[5] Hetuṁ dhammaṁ paṭicca nahetu dhammo uppajjati nāarammaṇapaccayā:
hetuṁ paṭicca cittasamuṭṭhānaṁ rūpaṁ paṭisandhikkhaṇe .pe.
Nahetuṁ dhammaṁ paṭicca nahetu dhammo uppajjati nāarammaṇapaccayā:
nahetū khandhe paṭicca cittasamuṭṭhānaṁ rūpaṁ paṭisandhikkhaṇe sabbe
mahābhūtā. Hetuñca nahetuñca dhammaṁ paṭicca nahetu dhammo
uppajjati nāarammaṇapaccayā: hetuñca nahetū ca khandhe paṭicca
cittasamuṭṭhānaṁ rūpaṁ paṭisandhikkhaṇe .pe. Nādhipatipaccayā:
paripuṇṇaṁ. Nānantarapaccayā: nasamanantarapaccayā: nāññamaññapaccayā:
naupanissayapaccayā:.

[6] Hetuṁ dhammaṁ paṭicca hetu dhammo uppajjati napurejātapaccayā:
arūpe alobhaṁ paṭicca adoso amoho. Cakkaṁ bandhitabbaṁ.
Lobhaṁ paṭicca moho mohaṁ paṭicca lobho .pe. Paṭisandhikkhaṇe .pe.
Hetuṁ dhammaṁ paṭicca nahetu dhammo uppajjati napurejātapaccayā:
arūpe hetuṁ paṭicca sampayuttakā khandhā hetuṁ paṭicca
Cittasamuṭṭhānaṁ rūpaṁ paṭisandhikkhaṇe .pe. Hetuṁ dhammaṁ paṭicca
hetu ca nahetu ca dhammā uppajjanti napurejātapaccayā: arūpe
alobhaṁ paṭicca adoso amoho sampayuttakā ca khandhā. Cakkaṁ
bandhitabbaṁ. Lobhaṁ paṭicca moho sampayuttakā ca khandhā. Cakkaṁ
bandhitabbaṁ. Paṭisandhikkhaṇe .pe. Nahetuṁ dhammaṁ paṭicca nahetu
dhammo uppajjati napurejātapaccayā: arūpe nahetuṁ ekaṁ khandhaṁ
paṭicca tayo khandhā .pe. Dve khandhe paṭicca dve khandhā
nahetū khandhe paṭicca cittasamuṭṭhānaṁ rūpaṁ paṭisandhikkhaṇe .pe.
Nahetuṁ dhammaṁ paṭicca hetu dhammo uppajjati napurejātapaccayā:
arūpe nahetū khandhe paṭicca hetū paṭisandhikkhaṇe .pe. Nahetuṁ
dhammaṁ paṭicca hetu ca nahetu ca dhammā uppajjanti napurejātapaccayā:
arūpe nahetuṁ ekaṁ khandhaṁ paṭicca tayo khandhā hetū ca .pe.
Dve khandhe .pe. Paṭisandhikkhaṇe .pe. Hetuñca nahetuñca
dhammaṁ paṭicca hetu dhammo uppajjati napurejātapaccayā:
arūpe alobhañca sampayuttake ca khandhe paṭicca adoso amoho.
Cakkaṁ bandhitabbaṁ. Arūpe lobhañca sampayuttake ca khandhe paṭicca
moho. Cakkaṁ bandhitabbaṁ. Paṭisandhikkhaṇe .pe. Hetuñca
nahetuñca dhammaṁ paṭicca nahetu dhammo uppajjati napurejātapaccayā:
arūpe nahetuṁ ekaṁ khandhañca hetuñca paṭicca tayo khandhā .pe.
Dve khandhe ... Nahetū khandhe ca hetuñca paṭicca cittasamuṭṭhānaṁ
Rūpaṁ paṭisandhikkhaṇe .pe. Hetuñca nahetuñca dhammaṁ paṭicca
hetu ca nahetu ca dhammā uppajjanti napurejātapaccayā: arūpe
nahetuṁ ekaṁ khandhañca alobhañca paṭicca tayo khandhā adoso
amoho ca .pe. Dve khandhe .... Cakkaṁ bandhitabbaṁ. Nahetuṁ
ekaṁ khandhañca lobhañca paṭicca tayo khandhā moho ca. Cakkaṁ
bandhitabbaṁ. Paṭisandhikkhaṇe .pe.

[7] Hetuṁ dhammaṁ paṭicca hetu dhammo uppajjati napacchājātapaccayā:.
... Nāasevanapaccayā:.

[8] Hetuṁ dhammaṁ paṭicca nahetu dhammo uppajjati nakammapaccayā:
hetuṁ paṭicca sampayuttakā cetanā. Nahetuṁ dhammaṁ paṭicca
nahetu dhammo uppajjati nakammapaccayā: nahetū khandhe paṭicca
sampayuttakā cetanā bāhiraṁ ... Āhārasamuṭṭhānaṁ ... Utusamuṭṭhānaṁ ....
Hetuñca nahetuñca dhammaṁ paṭicca nahetu dhammo uppajjati nakammapaccayā:
hetuñca sampayuttake ca khandhe paṭicca sampayuttakā
cetanā.

[9] Hetuṁ dhammaṁ paṭicca hetu dhammo uppajjati navipākapaccayā:
nava.

[10] Nahetuṁ dhammaṁ paṭicca nahetu dhammo uppajjati nāahārapaccayā:
bāhiraṁ ... Utusamuṭṭhānaṁ ... Asaññasattānaṁ ekaṁ mahābhūtaṁ paṭicca
tayo mahābhūtā .pe. Mahābhūte paṭicca kaṭattārūpaṁ upādārūpaṁ.

[11] ... Naindriyapaccayā: bāhiraṁ ... Āhārasamuṭṭhānaṁ ...
Utusamuṭṭhānaṁ ekaṁ mahābhūtaṁ .pe. Mahābhūte paṭicca upādārūpaṁ
asaññasattānaṁ mahābhūte paṭicca rūpajīvitindriyaṁ.

[12] ... Najhānapaccayā: pañcaviññāṇasahagataṁ ekaṁ khandhaṁ .pe.
Bāhiraṁ ... Āhārasamuṭṭhānaṁ ... Utusamuṭṭhānaṁ ... Asaññasattānaṁ .pe.

[13] ... Namaggapaccayā: ahetukaṁ nahetuṁ ekaṁ khandhaṁ paṭicca .pe.
Ahetukapaṭisandhikkhaṇe ... Bāhiraṁ ... Āhārasamuṭṭhānaṁ ...
Utusamuṭṭhānaṁ ... Asaññasattānaṁ .pe. Nasampayuttapaccayā: navippayuttapaccayā:
napurejātasadisaṁ arūpapañhāyeva. Nonatthipaccayā: novigatapaccayā:.

[14] Nahetuyā dve nāarammaṇe tīṇi nādhipatiyā nava
nānantare tīṇi nasamanantare tīṇi nāññamaññe tīṇi
naupanissaye tīṇi napurejāte nava napacchājāte nava nāasevane
nava nakamme tīṇi navipāke nava nāahāre ekaṁ naindriye
ekaṁ najhāne ekaṁ namagge ekaṁ nasampayutte tīṇi
navippayutte nava nonatthiyā tīṇi novigate tīṇi. Evaṁ
gaṇetabbaṁ.
Paccanīyaṁ niṭṭhitaṁ.