[25] Hetu dhammo hetussa dhammassa āsevanapaccayena paccayo:
Anantarasadisaṁ.

[26] Nahetu dhammo nahetussa dhammassa kammapaccayena paccayo:
sahajātā nānākhaṇikā. Sahajātā: nahetu cetanā sampayuttakānaṁ
khandhānaṁ cittasamuṭṭhānānañca rūpānaṁ kammapaccayena paccayo.
Nānākhaṇikā: nahetu cetanā vipākānaṁ khandhānaṁ kaṭattā ca rūpānaṁ
kammapaccayena paccayo. Nahetu dhammo hetussa dhammassa kammapaccayena
paccayo: sahajātā nānākhaṇikā. Sahajātā: nahetu
cetanā sampayuttakānaṁ hetūnaṁ kammapaccayena paccayo. Nānākhaṇikā:
nahetu cetanā vipākānaṁ hetūnaṁ kammapaccayena paccayo. Nahetu
dhammo hetussa ca nahetussa ca dhammassa kammapaccayena paccayo:
sahajātā nānākhaṇikā. Sahajātā: nahetu cetanā sampayuttakānaṁ
khandhānaṁ hetūnaṁ cittasamuṭṭhānānañca rūpānaṁ kammapaccayena paccayo.
Nānākhaṇikā: nahetu cetanā vipākānaṁ khandhānaṁ hetūnaṁ kaṭattā ca
rūpānaṁ kammapaccayena paccayo.

[27] Hetu dhammo hetussa dhammassa vipākapaccayena paccayo:
vipāko alobho adosassa amohassa vipākapaccayena paccayo.
Paṭiccavārasadisā vipākavibhaṅge nava pañhā.

[28] Nahetu dhammo nahetussa dhammassa āhārapaccayena paccayo:
nahetū āhārā sampayuttakānaṁ khandhānaṁ cittasamuṭṭhānānañca rūpānaṁ
āhārapaccayena paccayo paṭisandhikkhaṇe kabaḷiṁkāro āhāro imassa
Kāyassa āhārapaccayena paccayo. Nahetu dhammo hetussa dhammassa
āhārapaccayena paccayo: nahetū āhārā sampayuttakānaṁ hetūnaṁ
āhārapaccayena paccayo paṭisandhikkhaṇe .pe. Nahetu dhammo
hetussa ca nahetussa ca dhammassa āhārapaccayena paccayo: nahetū
āhārā sampayuttakānaṁ khandhānaṁ hetūnaṁ cittasamuṭṭhānānañca rūpānaṁ
āhārapaccayena paccayo paṭisandhikkhaṇe .pe.

[29] Hetu dhammo hetussa dhammassa indriyapaccayena paccayo:
hetumūlake tīṇi. Nahetu dhammo nahetussa dhammassa indriyapaccayena
paccayo: nahetū indriyā sampayuttakānaṁ khandhānaṁ cittasamuṭṭhānānañca
rūpānaṁ indriyapaccayena paccayo paṭisandhikkhaṇe
rūpajīvitindriyaṁ kaṭattārūpānaṁ indriyapaccayena paccayo. Evaṁ
indriyapaccayo vitthāretabbo. Nava.

[30] Nahetu dhammo nahetussa dhammassa jhānapaccayena paccayo:
tīṇi.

[31] Hetu dhammo hetussa dhammassa maggapaccayena paccayo:
... Sampayuttapaccayena paccayo: imesu dvīsu nava.

