[2264] Nahetupaccayā nāarammaṇapaccayā nādhipatiyā bāvīsa
... Nānantare bāvīsa nasamanantare bāvīsa nasahajāte nava
nāññamaññe bāvīsa nanissaye nava naupanissaye ekavīsa napurejāte
bāvīsa napacchājāte bāvīsa. Saṅkhittaṁ. Nasampayutte bāvīsa
navippayutte bāvīsa noatthiyā nava nonatthiyā bāvīsa novigate
bāvīsa noavigate nava. Evaṁ gaṇetabbaṁ.
Paccanīyaṁ.

[2265] Hetupaccayā nāarammaṇe satta ... Nādhipatiyā satta
nānantare satta nasamanantare satta nāññamaññe satta naupanissaye
satta napurejāte satta napacchājāte satta. Saṅkhittaṁ.
Sabbattha satta. Nasampayutte satta navippayutte ekaṁ nonatthiyā
satta novigate satta.

[2266] Hetu sahajāta nissaya atthi avigatanti nāarammaṇe satta
... Nānantare satta nasamanantare satta nāññamaññe satta.
Idhāpi saṅkhittaṁ. Nasampayutte satta navippayutte ekaṁ nonatthiyā
satta novigate satta.

[2267] Hetusahajātāññamaññanissayātthiavigatanti nāarammaṇe
ekaṁ sabbattha ekaṁ ... Novigate ekaṁ. Evaṁ gaṇetabbaṁ.
Anulomapaccanīyaṁ.

[2268] Nahetupaccayā ārammaṇe tīṇi ... Adhipatiyā nava
anantare ekaṁ samanantare ekaṁ sahajāte ekavīsa aññamaññe cha
nissaye ekavīsa upanissaye tīṇi purejāte cha pacchājāte satta
āsevane ekaṁ kamme satta vipāke satta āhāre satta indriye
nava jhāne satta magge satta sampayutte ekaṁ vippayutte aṭṭha
atthiyā pañcavīsa natthiyā ekaṁ vigate ekaṁ avigate pañcavīsa.
Evaṁ gaṇetabbaṁ.
Paccanīyānulomaṁ.
Pañhāvāro niṭṭhito.
Sanidassanasappaṭighattikaṁ bāvīsatimaṁ
niṭṭhitaṁ.
Anulomatikapaṭṭhānaṁ pacchimaṁ
niṭṭhitaṁ.

Abhidhammapiṭake paṭṭhānaṁ
tatiyo bhāgo
anulomadukapaṭṭhānaṁ purimaṁ
----------
namo tassa bhagavato arahato sammāsambuddhassa.
Hetudukaṁ
paṭiccavāro

