[2214] Anidassanasappaṭigho dhammo anidassanasappaṭighassa
dhammassa sahajātapaccayena paccayo paṭiccavārasadisaṁ sādhukaṁ
kātabbaṁ. Aññamaññapaccaye paṭiccavāre aññamaññasadisaṁ.
Nissayapaccaye paṭiccavārasadisaṁ.

[2215] Sanidassanasappaṭigho dhammo anidassanāppaṭighassa
dhammassa upanissayapaccayena paccayo ārammaṇūpanissayo
anantarūpanissayo pakatūpanissayo. Pakatūpanissayo: vaṇṇasampadaṁ
patthayamāno dānaṁ deti sīlaṁ ... Uposathakammaṁ ... Vaṇṇasampadā saddhāya
paññāya rāgassa patthanāya kāyikassa sukhassa kāyikassa dukkhassa
maggassa phalasamāpattiyā upanissayapaccayena paccayo.

[2216] Anidassanasappaṭigho dhammo anidassanāppaṭighassa
Dhammassa upanissayapaccayena paccayo ārammaṇūpanissayo
anantarūpanissayo pakatūpanissayo. Pakatūpanissayo: cakkhusampadaṁ patthayamāno
... Kāyasampadaṁ ... Saddasampadaṁ ... Phoṭṭhabbasampadaṁ patthayamāno
dānaṁ deti sīlaṁ ... Uposathakammaṁ ... Utuṁ ... Senāsanaṁ upanissāya dānaṁ
deti sīlaṁ ... Uposathakammaṁ ... Jhānaṁ ... Vipassanaṁ ... Maggaṁ ... Abhiññaṁ
... Samāpattiṁ ... Pāṇaṁ hanati saṅghaṁ bhindati cakkhusampadā ...
Phoṭṭhabbasampadā ... Utu ... Senāsanaṁ saddhāya paññāya rāgassa
patthanāya kāyikassa sukhassa kāyikassa dukkhassa maggassa
phalasamāpattiyā upanissayapaccayena paccayo.

[2217] Anidassanāppaṭigho dhammo anidassanasappaṭighassa
dhammassa upanissayapaccayena paccayo ārammaṇūpanissayo anantarūpanissayo
pakatūpanissayo. Pakatūpanissayo: saddhaṁ upanissāya dānaṁ
deti sīlaṁ ... Uposathakammaṁ ... Jhānaṁ ... Samāpattiṁ ... Mānaṁ jappeti
diṭṭhiṁ gaṇhāti sīlaṁ ... Paññaṁ rāgaṁ patthanaṁ kāyikaṁ sukhaṁ kāyikaṁ
dukkhaṁ bhojanaṁ upanissāya dānaṁ deti ... Saṅghaṁ bhindati anidassanāppaṭighā
khandhā ... Saddhā paññā rāgo patthanā kāyikaṁ sukhaṁ
kāyikaṁ dukkhaṁ ... Bhojanaṁ saddhāya paññāya. Saṅkhittaṁ. Maggassa
phalasamāpattiyā upanissayapaccayena paccayo.

[2218] Sanidassanasappaṭigho dhammo anidassanāppaṭighassa
dhammassa purejātapaccayena paccayo. Ārammaṇapurejātaṁ: dibbena
Cakkhunā ... Rūpāyatanaṁ cakkhuviññāṇassa purejātapaccayena paccayo.

[2219] Anidassanasappaṭigho dhammo anidassanāppaṭighassa
dhammassa purejātapaccayena paccayo ārammaṇapurejātaṁ vatthupurejātaṁ.
Ārammaṇapurejātaṁ: cakkhuṁ ... Kāyaṁ ... Sadde ... Phoṭṭhabbe ...
Aniccato ... Domanassaṁ uppajjati dibbāya sotadhātuyā saddaṁ suṇāti
saddāyatanaṁ sotaviññāṇassa .pe. Phoṭṭhabbāyatanaṁ kāyaviññāṇassa
purejātapaccayena paccayo. Vatthupurejātaṁ: cakkhāyatanaṁ cakkhuviññāṇassa
kāyāyatanaṁ kāyaviññāṇassa purejātapaccayena paccayo.

[2220] Anidassanāppaṭigho dhammo anidassanāppaṭighassa
dhammassa purejātapaccayena paccayo ārammaṇapurejātaṁ vatthupurejātaṁ.
Ārammaṇapurejātaṁ: vatthuṁ ... Itthindriyaṁ purisindriyaṁ jīvitindriyaṁ
āpodhātuṁ kabaḷiṁkāraṁ āhāraṁ aniccato ... Domanassaṁ uppajjati.
Vatthupurejātaṁ: vatthu anidassanāppaṭighānaṁ khandhānaṁ purejātapaccayena
paccayo.

[2221] Sanidassanasappaṭigho ca anidassanāppaṭigho ca dhammā
anidassanāppaṭighassa dhammassa purejātapaccayena paccayo ārammaṇapurejātaṁ
vatthupurejātaṁ: rūpāyatanañca vatthu ca anidassanāppaṭighānaṁ
khandhānaṁ purejātapaccayena paccayo.

[2222] Anidassanasappaṭigho ca anidassanāppaṭigho ca dhammā
anidassanāppaṭighassa dhammassa purejātapaccayena paccayo ārammaṇapurejātaṁ
Vatthupurejātaṁ cakkhāyatanañca vatthu ca ...
Phoṭṭhabbāyatanañca vatthu ca anidassanāppaṭighānaṁ khandhānaṁ
purejātapaccayena paccayo.

[2223] Sanidassanasappaṭigho ca anidassanasappaṭigho ca dhammā
anidassanāppaṭighassa dhammassa purejātapaccayena paccayo
ārammaṇapurejātaṁ vatthupurejātaṁ: rūpāyatanañca cakkhāyatanañca
cakkhuviññāṇassa purejātapaccayena paccayo.