[1894] Uppādī dhammo uppannassa dhammassa adhipatipaccayena
paccayo. Ārammaṇādhipati: uppādiṁ cakkhuṁ ... Kāyaṁ rūpe ... Phoṭṭhabbe
vatthuṁ ... Uppādī khandhe garuṁ katvā assādeti abhinandati taṁ garuṁ
katvā rāgo uppajjati diṭṭhi uppajjati.

[1895] Uppanno dhammo uppannassa dhammassa sahajātapaccayena
paccayo uppanno eko khandho tiṇṇannaṁ khandhānaṁ cittasamuṭṭhānānañca
rūpānaṁ sahajātapaccayena paccayo dve khandhā dvinnaṁ
khandhānaṁ cittasamuṭṭhānānañca rūpānaṁ sahajātapaccayena paccayo
paṭisandhikkhaṇe uppanno eko khandho tiṇṇannaṁ khandhānaṁ kaṭattā ca
rūpānaṁ sahajātapaccayena paccayo dve khandhā dvinnaṁ khandhānaṁ kaṭattā ca
rūpānaṁ sahajātapaccayena paccayo khandhā vatthussa sahajātapaccayena
paccayo vatthu khandhānaṁ sahajātapaccayena paccayo ekaṁ mahābhūtaṁ
tiṇṇannaṁ mahābhūtānaṁ sahajātapaccayena paccayo dve mahābhūtā ...
Mahābhūtā cittasamuṭṭhānānaṁ rūpānaṁ upādārūpānaṁ sahajātapaccayena
paccayo bāhiraṁ ... Āhāra ... Utu ... Asaññasattānaṁ ekaṁ
mahābhūtaṁ ... Dve mahābhūtā ... Mahābhūtā kaṭattārūpānaṁ upādārūpānaṁ
sahajātapaccayena paccayo.

[1896] Uppanno dhammo uppannassa dhammassa aññamaññapaccayena
paccayo uppanno eko khandho tiṇṇannaṁ khandhānaṁ
aññamaññapaccayena paccayo dve khandhā ... Paṭisandhikkhaṇe
Uppanno eko khandho tiṇṇannaṁ khandhānaṁ vatthussa ca aññamaññapaccayena
paccayo dve khandhā ... Khandhā vatthussa aññamaññapaccayena
paccayo vatthu khandhānaṁ aññamaññapaccayena paccayo
ekaṁ mahābhūtaṁ ... Bāhiraṁ ... Āhāra ... Utu ... Asaññasattānaṁ ekaṁ
mahābhūtaṁ tiṇṇannaṁ mahābhūtānaṁ aññamaññapaccayena paccayo dve
mahābhūtā ....

[1897] Uppanno dhammo uppannassa dhammassa nissayapaccayena
paccayo uppanno eko khandho tiṇṇannaṁ khandhānaṁ cittasamuṭṭhānānañca
rūpānaṁ nissayapaccayena paccayo dve khandhā ...
Paṭisandhikkhaṇe khandhā vatthussa vatthu khandhānaṁ ekaṁ mahābhūtaṁ ...
Bāhiraṁ ... Āhāra ... Utu ... Asaññasattānaṁ ekaṁ mahābhūtaṁ ...
Mahābhūtā kaṭattārūpānaṁ upādārūpānaṁ cakkhāyatanaṁ cakkhuviññāṇassa
kāyāyatanaṁ kāyaviññāṇassa vatthu uppannānaṁ khandhānaṁ
nissayapaccayena paccayo.