[1] Hetuṁ dhammaṁ paṭicca hetu dhammo uppajjati hetupaccayā:
alobhaṁ paṭicca adoso amoho adosaṁ paṭicca alobho amoho
amohaṁ paṭicca alobho adoso lobhaṁ paṭicca moho mohaṁ
paṭicca lobho dosaṁ paṭicca moho mohaṁ paṭicca doso
paṭisandhikkhaṇe .pe. Hetuṁ dhammaṁ paṭicca nahetu dhammo uppajjati
hetupaccayā: hetuṁ dhammaṁ paṭicca sampayuttakā khandhā cittasamuṭṭhānañca
rūpaṁ paṭisandhikkhaṇe .pe. Hetuṁ dhammaṁ paṭicca
hetu ca nahetu ca dhammā uppajjanti hetupaccayā: alobhaṁ
paṭicca adoso amoho sampayuttakā ca khandhā cittasamuṭṭhānañca
rūpaṁ. Cakkaṁ bandhitabbaṁ. Lobhaṁ paṭicca moho sampayuttakā ca
khandhā cittasamuṭṭhānañca rūpaṁ .pe. Paṭisandhikkhaṇe .pe. Nahetuṁ
Dhammaṁ paṭicca nahetu dhammo uppajjati hetupaccayā: nahetuṁ ekaṁ
khandhaṁ paṭicca tayo khandhā cittasamuṭṭhānañca rūpaṁ .pe. Dve
khandhe paṭicca dve khandhā cittasamuṭṭhānañca rūpaṁ paṭisandhikkhaṇe
khandhe paṭicca vatthu vatthuṁ paṭicca khandhā ekaṁ mahābhūtaṁ .pe.
Nahetuṁ dhammaṁ paṭicca hetu dhammo uppajjati hetupaccayā: nahetū
khandhe paṭicca hetū paṭisandhikkhaṇe vatthuṁ paṭicca hetū. Nahetuṁ
dhammaṁ paṭicca hetu ca nahetu ca dhammā uppajjanti hetupaccayā:
nahetuṁ ekaṁ khandhaṁ paṭicca tayo khandhā hetu ca cittasamuṭṭhānañca
rūpaṁ .pe. Dve khandhe paṭicca dve khandhā hetu ca cittasamuṭṭhānañca
rūpaṁ paṭisandhikkhaṇe vatthuṁ paṭicca hetū sampayuttakā ca khandhā.
Hetuñca nahetuñca dhammaṁ paṭicca hetu dhammo uppajjati hetupaccayā:
alobhañca sampayuttake ca khandhe paṭicca adoso amoho. Cakkaṁ
bandhitabbaṁ. Lobhañca sampayuttake ca khandhe paṭicca moho dosañca
sampayuttake ca khandhe paṭicca moho paṭisandhikkhaṇe alobhañca
vatthuñca paṭicca adoso amoho .pe. Hetuñca nahetuñca dhammaṁ
paṭicca nahetu dhammo uppajjati hetupaccayā: nahetuṁ ekaṁ khandhañca
hetuñca paṭicca tayo khandhā cittasamuṭṭhānañca rūpaṁ .pe. Dve
khandhe ca hetuñca paṭicca dve khandhā cittasamuṭṭhānañca rūpaṁ
paṭisandhikkhaṇe vatthuñca hetuñca paṭicca sampayuttakā khandhā.
Hetuñca nahetuñca dhammaṁ paṭicca hetu ca nahetu ca dhammā
Uppajjanti hetupaccayā: nahetuṁ ekaṁ khandhañca alobhañca paṭicca
tayo khandhā adoso amoho cittasamuṭṭhānañca rūpaṁ .pe.
Dve khandhe ca alobhañca paṭicca dve khandhā adoso amoho
cittasamuṭṭhānañca rūpaṁ. Cakkaṁ bandhitabbaṁ. Nahetuṁ ekaṁ khandhañca
lobhañca paṭicca tayo khandhā moho ca cittasamuṭṭhānañca rūpaṁ .pe.
Dve khandhe .pe. Paṭisandhikkhaṇe vatthuñca alobhañca paṭicca
adoso amoho sampayuttakā ca khandhā .pe.

[2] Hetuṁ dhammaṁ paṭicca hetu dhammo uppajjati ārammaṇapaccayā:
rūpaṁ chaḍḍetvā arūpeyeva nava pañhā. Adhipatipaccayā:
paṭisandhi natthi paripuṇṇaṁ ekaṁ mahābhūtaṁ paṭicca .pe. Mahābhūte
paṭicca cittasamuṭṭhānaṁ rūpaṁ upādārūpaṁ idaṁ nānaṁ. Anantarapaccayā:
samanantarapaccayā: sahajātapaccayā: sabbe mahābhūtā yāva asaññasattā.
Aññamaññapaccayā: nissayapaccayā: upanissayapaccayā:
purejātapaccayā: āsevanapaccayā: dvīsupi paṭisandhi natthi.
Kammapaccayā: vipākapaccayā:. Saṅkhittaṁ. Avigatapaccayā:.

[3] Hetuyā nava ārammaṇe nava sabbattha nava avigate
nava. Evaṁ gaṇetabbaṁ.
Anulomaṁ niṭṭhitaṁ.

[4] Nahetuṁ dhammaṁ paṭicca nahetu dhammo uppajjati nahetupaccayā:
ahetukaṁ nahetuṁ ekaṁ khandhaṁ paṭicca tayo khandhā cittasamuṭṭhānañca
Rūpaṁ .pe. Dve khandhe ... Ahetukapaṭisandhikkhaṇe
khandhe paṭicca vatthu vatthuṁ paṭicca khandhā ekaṁ mahābhūtaṁ .pe.
Bāhiraṁ ... Āhārasamuṭṭhānaṁ ... Utusamuṭṭhānaṁ ... Asaññasattānaṁ .pe.
Nahetuṁ dhammaṁ paṭicca hetu dhammo uppajjati nahetupaccayā:
vicikicchāsahagate uddhaccasahagate khandhe paṭicca vicikicchāsahagato
uddhaccasahagato moho.