[2184] Anidassanāppaṭighaṁ dhammaṁ paṭicca anidassanāppaṭigho
dhammo uppajjati sahajātapaccayā anidassanāppaṭighaṁ ekaṁ khandhaṁ
paṭicca tayo khandhā anidassanāppaṭighañca cittasamuṭṭhānaṁ rūpaṁ dve
khandhe ... Paṭisandhikkhaṇe anidassanāppaṭighaṁ ekaṁ khandhaṁ paṭicca tayo
khandhā anidassanāppaṭighaṁ kaṭattā ca rūpaṁ dve khandhe ... Khandhe
paṭicca vatthu vatthuṁ paṭicca khandhā āpodhātuṁ paṭicca anidassanāppaṭighaṁ
cittasamuṭṭhānaṁ rūpaṁ kaṭattārūpaṁ upādārūpaṁ āpodhātuṁ
paṭicca indriyaṁ kabaḷiṁkāro āhāro bāhiraṁ ... Āhārasamuṭṭhānaṁ ...
Utusamuṭṭhānaṁ ... Asaññasattānaṁ āpodhātuṁ paṭicca anidassanāppaṭighaṁ
kaṭattārūpaṁ anidassanāppaṭighamūlake satta pañhā iminā kāraṇena
kātabbā.

[2185] Anidassanasappaṭighañca anidassanāppaṭighañca dhammaṁ
paṭicca sanidassanasappaṭigho dhammo uppajjati sahajātapaccayā
anidassanāppaṭighe khandhe ca mahābhūte ca paṭicca sanidassanasappaṭighaṁ
cittasamuṭṭhānaṁ rūpaṁ paṭisandhikkhaṇe anidassanāppaṭighe khandhe ca
mahābhūte ca paṭicca sanidassanasappaṭighaṁ kaṭattārūpaṁ anidassanasappaṭighe
mahābhūte ca āpodhātuñca paṭicca sanidassanasappaṭighaṁ
cittasamuṭṭhānaṁ rūpaṁ kaṭattārūpaṁ upādārūpaṁ phoṭṭhabbāyatanañca
āpodhātuñca paṭicca rūpāyatanaṁ bāhiraṁ ... Āhārasamuṭṭhānaṁ ...
Utusamuṭṭhānaṁ ... Asaññasattānaṁ anidassanasappaṭighe mahābhūte ca
āpodhātuñca paṭicca sanidassanasappaṭighaṁ kaṭattārūpaṁ upādārūpaṁ
iminā kāraṇena satta pañhā vibhajitabbā.

[2186] Anidassanasappaṭighaṁ dhammaṁ paṭicca anidassanasappaṭigho
dhammo uppajjati aññamaññapaccayā anidassanasappaṭighaṁ ekaṁ
mahābhūtaṁ paṭicca dve mahābhūtā dve mahābhūte paṭicca ekaṁ
mahābhūtaṁ. Anidassanasappaṭighaṁ dhammaṁ paṭicca anidassanāppaṭigho
dhammo uppajjati aññamaññapaccayā anidassanasappaṭighe mahābhūte
paṭicca āpodhātu. Anidassanasappaṭighaṁ dhammaṁ paṭicca anidassanasappaṭigho
ca anidassanāppaṭigho ca dhammā uppajjanti aññamaññapaccayā
anidassanasappaṭighaṁ ekaṁ mahābhūtaṁ paṭicca dve mahābhūtā
āpodhātu ca dve mahābhūte paṭicca ekaṁ mahābhūtaṁ āpodhātu ca.

[2187] Anidassanāppaṭighaṁ dhammaṁ paṭicca anidassanāppaṭigho
dhammo uppajjati aññamaññapaccayā anidassanāppaṭighaṁ ekaṁ
khandhaṁ paṭicca tayo khandhā dve khandhe ... Paṭisandhikkhaṇe anidassanāppaṭighaṁ
ekaṁ khandhaṁ paṭicca tayo khandhā vatthu ca dve
khandhe ... Khandhe paṭicca vatthu vatthuṁ paṭicca khandhā. Anidassanāppaṭighaṁ
dhammaṁ paṭicca anidassanasappaṭigho dhammo uppajjati
aññamaññapaccayā āpodhātuṁ paṭicca anidassanasappaṭighā mahābhūtā.

[2188] Anidassanasappaṭighañca anidassanāppaṭighañca dhammaṁ
paṭicca anidassanasappaṭigho dhammo uppajjati aññamaññapaccayā
anidassanasappaṭighaṁ ekaṁ mahābhūtañca āpodhātuñca paṭicca dve
mahābhūtā dve mahābhūte ca āpodhātuñca paṭicca ekaṁ mahābhūtaṁ.

