[1974] Atītārammaṇo dhammo anāgatārammaṇassa dhammassa
ārammaṇapaccayena paccayo anāgataṁ viññāṇañcāyatanaṁ paccavekkhati
nevasaññānāsaññāyatanaṁ paccavekkhati atītārammaṇaṁ anāgataṁ
iddhividhañāṇaṁ paccavekkhati cetopariyañāṇaṁ ... Pubbenivāsānussatiñāṇaṁ ...
Yathākammūpagañāṇaṁ ... Atītārammaṇe anāgate khandhe
Aniccato ... Vipassati assādeti abhinandati taṁ ārabbha
anāgatārammaṇo rāgo uppajjati domanassaṁ uppajjati atītārammaṇā
anāgatā khandhā cetopariyañāṇassa anāgataṁsañāṇassa āvajjanāya
ārammaṇapaccayena paccayo.

[1975] Atītārammaṇo dhammo paccuppannārammaṇassa dhammassa
ārammaṇapaccayena paccayo cetopariyañāṇena atītārammaṇa-
paccuppannacittasamaṅgissa cittaṁ jānāti atītārammaṇā paccuppannā
khandhā cetopariyañāṇassa āvajjanāya ārammaṇapaccayena paccayo.

[1976] Anāgatārammaṇo dhammo anāgatārammaṇassa dhammassa
ārammaṇapaccayena paccayo anāgatārammaṇaṁ anāgataṁ iddhividhañāṇaṁ
paccavekkhati cetopariyañāṇaṁ ... Anāgataṁsañāṇaṁ ... Anāgatārammaṇe
anāgate khandhe aniccato ... Vipassati assādeti abhinandati taṁ
ārabbha anāgatārammaṇo rāgo ... Domanassaṁ uppajjati
anāgatārammaṇā anāgatā khandhā cetopariyañāṇassa anāgataṁsañāṇassa
āvajjanāya ārammaṇapaccayena paccayo.

[1977] Anāgatārammaṇo dhammo atītārammaṇassa dhammassa
ārammaṇapaccayena paccayo anāgatārammaṇaṁ atītaṁ iddhividhañāṇaṁ
paccavekkhati cetopariyañāṇaṁ ... Anāgataṁsañāṇaṁ ariyā anāgatārammaṇe
pahīne kilese paccavekkhanti vikkhambhite kilese paccavekkhanti
pubbe samudāciṇṇe ... Anāgatārammaṇe atīte khandhe aniccato ...
Vipassanti assādenti abhinnadanti taṁ ārabbha atītārammaṇo
rāgo uppajjati domanassaṁ uppajjati anāgatārammaṇā atītā
khandhā cetopariyañāṇassa pubbenivāsānussatiñāṇassa yathākammūpagañāṇassa
āvajjanāya ārammaṇapaccayena paccayo.

[1978] Anāgatārammaṇo dhammo paccuppannārammaṇassa
dhammassa ārammaṇapaccayena paccayo cetopariyañāṇena
anāgatārammaṇapaccuppannacittasamaṅgissa cittaṁ jānāti anāgatārammaṇā
paccuppannā khandhā cetopariyañāṇassa āvajjanāya ārammaṇapaccayena
paccayo.

[1979] Paccuppannārammaṇo dhammo paccuppannārammaṇassa
dhammassa ārammaṇapaccayena paccayo cetopariyañāṇena
paccuppannārammaṇapaccuppannacittasamaṅgissa cittaṁ jānāti paccuppannārammaṇā
paccuppannā khandhā cetopariyañāṇassa āvajjanāya
ārammaṇapaccayena paccayo.

[1980] Paccuppannārammaṇo dhammo atītārammaṇassa dhammassa
ārammaṇapaccayena paccayo atītaṁ dibbaṁ cakkhuṁ paccavekkhati dibbaṁ
sotadhātuṁ paccavekkhati paccupannārammaṇaṁ atītaṁ iddhividhañāṇaṁ paccavekkhati
cetopariyañāṇaṁ ... Ariyā paccuppannārammaṇe pahīne
kilese paccavekkhanti vikkhambhite kilese ... Pubbe samudāciṇṇe ...
Paccuppannārammaṇe atīte khandhe aniccato ... Vipassanti assādenti
Abhinandanti taṁ ārabbha atītārammaṇo rāgo ... Domanassaṁ
uppajjati paccuppannārammaṇā atītā khandhā cetopariyañāṇassa
pubbenivāsānussatiñāṇassa yathākammūpagañāṇassa āvajjanāya
ārammaṇapaccayena paccayo.

[1981] Paccuppannārammaṇo dhammo anāgatārammaṇassa dhammassa
ārammaṇapaccayena paccayo anāgataṁ dibbaṁ cakkhuṁ paccavekkhati
dibbaṁ sotadhātuṁ paccavekkhati paccuppannārammaṇaṁ anāgataṁ iddhividhañāṇaṁ
paccavekkhati cetopariyañāṇaṁ ... Paccuppannārammaṇe
anāgate khandhe aniccato ... Vipassati .pe. Taṁ ārabbha anāgatārammaṇo
rāgo ... Domanassaṁ uppajjati paccuppannārammaṇā anāgatā khandhā
cetopariyañāṇassa anāgataṁsañāṇassa āvajjanāya ārammaṇapaccayena
paccayo.

[1982] Atītārammaṇo dhammo atītārammaṇassa dhammassa
adhipatipaccayena paccayo ārammaṇādhipati sahajātādhipati.
Ārammaṇādhipati: atītaṁ viññāṇañcāyatanaṁ garuṁ katvā paccavekkhati
nevasaññānāsaññāyatanaṁ garuṁ katvā paccavekkhati atītārammaṇaṁ
atītaṁ iddhividhañāṇaṁ garuṁ katvā paccavekkhati cetopariyañāṇaṁ ...
Pubbenivāsānussatiñāṇaṁ ... Yathākammūpagañāṇaṁ garuṁ katvā paccavekkhati
atītārammaṇe atīte khandhe garuṁ katvā paccavekkhati ... Assādeti
abhinandati taṁ garuṁ katvā atītārammaṇo rāgo uppajjati diṭṭhi
Uppajjati. Sahajātādhipati: atītārammaṇādhipati sampayuttakānaṁ
khandhānaṁ adhipatipaccayena paccayo.

[1983] Atītārammaṇo dhammo anāgatārammaṇassa dhammassa
adhipatipaccayena paccayo. Ārammaṇādhipati: anāgataṁ viññāṇañcāyatanaṁ
garuṁ katvā ... Nevasaññānāsaññāyatanaṁ ... Atītārammaṇaṁ
anāgataṁ iddhividhañāṇaṁ garuṁ katvā ... Cetopariyañāṇaṁ ... Pubbenivāsā-
nussatiñāṇaṁ ... Yathākammūpagañāṇaṁ ... Atītārammaṇe anāgate khandhe garuṁ
katvā assādeti abhinandati taṁ garuṁ katvā anāgatārammaṇo
rāgo uppajjati diṭṭhi uppajjati.