[1898] Uppanno dhammo uppannassa dhammassa upanissayapaccayena
paccayo ārammaṇūpanissayo anantarūpanissayo pakatūpanissayo.
Pakatūpanissayo: uppannaṁ utuṁ upanissāya jhānaṁ uppādeti vipassanaṁ ...
Maggaṁ ... Abhiññaṁ ... Samāpattiṁ ... Mānaṁ jappeti diṭṭhiṁ gaṇhāti uppannaṁ
bhojanaṁ ... Senāsanaṁ upanissāya jhānaṁ uppādeti vipassanaṁ ... Maggaṁ ...
Abhiññaṁ ... Samāpattiṁ ... Mānaṁ jappeti diṭṭhiṁ gaṇhāti uppannaṁ
Utuṁ ... Bhojanaṁ ... Senāsanaṁ uppannāya saddhāya paññāya kāyikassa
sukhassa kāyikassa dukkhassa maggassa phalasamāpattiyā
upanissayapaccayena paccayo.

[1899] Anuppanno dhammo uppannassa dhammassa
upanissayapaccayena paccayo ārammaṇūpanissayo anantarūpanissayo
pakatūpanissayo. Pakatūpanissayo: anuppannaṁ vaṇṇasampadaṁ patthayamāno
dānaṁ deti sīlaṁ samādiyati uposathakammaṁ karoti anuppannaṁ
saddasampadaṁ ... Gandhasampadaṁ rasasampadaṁ phoṭṭhabbasampadaṁ ... Anuppanne
khandhe patthayamāno dānaṁ ... Sīlaṁ ... Uposathakammaṁ ... Anuppannā
vaṇṇasampadā ... Anuppannā khandhā uppannāya saddhāya paññāya
kāyikassa sukhassa kāyikassa dukkhassa maggassa phalasamāpattiyā
upanissayapaccayena paccayo.

[1900] Uppādī dhammo uppannassa dhammassa upanissayapaccayena
paccayo ārammaṇūpanissayo anantarūpanissayo pakatūpanissayo.
Pakatūpanissayo: uppādiṁ cakkhusampadaṁ patthayamāno dānaṁ ... Sīlaṁ ...
Uposathakammaṁ ... Uppādiṁ sotasampadaṁ ... Kāyasampadaṁ vaṇṇasampadaṁ gandhasampadaṁ
... Rasasampadaṁ ... Phoṭṭhabbasampadaṁ ... Uppādī khandhe patthayamāno
dānaṁ ... Sīlaṁ ... Uposathakammaṁ ... Uppādī cakkhusampadā ... Kāyasampadā
vaṇṇasampadā .pe. Phoṭṭhabbasampadā ... Uppādī khandhā uppannāya
saddhāya paññāya kāyikassa sukhassa kāyikassa dukkhassa maggassa
Phalasamāpattiyā upanissayapaccayena paccayo.

[1901] Uppanno dhammo uppannassa dhammassa purejātapaccayena
paccayo ārammaṇapurejātaṁ vatthupurejātaṁ. Ārammaṇapurejātaṁ:
cakkhuṁ ... Vatthuṁ aniccato dukkhato anattato vipassati assādeti
abhinandati taṁ ārabbha rāgo uppajjati domanassaṁ uppajjati
dibbena cakkhunā rūpaṁ ... Dibbāya sotadhātuyā saddaṁ suṇāti
rūpāyatanaṁ cakkhuviññāṇassa phoṭṭhabbāyatanaṁ kāyaviññāṇassa
purejātapaccayena paccayo. Vatthupurejātaṁ: cakkhāyatanaṁ cakkhuviññāṇassa
.pe. Vatthu uppannānaṁ khandhānaṁ purejātapaccayena paccayo.

[1902] Uppanno dhammo uppannassa dhammassa
pacchājātapaccayena paccayo. Pacchājātā: uppannā khandhā
purejātassa imassa kāyassa pacchājātapaccayena paccayo.

[1903] Uppanno dhammo uppannassa dhammassa kammapaccayena
paccayo uppannā cetanā sampayuttakānaṁ khandhānaṁ cittasamuṭṭhānānañca
rūpānaṁ kammapaccayena paccayo paṭisandhikkhaṇe uppannā cetanā
sampayuttakānaṁ khandhānaṁ kaṭattā ca rūpānaṁ kammapaccayena
paccayo.