[1884] Maggahetuko ca maggādhipati ca dhammā maggahetukassa ca
maggādhipatissa ca dhammassa sahajātapaccayena paccayo
upanissayapaccayena paccayo.

[1885] Nahetuyā ekavīsa nāarammaṇe sattarasa nāarammaṇe
gahite pakatārammaṇampi upanissayārammaṇampi dve chijjanti
Nādhipatiyā ekavīsa nānantare nasamanantare nasahajāte nāññamaññe
nanissaye naupanissaye napurejāte napacchājāte nāasevane nakamme
navipāke nāahāre naindriye najhāne namagge nasampayutte
navippayutte noatthiyā nonatthiyā novigate noavigate ekavīsa.
Evaṁ gaṇetabbaṁ.
Paccanīyaṁ.

[1886] Hetupaccayā nāarammaṇe sattarasa ... Nādhipatiyā
nānantare nasamanantare naupanissaye napurejāte napacchājāte
nāasevane nakamme navipāke nāahāre naindriye najhāne namagge
navippayutte nonatthiyā novigate sattarasa. Evaṁ gaṇetabbaṁ.
Anulomapaccanīyaṁ.

[1887] Nahetupaccayā ārammaṇe nava ... Adhipatiyā ekavīsa
anantare nava samanantare nava sahajāte sattarasa aññamaññe sattarasa nissaye
sattarasa upanissaye ekavīsa āsevane nava kamme sattarasa āhāre
sattarasa indriye jhāne magge sampayutte sattarasa atthiyā sattarasa
natthiyā nava vigate nava avigate sattarasa. Evaṁ gaṇetabbaṁ.
Paccanīyānulomaṁ.
Pañhāvāro niṭṭhito.
Maggārammaṇattikaṁ soḷasamaṁ
niṭṭhitaṁ
--------
Uppannattikaṁ
pañhāvāro

[1888] Uppanno dhammo uppannassa dhammassa hetupaccayena
paccayo uppannā hetū sampayuttakānaṁ khandhānaṁ cittasamuṭṭhānānañca
rūpānaṁ hetupaccayena paccayo paṭisandhikkhaṇe uppannā hetū
sampayuttakānaṁ khandhānaṁ kaṭattā ca rūpānaṁ hetupaccayena paccayo.

[1889] Uppanno dhammo uppannassa dhammassa ārammaṇapaccayena
paccayo uppannaṁ cakkhuṁ aniccato dukkhato anattato
vipassati assādeti abhinandati taṁ ārabbha rāgo uppajjati diṭṭhi
uppajjati vicikicchā ... Uddhaccaṁ ... Domanassaṁ ... Uppannaṁ sotaṁ ...
Ghānaṁ jivhaṁ kāyaṁ rūpe sadde gandhe rase phoṭṭhabbe vatthuṁ ... Uppanne
khandhe aniccato dukkhato anattato vipassati .pe. Domanassaṁ
uppajjati dibbena cakkhunā rūpaṁ passati dibbāya sotadhātuyā
saddaṁ suṇāti uppannā khandhā iddhividhañāṇassa āvajjanāya
ārammaṇapaccayena paccayo.

[1890] Anuppanno dhammo uppannassa dhammassa ārammaṇapaccayena
paccayo anuppanne rūpe ... Sadde gandhe rase phoṭṭhabbe ...
Anuppanne khandhe aniccato dukkhato anattato vipassati .pe.
Domanassaṁ uppajjati anuppannā khandhā iddhividhañāṇassa
cetopariyañāṇassa anāgataṁsañāṇassa āvajjanāya ārammaṇapaccayena
paccayo.

[1891] Uppādī dhammo uppannassa dhammassa ārammaṇapaccayena
paccayo uppādiṁ cakkhuṁ ... Kāyaṁ rūpe sadde gandhe rase phoṭṭhabbe
vatthuṁ ... Uppādī khandhe aniccato dukkhato anattato .pe. Domanassaṁ
uppajjati uppādī khandhā iddhividhañāṇassa ceto- .pe.
Āvajjanāya ārammaṇapaccayena paccayo.

[1892] Uppanno dhammo uppannassa dhammassa adhipatipaccayena
paccayo ārammaṇādhipati sahajātādhipati. Ārammaṇādhipati:
uppannaṁ cakkhuṁ garuṁ katvā assādeti abhinandati taṁ garuṁ katvā .pe.
Diṭṭhi uppajjati uppannaṁ sotaṁ ... Ghānaṁ jivhaṁ kāyaṁ rūpe sadde
gandhe rase phoṭṭhabbe vatthuṁ ... Uppanne khandhe garuṁ katvā
assādeti abhinandati taṁ garuṁ katvā rāgo uppajjati .pe.
Sahajātādhipati: uppannā adhipati sampayuttakānaṁ cittasamuṭṭhānānañca
rūpānaṁ adhipatipaccayena paccayo.

[1893] Anuppanno dhammo uppannassa dhammassa adhipatipaccayena
paccayo. Ārammaṇādhipati: anuppanne rūpe ... Sadde gandhe rase
phoṭṭhabbe ... Anuppanne khandhe garuṁ katvā assādeti abhinandati
taṁ garuṁ katvā rāgo uppajjati diṭṭhi uppajjati.