[155] Tena kho pana samayena bhikkhū sakkharikāyapi madhusitthakenapi
nāsikālomaṁ gāhāpenti. Nāsikā dukkhā honti .pe. Anujānāmi
bhikkhave saṇḍāsanti.

[156] Tena kho pana samayena chabbaggiyā bhikkhū palitaṁ
Gāhāpenti. Manussā ujjhāyanti khīyanti vipācenti .pe. Seyyathāpi
gihī kāmabhoginoti .pe. Bhagavato etamatthaṁ ārocesuṁ .pe. Na
bhikkhave palitaṁ gāhāpetabbaṁ yo gāhāpeyya āpatti dukkaṭassāti.

[157] Tena kho pana samayena aññatarassa bhikkhuno kaṇṇagūthakehi
kaṇṇā thakitā honti .pe. Bhagavato etamatthaṁ ārocesuṁ
.pe. Anujānāmi bhikkhave kaṇṇamalaharaṇinti.

[158] Tena kho pana samayena chabbaggiyā bhikkhū uccāvacā
kaṇṇamalaharaṇiyo dhārenti sovaṇṇamayaṁ rūpiyamayaṁ. Manussā
ujjhāyanti khīyanti vipācenti .pe. Seyyathāpi gihī kāmabhoginoti
.pe. Bhagavato etamatthaṁ ārocesuṁ .pe. Na bhikkhave uccāvacā
kaṇṇamalaharaṇiyo dhāretabbā yo dhāreyya āpatti dukkaṭassa
anujānāmi bhikkhave kaṇṇamalaharaṇiyo 1 aṭṭhimayaṁ dantamayaṁ
visāṇamayaṁ naḷamayaṁ veḷumayaṁ kaṭṭhamayaṁ jatumayaṁ phalamayaṁ lohamayaṁ
saṅkhanābhimayanti.

[159] Tena kho pana samayena chabbaggiyā bhikkhū bahuṁ
lohabhaṇḍaṁ kaṁsabhaṇḍaṁ sannicayaṁ karonti. Manussā vihāracārikaṁ
āhiṇḍantā passitvā ujjhāyanti khīyanti vipācenti kathaṁ hi
nāma samaṇā sakyaputtiyā bahuṁ lohabhaṇḍaṁ kaṁsabhaṇḍaṁ sannicayaṁ
1 Ma. Yu. potthakesu ayaṁ kaṇṇamalaharaṇiyoti pāṭho na dissati.
Karissanti seyyathāpi kaṁsapattharikāti .pe. Bhagavato etamatthaṁ
ārocesuṁ .pe. Na bhikkhave lohabhaṇḍaṁ kaṁsabhaṇḍaṁ sannicayo
kātabbo yo kareyya āpatti dukkaṭassāti.

[160] Tena kho pana samayena bhikkhū añjanimpi añjanisalākampi
kaṇṇamalaharaṇimpi bandhanamattaṁ kukkuccāyanti. Bhagavato etamatthaṁ
ārocesuṁ .pe. Anujānāmi bhikkhave añjaniṁ añjanisalākaṁ kaṇṇamalaharaṇiṁ
bandhanamattanti.

[161] Tena kho pana samayena chabbaggiyā bhikkhū saṅghāṭipallatthikāya
nisīdanti. Saṅghāṭiyā pattā lujjanti. Bhagavato
etamatthaṁ ārocesuṁ .pe. Na bhikkhave saṅghāṭipallatthikāya
nisīditabbaṁ yo nisīdeyya āpatti dukkaṭassāti.

[162] Tena kho pana samayena aññataro bhikkhu gilāno
hoti. Tassa vinā āyogā 1 na phāsu hoti .pe. Bhagavato
etamatthaṁ ārocesuṁ .pe. Anujānāmi bhikkhave āyoganti.
Athakho bhikkhūnaṁ etadahosi kathaṁ nu kho āyogo veditabboti 2 .
Bhagavato etamatthaṁ ārocesuṁ .pe. Anujānāmi bhikkhave tantakaṁ
vemakaṁ vaṭaṁ salākaṁ sabbaṁ tantabhaṇḍakanti.

[163] Tena kho pana samayena aññataro bhikkhu akāyabandhano
gāmaṁ piṇḍāya pāvisi. Tassa rathiyā 3 antaravāsako pabhassittha.
1 Ma. Yu. āyogena. 2 Ma. Yu. kātabboti. 3 Ma. Yu. rathiyāya.
Manussā passitvā 1 ukkuṭṭhimakaṁsu. So bhikkhu maṅku ahosi.
Athakho so bhikkhu ārāmaṁ gantvā bhikkhūnaṁ etamatthaṁ ārocesi.
Bhikkhū bhagavato etamatthaṁ ārocesuṁ .pe. Na bhikkhave akāyabandhanena
gāmo pavisitabbo yo paviseyya āpatti dukkaṭassa anujānāmi
bhikkhave kāyabandhananti.

[164] Tena kho pana samayena chabbaggiyā bhikkhū uccāvacāni
kāyabandhanāni dhārenti kalābukaṁ deḍḍubhakaṁ 2 murajjaṁ maddaviṇaṁ 3 .
Manussā ujjhāyanti khīyanti vipācenti .pe. Seyyathāpi gihī
kāmabhoginoti .pe. Bhagavato etamatthaṁ ārocesuṁ .pe. Na
bhikkhave uccāvacāni kāyabandhanāni dhāretabbāni kalābukaṁ deḍḍubhakaṁ
murajjaṁ maddaviṇaṁ yo dhāreyya āpatti dukkaṭassa anujānāmi
bhikkhave dve kāyabandhanāni paṭṭikaṁ sūkarantakanti .pe.
Kāyabandhanassa dasā jiranti 4 .pe. Anujānāmi bhikkhave murajjaṁ
maddaviṇanti 3 . Kāyabandhanassa anto jirati 4 .pe. Anujānāmi
bhikkhave sobhakaṁ gaṇakanti 5 . Kāyabandhanassa pavananto jirati .pe.
Anujānāmi bhikkhave vithanti 6 .