พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ dutiyo bhāgo (เล่ม 41)

[1934] Paccuppanno dhammo paccuppannassa dhammassa
kammapaccayena paccayo paccuppannā cetanā sampayuttakānaṁ khandhānaṁ
cittasamuṭṭhānānañca rūpānaṁ kammapaccayena paccayo paṭisandhikkhaṇe
paccuppannā cetanā samupayuttakānaṁ khandhānaṁ kaṭattā ca rūpānaṁ
kammapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1935] Paccuppanno dhammo paccuppannassa dhammassa vipākapaccayena
Paccayo vipāko paccuppanno eko khandho tiṇṇannaṁ
khandhānaṁ cittasamuṭṭhānānañca rūpānaṁ vipākapaccayena paccayo dve
khandhā ... Paṭisandhikkhaṇe khandhā vatthussa vipākapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1936] Paccuppanno dhammo paccuppannassa dhammassa
āhārapaccayena paccayo indriyapaccayena paccayo jhānapaccayena
paccayo maggapaccayena paccayo sampayuttapaccayena paccayo
vippayuttapaccayena paccayo sahajātaṁ purejātaṁ pacchājātaṁ.
Sahajātā: paccuppannā khandhā cittasamuṭṭhānānaṁ rūpānaṁ
vippayuttapaccayena paccayo paṭisandhikkhaṇe paccuppannā khandhā
kaṭattārūpānaṁ vippayuttapaccayena paccayo khandhā vatthussa
vippayuttapaccayena paccayo vatthu khandhānaṁ vippayuttapaccayena
paccayo. Purejātaṁ: cakkhāyatanaṁ cakkhuviññāṇassa kāyāyatanaṁ ...
Vatthu paccuppannānaṁ khandhānaṁ vippayuttapaccayena paccayo.
Pacchājātā: paccuppannā khandhā purejātassa imassa kāyassa
vippayuttapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1937] Paccuppanno dhammo paccuppannassa dhammassa atthipaccayena
paccayo uppannattike atthisadisaṁ.

Abhidhammapiṭake paṭṭhānaṁ dutiyo bhāgo (เล่ม 41)

[1938] Atīto dhammo paccuppannassa dhammassa natthipaccayena
paccayo vigatapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1939] Paccuppanno dhammo paccuppannassa dhammassa avigatapaccayena
Paccayo .pe.

Abhidhammapiṭake paṭṭhānaṁ dutiyo bhāgo (เล่ม 41)

[1940] Hetuyā ekaṁ ārammaṇe tīṇi adhipatiyā tīṇi
anantare ekaṁ samanantare ekaṁ sahājāte aññamaññe nissaye
ekaṁ upanissaye tīṇi purejāte pacchājāte āsevane ekaṁ
kamme dve vipāke āhāre ekaṁ. Saṅkhittaṁ. Avigate
ekaṁ. Evaṁ gaṇetabbaṁ.
Anulomaṁ.

Abhidhammapiṭake paṭṭhānaṁ dutiyo bhāgo (เล่ม 41)

[1941] Atīto dhammo paccuppannassa dhammassa ārammaṇapaccayena
paccayo upanissayapaccayena paccayo kammapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1942] Anāgato dhammo paccuppannassa dhammassa ārammaṇapaccayena
paccayo upanissayapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1943] Paccuppanno dhammo paccuppannassa dhammassa
ārammaṇapaccayena paccayo sahajātapaccayena paccayo upanissayapaccayena
paccayo purejātapaccayena paccayo pacchājātapaccayena
paccayo āhārapaccayena paccayo indriyapaccayena paccayo.