[2189] Anidassanasappaṭighaṁ dhammaṁ paṭicca anidassanasappaṭigho
dhammo uppajjati nissayapaccayā upanissayapaccayā purejātapaccayā
āsevanapaccayā kammapaccayā vipākapaccayā āhārapaccayā indriyapaccayā
jhānapaccayā maggapaccayā sampayuttapaccayā vippayuttapaccayā
atthipaccayā natthipaccayā vigatapaccayā avigatapaccayā.

[2190] Hetuyā ekavīsa ārammaṇe ekaṁ adhipatiyā ekavīsa
anantare ekaṁ samanantare ekaṁ sahajāte ekavīsa aññamaññe
cha nissaye ekavīsa upanissaye ekaṁ purejāte ekaṁ āsevane
ekaṁ kamme ekavīsa vipāke āhāre ekavīsa indriye ekavīsa
Jhāne magge ekavīsa sampayutte ekaṁ vippayutte ekavīsa
atthiyā ekavīsa natthiyā ekaṁ vigate ekaṁ avigate ekavīsa.
Evaṁ gaṇetabbaṁ.
Anulomaṁ.

[2191] Anidassanasappaṭighaṁ dhammaṁ paṭicca anidassanasappaṭigho
dhammo uppajjati nahetupaccayā anidassanasappaṭighaṁ ekaṁ mahābhūtaṁ
paṭicca dve mahābhūtā dve mahābhūte paṭicca ekaṁ mahābhūtaṁ
anidassanasappaṭighe mahābhūte paṭicca anidassanasappaṭighaṁ cittasamuṭṭhānaṁ
rūpaṁ kaṭattārūpaṁ upādārūpaṁ phoṭṭhabbāyatanaṁ paṭicca cakkhāyatanaṁ
rasāyatanaṁ bāhiraṁ ... Āhārasamuṭṭhānaṁ ... Utusamuṭṭhānaṁ ... Asaññasattānaṁ
anidassanasappaṭighaṁ ekaṁ mahābhūtaṁ paṭicca dve mahābhūtā
dve mahābhūte paṭicca ekaṁ mahābhūtaṁ anidassanasappaṭighamūlake
iminā kāraṇena sattapi pañhā vibhajitabbā.

[2192] Anidassanāppaṭighaṁ dhammaṁ paṭicca anidassanāppaṭigho
dhammo uppajjati nahetupaccayā ahetukaṁ anidassanāppaṭighaṁ ekaṁ
khandhaṁ paṭicca tayo khandhā anidassanāppaṭighaṁ cittasamuṭṭhānañca rūpaṁ
dve khandhe ... Ahetukapaṭisandhikkhaṇe anidassanāppaṭighaṁ ekaṁ khandhaṁ
paṭicca tayo khandhā anidassanāppaṭighañca kaṭattārūpaṁ khandhe
paṭicca vatthu vatthuṁ paṭicca khandhā āpodhātuṁ paṭicca anidassanāppaṭighaṁ
cittasamuṭṭhānaṁ rūpaṁ kaṭattārūpaṁ upādārūpaṁ āpodhātuṁ
Paṭicca indriyaṁ kabaḷiṁkāro āhāro bāhiraṁ ... Āhārasamuṭṭhānaṁ ...
Utusamuṭṭhānaṁ ... Asaññasattānaṁ āpodhātuṁ paṭicca anidassanāppaṭighaṁ
kaṭattārūpaṁ upādārūpaṁ vicikicchāsahagate uddhaccasahagate khandhe
paṭicca vicikicchāsahagato uddhaccasahagato moho anidassanāppaṭighamūlakā
iminā kāraṇena satta pañhā vibhajitabbā.

[2193] Anidassanasappaṭighañca anidassanāppaṭighañca dhammaṁ
paṭicca sanidassanasappaṭigho dhammo uppajjati nahetupaccayā ahetuke
anidassanāppaṭighe khandhe ca mahābhūte ca paṭicca sanidassanasappaṭighaṁ
cittasamuṭṭhānaṁ rūpaṁ ahetukapaṭisandhikkhaṇe anidassanāppaṭighe khandhe ca
mahābhūte ca paṭicca sanidassanasappaṭighaṁ kaṭattārūpaṁ anidassanasappaṭighe
mahābhūte ca āpodhātuñca paṭicca sanidassanasappaṭighaṁ
cittasamuṭṭhānaṁ rūpaṁ kaṭattārūpaṁ upādārūpaṁ phoṭṭhabbāyatanañca
āpodhātuñca paṭicca rūpāyatanaṁ bāhiraṁ ... Āhārasamuṭṭhānaṁ ...
Utusamuṭṭhānaṁ ... Asaññasattānaṁ anidassanasappaṭighe mahābhūte ca
āpodhātuñca paṭicca sanidassanasappaṭighaṁ kaṭattārūpaṁ upādārūpaṁ
iminā kāraṇena satta pañhā vitthāretabbā asammohantena.