[1914] Nahetuyā tīṇi nāarammaṇe tīṇi nādhipatiyā tīṇi
.pe. Navippayutte tīṇi noatthiyā dve nonatthiyā tīṇi
novigate tīṇi noavigate dve. Evaṁ gaṇetabbaṁ.
Paccanīyaṁ.

[1915] Hetupaccayā nāarammaṇe ekaṁ. Saṅkhittaṁ. ...
Nonatthiyā novigate ekaṁ.
Anulomapaccanīyaṁ.

[1916] Nahetupaccayā ārammaṇe tīṇi ... Adhipatiyā tīṇi
sahajāte ekaṁ aññamaññe ekaṁ nissaye ekaṁ upanissaye tīṇi
purejāte ekaṁ pacchājāte ekaṁ kamme vipāke āhāre indriye
Jhāne magge sampayutte vippayutte atthiyā avigate ekaṁ.
Paccanīyānulomaṁ.
Pañhāvāro niṭṭhito.
Uppannattikaṁ sattarasamaṁ
niṭṭhitaṁ
--------
atītattikaṁ
pañhāvāro

[1917] Paccuppanno dhammo paccuppannassa dhammassa
hetupaccayena paccayo paccuppannā hetū sampayuttakānaṁ khandhānaṁ
cittasamuṭṭhānānañca rūpānaṁ hetupaccayena paccayo paṭisandhikkhaṇe ....

[1918] Atīto dhammo paccuppannassa dhammassa ārammaṇapaccayena
paccayo dānaṁ datvā sīlaṁ ... Uposathakammaṁ ... Paccavekkhati
pubbe suciṇṇāni paccavekkhati jhānā vuṭṭhahitvā jhānaṁ paccavekkhati
ariyā maggā vuṭṭhahitvā maggaṁ paccavekkhanti phalaṁ paccavekkhanti
pahīne kilese paccavekkhanti vikkhambhite kilese paccavekkhanti
atītaṁ cakkhuṁ aniccato dukkhato anattato vipassanti .pe. Domanassaṁ
uppajjati atītaṁ sotaṁ ... Ghānaṁ jivhaṁ kāyaṁ rūpe sadde gandhe
rase phoṭṭhabbe vatthuṁ ... Atīte khandhe aniccato dukkhato anattato
Vipassanti assādenti abhinandanti taṁ ārabbha rāgo uppajjati
diṭṭhi uppajjati vicikicchā ... Uddhaccaṁ ... Domanassaṁ uppajjati
ākāsānañcāyatanaṁ viññāṇañcāyatanassa ārammaṇapaccayena paccayo
ākiñcaññāyatanaṁ nevasaññānāsaññāyatanassa ārammaṇapaccayena
paccayo atītā khandhā iddhividhañāṇassa cetopariyañāṇassa
pubbenivāsānussatiñāṇassa yathākammūpagañāṇassa āvajjanāya
ārammaṇapaccayena paccayo.

[1919] Anāgato dhammo paccuppannassa dhammassa ārammaṇapaccayena
paccayo anāgataṁ cakkhuṁ ... Vatthuṁ ... Anāgate khandhe
aniccato ... Domanassaṁ uppajjati anāgatā khandhā iddhividhañāṇassa
cetopariyañāṇassa anāgataṁsañāṇassa āvajjanāya ārammaṇapaccayena
paccayo.

[1920] Paccuppanno dhammo paccuppannassa dhammassa
ārammaṇapaccayena paccayo paccuppannaṁ cakkhuṁ ... Kāyaṁ rūpe sadde
gandhe rase phoṭṭhabbe vatthuṁ ... Paccuppanne khandhe aniccato ...
Domanassaṁ uppajjati dibbena cakkhunā ... Dibbāya sotadhātuyā
saddaṁ suṇāti rūpāyatanaṁ cakkhuviññāṇassa phoṭṭhabbāyatanaṁ
kāyaviññāṇassa paccuppannā khandhā iddhividhañāṇassa āvajjanāya
ārammaṇapaccayena paccayo.

[1921] Atīto dhammo paccuppannassa dhammassa adhipatipaccayena
Paccayo. Ārammaṇādhipati: dānaṁ datvā sīlaṁ .pe. Pubbe
suciṇṇāni garuṁ katvā paccavekkhati jhānā vuṭṭhahitvā jhānaṁ garuṁ
katvā paccavekkhati ariyā maggā vuṭṭhahitvā maggaṁ garuṁ katvā
paccavekkhanti phalaṁ garuṁ katvā paccavekkhanti atītaṁ cakkhuṁ ... Kāyaṁ
rūpe sadde gandhe rase phoṭṭhabbe vatthuṁ ... Atīte khandhe garuṁ
katvā assādeti abhinandati taṁ garuṁ katvā rāgo uppajjati
diṭṭhi uppajjati.

[1922] Anāgato dhammo paccuppannassa dhammassa adhipatipaccayena
paccayo. Ārammaṇādhipati: anāgataṁ cakkhuṁ ... Vatthuṁ ...
Anāgate khandhe garuṁ katvā assādeti abhinandati taṁ garuṁ katvā
rāgo uppajjati diṭṭhi uppajjati.

[1923] Paccuppanno dhammo paccuppannassa dhammassa adhipatipaccayena
paccayo ārammaṇādhipati sahajātādhipati. Ārammaṇādhipati:
paccuppannaṁ cakkhuṁ ... Vatthuṁ ... Paccuppanne khandhe garuṁ katvā
assādeti abhinandati taṁ garuṁ katvā rāgo uppajjati diṭṭhi
uppajjati. Sahajātādhipati: paccuppannādhipati sampayuttakānaṁ
khandhānaṁ cittasamuṭṭhānānañca rūpānaṁ adhipatipaccayena paccayo.