พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ dutiyo bhāgo (เล่ม 41)

[2204] Anidassanāppaṭigho dhammo sanidassanasappaṭighassa
dhammassa hetupaccayena paccayo anidassanāppaṭighā hetū
sanidassanasappaṭighānaṁ cittasamuṭṭhānānaṁ rūpānaṁ hetupaccayena paccayo
paṭisandhikkhaṇe ... Anidassanāppaṭighamūlakeyeva iminā kāraṇena
satta pañhā vibhajitabbā.

Abhidhammapiṭake paṭṭhānaṁ dutiyo bhāgo (เล่ม 41)

[2205] Sanidassanasappaṭigho dhammo anidassanāppaṭighassa
dhammassa ārammaṇapaccayena paccayo rūpe aniccato dukkhato anattato
vipassati assādeti abhinandati taṁ ārabbha rāgo uppajjati diṭṭhi ...
Vicikicchā ... Uddhaccaṁ ... Domanassaṁ uppajjati dibbena cakkhunā rūpaṁ
passati rūpāyatanaṁ cakkhuviññāṇassa ārammaṇapaccayena paccayo
sanidassanasappaṭighā khandhā iddhividhañāṇassa pubbenivāsānussatiñāṇassa
anāgataṁsañāṇassa āvajjanāya ārammaṇapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[2206] Anidassanasappaṭigho dhammo anidassanāppaṭighassa
dhammassa ārammaṇapaccayena paccayo cakkhuṁ ... Kāyaṁ sadde gandhe
rase ... Phoṭṭhabbe aniccato .pe. Domanassaṁ uppajjati dibbāya
sotadhātuyā saddaṁ suṇāti saddāyatanaṁ sotaviññāṇassa
phoṭṭhabbāyatanaṁ kāyaviññāṇassa anidassanasappaṭighā khandhā
Iddhividhañāṇassa pubbenivāsānussatiñāṇassa anāgataṁsañāṇassa
āvajjanāya ārammaṇapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[2207] Anidassanāppaṭigho dhammo anidassanāppaṭighassa
dhammassa ārammaṇapaccayena paccayo dānaṁ datvā sīlaṁ samādiyitvā
uposathakammaṁ katvā taṁ paccavekkhati pubbe suciṇṇāni paccavekkhati
jhānā ... Ariyā maggā vuṭṭhahitvā maggaṁ paccavekkhanti phalaṁ
paccavekkhanti nibbānaṁ paccavekkhanti nibbānaṁ gotrabhussa
vodānassa maggassa phalassa āvajjanāya ārammaṇapaccayena paccayo
ariyā pahīne kilese paccavekkhanti vikkhambhite kilese paccavekkhanti
pubbe samudāciṇṇe ... Vatthuṁ ... Itthindriyaṁ purisindriyaṁ jīvitindriyaṁ
āpodhātuṁ kabaḷiṁkāraṁ āhāraṁ ... Anidassanāppaṭighe khandhe aniccato ...
Domanassaṁ uppajjati cetopariyañāṇena anidassanāppaṭighacittasamaṅgissa
cittaṁ jānāti ākāsānañcāyatanaṁ viññāṇañcāyatanassa
ārammaṇapaccayena paccayo ākiñcaññāyatanaṁ nevasaññānāsaññāyatanassa
anidassanāppaṭighā khandhā iddhividhañāṇassa
cetopariyañāṇassa pubbenivāsānussatiñāṇassa yathākammūpagañāṇassa
anāgataṁsañāṇassa āvajjanāya ārammaṇapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[2208] Sanidassanasappaṭigho dhammo anidassanāppaṭighassa
dhammassa adhipatipaccayena paccayo. Ārammaṇādhipati: rūpaṁ garuṁ katvā
assādeti abhinandati taṁ garuṁ katvā rāgo ... Diṭṭhi uppajjati.

Abhidhammapiṭake paṭṭhānaṁ dutiyo bhāgo (เล่ม 41)

[2209] Anidassanasappaṭigho dhammo anidassanāppaṭighassa
dhammassa adhipatipaccayena paccayo. Ārammaṇādhipati: cakkhuṁ ... Kāyaṁ
sadde gandhe ... Phoṭṭhabbe garuṁ katvā assādeti abhinandati taṁ garuṁ
katvā rāgo ... Diṭṭhi uppajjati.

Abhidhammapiṭake paṭṭhānaṁ dutiyo bhāgo (เล่ม 41)

[2210] Anidassanāppaṭigho dhammo anidassanāppaṭighassa
dhammassa adhipatipaccayena paccayo ārammaṇādhipati sahajātādhipati.
Ārammaṇādhipati: dānaṁ datvā sīlaṁ ... Uposathakammaṁ ... Taṁ garuṁ katvā ...
Jhānā vuṭṭhahitvā ... Ariyā maggā vuṭṭhahitvā ... Phalā vuṭṭhahitvā ...
Phalaṁ garuṁ katvā ... Nibbānaṁ garuṁ katvā ... Nibbānaṁ gotrabhussa
vodānassa maggassa phalassa adhipatipaccayena paccayo vatthuṁ ... Itthindriyaṁ
purisindriyaṁ jīvitindriyaṁ āpodhātuṁ kabaḷiṁkāraṁ āhāraṁ ... Anidassanāppaṭighe
khandhe garuṁ katvā assādeti abhinandati taṁ garuṁ katvā
rāgo ... Diṭṭhi uppajjati. Sahajātādhipati: anidassanāppaṭighādhipati
sampayuttakānaṁ khandhānaṁ anidassanāppaṭighānañca cittasamuṭṭhānānaṁ
rūpānaṁ adhipatipaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[2211] Anidassanāppaṭigho dhammo sanidassanasappaṭighassa
dhammassa adhipatipaccayena paccayo. Sahajātādhipati: anidassanāppaṭighādhipati
anidassanasappaṭighānaṁ cittasamuṭṭhānānaṁ rūpānaṁ
adhipatipaccayena paccayo anidassanāppaṭimūlake sattapi pañhā
vibhajitabbā adhipati tividharūpasaṅgahena.

Abhidhammapiṭake paṭṭhānaṁ dutiyo bhāgo (เล่ม 41)

[2212] Anidassanāppaṭigho dhammo anidassanāppaṭighassa
dhammassa anantarapaccayena paccayo purimā purimā anidassanāppaṭighā
khandhā pacchimānaṁ pacchimānaṁ anidassanāppaṭighānaṁ khandhānaṁ anantarapaccayena
paccayo anulomaṁ gotrabhussa anulomaṁ vodānassa
gotrabhu maggassa vodānaṁ maggassa maggo phalassa phalaṁ phalassa
anulomaṁ phalasamāpattiyā nirodhā vuṭṭhahantassa nevasaññānāsaññāyatanaṁ
phalasamāpattiyā anantarapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[2213] Anidassanāppaṭigho dhammo anidassanāppaṭighassa
dhammassa samanantarapaccayena paccayo anantarasadisaṁ.