[32] Hetu dhammo nahetussa dhammassa vippayuttapaccayena paccayo:
sahajātaṁ pacchājātaṁ. Sahajātā: hetū cittasamuṭṭhānānaṁ rūpānaṁ
vippayuttapaccayena paccayo paṭisandhikkhaṇe hetū kaṭattārūpānaṁ
vippayuttapaccayena paccayo hetū vatthussa vippayuttapaccayena
Paccayo. Pacchājātā: hetū purejātassa imassa kāyassa
vippayuttapaccayena paccayo. Nahetu dhammo nahetussa dhammassa
vippayuttapaccayena paccayo. Sahajātaṁ purejātaṁ pacchājātaṁ.
Sahajātā: nahetū khandhā cittasamuṭṭhānānaṁ rūpānaṁ vippayuttapaccayena
paccayo paṭisandhikkhaṇe nahetū khandhā kaṭattārūpānaṁ
vippayuttapaccayena paccayo khandhā vatthussa vatthu khandhānaṁ
vippayuttapaccayena paccayo. Purejātaṁ: cakkhāyatanaṁ .pe. Kāyāyatanaṁ
kāyaviññāṇassa vatthu nahetūnaṁ khandhānaṁ vippayuttapaccayena
paccayo. Pacchājātā: nahetū khandhā purejātassa imassa kāyassa
vippayuttapaccayena paccayo. Nahetu dhammo hetussa dhammassa
vippayuttapaccayena paccayo: sahajātaṁ purejātaṁ. Sahajātaṁ:
paṭisandhikkhaṇe vatthu hetūnaṁ vippayuttapaccayena paccayo. Purejātaṁ:
vatthu hetūnaṁ vippayuttapaccayena paccayo. Nahetu dhammo hetussa
ca nahetussa ca dhammassa vippayuttapaccayena paccayo: sahajātaṁ
purejātaṁ. Sahajātaṁ: paṭisandhikkhaṇe vatthu hetūnaṁ sampayuttakānañca
khandhānaṁ vippayuttapaccayena paccayo. Purejātaṁ: vatthu hetūnaṁ
sampayuttakānañca khandhānaṁ vippayuttapaccayena paccayo. Hetu ca
nahetu ca dhammā nahetussa dhammassa vippayuttapaccayena paccayo:
sahajātaṁ pacchājātaṁ. Sahajātā: hetū ca sampayuttakā ca khandhā
cittasamuṭṭhānānaṁ rūpānaṁ vippayuttapaccayena paccayo paṭisandhikkhaṇe
Hetū ca sampayuttakā ca khandhā kaṭattārūpānaṁ vippayuttapaccayena
paccayo. Pacchājātā: hetū ca sampayuttakā ca khandhā
purejātassa imassa kāyassa vippayuttapaccayena paccayo.

