[2244] Anidassanasappaṭigho dhammo anidassanāppaṭighassa
dhammassa atthipaccayena paccayo sahajātaṁ purejātaṁ. Sahajātā:
anidassanasappaṭighā mahābhūtā anidassanāppaṭighānaṁ cittasamuṭṭhanānaṁ
rūpānaṁ kaṭattārūpānaṁ upādārūpānaṁ atthipaccayena paccayo yāva
asaññasattā vitthāretabbā. Purejātaṁ: cakkhuṁ ... Kāyaṁ ... Sadde ...
Phoṭṭhabbe aniccato ... Domanassaṁ uppajjati cakkhāyatanaṁ
cakkhuviññāṇassa phoṭṭhabbāyatanaṁ kāyaviññāṇassa atthipaccayena
paccayo avasesā cattāro pañhā vitthāretabbā paṭiccavāre
sahajātasadisā ninnānākaraṇā.

[2245] Anidassanāppaṭigho dhammo anidassanāppaṭighassa
Dhammassa atthipaccayena paccayo sahajātaṁ pacchājātaṁ āhāraṁ
indriyaṁ. Sahajāto: anidassanāppaṭigho eko khandho tiṇṇannaṁ
khandhānaṁ anidassanāppaṭighānaṁ cittasamuṭṭhānānañca rūpānaṁ
atthipaccayena paccayo dve khandhā ... Paṭisandhikkhaṇe āpodhātu
anidassanāppaṭighānaṁ cittasamuṭṭhānānaṁ rūpānaṁ kaṭattārūpānaṁ
upādārūpānaṁ āpodhātu indriyassa kabaḷiṁkārāhārassa ca
atthipaccayena paccayo bāhiraṁ ... Āhārasamuṭṭhānaṁ ... Utusamuṭṭhānaṁ ...
Asaññasattānaṁ āpodhātu anidassanāppaṭighānaṁ kaṭattārūpānaṁ.
Purejātaṁ: vatthuṁ ... Itthindriyaṁ purisindriyaṁ jīvitindriyaṁ āpodhātuṁ ...
Kabaḷiṁkāraṁ āhāraṁ aniccato ... Domanassaṁ uppajjati vatthu
anidassanāppaṭighānaṁ khandhānaṁ atthipaccayena paccayo. Pacchājātā:
anidassanāppaṭighā khandhā purejātassa imassa anidassanāppaṭighassa
kāyassa atthipaccayena paccayo. Kabaḷiṁkāro āhāro imassa
anidassanāppaṭighassa kāyassa atthipaccayena paccayo.
Rūpajīvitindriyaṁ anidassanāppaṭighānaṁ kaṭattārūpānaṁ atthipaccayena
paccayo evaṁ avasesā cha pañhā vibhajitabbā sahajātaṁ pacchājātaṁ
āhāraṁ indriyampi kātabbā.

[2246] Sanidassanasappaṭigho ca anidassanāppaṭigho ca dhammā
anidassanāppaṭighassa dhammassa atthipaccayena paccayo. Purejātaṁ:
rūpāyatanañca vatthu ca anidassanāppaṭighānaṁ khandhānaṁ atthipaccayena
Paccayo.

[2247] Anidassanasappaṭigho ca anidassanāppaṭigho ca dhammā
sanidassanasappaṭighassa dhammassa atthipaccayena paccayo
anidassanāppaṭighā khandhā ca mahābhūtā ca sanidassanasappaṭighānaṁ
cittasamuṭṭhānānaṁ rūpānaṁ atthipaccayena paccayo paṭisandhikkhaṇe ....
Saṅkhittaṁ. Asaññasattānañca kātabbā.

[2248] Anidassanasappaṭigho ca anidassanāppaṭigho ca dhammā
anidassanasappaṭighassa dhammassa .... Saṅkhittaṁ.

[2249] Anidassanasappaṭigho ca anidassanāppaṭigho ca dhammā
anidassanāppaṭighassa dhammassa atthipaccayena paccayo sahajātaṁ
purejātaṁ. Sahajātā: anidassanāppaṭighā khandhā ca mahābhūtā ca
anidassanāppaṭighānaṁ cittasamuṭṭhānānaṁ rūpānaṁ yāva asaññasattā
kātabbā. Purejātaṁ: cakkhāyatanañca vatthu ca ... Phoṭṭhabbāyatanañca
vatthu ca anidassanāppaṭighānaṁ khandhānaṁ atthipaccayena paccayo
avasesā pañhā vibhajitabbā.

[2250] Sanidassanasappaṭigho ca anidassanasappaṭigho ca dhammā
anidassanāppaṭighassa dhammassa atthipaccayena paccayo. Purejātaṁ:
rūpāyatanañca cakkhāyatanañca cakkhuviññāṇassa atthipaccayena
paccayo.

[2251] Sanidassanasappaṭigho ca anidassanasappaṭigho ca anidassanāppaṭigho
Ca dhammā anidassanāppaṭighassa dhammassa atthipaccayena
paccayo sahajātaṁ purejātaṁ: rūpāyatanañca cakkhāyatanañca cakkhuviññāṇañca
cakkhuviññāṇasahagatānaṁ khandhānaṁ atthipaccayena
paccayo.
Natthivigatapaccayaṁ anantarasadisaṁ.
Avigatapaccayaṁ atthisadisaṁ.

[2252] Hetuyā satta ārammaṇe tīṇi adhipatiyā nava
anantare ekaṁ samanantare ekaṁ sahajāte ekavīsa aññamaññe
cha nissaye ekavīsa upanissaye tīṇi purejāte cha
pacchājāte satta āsevane ekaṁ kamme satta vipāke satta
āhāre satta indriye nava jhāne satta magge satta
sampayutte ekaṁ vippayutte aṭṭha atthiyā pañcavīsa natthiyā
ekaṁ vigate ekaṁ avigate pañcavīsa.

[2253] Hetupaccayā adhipatiyā satta ... Sahajāte satta
aññamaññe ekaṁ nissaye satta vipāke satta indriye satta
magge satta sampayutte ekaṁ vippayutte satta atthiyā
satta avigate satta.