[1924] Atīto dhammo paccuppannassa dhammassa anantarapaccayena
paccayo purimā purimā atītā khandhā pacchimānaṁ pacchimānaṁ
paccuppannānaṁ khandhānaṁ anantarapaccayena paccayo anulomaṁ gotrabhussa
Anulomaṁ vodānassa gotrabhu maggassa vodānaṁ maggassa maggo
phalassa phalaṁ phalassa anulomaṁ phalasamāpattiyā nirodhā vuṭṭhahantassa
nevasaññānāsaññāyatanaṁ phalasamāpattiyā anantarapaccayena
paccayo.

[1925] Atīto dhammo paccuppannassa dhammassa samanantarapaccayena
paccayo anantarasadisaṁ.

[1926] Paccuppanno dhammo paccuppannassa dhammassa
sahajātapaccayena paccayo aññamaññapaccayena paccayo
nissayapaccayena paccayo. Saṅkhittaṁ.

[1927] Atīto dhammo paccuppannassa dhammassa upanissayapaccayena
paccayo ārammaṇūpanissayo anantarūpanissayo pakatūpanissayo.
Pakatūpanissayo: .pe. Atītaṁ saddhaṁ upanissāya dānaṁ
deti sīlaṁ ... Uposathakammaṁ karoti jhānaṁ .pe. Vipassanaṁ ... Maggaṁ ...
Abhiññaṁ ... Samāpattiṁ uppādeti mānaṁ jappeti diṭṭhiṁ gaṇhāti
atītaṁ sīlaṁ ... Paññaṁ rāgaṁ patthanaṁ kāyikaṁ sukhaṁ ... Kāyikaṁ dukkhaṁ upanissāya
dānaṁ deti sīlaṁ ... Uposathakammaṁ .pe. Samāpattiṁ uppādeti pāṇaṁ
hanati saṅghaṁ bhindati atītā saddhā ... Paññā rāgo patthanā kāyikaṁ
sukhaṁ ... Kāyikaṁ dukkhaṁ paccuppannāya saddhāya paññāya rāgassa patthanāya
.pe. Phalasamāpattiyā upanissayapaccayena paccayo.

[1928] Anāgato dhammo paccuppannassa dhammassa upanissayapaccayena
Paccayo ārammaṇūpanissayo anantarūpanissayo pakatūpanissayo.
Pakatūpanissayo: anāgataṁ cakkhusampadaṁ patthayamāno
sotasampadaṁ ... Ghānasampadaṁ jivhāsampadaṁ kāyasampadaṁ vaṇṇasampadaṁ
saddasampadaṁ gandhasampadaṁ rasasampadaṁ ... Phoṭṭhabbasampadaṁ patthayamāno
anāgate khandhe patthayamāno dānaṁ deti sīlaṁ ... Uposathakammaṁ ...
Anāgatā cakkhusampadā ... Vaṇṇasampadā ... Phoṭṭhabbasampadā ... Anāgatā
khandhā paccuppannāya saddhāya paññāya kāyikassa sukhassa kāyikassa
dukkhassa maggassa phalasamāpattiyā upanissayapaccayena paccayo.

[1929] Paccuppanno dhammo paccuppannassa dhammassa
upanissayapaccayena paccayo ārammaṇūpanissayo anantarūpanissayo
pakatūpatissayo. Pakatūpanissayo: paccuppannaṁ utuṁ upanissāya
jhānaṁ uppādeti vipassanaṁ .pe. Paccuppannaṁ bhojanaṁ ... Senāsanaṁ
upanissāya jhānaṁ uppādeti samāpattiṁ uppādeti paccuppannaṁ
utu ... Bhojanaṁ ... Senāsanaṁ paccuppannāya saddhāya paññāya
kāyikassa .pe. Phalasamāpattiyā upanissayapaccayena paccayo.

[1930] Paccuppanno dhammo paccuppannassa dhammassa
purejātapaccayena paccayo ārammaṇapurejātaṁ vatthupurejātaṁ.
Ārammaṇapurejātaṁ: cakkhuṁ ... Vatthuṁ aniccato ... Domanassaṁ uppajjati
dibbena cakkhunā rūpaṁ passati dibbāya sotadhātuyā ... Rūpāyatanaṁ
cakkhuviññāṇassa phoṭṭhabbāyatanaṁ kāyaviññāṇassa purejātapaccayena
Paccayo. Vatthupurejātaṁ: cakkhāyatanaṁ cakkhuviññāṇassa
kāyāyatanaṁ kāyaviññāṇassa vatthu paccuppannānaṁ khandhānaṁ
purejātapaccayena paccayo.

[1931] Paccuppanno dhammo paccuppannassa dhammassa
pacchājātapaccayena paccayo. Pacchājātā: paccuppannā khandhā
purejātassa imassa kāyassa pacchājātapaccayena paccayo.

[1932] Atīto dhammo paccuppannassa dhammassa āsevanapaccayena
paccayo purimā purimā atītā khandhā pacchimānaṁ pacchimānaṁ
paccuppannānaṁ khandhānaṁ āsevanapaccayena paccayo anulomaṁ gotarabhussa
anulomaṁ vodānassa gotrabhu maggassa vodānaṁ maggassa
āsevanapaccayena paccayo.

[1933] Atīto dhammo paccuppannassa dhammassa kammapaccayena
paccayo. Nānākhaṇikā: atītā cetanā paccuppannānaṁ vipākānaṁ
khandhānaṁ kaṭattā ca rūpānaṁ kammapaccayena paccayo.