṁ
upādārūpānaṁ atthipaccayena paccayo phoṭṭhabbāyatanaṁ cakkhāyatanassa
rasāyatanassa atthipaccayena paccayo bāhiraṁ ... Āhārasamuṭṭhānaṁ ...
Utusamuṭṭhānaṁ ekaṁ mahābhūtaṁ dvinnaṁ mahābhūtānaṁ atthipaccayena
paccayo dve mahābhūtā ekassa mahābhūtassa atthipaccayena paccayo
utusamuṭṭhānā mahābhūtā anidassanasappaṭighānaṁ upādārūpānaṁ
atthipaccayena paccayo asaññasattānaṁ anidassanasappaṭighaṁ ekaṁ mahābhūtaṁ
dvinnaṁ mahābhūtānaṁ atthipaccayena paccayo dve mahābhūtā ....

[2243] Anidassanasappaṭigho dhammo sanidassanasappaṭighassa
dhammassa atthipaccayena paccayo: paṭiccavāre nissayasadisaṁ.