[33] Hetu dhammo hetussa dhammassa atthipaccayena paccayo:
alobho adosassa amohassa atthipaccayena paccayo. Cakkaṁ bandhitabbaṁ.
Lobho mohassa atthipaccayena paccayo. Cakkaṁ bandhitabbaṁ.
Paṭisandhikkhaṇe .pe. Hetu dhammo nahetussa dhammassa atthipaccayena
paccayo: sahajātaṁ pacchājātaṁ. Sahajātā: hetū
sampayuttakānaṁ khandhānaṁ cittasamuṭṭhānānañca rūpānaṁ atthipaccayena
paccayo paṭisandhikkhaṇe .pe. Pacchājātā: hetū purejātassa
imassa kāyassa atthipaccayena paccayo. Hetu dhammo hetussa ca
nahetussa ca dhammassa atthipaccayena paccayo: alobho adosassa
amohassa sampayuttakānaṁ khandhānaṁ cittasamuṭṭhānānañca rūpānaṁ
atthipaccayena paccayo. Cakkaṁ bandhitabbaṁ. Lobho mohassa
sampayuttakānaṁ khandhānaṁ cittasamuṭṭhānānañca rūpānaṁ atthipaccayena
paccayo. Cakkaṁ bandhitabbaṁ. Paṭisandhikkhaṇe .pe. Nahetu dhammo
nahetussa dhammassa atthipaccayena paccayo: sahajātaṁ purejātaṁ
pacchājātaṁ āhāraṁ indriyaṁ. Sahajāto: nahetu eko khandho
tiṇṇannaṁ khandhānaṁ cittasamuṭṭhānānañca rūpānaṁ atthipaccayena
paccayo .pe. Dve khandhā .pe. Paṭisandhikkhaṇe nahetu eko
Khandho tiṇṇannaṁ khandhānaṁ kaṭattā ca rūpānaṁ. Cakkaṁ bandhitabbaṁ.
Khandhā vatthussa atthipaccayena paccayo vatthu khandhānaṁ atthipaccayena
paccayo ekaṁ mahābhūtaṁ .pe. Bāhiraṁ ... Āhārasamuṭṭhānaṁ ...
Utusamuṭṭhānaṁ ... Asaññasattānaṁ .pe. Purejātaṁ: cakkhuṁ
.pe. Vatthuṁ .pe. Dibbena cakkhunā rūpaṁ passati dibbāya
sotadhātuyā saddaṁ suṇāti rūpāyatanaṁ .pe. Phoṭṭhabbāyatanaṁ
kāyaviññāṇassa cakkhāyatanaṁ .pe. Kāyāyatanaṁ kāyaviññāṇassa
atthipaccayena paccayo vatthu nahetūnaṁ khandhānaṁ atthipaccayena
paccayo. Pacchājātā: nahetū khandhā purejātassa imassa
kāyassa atthipaccayena paccayo kabaḷiṁkāro āhāro imassa
kāyassa atthipaccayena paccayo rūpajīvitindriyaṁ kaṭattārūpānaṁ atthipaccayena
paccayo. Nahetu dhammo hetussa dhammassa atthipaccayena
paccayo: sahajātaṁ purejātaṁ. Sahajātā: nahetū khandhā
sampayuttakānaṁ hetūnaṁ atthipaccayena paccayo paṭisandhikkhaṇe vatthu
hetūnaṁ atthipaccayena paccayo. Purejātaṁ: cakkhuṁ .pe. Vatthuṁ
aniccato .pe. Domanassaṁ uppajjati dibbena cakkhunā rūpaṁ
passati dibbāya sotadhātuyā saddaṁ suṇāti vatthu hetūnaṁ atthipaccayena
paccayo. Nahetu dhammo hetussa ca nahetussa ca
dhammassa atthipaccayena paccayo: sahajātaṁ purejātaṁ. Sahajāto:
nahetu eko khandho tiṇṇannaṁ khandhānaṁ hetūnaṁ cittasamuṭṭhānānañca
Rūpānaṁ atthipaccayena paccayo paṭisandhikkhaṇe vatthu hetūnaṁ
sampayuttakānañca khandhānaṁ atthipaccayena paccayo. Purejātaṁ:
cakkhuṁ .pe. Vatthuṁ aniccato .pe. Domanassaṁ uppajjati dibbena
cakkhunā rūpaṁ passati dibbāya sotadhātuyā saddaṁ suṇāti vatthu
hetūnaṁ sampayuttakānañca khandhānaṁ atthipaccayena paccayo. Hetu ca
nahetu ca dhammā hetussa dhammassa atthipaccayena paccayo:
sahajātaṁ purejātaṁ. Sahajāto: alobho ca sampayuttakā ca khandhā
adosassa amohassa atthipaccayena paccayo. Cakkaṁ bandhitabbaṁ.
Lobho ca sampayuttakā ca khandhā mohassa atthipaccayena paccayo.
Cakkaṁ bandhitabbaṁ. Paṭisandhikkhaṇe alobho ca vatthu ca adosassa
amohassa atthipaccayena paccayo. Cakkaṁ bandhitabbaṁ. Hetu ca
nahetu ca dhammā nahetussa dhammassa atthipaccayena paccayo:
sahajātaṁ pacchājātaṁ āhāraṁ indriyaṁ. Sahajāto: nahetu eko
khandho ca hetu ca tiṇṇannaṁ khandhānaṁ cittasamuṭṭhānānañca rūpānaṁ
atthipaccayena paccayo .pe. Dve khandhā ... Paṭisandhikkhaṇe
hetu ca vatthu ca nahetūnaṁ khandhānaṁ atthipaccayena paccayo sahajātā
hetū ca mahābhūtā ca cittasamuṭṭhānānaṁ rūpānaṁ atthipaccayena paccayo.
Pacchājātā: hetū ca kabaḷiṁkāro āhāro ca imassa kāyassa
atthipaccayena paccayo pacchājātā: hetū ca rūpajīvitindriyañca
kaṭattārūpānaṁ atthipaccayena paccayo. Hetu ca nahetu ca dhammā
Hetussa ca nahetussa ca dhammassa atthipaccayena paccayo: sahajātaṁ
purejātaṁ. Sahajāto: nahetu eko khandho ca alobho ca
tiṇṇannaṁ khandhānaṁ adosassa amohassa cittasamuṭṭhānānañca rūpānaṁ
atthipaccayena paccayo. Cakkaṁ bandhitabbaṁ. Nahetu eko khandho ca
lobho ca tiṇṇannaṁ khandhānaṁ mohassa cittasamuṭṭhānānañca rūpānaṁ
atthipaccayena paccayo. Cakkaṁ bandhitabbaṁ. Paṭisandhikkhaṇe nahetu
eko khandho ca alobho ca .... Cakkaṁ bandhitabbaṁ. Paṭisandhikkhaṇe
alobho ca vatthu ca adosassa amohassa sampayuttakānañca khandhānaṁ
atthipaccayena paccayo lobho ca vatthu ca mohassa sampayuttakānañca
khandhānaṁ atthipaccayena paccayo. ... Natthipaccayena paccayo:
vigatapaccayena paccayo: avigatapaccayena paccayo:.

[34] Hetuyā tīṇi ārammaṇe nava adhipatiyā nava
anantare nava samanantare nava sahajāte nava aññamaññe nava
nissaye nava upanissaye nava purejāte tīṇi pacchājāte
tīṇi āsevane nava kamme tīṇi vipāke nava āhāre tīṇi
indriye nava jhāne tīṇi magge nava sampayutte nava
vippayutte pañca atthiyā nava natthiyā nava vigate nava
avigate nava. Evaṁ anummajjantena gaṇetabbaṁ.
Anulomaṁ niṭṭhitaṁ.