[1954] Paccuppannārammaṇaṁ dhammaṁ paṭicca paccuppannārammaṇo
dhammo uppajjati nahetupaccayā ahetukaṁ paccuppannārammaṇaṁ ekaṁ
Khandhaṁ paṭicca tayo khandhā dve khandhe ... Ahetukapaṭisandhikkhaṇe
paccuppannārammaṇe vicikicchāsahagate uddhaccasahagate khandhe paṭicca
vicikicchāsahagato uddhaccasahagato moho.

[1955] Atītārammaṇaṁ dhammaṁ paṭicca atītārammaṇo dhammo
uppajjati nādhipatipaccayā anulomasahajātasadisaṁ.

[1956] Atītārammaṇaṁ dhammaṁ paṭicca atītārammaṇo dhammo
uppajjati napurejātapaccayā arūpe atītārammaṇaṁ ekaṁ khandhaṁ
paṭicca dve khandhe ... Paṭisandhikkhaṇe ....

[1957] Anāgatārammaṇaṁ dhammaṁ paṭicca anāgatārammaṇo
dhammo uppajjati napurejātapaccayā arūpe anāgatārammaṇaṁ ekaṁ
khandhaṁ paṭicca tayo khandhā ... Dve khandhe ....

[1958] Paccuppannārammaṇaṁ dhammaṁ paṭicca paccuppannārammaṇo
dhammo uppajjati napurejātapaccayā paṭisandhikkhaṇe paccuppannārammaṇaṁ
ekaṁ khandhaṁ paṭicca dve khandhe ....

[1959] Atītārammaṇaṁ dhammaṁ paṭicca atītārammaṇo dhammo
uppajjati napacchājātapaccayā nāasevanapaccayā nādhipatisadisā.
Nakammapaccayā atītārammaṇe khandhe paṭicca atītārammaṇā
cetanā.

[1960] Anāgatārammaṇaṁ dhammaṁ paṭicca anāgatārammaṇo
dhammo uppajjati nakammapaccayā anāgatārammaṇe khandhe paṭicca
Anāgatārammaṇā cetanā.

[1961] Paccuppannārammaṇaṁ dhammaṁ paṭicca paccuppannārammaṇo
dhammo uppajjati nakammapaccayā paccuppannārammaṇe khandhe
paṭicca paccuppannārammaṇā cetanā.

[1962] Atītārammaṇaṁ dhammaṁ paṭicca atītārammaṇo dhammo
uppajjati navipākapaccayā navipāke paṭisandhi natthi.

[1963] Paccuppannārammaṇaṁ dhammaṁ paṭicca paccuppannārammaṇo
dhammo uppajjati najhānapaccayā pañcaviññāṇasahagataṁ ekaṁ khandhaṁ
paṭicca tayo khandhā dve khandhe ....