พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Abhidhammapiṭake paṭṭhānaṁ dutiyo bhāgo (เล่ม 41)

[1984] Anāgatārammaṇo dhammo anāgatārammaṇassa dhammassa
adhipatipaccayena paccayo ārammaṇādhipati sahajātādhipati.
Ārammaṇādhipati: anāgatārammaṇaṁ anāgataṁ iddhividhañāṇaṁ garuṁ katvā ...
Cetopariyañāṇaṁ ... Anāgataṁsañāṇaṁ garuṁ katvā paccavekkhati
anāgatārammaṇe anāgate khandhe garuṁ katvā assādeti abhinandati
taṁ garuṁ katvā anāgatārammaṇo rāgo uppajjati diṭṭhi uppajjati.
Sahajātādhipati: anāgatārammaṇādhipati sampayuttakānaṁ khandhānaṁ
adhipatipaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1985] Anāgatārammaṇo dhammo atītārammaṇassa dhammassa
adhipatipaccayena paccayo ārammaṇādhipati sahajātādhipati.
Ārammaṇādhipati: anāgatārammaṇaṁ atītaṁ iddhividhañāṇaṁ garuṁ katvā ...
Cetopariyañāṇaṁ ... Anāgataṁsañāṇaṁ garuṁ katvā ... Anāgatārammaṇe
atīte khandhe garuṁ katvā assādeti abhinandati taṁ garuṁ katvā
atītārammaṇo rāgo uppajjati diṭṭhi uppajjati.

Abhidhammapiṭake paṭṭhānaṁ dutiyo bhāgo (เล่ม 41)

[1986] Paccuppannārammaṇo dhammo paccuppannārammaṇassa
dhammassa adhipatipaccayena paccayo. Sahajātādhipati: paccuppannārammaṇādhipati
sampayuttakānaṁ khandhānaṁ adhipatipaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1987] Paccuppannārammaṇo dhammo atītārammaṇassa dhammassa
adhipatipaccayena paccayo. Ārammaṇādhipati: atītaṁ dibbaṁ cakkhuṁ
garuṁ katvā paccavekkhati dibbaṁ sotadhātuṁ garuṁ katvā paccavekkhati
paccuppannārammaṇaṁ atītaṁ iddhividhañāṇaṁ garuṁ katvā ... Cetopariyañāṇaṁ
garuṁ katvā ... Paccuppannārammaṇe atīte khandhe garuṁ katvā assādeti
abhinandati taṁ garuṁ katvā atītārammaṇo rāgo uppajjati diṭṭhi
uppajjati.

Abhidhammapiṭake paṭṭhānaṁ dutiyo bhāgo (เล่ม 41)

[1988] Paccuppannārammaṇo dhammo anāgatārammaṇassa
dhammassa adhipatipaccayena paccayo. Ārammaṇādhipati: anāgataṁ dibbaṁ
cakkhuṁ garuṁ katvā paccavekkhati dibbaṁ sotadhātuṁ garuṁ katvā ...
Paccuppannārammaṇaṁ anāgataṁ iddhividhañāṇaṁ garuṁ katvā paccuppannārammaṇe
anāgate khandhe garuṁ katvā assādeti abhinandati taṁ
garuṁ katvā anāgatārammaṇo rāgo uppajjati diṭṭhi uppajjati.

Abhidhammapiṭake paṭṭhānaṁ dutiyo bhāgo (เล่ม 41)

[1989] Atītārammaṇo dhammo atītārammaṇassa dhammassa anantarapaccayena
Paccayo purimā purimā atītārammaṇā khandhā pacchimānaṁ
pacchimānaṁ atītārammaṇānaṁ khandhānaṁ anantarapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1990] Atītārammaṇo dhammo anāgatārammaṇassa dhammassa
anantarapaccayena paccayo atītārammaṇaṁ bhavaṅgaṁ anāgatārammaṇāya
āvajjanāya anantarapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1991] Atītārammaṇo dhammo paccuppannārammaṇassa dhammassa
anantarapaccayena paccayo atītārammaṇaṁ cuticittaṁ paccuppannārammaṇassa
paṭisandhicittassa anantarapaccayena paccayo
atītārammaṇaṁ bhavaṅgaṁ paccuppannārammaṇāya āvajjanāya
anantarapaccayena paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1992] Anāgatārammaṇo dhammo anāgatārammaṇassa dhammassa
anantarapaccayena paccayo purimā purimā anāgatārammaṇā khandhā
pacchimānaṁ pacchimānaṁ anāgatārammaṇānaṁ khandhānaṁ anantarapaccayena
paccayo.

Abhidhammapiṭake paṭṭhānaṁ dutiyo bhāgo (เล่ม 41)

[1993] Anāgatārammaṇo dhammo atītārammaṇassa dhammassa
anantarapaccayena paccayo anāgatārammaṇaṁ iddhividhañāṇaṁ
atītārammaṇassa vuṭṭhānassa cetopariyañāṇaṁ atītārammaṇassa
vuṭṭhānassa anāgataṁsañāṇaṁ atītārammaṇassa vuṭṭhānassa anāgatārammaṇā
khandhā atītārammaṇassa vuṭṭhānassa anantarapaccayena paccayo.