[1964] Atītārammaṇaṁ dhammaṁ paṭicca atītārammaṇo dhammo
uppajjati namaggapaccayā ahetukaṁ atītārammaṇaṁ ekaṁ khandhaṁ
paṭicca nahetusadisā tisso pañhā moho natthi.

[1965] Atītārammaṇaṁ dhammaṁ paṭicca atītārammaṇo dhammo
uppajjati navippayuttapaccayā arūpe atītārammaṇaṁ ekaṁ khandhaṁ
paṭicca dve khandhe ....

[1966] Anāgatārammaṇaṁ dhammaṁ paṭicca anāgatārammaṇo dhammo
uppajjati navippayuttapaccayā arūpe anāgatārammaṇaṁ ekaṁ khandhaṁ
paṭicca dve khandhe ....

[1967] Nahetuyā tīṇi nādhipatiyā napurejāte napacchājāte
nāasevane nakamme navipāke tīṇi najhāne ekaṁ namagge tīṇi
Navippayutte dve. Evaṁ gaṇetabbaṁ.
Paccanīyaṁ.

[1968] Hetupaccayā nādhipatiyā tīṇi ... Napurejāte napacchājāte
nāasevane nakamme navipāke tīṇi navippayutte dve. Evaṁ
gaṇetabbaṁ.
Anulomapaccanīyaṁ.

[1969] Nahetupaccayā ārammaṇe tīṇi. Saṅkhittaṁ. Sabbattha
tīṇi. Avigate tīṇi. Evaṁ gaṇetabbaṁ.
Paccanīyānulomaṁ.
Paṭiccavāro niṭṭhito.
Sahajātavāropi paccayavāropi nissayavāropi
saṁsaṭṭhavāropi sampayuttavāropi paṭiccavārasadisā.
Pañhāvāro.

[1970] Atītārammaṇo dhammo atītārammaṇassa dhammassa hetupaccayena
paccayo atītārammaṇā hetū sampayuttakānaṁ khandhānaṁ
hetupaccayena paccayo paṭisandhikkhaṇe atītārammaṇā hetū sampayuttakānaṁ
khandhānaṁ.

[1971] Anāgatārammaṇo dhammo anāgatārammaṇassa dhammassa
hetupaccayena paccayo anāgatārammaṇā hetū sampayuttakānaṁ khandhānaṁ
hetupaccayena paccayo.

[1972] Paccuppannārammaṇo dhammo paccuppannārammaṇassa
dhammassa hetupaccayena paccayo paccuppannārammaṇā hetū sampayuttakānaṁ
khandhānaṁ hetupaccayena paccayo paṭisandhikkhaṇe paccuppannārammaṇā
hetū sampayuttakānaṁ khandhānaṁ hetupaccayena paccayo.

[1973] Atītārammaṇo dhammo atītārammaṇassa dhammassa
ārammaṇapaccayena paccayo atītaṁ viññāṇañcāyatanaṁ paccavekkhati
nevasaññānāsaññāyatanaṁ paccavekkhati atītārammaṇaṁ atītaṁ iddhividhañāṇaṁ
paccavekkhati cetopariyañāṇaṁ ... Pubbenivāsānussatiñāṇaṁ ...
Yathākammūpagañāṇaṁ paccavekkhati ariyā atītārammaṇe pahīne kilese
paccavekkhanti vikkhambhite kilese ... Pubbe samudāciṇṇe ...
Atītārammaṇe atīte khandhe aniccato dukkhato anattato vipassanti
assādenti abhinandanti taṁ ārabbha atītārammaṇo rāgo uppajjati
diṭṭhi ... Vicikicchā ... Uddhaccaṁ domanassaṁ uppajjati atītārammaṇā
atītā khandhā cetopariyañāṇassa pubbenivāsānussatiñāṇassa
yathākammūpagañāṇassa āvajjanāya ārammaṇapaccayena paccayo.