[1944] Nahetuyā tīṇi nāarammaṇe tīṇi nādhipatiyā
tīṇi nānantare tīṇi. Saṅkhittaṁ. Nasampayutte tīṇi navippayutte
tīṇi noatthiyā dve nonatthiyā tīṇi novigate
tīṇi noavigate dve. Evaṁ gaṇetabbaṁ.
Paccanīyaṁ.

[1945] Hetupaccayā nāarammaṇe ekaṁ ... Nādhipatiyā
nānantare nasamanantare nāññamaññe naupanissaye. Saṅkhittaṁ.
Nasampayutte navippayutte nonatthiyā novigate ekaṁ. Evaṁ
gaṇetabbaṁ.
Anulomapaccanīyaṁ.

[1946] Nahetupaccayā ārammaṇe tīṇi ... Adhipatiyā tīṇi
anantare samanantare sahajāte aññamaññe nissaye ekaṁ upanissaye
tīṇi purejāte ekaṁ pacchājāte āsevane ekaṁ. Saṅkhittaṁ. Kamme
dve vipāke ekaṁ imesu padesu ekaṁyeva avigate ekaṁ.
Evaṁ gaṇetabbaṁ.
Paccanīyānulomaṁ.
Pañhāvāro niṭṭhito.
Atītattikaṁ aṭṭhārasamaṁ
niṭṭhitaṁ
--------
Atītārammaṇattikaṁ
paṭiccavāro

[1947] Atītārammaṇaṁ dhammaṁ paṭicca atītārammaṇo dhammo
uppajjati hetupaccayā atītārammaṇaṁ ekaṁ khandhaṁ paṭicca tayo khandhā
dve khandhe paṭicca dve khandhā paṭisandhikkhaṇe atītārammaṇaṁ
ekaṁ khandhaṁ paṭicca tayo khandhā dve khandhe paṭicca dve khandhā.

[1948] Anāgatārammaṇaṁ dhammaṁ paṭicca anāgatārammaṇo
dhammo uppajjati hetupaccayā anāgatārammaṇaṁ ekaṁ khandhaṁ
paṭicca tayo khandhā dve khandhe ....

[1949] Paccuppannārammaṇaṁ dhammaṁ paṭicca paccuppannārammaṇo
dhammo uppajjati hetupaccayā paccuppannārammaṇaṁ
ekaṁ khandhaṁ paṭicca tayo khandhā dve khandhe ... Paṭisandhikkhaṇe
paccuppannārammaṇaṁ ekaṁ khandhaṁ paṭicca tayo khandhā dve khandhe ....

[1950] Atītārammaṇaṁ dhammaṁ paṭicca atītārammaṇo dhammo
uppajjati ārammaṇapaccayā adhipatipaccayā adhipatiyā paṭisandhi
natthi. Anantarapaccayā samanantarapaccayā sahajātapaccayā
aññamaññapaccayā nissayapaccayā upanissayapaccayā purejātapaccayā
āsevanapaccayā purejātepi āsevanepi paṭisandhi natthi. Kammapaccayā
Vipākapaccayā vipākaṁ atītārammaṇaṁ ekaṁ khandhaṁ ....
Tissopi pañhā paripuṇṇā pavatti paṭisandhi kātabbā.
Āhārapaccayā indriyapaccayā jhānapaccayā maggapaccayā sampayuttapaccayā
vippayuttapaccayā atthipaccayā natthipaccayā vigatapaccayā
avigatapaccayā.

[1951] Hetuyā tīṇi ārammaṇe tīṇi adhipatiyā tīṇi.
Saṅkhittaṁ. Sabbattha tīṇi vigate tīṇi avigate tīṇi. Evaṁ
gaṇetabbaṁ.
Anulomaṁ.

[1952] Atītārammaṇaṁ dhammaṁ paṭicca atītārammaṇo dhammo
uppajjati nahetupaccayā ahetukaṁ atītārammaṇaṁ ekaṁ khandhaṁ paṭicca
tayo khandhā dve khandhe ... Ahetukapaṭisandhikkhaṇe vicikicchāsahagate
uddhaccasahagate khandhe paṭicca vicikicchāsahagato uddhaccasahagato
moho.

[1953] Anāgatārammaṇaṁ dhammaṁ paṭicca anāgatārammaṇo dhammo
uppajjati nahetupaccayā ahetukaṁ anāgatārammaṇaṁ ekaṁ khandhaṁ
paṭicca tayo khandhā dve khandhe ... Vicikicchāsahagate uddhaccasahagate
khandhe paṭicca vicikicchāsahagato uddhaccasahagato moho.